தாயகம் திரும்பும் முஸ்லீம் சமூக சேவையாளர் ஜனாப் நஜா மொகமட் அவர்களுக்கான பிரியாவிடை ரி பி சி கலையகத்தில் இடம்பெற்றது

கடந்த 10 ஆண்டுகளுக்கு மேலாக பிரித்தானியாவில் வாழும் தமிழ்-முஸ்லீம் மக்களிடையே இன உறவுகளை மேம்படுத்த அயராது உழைத்த துடிப்புள்ள இளைஞர் நஜா அவர்கள் இலங்கை திரும்புவதையிட்டு  கடந்த 23ம் திகதி ரி பி சி கலையகத்தில் பிரியாவிடை வைபவம் இடம்பெற்றிருந்தது. பிரித்தானியாவில் செயற்படும் பல்வேறு சமூக அமைப்புகள், ஊடகங்கள், பத்திரிகையாளர்கள், எழுத்தாளர்கள், அரசியல் செயற்பாட்டாளர்கள் என பல தரப்பட்டேரரும் கலந்து அவரது தன்னலமற்ற பணிகளை விதந்து பேசினர்.

பிரித்தானியாவில் அதிக அளவில் இலங்கை முஸ்லீம் மக்கள் வாழ்ந்த போதும் அவர்களுடன் மிக அதிகளவில் வாழும் தமிழர்களின் உறவு மிகவும் சுருங்கியதாக தனி நபர் சார்ந்ததாக இருந்ததே தவிர நிறுவனமயப்படுத்தப்பட்டதாக இருந்ததில்லை. அந்த இடைவெளியை நிரப்ப உதவியவர் நஜா அவர்களே. இஸ்லாமிய அற இயலிலும், அரசியல் விஞ்ஞானத் துறையிலும் ஆழ்ந்த புலமையுள்ள அவர் தனது பொதுச் சேவையில் மதத்தையும், அரசியலையும் தனித்தனியாகவே கையாண்டார். இலங்கையில் வாழும் சிறுபான்மை இனங்களான தமிழ், முஸ்லீம் மக்கள் தமது ஜனநாயக உரிமைகளை மீட்டெடுக்க வேண்டுமாயின் இரு இனங்களிடையே நெருக்கமான உறவு அவசியம் என்பதை நன்கு உணர்ந்து அதற்கு ஏற்ற வகையில் திட்டங்கள் தீட்டி செயற்பட்டார்.

உதாரணமாக தமிழ் பிரதேங்களில் சுனாமி பேரழிவு இடம்பெற்ற போது பள்ளிவாசல்களிலும், இந்துக் கோவில்களிலும் உதவிகோரி செயற்பட்டார். அதே போன்று போரினாலும் மேலும் பல காரணங்களாலும் கண் பார்வைக் கோளாறால் வன்னி மக்கள் பலர் அவதியடைந்திருந்தனர். மிகச் சிறிய சத்திர சிகிச்சை மூலம் குணமடையச் செய்யக் கூடிய கண் வியாதியை அவர்கள் பல்வேறு காரணங்களால் அலட்சியம் செய்த நிலைகளை அறிந்து அந்த மக்களுக்கான சிகிச்சை அளிக்கும் முகாம்களை தாயகத்தில் இயங்கும் இஸ்லாமிய அமைப்புகளின் மூலம் ஏற்படுத்திக் கொடுத்தார்.

 தமிழ் முஸ்லீம் மக்கள் எதிர் நோக்கும் அரசியல் நெருக்கடிகளை உலகறியச் செய்யும் விதத்தில் தாயகத்தின முஸ்லீம் அரசியல் தலைவர்களை அழைத்து மேற்குலக அரசியல் தலைவர்கள் மத்தியிலே கலந்துரையாடல்களை ஏற்படுத்தினார்.

பரந்த நோக்கமும், அமைதியான போக்கும், இலட்சியத்தில் இறுக்கமான பற்றும் கொண்டிருந்த நஜா அவர்கள் தமிழ் ஒலிபரப்புக் கூட்டுத்தாபனம் மூலமாக மத கருத்துக்கள் சென்றடைய ஏற்பாடு செய்தார். இதனால் மத்திய கிழக்கிலுள்ள மிக அதிக அளவிலான இஸ்லமிய சகோதரர்கள் அவருடன் தமது நேசத்தினை பகிர்ந்து கொண்டார்கள். அவர் இஸ்லாமிய மதத்தின் மீது உறுதியான பற்றுக் கொண்டிருப்பது போலவே இன நல்லிணக்கத்தின் அவசியத்தை தனது அரசியல் கலந்துரையாடல்களின் போது மிகவும் ஆணித்தரமாக வலியுறுத்தி வந்தார்.

இவ்வாறு பல இனிய குணாம்சங்கள் கொண்ட நஜா அவர்கள் தாயகத்திலிருந்து ஐரோப்பிய நாடுகளில் வாழும் மக்களுடனான நெருங்கிய உறவுகளை வளர்க்க பாடுபட வேண்டுமென வேண்டி அவர் நல்ல ஆரோக்கியத்தோடு தனது இறை பணியையும், சமூகப் பணியையும் தொடர தமிழ் ஒலிபரப்புக் கூட்டுத்தாபனம் மனதார வாழ்த்துகிறது. இந் நிகழ்வில் கலற்து கொண்டு சிறப்பித்தவர்களின் விபரங்கள்

 வி சிவலிங்கம் அரசியல் ஆய்வாளர் தமிழ் ஒலிபரப்பு கூட்டுத்தாபனம்

பேராசிரியர் மு. நித்தியானந்தன்

இரா ஜெயதேவன் தலைவர் தமிழ் ஜனநாயக காங்கிரஸ்

இராசநாயகம் ஆசிரியர் தமிழ் டைம்ஸ்

மர்சூக் ஸ்ரீ லங்கா முஸ்லிம் ஒன்றியம்

பூ. சீவகன் தமிழ்ஒசை

வீ. இராமராஜ் பணிப்பாளர் தமிழ் ஒலிபரப்பு கூட்டுத்தாபனம்

குகதாசன் இணைப்பாளர் இலங்கை கம்யூனிஸ்ட் கட்சி

தம்பா ஈழ் மக்கள் புரட்சிகர விடுதலை முன்னணி

ஜெயபாலன் ஆசிரியர் தேசம் இனையத்தளம்

வரதகுமார் தமிழர் தகவல் நடுவம்

அரவிந்தன் தமிழர் விடுதலை கூட்டணி

தவராஜா ஈழ மக்கள் ஜனநாயக கட்சி

சம்பந்தன் தமிழ் ஈழ விடுதலை கழகம்

கருணாநிதி

முகமட் சட்டத்தரணி

புதியவன் மறு நிர்மானம் ஆய்வு மையம்

கோபிநாத்

ஜீட் மறு நிர்மானம் ஆய்வு மையம்

வாசுதேவன்

சிறி மறு நிர்மானம் ஆய்வு மையம்

ஜெயபாலன்

கங்கா லுசியன் தமிழ் ஒலிபரப்பு கூட்டுத்தாபனம்

விமலதாஸ்

சால்ஸ்

சிறிதேவி தமிழ் ஒலிபரப்பு கூட்டுத்தாபனம்

சச்சிதானந்தன்

கெங்காதரன்

மர்பான்

சிவாஜினி இராமராஜ்  தமிழ் ஒலிபரப்பு கூட்டுத்தாபனம்