இறையாண்மை ஈழத் தமிழருக்கும் உண்டு!

ஐ.நா.வின் மனித உரிமை ஆணையம் வாக்கெடுப்பின் மூலம் நிறைவேற்றிய தீர்மானம் உலக வரலாற்றின் முக்கிய திருப்பமாக அமைந்துள்ளது. பலமான இனம் பலவீனமான இனங்களை அழித்து, ஆதிக்கம் செலுத்தும் தன்மைக்கு தடுப்புச் சுவர் அமைக்க எடுக்கப்பட்ட நடவடிக்கையின் முதற்கட்டமாகவே நாம் இதனைப் பார்க்கிறோம், வரவேற்கிறோம். சிங்கள இனத்தவருக்கு இறையாண்மை பாதிக்கப்படும் என்று சில நாடுகள் கருத்துத் தெரிவிதுள்ளன. 'சிறிலங்கா' என்றால் அது சிங்கள இனத்தை மட்டுமே குறிப்படுவதாக எடுத்துக் கொள்ள வேண்டும். அப்படியாயின் தமிழ் இனத்துக்கு இறையாண்மை இல்லையா?

இந்த இறையாண்மை சிங்கள இனத்துக்கு எப்படி வந்து சேர்ந்தது? 1948 ஆம் ஆண்டு பிரித்தானிய அரசு வழங்கிவிட்டுப் போனதுதான் இந்த இறையாண்மையாகும். அதற்கு முன்னர் இலங்கை முழுவதிலும் எந்தவித இறையாண்மையும் சிங்கள இனத்துக்குக் கிடையாது.1948 ஆம் ஆண்டு முதல் தமிழ் இனத்தை பல்வேறு தரப்பாலும் நசுக்கி இறுதியாக 2009ல் மனித இனத்தின் அனைத்து உரிமைகளையும் மீறி தமிழ் இனத்தை அழித்ததற்குப் பெயர்தான் இறையாண்மையா?

சிறிலங்காவின் சிங்களப் பகுதிகளிலும் சிங்களப் பயங்கரவாதம் நடைபெற்றது. அங்கு பயங்கரவாதிகளைத் தேடித் தேடி அழித்தது சிங்கள அரசு, ஆனால் தமிழர் பகுதிகளில் மட்டும் பயங்கரவாதம் என்று கூறி மக்களை மந்தைகளாக விரட்டி ஓர் விட்டத்தினுள் நிறுத்தி தரைமார்க்கம், ஆகாயமார்க்கம், கடல்மார்க்கம் என்று சுற்றி வளைத்துத் தாக்கி எங்கள் இனத்தையே அழித்தனர். அங்கு நடைபெற்றது ஓர் இன அழிப்பே அல்லாமல் பயங்கரவாத ஒழிப்பு அல்ல என்பதை உலகத்துக்கு தெரியப்படுத்த வேண்டும்.

எங்கள் இனத்தின் மீது நடத்தப்பட்டது திட்டமிட்ட இன அழிப்புத்தான். இந்த இனி  அழிப்பு மனித குலத்தின் அனைத்து உரிமைகளையும் மீறிய செயல்தான். ஐக்கிய நாடுகள் சபை தோன்றிய காலம் தொட்டு இதுவரை எடுக்கப்பட்ட தீர்மானங்களில் மிகவும் பயனுடையதும், உலகின் வலுவான அரசுகள், இன ஒழிப்பு நடவடிக்கைகளை மெற்கொள்வதை தடுக்கும் முயற்சியை முன்னெடுத்ததன் மூலம் திருமதி. நவநீதம் பிள்ளை அவர்களுக்கும், மனித உரிமை ஆர்வாளருக்கும், பாதிப்புக்குள்ளான மக்களுக்கும் கிடைத்திருக்கும் மாபெரும் வெற்றியாகும்.

இவற்றின் மூலம் தமிழ் இனத்துக்கு நியாயம் கிடைக்க அனைவரும் ஒற்றுமையுடன் செயற்பட வேண்டும் என்று ஈழ தேசிய ஜனநாயக விடுதலை முன்னணி (ஈ.என்.டி.எல்.எப்.) கேட்டுக்கொள்கிறது.

இவ்வண்ணம்,
அரசியல் பிரிவு,
ஈழ தேசிய ஜனநாயக விடுதலை முன்னணி
(ஈ.என்.டி.எல்.எப்.)
28-03-2014