யுத்தம் தீவிரமடைந்த 90 களின் முற்பகுதியில் வவுனியாவில் தமிழ், சிங்கள மக்கள் வாழும் கிராமங்களில் வறிய மக்களின் நண்பனாக இன்ப துன்பங்களில் பங்கு கொண்டார். அரசு சார்பற்ற நிறுவனங்கள் மற்றும் ஈ.பி.ஆர்.எல்.எப் இன் உதவியுடன் ஏழை சிறார்களுக்கு பால்மா,பாடசாலை உபகரணங்கள் கிராமவாசிகளுக்கான மருந்து பொருட்களையும் உள்ளுர் பிக்குகளின் அணுசனையுடன் வழங்கியவர். இறுதிச்சடங்கு செய்ய முடியாத ஏழைகளுக்கு உதவிகளை செய்தவர். அந்த கெடுபிடியான காலத்தில் மக்களின் நண்பனாக வாழ்ந்தவர். கொழும்புக்கும் வவுனியாவுக்கும் இடையே ரயில்சேவை தடைபடாமல் இருந்தபடியால் அவர் தெற்கு-வடக்கிற்க்கு இடையே இடையறாது பயணத்தை மேற்கொண்டிருந்தார்.

சில மாதங்களுக்கு முன்னர்தான் அவரை புற்றுநோய் தாக்கியிருந்தது. தமது 63வது வயதில் அவர் மரணப்படுக்கையில் விழுவதற்கு காலம் அவரை நிர்ப்பந்தித்தது. காலஞ்சென்ற தோழர். எச்.என்.பெர்னாண்டோ தோழர்கள் ஜோ செனிவிரத்ன, ராம், முத்து, புல்சாரா, சிறில் காலகே,தயான், சிந்தன், பியால் இன்னும் பெயர் குறிப்பிடப்படாத தோழர்கள்; மாற்று அணியில் அங்கத்துவம் வகித்தார்கள். இம் மாற்று அணி தோழர் பத்மநாபா தலைமையிலான ஈ.பி.ஆர்.எல்.எப் இன் சகோதர அணியாகவும் இருந்தது. இதில் சில தோழர்கள் அவருடன் சிறை சித்திரவதைகளை அனுபவித்தார்கள்.

வரலாற்றின் ஒரு குறிப்பிட்ட காலத்தில் ஒன்றாக வாழ்ந்து ஒன்றாக எழிலார்ந்த கனவுகளுடன் வாழ்ந்தவர்கள் நாங்கள். தற்போதும் கனவுகள்தான் மிச்சம். பல சந்தர்ப்பங்களில் கனவான்களைத்தான் நினைவு வைத்திருக்கிறது. இத்தகைய மனிதர்கள் அநேகமாக நினைவு கூரப்படுவதில்லை. நாம் மனிதர்களாக வாழ்ந்து மறைந்தவர்களை என்றென்றும் நினைவுகூர கடமைப்பட்டவர்கள்.

அன்னாரின் இறுதிக் கிரியைகள் கொழும்புக்கு அண்மையில் உள்ள பண்டாரகமவில் 22-02-2015 அன்று நிகழ்ந்தன. அவருக்கு இரு பெண்பிள்ளைகளும் மனைவியும் இருக்கிறார்கள். அவருடைய சமூகப்பணிக்கு அவரது குடும்பம் உறவினர்கள் ஒத்துழைப்பு வழங்கினார்கள். அன்னாரின் மறைவையிட்டு பத்மநாபா ஈ.பி.ஆர்.எல்.எப், அவருடைய குடும்பத்தினர், தோழர்கள், நண்பர்களுடன் இணைந்து துயர் பகிர்ந்து கொள்கிறது.

எமது இதய அஞ்சலிகளை தெரிவித்துக் கொள்கிறோம்
பத்மநாபா ஈழ மக்கள் புரட்சிகர விடுதலை முன்னணி

(Pathmanabha EPRLF)

அமைதி சமாதானம் ஜனநாயகம்

www.sooddram.com