இது வரை காலமும் வெறும் ஐந்தாம் தரம் மட்டுமே கல்வியை வழங்கி வந்த இப் பாடசாலையானது 2001ம் ஆண்டே தர முயர்த்தப்பட்டிருந்தது. அதன் காரணமாக காலா காலமாக கனிஷ்ட கல்வி மறுக்கப்பட்டு வந்த இப் பிரதேச தலித் மாணவர்கள் கடந்த சில ஆண்டுகளாக தரம் 11 வரை கல்வி கற்கும் வாய்ப்பை பெற்றனர். தலித் மாணவர்களின் இந்த வளர்ச்சி போக்கு இப் பிரதேசஆதிக்க சாதியினரிடத்தில் பெரும் பொறாமை தீயை ஏற்படுத்தி யிருந்தமையை நாம் அறிந்திருக்கின்றோம். இந்த பாடசாலையின் வளர்ச்சி மரமேறுதல், சிகையலங்காரம், மீன்பிடித்தல் போன்ற குலத் தொழில்களை மெது மெதுவாககை விட்டு வேறு தொழில்களை நாட இப்பிரதேச இளைஞர்களுக்கு கை கொடுத்து உதவியமை முக்கியமான தொன்றாகும்.

இந்த பின்னணிகளை விடுத்து தலித் மாணவர்கள் மீதான இக்கொடூரத்தின் காரண காரியங்களை அடையாளம் காண முடியாது என்பதை நாம் வலி யுறுத்த விரும்புகின்றோம்.
வெறும் சாதிய அடையாளங்களையும் ஆதிக்க திமிர்களையும் மட்டுமே கட்டிக்காக்கின்ற யாழ்ப்பாண கலாசாரத்தின் வரலாற்று தொடர்ச்சியில் தலித் மக்களை குறி வைத்து நடத்தப்படுகின்ற இது போன்ற தண்ணீர் சார்ந்த அட்டுழியங்கள்ஒன்றும்புதிதல்ல.
தலித்துகளின் தீட்டுகளை துடைக்க கிணறுகளையே இடித் தொழித்த சம்பவங்களும், யுத்தகால இடப் பெயர்வுகளின் போது தலித்துகள் பாவித்து விடக் கூடாதென்பதற்காக கிணறுகளுக்குள் மண்ணெண்ணெய் ஊற்றியும், இறந்த நாய்களையும் பூனைகளையும் கூட கிணறுகளுக்குள் வீசி விட்டும் சென்ற சாதிமான்களின் சாதனைகளையும் இவ்விடத்தில் தமிழ் பேசும் நல்லுலகுக்கு நினைவூட்ட விரும்புகின்றோம்.

தலித்துகளுக்காக உருவாக்கப் பட்டபாடசாலைகளையும் வாசிகசாலைகளையும் தீயிட்டு கொளுத்திதற் பெருமை கொண்ட யாழ்ப்பாண மண்ணில் எப்படி இந்த ஏழாலை ஸ்ரீ முருகன் வித்தியாலயம் போன்ற பாடசாலைகளின் வளர்ச்சிநிலைத்து நிற்க முடியும்? இந்த சமூக யதார்த்தங்கள்அனைத்தையும் மறைத்து தலித் மாணவர்கள் மீது திட்ட மிடப்பட்ட வகையில் நிகழ்த்தப்பட்ட இந்த ஆதிக்க சாதி வெறியாட்டத்துக்கு வெவ்வேறு காரணங்களை கற்பிக்க முனைகின்ற ஊடகங்கள்அனைத்தையும் நாம் வன்மையாக கண்டனம் செய்கின்றோம்.
அரசியல் போட்டியும் பழிவாங்கலுமே இந்த நாசகார செயலுக்கு காரணம் என உண்மைகளை ஆழ நோக்காமால் மேலெழுந்த வாரியாக இச் சம்பவத்தினை நாம் இலகுவாக கடந்து செல்ல முடியாது.

இந்த நச்சூட்டல் வெறித்தனத்தில் இருக்கின்ற ஆதிக்க சாதி மனோபாவத்தை மறைத்து அதனை பூசி மெழுகி திரிபுபடுத்தும் முனைப்புகள் ஆதிக்க சக்திகளை காப்பாற்றும் குள்ளத் தனங்களின் வெளிப்பாடுகள் ஆகும். இந்த நஞ்சூட்டல் வெறியாட்டம் அரசியல் போட்டி காரணமானதாகவோ, மாணவர்களுக்கு நீர் வழங்கும் பிரதேச சபையை பழி வாங்கும் முயற்சி என்பதாகவோ இருக்கலாம். அதுவே உண்மையானாலும் கூட குறித்த பிரதேச சபையின் கீழ் இருபதுக்கும் மேற்பட்ட பாடசாலைகள் இயங்குகின்ற வேளையில் ஏன் இந்த பாடசாலை தான் அதற்கான தெரிவாக வேண்டு என்கின்றகேள்வியை நாம் எழுப்ப முனைகிறோம்?
எந்த வொரு அரசியல் வாதி யாரொரு வரை யேனும் பழி வாங்கும் நோக்கில் இந்த செயலுக்கு உத்தரவிட்டிருந்தாலும் எந்த அடிப்படையில் தலித் மாணவர்களின் இந்தபாடசாலை தெரிவு செய்யப்பட்டது?

தமது அரசியல் பழி வாங்கலுக்கு மிக இலகுவான இலக்காக ஏழாலை ஸ்ரீ முருகன் வித்தியாலயம் தெரிவு செய்யப்பட்ட தன் அடிப்படை என்ன? என்கின்ற கேள்விகளுக்கு யாரிடம் விடையுண்டு? அதுவே சாதியத்தின் கொடூரம். கேட்பார் பார்ப்பார் இன்றி நாதியற்று கிடக்கும் தலித் சமுகம் மேட்டுக் குடிகளின் அரசியல் காய் நகர்த்தலுக்கு பலிக்கடாக்கள் ஆக்கப்பட்டிருக்கின்றது என்பதை யாரும் மறுக்க முடியாது. யுத்தகால இன முரண்பாடுகளுக்கு மத்தியில் இரண்டாம் பட்சமாக்கப்பட்டு கிடந்த ஆதிக்க சாதி வெறித்தனங்கள் இப்போது மீண்டும் அரங்கேறி வருவதனை இச் சந்தர்ப்பத்தில் நாம் கோடிட்டுக் காட்ட விரும்புகின்றோம்.

யுத்தத்துக்கு பின்னரான காலத்தில் வட மாகாண மெங்கும் இடம் பெற்று வருகின்ற இளைஞர், யுவதிகளின் தற் கொலைகளிலும் புது மண தம்பதிகளின் வேகமான விவாக ரத்துகளிலும் கோஸ்டி சண்டைகளிலும் அதிகளவில் சாதிய கொடுமைகளே கூடிய தாக்கம் செலுத்தி வருவதை நாம்புறம் தள்ளிவிட முடியாது. குறிப்பாக வட மாகாண சபையின் சைவ வேளாள ஆட்சி உருவானதன் பின்னர் மரபு, கலாசாரம், பண்பாடு போன்றவற்றின் பெயரில் நல்லூர் ஆறுமுகம் வழி வந்த சாதிய கட்டுமானங்கள் உத்வேகம் பெற்று வருவதன் வெளிப்பாடுகளே இது வென நாம் அஞ்சுகின்றோம்.

எனவே இந்த “தலித் கூட்டுப் படுகொலை சதி”யை மிக வன்மையாக கண்டிப்பதோடு இந்த கொலை குற்றவாளிகள் கண்டு பிடிக்க படுவதற்கும் தண்டிக்கப்படுவதற்கும் ஏதுவாக இலங்கையின் போலிஸ் மற்றும் நீதித்துறை பாரபட்ச மற்ற விசாரணைகளை முடுக்கிவிட வேண்டுமென தலித் சமூக மேம்பாட்டு முன்னணிபகிரங்கவேண்டுகோளை விடுக்கின்றது.
இலங்கை தலித் சமூக மேம்பாட்டு முன்னணி
பிரான்ஸ்22/03/2015

அமைதி சமாதானம் ஜனநாயகம்

www.sooddram.com