புலம் பெயர் தேசம் எங்கும் பத்மநாபா ஈபிஆர்எல்எவ் இன் தியாகிகள் தினம்(பிரித்தானியா)

பத்மநாபா ஈபிஆர்எல்எவ் ஏற்பாட்டில் லண்டனில் நேற்று (21.06.2014) தியாகிகள் தினம் அனுஷ்டிக்கப்பட்டது. தோழர் சிறாப் தலைமையில் இடம்பெற்ற தியாகிகள் தின வைபவத்தில் தோழர் ரவி வரவேற்புரை நிகழ்த்தினார். கனவு கண்ட தோழர்களே என்ற தலைப்பில் தோழர் ஸ்ரான்லி தான் எழுதிய கவிதை ஒன்றை வாசித்தார். வெளிநாடுகளில் கட்சிப் பணிகளில் ஈடுபட்டு மரணத்தைத் தழுவிக்கொண்ட தோழர்கள் தொடர்பாக தோழர் ரவி தயாரித்த ஒலி, ஒளி வடிவிலான விவரண சித்திரம் ஒன்று காட்சிப்படுத்தப்பட்டது. இதனைத் தொடர்ந்து கட்சிப் பத்திரிகையான கண்ணோட்டம் பத்திரிகையில் பிரசுரமான அபிமன்யு பதில்கள் என்ற கேள்வி பதில் பகுதி தொகுக்கப்பட்டு பதிப்பிக்கப்பட்டுள்ள அபிமன்யு பதில்கள் புத்தகம் வெளியிட்டு வைக்கப்பட்டது. புத்தகம் பற்றிய அறிமுக உரையை அரசியல், சமூக ஆய்வாளரும் செயற்பாட்டாளருமான சிவலிங்கம் நிகழ்த்தினார். தமிழீழ மக்கள் விடுதலைக் கழகத்தின் பிரதிநிதி தயா, ரெலோ பிரதிநிதி சாம் சம்பந்தன் தியாகிகள் தின நிகழ்வுகளில் கலந்துகொண்டு சிறப்பித்தனர்.

இதனையடுத்து 13வது திருத்தம் தொடர்பிலான கருத்தரங்கு இடம்பெற்றது. இந்தக் கருத்தரங்கிற்கு  “அபிமன்யு” சிவா அவர்கள் தலைமை ஏற்றிருந்தார். தமிழ் ரைம்ஸ் ஆசிரியர் இராசநாயகம், லண்டன் ரி.பி.சி இயக்குனர் ராம்ராஜ்,தமிழர் விடுதலைக் கூட்டணியின் பிரதிநிதி, முன்னாள் யாழ் மாநாகர சபை உறுப்பினர் அரவிந்தன், அரசியல் ஆய்வாளர். சமூக செயற்பாட்டாளர் சிவலிங்கம், சமூக செயற்பாட்டாளர் ராகவன் ஆகியோர் இந்த கருத்தரங்கில் பங்கெடுத்து கருத்துக்களை தெரிவித்தனர்.

இறுதியாக தியாகிகள் தின நிகழ்வுகளுக்குத் தலைமை தாங்கிய தோழர் சிறாப் தியாகிகள் தின நிகழ்வுகளில் கலந்துகொண்டு பங்களிப்ப நல்கிய அனைவருக்கும் நன்றி தெரிவித்ததுடன்  மறைந்த எமது தோழர்கள் எந்த இலட்சிய கனவுகளுடன் மறைந்தார்களோ அக்கனவுகளை நனவாக்க உறுதியுடன் செயற்ப்படுவோம் எனக்  கூறி தியாகிகள் தின நிகழ்வுகளை நிறைவு செய்தார். 

தோழர் ஸ்ரான்லியின் கவிதை:

கனவுகண்டதோழர்கள்.

கனவுகண்டதோழர்களின்
நினைவுநாள் இன்று.

சிட்டுக்குருவிகளாய்
பறந்துதிரியவேண்டிய
பதின் வயதிலும்,பக்குவப்பட்டவயதிலும்
விடுதலைவேள்வியில்
தம்மைஎரித்ததியாகச் சுடர்களை
மனிதநேயத்தின்
மொத்தஉருவம் மடிந்த
ஜூன் 19ல் நினைவுகூருகிறோம்.

அப்போதெல்லாம் யாரும்
சோசலிசக் கனவுகளோடு
ஈபிஆர் எல் எவ்வுக்குள்
நுழையவில்லை.

83க் கலவரம் தூண்டிய
மொழிவெறியும்,கொலைவெறியும்தான்
எல்லோரையும்போல்
எம் தோழர்களையும் இழுத்துவந்தது.
ஆகக்குறைந்தது
ஒருசிங்கள இராணுவத்தையாவது
சுட்டுவிட்டால் கடமைதீர்ந்தது
எனநினைத்துவந்தவர்களுக்கு, 

எதிரி இராணுவமல்ல
அந்தஏழைச் சிங்களவனை
மொழிவெறிபோதையூட்டிஅனுப்பிய
அரசுதான்,என்றஅடிப்படைஉண்மையை
தெளியவைத்ததுஈபிஆர்எல்எவ். 

தமிழீழத்தைஈழமாக்கி
மொழிவெறியைஎம்மிடமிருந்து
முளையிலேயேகிள்ளிஎறிந்தது
ஈபிஆர்எல்எவ்.

கார்ல்மாக்ஸ்,லெனின்,
சேகுவேரா,பிடல்,கோசிமின் போன்ற
சுpறந்தபுரட்சியாளர்களை
அறிமுகப்படுத்தி
சோசலிசத்தையும்,கம்யூனிசத்தையும்
மனிதநேயத்தையும் கற்றுத் தந்தது
ஈபிஆர்எல்எவ்.

படிக்கிறகாலத்தில்
பாசறைக்குள் நுழைந்தவர்களை
உலகஅறிவில்
பட்டதாரியாக்கியதுஈபிஆர்எல்எவ்.

தோழர்களோடுதோழராய்
ஒரேபாசறையில் தங்கி
ஒரேஉணவைஉண்டு
ஒரேபாயில் படுத்து
சோசலிசத்தைசொல்லில் அல்ல
செயலில் காட்டியவர்
எங்கள் தோழர் பத்மநாபா. 

கோடம்பாக்கத்தின் பெட்டிக்கடையில்
கடலைமிட்டாய்வாங்கிஉண்பதும்
கும்பகோணத்தின் வீதிகளில்
சைக்கிளில்சவாரிசெய்வதுமாய்
சாமானியரைப்போல்
வாழ்ந்தஒரு இயக்கத்தின் தலைவரை
இதற்குமுன் ஒருபோதும்
ஈழம் பாத்திருந்திருக்காது

முன்னர் தியாகிகளான
அத்தனைதோழர்களும்
தோழர் நாபாதலைமையில்
பாலும் தேனும் ஓடும்
ஒருசோசலிசஈழத்தைக்
கனவுகண்டபடியே
உயிரைவிட்டிருப்பார்கள்.

எங்கள் பகைவர்களல்ல
சகோதரர்களே
அந்தக் கனவுகளையெல்லாம்
குழி தோண்டிப் புதைத்துவிட்டு
தாமும் புதைந்துபோனார்கள்.

மன்னிக்கவேண்டும் தோழர்களே.
உங்களை  எங்கள்
நெஞ்சங்களில் சுமந்திருக்கிறோம்
ஆனால் உங்கள் கனவுகளை
நிறைவேற்றமுடியாத
கையறுநிலையினராய்!

எனினும் ஓர் நாள்
காலம் உங்கள் கனவுகளை
கட்டாயம் நனவாக்கும்.