மே தினம் 2014 சமகாலச் சவால்கள்

• தொழிலாளர்கள், விவசாயிகள், மீனவர்கள் ,சாதாரண மக்கள் மற்றும் இன சமூகங்களுக்கு பாதுகாப்பான வாழ்க்கை தேவை.

• சாதாரண மக்களின் அத்தியாவசியப் பொருட்கள், வைத்தியம் ,கல்விக்கான செலவுகள், எரிபொருட் செலவுகள் மூச்சைத் திணறவைப்பனவாக உள்ளன.

• சேவைத்துறைகள் பலவினமடைந்துள்ளன.

• சிறுபான்மைச் சமூகங்கள் பதட்டத்துடன் வாழ்கின்றன.

• சமூகங்களிடையே ஐக்கியத்தை விட பகைமையை வளர்ப்பதற்கான சக்திகளே ஆதிக்கம் செலுத்துகின்றன.

• இலங்கை சுதந்திரம் பெற்ற காலத்தில் ஒரு பகுதியினரேனும் பாதுகாப்பான ஜனநாயக வாழ்வைப் பற்றி சிந்தித்திருகிறார்கள். முக்கியமாக இலவசக் கல்வி, வைத்தியம், பிராந்தியங்களுக்கு அதிகாரங்களைப்பகிர்வது. ஆனால் இன்று பெருமுதலாளிகளின் நலன்கள் முன்நிறுத்தப்பட்டிருக்கின்றன.

• இன சமூகங்களிடையே பகைமை விரிவாக்கப்பட்டிருக்கிறது.

• தற்போதைய சமூக அமைப்பையும் அதன் ஆடம்பரங்களையும் நுகர்வையும் அப்படியே ஏற்றுக் கொண்டவர்களே அதிகாரத்தில் பெருமளவாக இருக்கிறார்கள்.

• இடதுசாரிகள் மத இனச்சார்பற்றவர்கள் பலவினமடைந்திருக்கிறார்கள்.

• தொழிலாளர்களை மலிவான கூலிகளாகவும் அடிக்கடி வீதிக்கு விரட்டுவதாகவும் இந்த அமைப்பு காணப்படுகிறது.

• சுற்றுச் சூழல் பெருமளவிற்கு நாசமாக்கப்பட்டுள்ளது.

• பங்குச் சந்தை எம்மைப் பொறுத்தவரை ஒரு சூதாட்டமே.    

• எமது சட்டமும் நீதியும் அர்த்தமிழந்து வருகின்றன.

• உலகளாவிய அளவிலும்  இது தான் நிலைமை. பெருவாரியான மக்களுக்கு பாதுகாப்பில்லாத உலகம். தற்போதைய உலக ஒழுங்கு முறை மாறியாக வேண்டும்.

• காப்பிரேட்டக்கள் பெரு முதலாளிகளின் வளர்ச்சி தான் சமூகத்தின் வளர்ச்சி என்ற பித்தலாட்டத்திரை விலக்கப்படவேண்டும்.

• சேவைத்துறைகள் அதிகரிக்கப்படவேண்டும்.

• பொறியியல், வைத்தியம்  கூட பெரும் லாபம் தரும் தொழில்களாக மாற்றப்பட்டுள்ளன.

• எல்லா மனித உறவுகளும் வெறும் பணப்பட்டுவாடா என்ற நிலைக்கு தாழ்ந்துள்ளன.

• இந்த உலகம் உலகளாவிய காப்பிரேட்டக்களுக்கா அல்லது உலகின் 700 கோடி மக்களுக்கா என்ற கேள்வி எழுந்துள்ளது. உலக வங்கி, சர்வதேச நாணய நிதியம் போன்றன காப்பிரேட்டக்களுக்கான கட்டமைப்பு வசதிகளை பெருலாபம் ஈட்டுவதற்கான நிலைமைகளை ஏற்படுத்துவதற்காக அன்றி பெருவாரியான சமானிய மக்களின் நலன்களை முன்நிறுத்தியவை அல்ல. அப்படி யாராவது கூறுவார்களானால் அவர்கள் மூடர்கள் அல்லது மக்களை ஏமாற்றுகிறார்கள். சாதாரண மக்கள் மீது வரிச்சுமை மற்றும் சேவைத்துறைகளை வியாபாரம் ஆக்குவதில் இவை பங்களிக்கின்றன.

• இலங்கையின் உள்ளக கட்டமைப்பு வசதிகள் சாதாரண மக்களின் சமூக பொருளாதார வாழ்வில் எத்தகைய மாற்றங்களை ஏற்படுத்தியிருக்கின்றன என்பது விலாவரிவாக ஆராயப்பட வேண்டும்.

• பணக்காரன் பணக்காரன் ஆக ஏழைமேலும் ஏழையாகிறான் என்பது இன்று பிரமாண்டமான உண்மையாகியிருக்கிறது. ஒரு பெருவெடிப்பு நிகழ்ந்ததுபோல் விரிவடைந்து வருகிறது.

• எனவே சமூக மாற்றம் அவசியப்படுகிறது.

• சூறையாடல், ஆக்கிரமிப்பு, ஊழல்,  ஆயுத வியாபாரம், மனித- இயற்கை சுற்றாடல் பேரழிவு என்பன உலகப் பொது அறங்களாக ஸ்தாபிக்கப்பட்டள்ளன?

இந்த மாயத்திரை கிழிய வேண்டும்.

உள்ளுரில் குறைந்த பட்சம் வடக்குகிழக்கு மாகாண சபைகளை இயக்குவோர் ஆற்ற வேண்டிய கடமைகள்

• அநாதரவானோர் பெண்கள் தலைமைதாங்கும் குடும்பங்களுக்கு கண்ணியமான வாழ்வு.

• கல்வியும் வைத்தியமும் வியாபாரம் ஆகியருப்பதை கட்டுப்படுத்த முடியவில்லை.

• அன்றாடம் பீதியூட்டுவதாக அமைந்த வாழ்வை பாலியற்கொடுமைகளும், களவும் கொள்ளையும் என்ற நிலைமைகளில்  மாற்றங்களை கொண்டுவர முயற்சிக்க வேண்டாமா?

• உணவுப் பொருட்கள் நியாயமான விலையில் கிடைப்பதற்கான சந்தை நிலவரங்களை உருவாக்கமுயற்சிக்க வேண்டாமா?

• விவசாய, மீன்பிடி உற்பத்தி பொருட்களுக்கு நியாயமான சந்தை கிடைப்பதற்கு வழிவகை செய்ய வேண்டாமா? வறுமையில் வாழும் குடும்பங்களின் இளைஞர்களுக்கும், பெண்களுக்கும் வேலை வாய்ப்புக்களை உருவாக்க முயற்சிக்க வேண்டாமா?

• தீண்டாமை, வறுமை அநீதிகளுக்குள் தலையெடுக்கமுடியாமல் நிலம் தொழில் சமூகவாழ்வில் எதிர்நோக்கும் பிரச்சனைகளுக்கு தார்மீக அறவழிகளில் தீர்வுகாண முயல்வது

• குடிநீர் மற்றும் குடியிருப்பு பிரச்சனைகளுக்கு தீர்வு காண்பது.

• நாழும் பொழுதும் நாசமாகிக் கொண்டிருக்கும் எமது சுற்றாடலை தூய்மைப்படுத்துவதற்கான  நிரந்தரமான முயற்சிகளை மேற்கொள்வேண்டாமா?

• எமது உள்ளுராட்சி சபைகள் தூங்கி வழிகின்றன.

• நகரமும் கிராமமும் நாறுவது ஒரு பக்கம் இருக்க என்றென்றைக்கும் நிவர்த்திக்க முடியாத பேரழிவுகள் நிகழ்கின்றன.

• மாகாண அதிகார சக்திகளின் நட்டாமுட்டித்தனங்களை கட்டுப்படுத்தி மக்களுக்கு சேவையாற்ற வேண்டாமா?

• மதுபானம் மற்றும் லாகிரிப்பொருட்கள் மீதான மற்றும் விற்பனை வரிகள் போன்ற மாகாணசபைக்குரிய நிதி அதிகாரங்களை கையகப்படுத்தியும் மத்தியஅரசு, வரவுசெலவுத்திட்ட மற்றும் புலம்பெயர் சமூக உதவிகளைப்பெற்று  அவற்றிலிருந்து மக்களுக்கு சேவையாற்ற முயல வேண்டாமா பரியத்தனப்பட வேண்டாமா?

நாடளாவிய அளவில்

• கெடுபிடியான வாழ்க்கை சட்டங்கள் என்பன தீவிரவாதத்திற்கும் கிளர்ச்சிக்கும் வழிவகுக்கும்.

• பயங்கரவாத தடைச்சட்டம் நீக்கப்படவேண்டும்.

• ஆக்கிரமிப்பு நிகழ்கிறது என்று மக்கள் கருதும் வயிறெரியும் செயற்பாடுகளுக்கு முற்றுப்புள்ளிவைக்க வேண்டும்.

• ஆயுதமேந்திய அதிகாரத்தின் -படைத்துறையின் முக்கியத்துவம் குறைக்கப் பட வேண்டும்.

• இலங்கையின் அனைத்து மக்களின் ஜனநாயக சுதந்திரம் உறுதிப்படத்தப்படவேண்டும் .

• அரசியல்,சமூக,பொருளாதார விமோசனம் என்பதன் அடிப்படை இதுவே.

• தமது சம்பளம் ஓய்வூதியம் போன்ற கோரிக்கைகள்

• வேலை கோரி நடத்தும் போராட்டம் ,இனமத நம்பிக்கைகள் மீது நடத்தப்படும் தாக்குதல்கள் ,சிறுபான்மை சமூகங்களின்  ,பொருளாதார நடவடிக்கைகள் மீது நடத்தப்படும் தாக்குதல்கள்,அதனால் எழும் சமூக பாதுகாப்பு போன்ற விடயங்கள்

• மலையகத் தோட்டத்தொழிலாளர்களின் இலங்கையின்  சம்பளம் வீட்டுரிமை பிரச்சனைகளுக்கு திர்வு.

• மத்திய கிழக்கு நாடுகளுக்கு வீட்டுப்பணிப்n;பண்களாகச் செல்லும்  இலங்கையின் ஆடைத்துறை உள்ளிட்ட  துறைகளில் வேலைசெய்யும் பெண்களின் தொழில் பாதுகாப்பு

• அரசு மற்றும தனியார் துறைகளில் விவசாயம் மீன்பிடித்துறை சார் தொழிலாளர்கள் -வறியவர்கள் வைத்தியம் கல்வியை இலவசமாகவும் மின்சாரம் குடி நீர் வீட்டுவாடகை  மற்றும் சேவைகளை குறைந்த கட்டணத்திலும் பெறுவதற்கான ஏற்பாடுகளை மத்திய மாகாண அரசுகள் மேற்கொள்ள வேண்டும்.

• சமுகங்களிடையே அதிகாரப் பகிர்வும் நல்லெண்ணமும் ஏற்பட உறுதியான நடவடிக்கைகளை மேற்கொள்வது

• இலங்கையின் பல்லின சமூக வாழ்வு எதார்த்தம் புரிந்து கொள்ளப்படவும் உரிமைகள் நிலை நாட்டப்படவும் பாதுகாக்கப்படவும் வேண்டும்.

• சமூகங்கள் சுயமரியாதை கண்ணியத்துடன் ஐக்கியமாக வாழ வழிவகை செய்யப்பட வேண்டும் .

• ஒரு சிலருக்கு வாழ்வும்  பெருவாரியானோருக்கு வாழ்வுடன் போராட்டமும் என்ற நிலைமைகளில் சீர்திருத்தம் தேவை.

• உலகளாவிய அளவில் அநீதியான சமூக அமைப்பிற்கெதிரான போராட்டங்கள் வலுவடைந்து வருகின்றன.

• சமத்துவமும், ஜனநாயகமும் நிலவும் சக மனிதரையும், இயற்கையையும் நேசிக்கும் புதியதோர் உலகம் வரலாற்று விதியால் நிறுவப்படும்!

பத்மநாபா ஈ.பி.ஆர்.எல்.எப்