யாழ் பொதுநூலக உணவகத்தில் 09.03.2014 சர்வதேச பெண்கள் தின நிகழ்வு.

பெண்கள் விழிப்புணர்வு அரங்கத்தின் சர்வதேச பெண்கள் தின நிகழ்வு 09.03.2014 அன்று யாழ் பொது நூல் நிலைய உணவு விடுதியில் நிகழ்த்தப்பட்டது. யாழ்ப்பாணத்தின் சில கிராமங்களைச் சேர்ந்த பெண்களும் சமூக ஆர்வலர்களும் பங்கு பற்றினர்.

ஞானசக்தி உரை

103வது சர்வதேச மகளிர் தினத்தை முன்னிட்டு இங்கு கூடியிருக்கிறோம். இவ்வளவு சவால்களைத் தாண்டி பெண்கள் பல்வேறு துறைகளில் முன்னேறிய போதும் அடிப்படையில் பாரிய சமூக மாற்றங்கள் நிகழவில்லை. பெண்களை சமமாக நோக்கும் நிலை உருவாகவில்லை. அரசியல் ரீதியாக பெண்கள் ஒரு சில பொறுப்புக்களை வகித்தாலும் ஒட்டு மொத்தமாக 5 வீதம் கூட இல்லாதது வருந்த  தக்கது. அரசியலில் அவர்களது பிரதிநிதித்துவத்தைஅதிகரிக்காமல்             சமூக வளர்ச்சியையோ மாற்றங்களையோ அடைந்து விடமுடியாது. அவற்றை அடைவதற்கு எமது சமூக அமைப்பு முறையே தடையாக  இருக்கிறது. கிராமங்களில் பெண்கள் பொருளாதார ரீதியாக பின்தங்கியிருப்பதும் தம்மைச் சுற்றியிருக்கும் ஒடுக்குமுறைகளை அறியாதவர்களாக இருப்பதும் அவர்களுக்கு பின்னடைவாக இருக்கிறது.

பெண்கள் சிறுவர்கள் மீதான துஸ்பிரயோகம் -சடங்குகள் சம்பிருதாயங்கள்-மூடப்பழக்கவழக்கங்கள் போன்றவற்றில் விழிப்புணர்வு அவசியம். புங்குடுதீவைச் சேர்ந்த தணிகாம்பிகை உரையாற்றும் போது கிராமங்களில் மதுபாவனையால் பெண்கள் மன உடல் ரீதியாக பொருளாதார ரீதியாக பாதிக்கப்படுவதாக எடுத்துரைத்தார். அவர்களுக்கு சமூக பாதுகாப்பு இல்லாதததால் தற்கொலை போன்ற அனர்த்தங்களும் நிகழ்கின்றன.

பூம்புகாரைச் சேர்ந்த ரஞ்சனாதேவி உரையாற்றும்போது பெண்களுக்கான-சுயதொழில்கள் ஊக்குவிக்கப்படவேண்டியதன் அவசியத்தையும் பாதுகாப்பையும் வலியுறுத்தினார். உரும்பிராய் மாதர்சங்கத்தைச் சேர்ந்த புஸ்பமலர்  பெண்கள் விமானம் ஓட்டுவதிலிருந்து பல்வேறு துறைகளில் வளர்ச்சியடைந்த போதிலும் கிராமங்களில் போதியளவு தன்னம்பிக்கையும் விழிப்புணர்வும் ஏற்படுத்தப்படவேண்டும். உழைப்புக்கேற்பஊதியம் வழங்கப்படாமையையும் சுட்டிக்காட்டினார்.

கீரிமலை மாவை கலட்டியைச் சேர்ந்த அற்புதவதனி தங்கள் கிராமம் மீள் குடியேற்றப்பட்ட கிராமம் கிராமங்களில் சுயதொழில் -படித்தவர்களுக்கான வேலை வாய்ப்பு கல்வி ஊக்குவிக்கப்பட்டவேண்டும் என்பதையும் அரச சார்பற்ற நிறுவனங்களில் கிராமத்து மக்களின் உழைப்பைச் சுரண்டுவது ஏமாற்றுவது பற்றியும் இவற்றின் பிடியிலிருந்து விடுபடுவதற்கான மாற்று ஏற்பாடுகள் செய்யப்படவேண்டும் என்றும் வலியுறுத்தினார்.

கைதடி நவபுரத்தைச்சோந்த சுதர்மிளா பெண்களின் நிலை பற்றி கவிதை வாசித்தார்.

ஆசிரியர் வளர்மதி நுகர்வுக்கலாச்சாரம் -எளிமையான வாழ்வை வலியுறுத்தினார்.

பெண்களின் சொத்துரிமை பற்றியும் வலியுறுத்திப்  பேசினார்.

நுணாவில் அன்னை திரேசா மாதர் சங்கத்தைச் சேர்ந்த மலர் பெண்ணின் பெருமை பற்றி கவிதை வாசித்தார்

உரும்பிராய் மாதர் சங்கத்தைச் சேர்ந்த பெண்பிரதிநிதி ஒருவர் பேசும் போது அன்றாடம் நிகழும் பாலியல்வன்முறைகள் பற்றிக் குறிப்பிட்டதோடு தற்கொலை செய்வது இழிவு என்றும் பெண்கள் தன்னம்பிக்கை உள்ளவர்களாக இருக்கவேண்டும் என்றும் பேசினார்.

அன்றாடம் நிகழும் பாலியல்வன்முறை

கல்வயல் மாதர் சங்க பிரதிநிதி தனது உரையில் பெண்கள் ஏமாற்றப்படுவது கைத்தொலைபேசி மற்றும் முக நூல்களில் வரும் தொடர்புகளை வைத்து சடுதியாக முடிவெடுப்பது இதன் பாதக விளைவுகளைப்பபற்றிப் பேசினார்.

பொம்மை வெளியைச் சேர்ந்த பெண் எவ்வாறு இந்த யுத்தம் மற்றும் சமூக நிலைமைகளில் தன்னையும் தன்னைப்போன்ற பெண்கள் தலைமைதாங்கும் குடும்பங்களையும் எவ்வாறு பாதித்தது என்பது பற்றிக் குறிப்பிட்டார்.

சசி- தங்கராசா அவர்கள் உரையாற்றும் போது பெண்கள் தமத உரிமைகளை நிலைநாட்ட அவர்கள் முன்வரவேண்டும,; நாம் ஆதரவளிக்கத்தயாராக இருக்கிறோம் என்றார்.

நீண்டகாலம் வெளிநாட்டில் இருந்த ஹெலன் உரையாற்றும் போது தமது அனுபவத்தில் அங்கு யாரும் யாருக்கும் அடிமை என்றில்லை .

கும்பிடு போதுவது காலில் விழுவது அங்கு கிடையாது இங்கு அந்த நிலைமைகள் இருக்கின்றன. பெண்கள் பயமின்றி எதையும் துணிச்சலுடன் தட்டிக் கேட்கும் நிலைமை இருந்தால் சவால்களை எதிர் கொள்ளலாம்.

செய்யும் தொழிலில் பாகுபாடு இல்லை . இங்குதான் இவை நிலவுகின்றன .

சாராம்சம்

பெண்கள் துணிவுடன் நடந்து கொள்வது

உழைப்புக்கெற்ற ஊதியம்

பெண்களின் சொத்துரிமை

மதுபாவனையினால் ஏற்படும் தாக்கங்கள்

முகப்புத்தகம் கைத்தொலைபேசி பயன்படுத்துதலில் புத்தி பூர்வமான அணுகுமுறை

தன்னம்பிக்கை- தற்கொலை ஒரு இழிவு

வன்முறைகளுகக்கெதிராக போராடுதல், பெண்களின் பாதுகாப்பு

சுயதொழில் முயற்சிகளை கிராமப்பபுறங்களில் ஊக்குவித்தல்

பெண்கல்வி 

இடையறாத விழிப்புணர்வு என்பன வலியுறுத்தப்பட்டன.

-ஞானசக்தி-

பெண்கள் விழிப்புணர்வு அரங்கம்