ஈழத் தமிழர் விடுதலைக்கான நெடுந்தூர நடைபயணத்தின் 38,39வது நாள் நிகழ்வுகள்!

ஈழத் தமிழர் விடுதலைக்கான நெடுந்தூர நடைபயணத்தின் 38வது நாளான 22-02-2011 செவ்வாய்கிழமை காலை 07:00 மணியளவில் நடைபயண வீரர்கள் சியோனி என்ற இடத்தை நோக்கி நடக்க ஆரம்பித்தனர். இதேவேளை, விபத்தில் காயமடைந்த திரு. ரஞ்சித் அவர்களை அனுமதித்திருந்த மருத்துவமனையில் சரியான முறையில் சிகிச்சை அளிக்கப்படவில்லை என்று ரஞ்சித் அவர்கள் தெரிவித்ததாலும், மேலும் நடைபயண வீரர்கள் அனைவரும் நாக்பூர் மாநகரை கடந்து செல்வதாலும், திரு. ரஞ்சித் அவர்களை அங்கிருந்து சென்னைக்கு மாற்ற வேண்டும் என்று முடிவெடுத்து டெல்லியில் இருக்கும் அவரது சகோதரனையும் வரவழைத்தனர்.

நாக்பூர் மருத்துவமனையில் திரு. ரஞ்சித் அவர்களுக்கு ரூ.80,000 செலவு செய்யப்பட்டது. அவருக்கான மருத்துவச் செலவை உயர்திரு. மருத்துவர். மோகன் அவர்கள் ஏற்றுக்கொண்டிருந்தார். மேற்கொண்டும் சிகிச்சைக்குத் தேவையானதை ஏற்றுக்கொள்வதாக தெரிவித்தார். அங்கு சிகிச்சை சரியான முறையில் நடைபெறவில்லை என்று ரஞ்சித் அவர்கள் தகவல் தெரிவித்திருந்தார்.

மருத்துவர்.மோகன் அவர்களிடம் கலுந்துரையாடப்பட்டது. ரஞ்சித் அவர்கள் கேட்டுக்கொண்டதாலும், நடைபயணவீரர்கள் நாக்பூர் மாநகரத்தை கடந்து சென்றதாலும், ரஞ்சித் அவர்களை சென்னைக்கு மாற்ற முடிவெடுத்தனர். ரஞ்சித் அவர்களுக்கு கழுத்து எலும்பில் முறிவு எற்பட்டுள்ளது.

38வது நாளான செவ்வாய்கிழமை நடைபயண வீரர்கள் 41கிலோ மீற்றர் தூரத்தைக் கடந்திருந்தனர்.

நடைபயணத்தின் 39வது நாளான இன்று 23-02-2011 புதன் கிழமை காலை 02:00 மணிக்கு திரு. ரஞ்சித் அவர்களையும் அவரது சகோதரரையும் சென்னை புகையிரத வண்டியில் ஏற்றி சென்னைக்கு அனுப்பி வைத்தனர்.

நடைபயண வீரர்கள் முகாம் அமைத்த இடத்திலிருந்து காலை 08:00 மணிக்கு நடைபயணத்தை ஆரம்பித்தனர். இன்று பனிமூட்டம் அதிகமாக இருந்ததால் தாமதமாகவே நடக்க ஆரம்பித்தனர்.

பனிமூட்டத்தின் காரணமாக நடைபயண வீரர்கள் மாலை 06:00 மணிக்கு “குரை” என்ற இடத்தில் இரவு முகாம் அமைத்தனர். அதாவது நாக்பூர் மாநகரத்திலிருந்து 100வது கிலோ மீற்றர் தூரத்தில் தங்கினர். இன்று நடைபயண வீரர்கள் 30 கிலோ மீற்றர் தூரத்தைக் கடந்தனர். இன்னும் கடக்க வேண்டிய தூரம் 903 கிலோ மீற்றர் தூரம் மட்டுமே!

இரவு 09:30 மணியளவில் சென்னை எழும்பூர் இரயில் நிலையத்திற்கு திரு.ரஞ்சித் அவர்களும் அவரது சகோதரரும் வந்து சேர்ந்தனர். அவரை வரவேற்க அவரது தந்தை மற்றும் உறவினர்கள் ஈரோட்டிலிருந்து வந்திருந்தனர். நடைபயணக்குழுவின் தலைவர் திரு. மங்களராஜா அவர்களும், திரு. கனடா பாலன் அவர்களும் மற்றும் திரு. தேவராஜா (மத்தியக்குழு உறுப்பினர், ஈ.என்.டி.எல்.எப்.) அவர்களும் சென்றிருந்தனர்.

அவர்களது தந்தையும் உறவினர்களும் எனது மகனை ஈரோடு அனுப்பிவைத்து விடுங்கள் அங்கே நாங்கள் பார்த்துக்கொள்கிறோம். கழுத்து எலும்பு முறிவுதானே ஈரோடு என்றால் ரஞ்சித்துக்கும் ஒரு ஆறுதலாக இருக்கும் அங்கே குணமாக்கிவிடலாம் எல்லாவற்றையும் நாங்களே பார்த்துக்கொள்கிறோம் என்றனர்.

ரஞ்சித் அவர்களின் உறவினர்களின் முடிவை ஈழ தேசிய ஜனநாயக விடுதலை முன்னணியின் தலைவர் ஞா.ஞானசேகரன் அவர்களுக்கு தெரிவிக்கப்பட்டது. அவர் அதனை ஏற்றுக்கொண்டார். அதன்பிறகு சென்னை மத்திய இரயில் நிலையத்திற்குச் சென்று ஈரோடு இரயிலில் திரு.ரஞ்சித் அவர்களும் அவரது உறவினர்களும் அனுப்பிவைக்கப்பட்டனர்.

திரு.ரஞ்சித் அவர்களின் மருத்துவச் செலவை ஏற்றுக்கொண்ட உயர்திரு. மருத்துவர்.மோகன் அவர்களுக்கு ஈழ தேசிய ஜனநாயக விடுதலை முன்னணி சார்பாகவும் நடைபயண தலைமைக்குழு சார்பாகவும் நன்றியை தெரிவித்துக்கொள்கிறோம்.

இவ்வண்ணம்

ஈழ தேசிய ஜனநாயக விடுதலை முன்னணி

(ஈ.என்.டி.எல்.எப்.)