மே 1 உலக தொழிலாளர் தினம்

அமெரிக்காவின் சிக்காகோ நகரில் 1884 இல் தொழிலாளர்களின் வேலை நேரம் தொடர்பாக organized Trades and  labor union  இடையே நடைபெற்ற பேச்சுவார்த்தையானது பல இழுபறிகள் பல தொழிலாளர் உயிரிழப்பு என்பவற்றுக்pடையே தொழிலாளர்களுக்கு எட்டு மணிநேர வேலை என்ற நிர்ணயத்துடன் 1886 மே1 இல் உதமானது உலக தொழிலாளர் தினம்.இறந்த தொழிலாளர்களை நினைவுகொள்வதற்கே இந்த மே தினம்  அனுஸ்டிக்கப்படுகிறது.

இந்த தெழிலாளர் தினத்தினை கம்யூனிஸ்ட் கட்சிகள் பெருவிழாவாக உலகெங்கும் தொழிலாளர் தினமாக கொண்டாடும். இந்த நாளில் ஈ.பி.ஆர்.எல்எப் இந்த தினத்தை தோழர்பத்மநாபா இருந்தகாலத்திலும், அதற்கு பின்னரும் கடைப்பிடித்து வருகிறது. தோழர்பத்மநாபா மே 1 இன் பல நிகழ்வுகளில் கலந்து கொண்டு சிறப்பித்துள்ளார். இந்த வகையில் அவர் 1988 இல் மட்டக்களப்பில் கலந்து கொண்ட மே 1 பேரணி பொதுக் கூட்டம் என்பது இன்றும் எங்கள் கண்களில் நிற்கிறது.

இலங்கைத் தமிழ் மக்களின் உன்னத வாழ்வுக்காக தங்களை போராட்டத்தில் இணைத்த பலருக்கு   மே தினத்தைப்பற்றியும் அதன் தார்பரியங்கள் பற்றியும் ஓரளவுக்கு தெரிநிதிருக்கும் ஏனென்றால் அவர்களது பாசறைகளில் இதைப்பற்றி சொல்லிக் கொடுக்காமல் இருந்திருக்க மாட்டார்கள்.

மே தினமானது தொழிலாளர்களுக்கு உரிய தினமாக இருக்கிறபோதிலும் அரசியல் கட்சிகள் இந்த தினத்தை தங்கள் அரசியல் நலன்களுக்காக, கொள்கை விளக்கங்களுக்காக இதனை பயன்படுத்தும் நிலமைகளே தற்போது உள்ளது.

தமிழ் மக்களுக்காக தங்களை போராட்டத்தில் இணைத்துக் கொண்ட பலர் இன்று ஒரு முதலாளியிடம் அடிமை வாழக்கை வாழும் நிலையும் தனது பொருளாதார தேவைக்காக எட்டுமணி நேரம் எனபதை விட  அதிகமாக செய்கிறான். அவன் கற்றுக்கொண்ட தொழிலாளர் கொள்கையை மனதில் பூட்டி வாழ்ந்து கொண்டிருக்கிறான்.

தாங்கள் எதற்கோ வந்து சீமெண்ட குடோனிலும்.வெங்காய மண்டியிலும் மிகவும் கடினமான பல வேலைகளையும் செய்கிறோமே என ஏங்கித் தவிக்கிறான். கொள்கைகளுக்காகவும், கோட்பாடுகளுக்காவும் மே தினத்தை நடத்தும் இலங்கையின் வடக்கு - கிழக்கில் உள்ள தமிழ் கட்சிகள். பலவழிகளிலும் கஸ்டப்படும் இளைஞர்களின் நல்வாழ்வுக்காக செயல்பட திடசங்கல்பம் கொள்ள வேண்டும்.

தொழிலாளர்கள் வதைக்கப்படுவதும், துன்புறுத்தப்படுவதும் இன்றுவரை மாறவில்லை என்ற செய்திகள் வந்தவண்ணம் உள்ளன. இந்த நிலைமைகள் மாறவேண்டும். உழைக்கும் வர்க்கம் தங்களது கைகளில் அரசியல் அதிகாரத்தை எடுப்பதற்கான திட்டங்கள் வகுக்கப்பட வேண்டும். குட்டி பூர்சுவாக்களும், பெரும்பணக்கார்களும் அரசியல் அரங்கில் நுழைந்து மக்களை ஏமாற்றுவதை தடுப்பதற்காக பரவலான வேலைத் திட்டங்களை வகுக்க வேண்டும்.

இலங்கையின் வடக்கு-கிழக்கில் தற்போது உழைக்கும் மக்களின் சிந்தனை கொண்ட அரசியல் தலைவர்களின் கருத்துக்கள் இனவாதம் எனும் சுழலில் சிக்கிக் கொண்டுள்ளது. இதைமாற்றுவதற்கு உழைக்கும் மக்கள் சிந்தனை கொண்ட தலைவர்கள் வேகமாக செயல்படவேண்டும். 

பத்மாநாபா-ஈ.பி.ஆர்.எல்.எப்(சென்னை)