1983இல் இருந்த சம்பந்தன் அல்லவாம் இன்றிருக்கும் சம்பந்தன்

இதய சுத்தியுடன் உண்மை பேசி தமிழருக்காக குரல் கொடுத்தால் மட்டுமே இனிக் கூட்டு

தமிழ் தேசியக் கூட்டமைப்பினருக்கு தமிழர் விடுதலைக் கூட்டணியும் புளொட் அமைப்பும் நிபந்தனை அற்ற ஆதரவு வழங்கினாலும் தாம் தமிழரசுக் கட்சியினரை பல்லக்கில் வைத்து சுமப்பவர்களாகவே இருப்பதாக கூட்டணியின் செயலாளர் நாயகம் வீரசிங்கம் ஆனந்தசங்கரி தெரிவித்துள்ளார். தமிழரசுக் கட்சியின் பெயரால் மேற்கொள்ளப்படும் தவறுகளில் தமிழர் விடுதலைக் கூட்டணி தொடர்ந்தும் பங்கேற்க முடி யாது எனவும் ஆனந்தசங்கரி தெரிவித் துள்ளார். தமிழ் மக்களின் இன்றை நிலைமை முன்பொருபோதும் இல்லாத வாறு மோசமடைந்து வருவதாக தெரி வித்துள்ள ஆனந்தசங்கரி, தமிழ் தேசியக் கூட்ட மைப்பிற்கு எதிராக செயற்படும் நோக்கம் தமக்கில்லை எனவும் குறிப் பிட்டுள்ளார்.

1983ஆம் ஆண்டு பாராளுமன்றத்தின் கால எல்லை நீடிக்கப்பட்டபோது தன்னுடன் சம்பந்தன் உள்ளிட்ட தமிழர் விடுதலைக் கூட்டணியின் 18 பாராளுமன்ற உறுப்பினர்கள் தமது பதவிகளைத் துறந்ததாக தெரிவித்துள்ள ஆனந்தசங்கரி இந்த பாரம்பரியத்தை ஏன் இன்று சம்பந்தன் கடைப்பிடிக்கவில்லை எனவும் ஆனந்த சங்கரி கேள்வி எழுப்பியுள்ளார். சம்பந்தன் மூலமாகவோ வேறு ஒருவர் மூலமாகவோ சிறுபான்மையினருக்கு ஏற்புடைய ஒரு தீர்வைக் காண்பதே பிரதானமானது எனவும் துரோகி என தனக்கு வழங்கப்பட்டுள்ள கெளரவப் பட்டம் நீக்கப்பட்டு நிம்மதியாக இறக்க வேண்டும் என்பதே தனது அவா எனவும் குறிப் பிட்டிருக்கின்றார்.

இதய சுத்தியுடன் உண்மையைப் பேசி உழைப்பதற்கான முழு ஒற்றுமையை தமிழ் தேசியக் கூட்டமைப்பிற்கு தொடர்ந்தும் வழங்க தமிழர் விடுதலைக் கூட்டணி தயாராகவுள்ளது எனவும் அந்த அறிக்கையில் குறிப்பிட்டுள்ளது. நான் ஐம்பது (50) ஆண்டுகளுக்குமேல் அரசியலில் தீவிரமாக ஈடுபட்டுள்ளேன். நான் எவருக்குப் பின்னாலும் பதவிக்காக இரந்து சென்றதில்லை. நான் வகித்த அத்தனை பதவிகளும் என்னுடைய சொந்த முயற்சியால் எனக்குக் கிடைத் தவையாகும்.

நானொரு சட்டத்தரணியும், நொத்தாரிசும் என்பது பலருக்குத் தெரியாது. 1970ம் ஆண்டு பாராளுமன்றத்திற்கு தெரிவு செய்யப் பட்டவுடன் எனது சட்டத்தரணி தொழிலுக்கு முற்றுப்புள்ளி வைத்தவன். தமிழர் விடுதலைக் கூட்டணியை பாதுகாக்க குறிப்பாக எமது சில தலைவர்களின் மறைவிற்குப் பின்னர் எவ்வாறு செயற்பட்டுள்ளேன் என்பதை நீங்கள் அறிவீர்கள்.

நான் எவருக்கும் பரிகாசத்துக்குரிய வனாகவோ, முகஸ்துதி பாடுபவனாகவோ செயற்படவில்லை. இந்த நிமிடம்வரை கொள்கைவாதியாக வாழ்ந்தும், வாழ்ந்து கொண்டும் இருக்கின்றேன். இதனை நீங்கள் மறுக்கமாட்டீர்கள் என நம்புகின்றேன்.