இதய அஞ்சலி

அறவழி போராட்டக் குழுவின் செயலாளரும், ஊடகவியலாளருமான எம்.கே. ஜீவகதாஸ் அவர்கள் 02;.02.2013 அன்று காலமானார். தென்மராட்சி மட்டுவில் கிராமத்தை பிறப்பிடமாகவும, வசிப்பிடமாகவும் கொண்ட ஜீவகதாஸ் அவர்கள் ஈழநாடு,, வீரகேசரி, Weekend Express,  தினக்குரல், வலம்புரி ஆகிய பத்திரிகைகளின் செய்தியாளராக பணிபுரிந்தவர். 1979 இல சமுதாய மறுமலர்ச்சியை இலக்காகக் கொண்டு அறவழி போராட்டக் குழு ஆரம்பிக்கப்பட்ட காலத்திலேயே அதன் பணிப்பாளர்களில் ஒருவராக பொறுப்பேற்று செயற்பட்டவர்.

தமிழர் பிரதேசங்களில் பொது அமைப்புக்கள் சுதந்திரமாக செயற்படுவதில் காணப்பட்ட நெருக்கடிகள், யுத்தக் கெடுபிடிகளுக்கு முகங்கொடுத்து அறவழிப்போராட்டக் குழுவின் பணிகளை தொடர்ச்சியாக முன்னெடுத்தவர்.  2000 ஆம் ஆண்டு தென்மராட்சியில் இடம்பெற்ற மோதலில் பலத்த சேதத்திற்குள்ளான அறவழி செயலகத்தை கனேடிய உலக பல்கலைக்கழக நிறுவனத்தின் உதவியுடன் புதிதாக நிர்மாணித்து மீண்டும் செயற்பட வைத்ததில் அவரது பங்கு அளப்பரியதாகும். அண்மைக்காலத்தில் பல நூற்றுக கணக்கான இளைஞர், யுவதிகள் இலவசமாக தொழிற் பயிற்சிகளை பெறுவதற்கும் சொந்தமாக தொழில் செய்வதற்கும் வழிசமைத்தவர். சுனாமியால் பாதிக்கப்பட்டவர்கள், யுத்தத்தால் இடம்பெயர்ந்தவரிகளிற்கு உதவிகளை வழங்கியதுடன்

பொருளாதார ரீதியில் பின்தகங்கியவர்கள்,, விதவைகள்; ஆகியோரின் வாழ்வாதாரத்திற்கும் உடல் உள ரீதியாக பாதிக்கப்பட்டவர்களை இனங்கண்டு உதவுவதிலும், வசதிகள் குறைந்த மாணவர்களின் கல்வி மேம்பாட்டுக்காகவும் அறவழிப் போராட்டக் குழு முன்னெடுத்த பல்வேறு லேலைத்திட்டங்களுக்கும் மூலகாரணமாயிருந்து செயற்படுத்தியவர். உள்ளுரிலும், வெளிநாடுகளிலும் வாழும் தனி நபர்கள், அமைப்புக்கள், இதர அரச சார்பற்ற நிறுவனங்களுடன் இணைந்து இந்தப் பணிகளை நிறைவேற்றுவதற்காக அயராது உழைத்தார்.

1970 களில் ஈழநாடு பத்திரிகையின் செய்தியாளராக ஊடகத்துறையில கால்பதித்த ஜீவகதாஸ் அவர்கள் தொடர்ந்து 1997 இல் வீரகேசரி பத்திரிகையின் தென்மராட்சி செய்தியாளராகவும் தொடர்ந்து அலுவலக செய்தியாளராகவும் பதவி வகித்தார். வீரகேசரி நிறுவனத்தின் ஆங்கில வெளியீடான றுநநமநனெ நுஒpசநளள பதிப்பிற்கும் எழுதிவந்தார். லம்புரி, தினகரன் ஆகிய பத்திரிகைகளில் செய்தியாளராக பணிபுரிந்ததுடன் வட இலங்கை பத்திரிகையாளர் சங்கத்தின் செயலாளராகவும் ஊடகததுறையில் தடம் பதித்தவர்.  நெருக்கடிகள் மிகுந்த காலகடடங்களில் பத்திரிகை துறையில் பணியாற்றிய ஒருவராயிருந்த போதும் அவர் ஒருபோதும் சார்புநிலை எடுத்து செய்திகளை வழங்காது, நிதானமாகச் செயற்பட்ட குறிப்பிட்டுச் சொல்லக் கூடிய பத்திரிகையாளர்களில் ஒருவராய் திகழ்ந்தார்.

2002 இற்கு பின்னர் பத்திரிகை துறையிலிருந்து முற்றாக ஒதுங்கி அறவழிப் போராட்டக் குழுவின் பணிகளில் முழுமையாக ஈடுபட்டார். சாதித்தும் காட்டினார். பலதுறை ஆற்றல் மிக்க ஒருவராக விளங்கியபோதும் பகட்டின்றி எளிமையாக வாழ்ந்தர். மிக நீண்டகாலம் காத்திரம் மிக்க சமூகப்பணிகளை; ஆற்றியிருந்த போதும் சுயவிளம்பரம் செய்துகொள்ளாது இலைமறைகாயாக இருந்து கருமமாற்றியவர்.

அவரோடு பழகிய நாட்களும், சேர்ந்து செயற்படக் கிடைத்த வாய்ப்புக்களும் பெறுமதிமிக்கவை அவரது இழப்பு அவரது குடும்பத்தினருக்கு மட்டுமல்லாது சமூகத்திற்கும் பாரிய இழப்பாகும். அவரது மறைவால்; துயருற்றிருக்கும் அனைவரின துயரத்திலும் பங்குகொள்வதோடு எமது இதய அஞ்சலியை உரித்தாக்குகின்றோம்.

நண்பர்கள்

பத்மநாபா ஈபிஆர்எல்எவ்