இணையங்கள் நடத்துபவர்களுக்கு ஒரு அன்பான வேண்டுகோள்

அன்பான இணைய உரிமையாளர்களே!

ஊடகத்தர்மம் என்று ஒன்று இருக்கின்றது. அதை தாங்கள் மதித்து நடப்பது மிக நல்லது. அண்மையில் எமது ( lankaNN )இணையத்தில் வெளியாகிய பாரிஸ் லாச்சப்பலில் நடந்த சம்பவ  செய்தியை லங்கா ஸ்ரீ இணையம்   தங்களின் இணையத்தை விளம்பரப் படுத்தும் நோக்குடன் எமது செய்தியை கொப்பி எடுத்து தமது இணையத்தில் வெளியிட்டிருந்தனர். ஆனால் எமது அனுமதி பெறவில்லை. எமது இணையத்தில் மட்டுமல்ல பல தமிழ் இணையங்களில் வெளியாகும் செய்திகளை இவர்கள் கொப்பி எடுத்து வெளியிட்டு வருகின்றனர். நீங்கள் உழைக்க விரும்பினால் ஊடகவியலாலர்களுக்கு சம்பளம் கொடுத்து உங்கள் இணையத்தினை நடத்துங்கள், அதை விட்டு அடுத்தவனை வளரவிடக் கூடாது என்ற நோக்கில் செயற்பட வேண்டாம்.

அன்பான தமிழ் மக்களே,

நீங்கள் வெளிநாடுகளில் கஷ்டப்பட்டு உழைக்கும் பணத்தினை மரணஅறிவித்தல் என்ற பெயரில் ஏப்பமிட வாயை  பிளந்து கொண்டு காத்திருகின்றனர். நீங்களும் உங்களை அறியாமலேயே இப்படியான இணையங்களில் காசைக்  கொண்டு சென்று கொடுக்கின்றீர்கள் , ஆனால் உண்மையில் நடப்பது வேறு , லங்கா ஸ்ரீ இணையம் இலங்கையில் தடை செய்யப்பட்டுள்ளது , இதனால் இலங்கையில் உள்ளவர்கள் இதனை பார்வையிட முடியாது. எனவே உங்கள் பணத்தினை கொடுத்து மரண அறிவித்தல் போட முன் சிறிது சிந்தியுங்கள். ஒரு மரண அறிவித்தலுக்கு ஒரு நாளுக்கு 150 பவுன்ஸ். என்ன ஒரு பகல் கொள்ளை, இறந்தவர்களை வைத்து வியாபாரம் செய்யும் மனதநேயமற்றவர்கள். ஒரு இணையம் நடத்தும் செலவு அதிக பட்சம் இலங்கை காசு 2 இலட்சம் போதுமானது. இந்த செலவை ஈடு செய்ய ஒரு அறிவித்தலுக்கு 30 euro போதுமானது , ஆனால் வெளிநாட்டில் வேலை செய்யும் ஒருவரின் இரண்டு நாள் சம்பளத்தை இவர்கள் கேட்பது ஒரு நாகரிகமான செயல் அல்ல.

எனவே நீங்கள் இப்படியான இணையங்களை பகிஸ்கரித்தால் இவர்கள் தாமாக அடங்கி விடுவார்கள். சிந்தித்து செயல் படுங்கள். இந்த செய்தியை தாங்கள் சமூக வலைத்தளங்களில் பகிர்ந்து இருளினுள் முழ்கிக் கிடக்கும் உங்கள் உறவுகளை வெளிச்சத்துக்கு கொண்டு வாருங்கள்

நன்றி

EElam Kathirvan