சுயாட்சி உரிமையுடன் வாழவே இலங்கைத் தமிழ் மக்கள் விருப்பம் – சிபிஎம் சட்டமன்ற உறுப்பினர்கள்

இலங்கையில் வாழும் தமிழ் மக்களில் 95 சதவீதம் பேர் சுயாட்சி உரிமை பெற்று வேலைவாய்ப்புடன் அமைதியாக வாழவே விரும்புவதாக மண்டபம் முகாமில் தங்கியுள்ள மக்கள் கூறினர். அவர்களை சந்தித்த பிறகு மார்க் சிஸ்ட் கம்யூனிஸ்ட் கட்சியின் சட்டமன்ற உறுப்பினர்கள் ஏ.லாசர், இரா.அண்ணாதுரை ஆகியோர் இதை தெரிவித் தனர். முகாமிற்குள் நேரடியாக குறைகளை கேட்கச் சென்ற சட்டமன்ற உறுப்பினர்களுக்கு அனுமதி மறுத்த செயலையும் அவர்கள் கண்டித்தனர்.

வியாழனன்று மண்டபத் தில் உள்ள இலங்கைத் தமிழ் மக்கள் முகாமிற்கு சென்று விட்டு இராமநாதபுரத்தில் செய்தியாளர்களிடம் ஏ.லாசர் எம்எல்ஏ கூறியதாவது:-

மண்டபம் முகாமில் உள்ள 40 பேர் உள்ளிட்டு 140க்கும் மேற்பட்ட அகதிகள் 25 பேர் செல்லக்கூடிய படகில் ஆஸ்தி ரேலியா செல்ல முயற்சித்த போது கேரள காவல்துறை யினரால் கைது செய்யப்பட் டனர். இந்த அதிர்ச்சிகரமான சம்பவத்தைத் தொடர்ந்து, முகாமிற்கு வந்து கருத்தறிந்தும் நிலைமைகளை கண்டறிந்தும் அரசின் கவனத்திற்கு கொண்டு வர மார்க்சிஸ்ட் கம்யூனிஸ்ட் கட்சி தீர்மானித்தது.

மண்டபம் அகதிகள் முகா மிற்கு வந்து குறைகளைக் கேட்க மாவட்ட ஆட்சியரிடம் ஏற்கெனவே பேசி தகவல் தெரிவித்தோம். ஆட்சியரின் அழைப்பின்பேரில் இது குறித்து மீண்டும் வியாழக் கிழமை பேசியபோது, அகதி கள் மற்றும் மறுவாழ்வுத்துறை ஆணையரிடம் பேசி அனுமதி வாங்க வேண்டும் என ஆட்சி யர் தெரிவித்தார். சென்னையில் உள்ள ஆணையரிடம், ஆட்சி யரின் ஆலோசனைப்படி தொலைபேசி எண்ணில் பலமுறை தொடர்பு கொண்ட போதும் பேச இயலவில்லை. இந்நிலையில் முகாமிற்கு சென்ற எங்களை திடீரென தடுத்து நிறுத்தியது ஏற்புடை யதல்ல. கண்டனத்திற்குரியது.

இந்நிலையில் மண்டபம் முகாம் சென்று வெளியில் இருந்த இலங்கை தமிழ் மக்க ளின் கருத்தறிந்தோம். அவர் கள் முகாமில் இலவச அரிசி அனைவருக்கும் வழங்கப்படு கிறது. 16 கிலோ அரிசி 57 பைசாவுக்கு வழங்கப்படுகிறது. முகாமில் தற்போது 5 டாக்டர் மட்டுமே உள்ளனர். அல்ட்ரா என்ற தொண்டு நிறுவனம் சார் பாக வழங்கப்பட்ட ஆம்புலன்ஸ் தங்களுக்கு பயன்படுத்தப்பட வில்லை; மாறாக அதிகாரி களுக்கு பயன்படுவதாக அகதி கள் புகார் தெரிவித்தனர். வெளியிடங்களுக்கு செல்ல அனுமதிக்கப்படுவதில்லை என்பதுடன் இரவு நேரத்தில் திரும்பும்போது காவல்துறை கெடுபிடி அதிகமாக உள்ள தாக தெரிவித்தனர்.

மேலும் எல்டிடிஇ பிரச்ச னை இல்லாத நிலையில் பூர் வீகமான, சொந்த நாட்டிற்குச் சென்று வேலைவாய்ப்பு பெற்று வாழ விரும்புவதாக அகதிகள் தெரிவிக்கின்றனர். இலங்கையின் வன்னி பகுதியில் ரூ.1000 கோடி செலவில் மத்திய அரசு வீடுகட்ட வழங்கியதில் 850 வீடுகள் மட்டுமே கட்டப் பட்டுள்ளன. பல்லாயிரம் பேருக்கு வீடு இல்லை.

சமீபத்தில் கிளிநொச்சி பரந்தன் -குமரபுரம் பகுதியில் தமிழரின் வீட்டை அடகு வைத்துவிட்டு, திரும்பச் சென்று வீடு கேட்ட தமிழ் குடும்பத்தாரை சிங்கள காவல் துறை துணையோடு தாக்கி கொலை செய்ததாகவும், இலங் கை ஆட்சியாளர்கள் தமிழ் மக்களை சூழ்ச்சியுடன் பிரித் தாள நினைப்பதாக அகதிகள் தெரிவித்தனர்.

“தனிஈழம்” என்பது தமிழ கத்தில் அரசியல் காரணங் களுக்காக பேசப்படுவதாகவும், தற்போது எல்டிடிஇ போர் இல்லாத நிலையில் தனி ஈழம் என்ற பேச்சே எழவில்லை என்பதுடன் கல்வி, வேலை வாய்ப்பு பெற 95 சதவீத தமிழ் மக்கள், இங்கு இருப்பது போல் மத்தியில் கூட்டாட்சி; மாநிலத்தில் கூடுதல் சுயாட்சி உரிமை பெற்று வாழ விரும்பு வதாகவும் கருத்து தெரிவித் துள்ளனர்.

32 ஆண்டுகளுக்கு முன் னரே இலங்கையில் தமிழ் மக்க ளுக்கு கூடுதல் சுயாட்சி அதி காரம் வேண்டும் என்ற சிபிஎம் நிலைபாடு இப்போது பொருத் தமாக இருக்கிறது என்பதை நினைவு கூர்கிறோம். அகதிகள் முகாமில் 2011க்கு முன்னரே வழங்கப்பட்ட கேஸ் சிலிண் டர் இணைப்பு நிறுத்தப்பட் டுள்ளதாக தெரிகிறது. விபத் தில் மரணமடைந்த நேசப் பெருமாள் என்ற நபருக்கு வெறும் 2,500 ரூபாய் வழங்கப் பட்டுள்ளது.

இவ்வாறு ஏ.லாசர் தெரி வித்தார்.

இரா.அண்ணாதுரை எம் எல்ஏ, மாவட்டச் செயலாளர் ஏ.கோவிந்தசாமி, மாவட்ட செயற்குழு உறுப்பினர்கள் எம்.சிவாஜி, கே.கருணாகரன், என்.கலையரசன், தாலுகாச் செயலாளர் சி.ஆர்.செந்தில் வேல், எம்.ராஜ்குமார், கருப் பையா, செல்வராஜ், அந் தோணி பீட்டர், அசோக் உள் ளிட்டோர் பங்கேற்றனர்.