அபிவிருத்தியையும் ஐக்கியத்தையுமே மக்கள் எம்மிடமிருந்து எதிர்பார்க்கின்றனர்

இரண்டாவது பதவியேற்புக்கு பின்னர் ‘இந்து’வுக்கு ஜனாதிபதி பேட்டி

(நேற்றைய தொடர்)

ஜனாதிபதியின் பதவிக் காலத்துக்கு இருந்த இரு தடவை அரசியலமைப்புத் திருத்தத்தின் ஊடாக அகற்றுவதன் பின்னணி தொடர்பாக தாங்கள் எதனைச் சிந்தித்திருக்கின்றீர்கள் என்பது பற்றிக் கூற முடியுமா?

இது தொடர்பாக சர்வதேச மட்டத்தில் கருத்துக் காணப்பட்டது. இந்த மாற்றம் குறித்து விமர்சனம் ஏற்பட்டிருந்தது.

பல்வேறு தலைவர்களின் இரண்டாவது பதவிக் காலத்தை நான் பார்த்துள்ளேன். இலங்கையில் மட்டுமல்ல, ஏனைய நாடுகளிலும் இதனைப் பார்த்திருக்கிறேன். ஏனெனில் முதலாவது வருடத்தில் (இரண்டாவது பதவிக் காலத்தில்) உங்களால் வேலை செய்ய முடியும். நீங்கள் வாக்குறுதிகளை அளிப்பீர்கள். முதல் வருடத்தில் பணியாற்ற முடியும்.

இரண்டாவது வருடம் வரும் போது கட்சிக்குள் அடுத்த தலைவர் யாரென அறிவதற்கு மோதல் ஆரம்பிக்கும். அரச ஊழியர்கள், அடுத்த தலைவர் யாரென பார்த்துக் கொண்டிருப்பார்கள்.

அவர்கள் பணியாற்ற மாட்டார்கள். ஜனாதிபதி செயற்பட முடியாதவராக இருப்பார். சந்திரிகாவின் கடைசிப் பதவிக் காலத்தில் என்ன நடந்ததென்பதைப் பாருங்கள். ஜே. ஆர். ஜயவர்தனவிற்கு என்ன நடந்ததென்பதைப் பாருங்கள். ஏனையோருக்கு என்ன நடந்தது. நான் அதனைப் பார்த்துள்ளேன்.

ஆதலால் அந்தப் பொறிக்குள் நான் சொல்ல வில்லை. ஆதலால் போட்டியிடுவதோ இல்லையோ அது வேறு விடயம். அதற்குள் இருந்து விடுபடுவது சிறப்பானதென நான் நினைத்தேன். ஏனெனில் இரண்டாவது பதவிக் காலத்தின் ஆறு வருடங்களை மக்கள் எனக்குத் தந்துள்ளனர். ஏனெனில் முதலாவது பதவிக் காலத்தில் நான் வெற்றி கண்டுள்ளேன்.

எனக்கு அந்தச் சுதந்திரம் இருப்பது அவசியமாகும். சதிகளில்லாமல் மக்கள் மத்தியிலிருந்து தள்ளிவிடப் படாமல் விசேடமாக அரச ஊழியர் களிடமிருந்து தள்ளிவிடப்படாமல் அந்தச் சுதந்திரம் எனக்கு இருப்பது அவசியமாகும். இரண்டாவது பதவிக் காலமானது மிகவும் முக்கியமானதாகும்.

மக்களுக்கான அபிவிருத்தியை வென்றெடுப்பதற்கு அது அவசியம். அதற்கான ஆணையை மக்கள் எனக்கு வழங்கியுள்ளனர். அதனாலேயே நான் இதனைச் செய்தேன். மூன்றாவது பதவிக் காலத்துக்கோ அல்லது நான்காவது பதவிக் காலத்துக்கோ நான் போட்டியிடப் போகிறேனா என்பது விடயமல்ல. அது அந்த மாதிரியான ஒன்றல்ல. பொதுவாக இந்த விடயம் (இரு தடவை பதவிக் காலவரையறை) எமது தலைவர்களை இரண்டாவது பதவிக் காலத்தின் போது செயற்பட முடியாதவர்களாக உருவாக்கியிருந்தது.

இலங்கையின் அரசியல் கட்ட மைப்பானது பாராளுமன்றத்தி லிருந்து ஜனாதிபதியை தூர விலத்தி வைத்திருப்பதாக இருப் பது பிரச்சினைகளில் ஒன்று என ஒரு சந்தர்ப்பத்துக்கு மேல் நீங்கள் எனக்குக் கூறியிருந்தீர்கள். பாராளுமன்ற பாரம்பரியத்தில் தாங்கள் வளர்ச்சியடைந்துள்ளீர்கள். அந்த இடைவெளியை வெற்றி கொள்ள அல்லது குறுக் குவதற்கு நீங்கள் விரும்பியிருந் தீர்கள். அதனைச் செய்ய முடிந்ததா?

ஆம். இப்போது 18ஆவது திருத்தத் திற்குப் பின்னர் அது கட்டாயமான தாகும். அதாவது ஜனாதிபதி பாராளுமன்றத்திற்குச் செல்ல வேண்டும், குறைந்தது 3 மாதத்திற்கு ஒரு தடவையையாவது செல்ல வேண்டும். மூன்று மாதத்துக்கு ஒரு தடவையாவது பாராளுமன்றம் செல்லும் உரிமை எனக்குண்டு. தேவையேற்படின் எந்த நேரத்திலும் அதனை நான் பயன்படுத்த முடியும். அவர்கள் விமர்சித்தாலும் கூட. நான் பாராளுமன்றத்தை கட்டுப் பாட்டுக்குள் வைத்திருக்க முயற்சிக்கின்றேன் என்று அவர்கள் விமர்சிக்கலாம். நான் அதனைச் செய்யவிரும்பவில்லை. மூன்று மாதத்திற்கு ஒரு தடவை செல்வது போதுமென நான் கூறியுள்ளேன்.

அங்கு சென்று பாராளுமன்ற முறைமையைக் குழப்புவதற்கு நான் விரும்பவில்லை. மக்களின் விருப் பத்தை உணர்ந்து கொள்ள அங்கிருக்க விரும்புகிறேன். எதிரணி கூறுவதைக் கேட்க விரும்புகிறேன். இதற்கு ஒரு உதாரணமொன்றைக் கூறுகிறேன். சமீபத்தில் எதிர்க்கட்சித் தலைவர் ரணில்விக்கிரமசிங்க கசினோக்கள் பற்றி பிரச்சினையொன்றை எழுப்பியிருந்தார்.

அரசாங்க நிலத்தில் கசினோ இருப்பதாக எவரோ சிலர் கூறியிருந்தனர். அது தொட ர்பாகக் கண்டுபிடிக்குமாறு நான் உத்தரவிட்டேன். அது உண்மையான விடயமாக இருந்தது. நான் உடனடியாக ரணிலை அழைத்து அவருக்கு நன்றி தெரிவித்தேன். நான் அங்கேயிருந்தால் இந்த மாதிரியான விடயங்களை எமக்குக் காட்டுவது எதிரணியின் கடமையாகும். பாராளுமனறத்தில் இந்த விடயங்கள் குறித்து எனக்கு அறியத்தருவது சிறப்பானதாக இருக்கும். தவறானது இடம்பெற்றிருந்தால் எப்போதும் அதனை நாம் சீர்செய்வோம். ஆதலால் பாராளுமன்றத்துடன் நான் நெருக்கமாக இருப்பது மிகவும் முக்கியமானதாகும்.

அடுத்த விவகாரமாக இருப்பது தங்களின் முன்னாள் இராணுவத் தளபதியான சரத் பொன்சேகா சிறையில் அடைக்கப்பட்டிருப்பது தொடர்பாக விமர்சிக்கப்பட்ட விடயமாகும். அவரோ அவரின் குடும்ப உறுப்பினர்கள் எவரோ ஜனாதிபதியின் மன்னிப்பைக் கேட்டிருக்கவில்லை. இது இலங்கையின் அரசியல் பிரச்சினையா?

இது அரசியல் பிரச்சினையல்ல. சட்டம் யாவருக்கும் உரியது. சட்டத்தின் முன் யாவரும் சமமானவர்கள். அவர்கள் தவறான விடயங்களை எதனையாவது செய்திருந்தால் அவர்கள் அதனை எதிர்கொள்ள வேண்டும். மக்கள் இதனை விளங்கிக் கொள்கிறார்கள். இதனை அரசியல் இலாபத்திற்குப் பயன்படுத்த சில எதிரணி எம்.பிக்கள் நினைக்கின்றனர். அவரின் பெயரைப் பயன்படுத்தி அரசியல் இலாபம் பெற முடியுமென நினைக்கின்றனர். மக்கள் உணர்ச்சி வசப்படும் விடயமாக நான் இதனைப் பார்க்கவில்லை. அவர்கள் ஆர்வம் காட்டவில்லை.

ஐ. தே. க. வோ ஜே. வி. பி.யோ தீவிரமான விடயமாக இதனை எடுத்துக் கொண்டதாகத் தோன்றவில்லையா?

இல்லை. அவர்கள் எதனையோ கூற விரும்புகிறார்கள். அல்லது ஏதோ செய்கிறார்கள். ஒன்று சட்ட விதியாகவும் ஜனாதிபதியின் பங்களிப்பாகவும் உள்ளன. அத்துடன், தனிப்பட்ட ரீதியான தன்மையும் காணப்படுகிறது.

அவர் உங்களின் இராணுவத் தளபதியாக இருந்தவர். இவரைத் தனிப்பட்ட முறையில் நீங்கள் அறிந்துள் ளீர்கள். இந்த இரு விடயங்களையும் எவ்வாறு தொடர்புபடுத்த முடியும்?

ஆம், இது மிகவும் உண்மையில் கஷ்டமானது. ஆனால் நீங்கள் இராணுவத் தளபதியோ இல்லையோ, தவறாக எதனையாவது செய்திருந்தால் அதனை நீங்கள் எதிர்கொள்ள வேண்டும். அவர் அந்த மாதிரியான மனிதர் என நான் ஒரு போதும் நினைத்திருக்கவில்லை. எமக்குத் தெரிந்திருக்கவுமில்லை. அவர் வேட்பாளராக வந்த போது அவரின் மருமகன் ஆயுத வியாபாரியென எனக்குக் கூறியிருந்தார்கள். நாம் ஒருபோதும் அதனை அறிந்திருக்க வில்லை. அவரும் அதனை ஏற்றுக் கொண்டிருக்கவில்லை.

எமக்கு அவர் அறிவித்திருக்க வேண்டும். அவர் கேள்வி மனுச் சபையில்தலைவராக இருந்தார். இதற்கு முன்னர் எந்தவொரு இராணுவத் தளபதியும் அவ்வாறு செய்திருக்கவில்லை. சிறிது காலத்தில் ஓய்வுபெறவிருந்த வரை நாம் இராணுவத் தளபதியாக உருவாக்கினோம். அவரின் மருமகன் ஆயுத வியாபாரியென நான் அறிந்திருந்தால் அதனை எச்சரித் திருப்பேன். அல்லது அவரை எச்ச ரித்திருப்பேன் அல்லது அவரைத் திருத்தியிருப்பேன்.