சுன்னாகம் மைலணியில்

திருமதி ஞானசக்தி ஸ்ரீதரன் அவர்களின் தேர்தல் பிரச்சாரம்

சுன்னாகம் மைலணி ஆலய முன்றலில் 27-08-2013 மு.ப 11.00 மணியளவில் இடம் பெற்ற பெண்களுடனான சந்திப்பில் கலந்துகொண்டு உரையாற்றிய வேட்பாளர் சுந்தரம் டிவகலாலா அரசியல் உரிமைகளை பெற வேண்டுமாக இருந்தால் நாம் அறிவுபூர்வமாக செயற்பட வேண்டும்  தமிழ் அரசியல் தலைமைகளால் தமிழ் மக்கள் பெற்றுக்கொள்ள முடியாமைக்கான காரணத்தை தமிழ் மக்கள் அறிவுபூர்வமாக சிந்திக்க வேண்டும். எமக்கு கிடைத்தவைகள் என்னவென்று பார்த்தால் விதவைகள் 40,000 பெற்றோரை இழந்த பிள்ளைகள் 10,000 இற்கு அதிகமானோர். விடுதலைப் போராளிகளில் இறந்தவர்கள் மாத்திரம் 10,000 இற்கு மேற்பட்டோர். இதுதவிர ஏனைய இயக்க போராளிகள் 10,000 இற்கு அதிகமானோர். இவைகளே எமது சமூகத்தினருக்கு கிடைத்தவை. மாற்று வழிமுறைகளை தெரிவு செய்ய வேண்டும் தொடர்ச்சியாக உணர்ச்சியூட்டும் அரசியலை நம்பி கடந்த 30 வருடங்களுக்கு மேல் எமக்கான அபிவிருத்திகளை, தொழில் வாய்ப்புக்களை பெற்றுக்கொள்ள முடியாத நிலையில் தொடர்ந்தும் எதிர்ப்பு அரசியலை முன்னெடுக்காமல் இணக்கப்பாட்டுடன் கலந்து பேசி பெறக்கூடிய சின்ன சின்ன விடயங்களையாவது பெற்றுக்கொள்ள முயல வேண்டும் என்றார்.

ஞானசக்தி ஸ்ரீதரன் தன்னை அறிமுகப்படுத்தி உரையாற்றுகையில் பெண்கள் எவ்வாறான ஒடுக்கு முறைகளுக்கு உள்ளாக்கப்பட்டிருக்கிறோம். தனது அரசியல் பிரவேசம் முதலில் தமிழரசு கட்சி மாதர் அமைப்பிலும் பின்னர் தமிழர் விடுதலைக் கூட்டணி திருமதி மங்கையர்கரசி ஆகியோருடனும் பின்னர் ஈழமாணவர்பொதுமன்றம் ஈழ மக்கள் புரட்சிகர விடுதலை முன்னணி பெண்கள் அமைப்பில் செயற்பட்ட வரலாற்றை குறிப்பிட்டு பெண்களுக்கு ஏற்படும் இன்னல்கள், அடக்குமுறைகள் ஒடுக்குமுறைகள் என்பன பற்றி விளக்கினார். முதன் முதலாக இணைந்த வடக்கு கிழக்கு மாகாணசபையில் ஒரேயொரு பெண் உறுப்பினராக இருந்ததை குறிப்பிட்ட ஞானசக்தி ஸ்ரீதரன் சாதாரண சமூகத்திலும் சரி இயக்கங்களிலும் சரி பெண்களுக்கு சமத்துவம் கிடைக்காமை பற்றியும் விதவைகள், பெற்றோர்களை இழந்த சிறார்கள், போராட்டங்களில் ஈடுபட்ட பெண்கள் தற்போது சமூத்தினரால் ஓரங்கட்டப்பட்டுள்ளதையும் குறிப்பிட்டார். எனவே அவர்களுக்கு எதிர்கால வாழ்வாதாரத்தை வளம்படுத்த நாம் அறிவுபூர்வமாக சிந்தித்து செயற்படவும், எவரது தயவிலும் தங்கியிருக்காமல் சுயமான பொருளாதாரத்தை தேடிக்கொள்வதற்கான வழிமுறைகள் பற்றியும் சிந்திக்க வேண்டும் என்றார். நாங்கள் வெற்றிலை சின்னத்தில் போட்டியிடுவது என்பது சரணாகதி அரசியல் அல்ல இணக்கப்பாடான அரசியல் நட்பு ரீதியாக மக்களுக்கு பெற்றுக்கொள்ளக்கூடியவற்றை பெற்றுக்கொள்வோம்

இந்திய-இலங்கை ஒப்பந்தத்தினூடாக இணைந்த வடக்கு கிழக்கு மகாணசபை 13வது திருத்தத்தை கொண்டது அன்றைய ஜனாதிபதி- பிரபாகரன் இணைந்தே அந்த மாகாணசபையை செயலிழக்க செய்தனர். அன்று மாகாணசபையே வேண்டாம் என்றவர்கள் இன்று அதிகாரங்கள் பறிக்கப்பட்ட நிலையில் இருக்கும் தற்போதைய வடக்கு மாகாணசபைத் தேர்தலில் போட்டியிடுகின்றனர். 13வது திருத்தத்தின் கீழ் பொலிஸ், காணி அதிகாரங்களை கொண்ட அந்த மாகாணசபையை இயங்க விடாமல் செய்ததன் விளைவே இன்று அதிகாரங்கள் குறைந்த, தனியாக பிரிக்கப்பட்ட வடக்கு மாகாணசபை தேர்தலில் தங்கள் சுயநல அரசியலுக்காக போட்டியிடுகின்றனர்

கடந்த வடக்கு மாகாண உள்ளுராட்சி சபைக்கு தமிழ் மக்களால் தெரிவு செய்யப்பட்ட த.தே.கூ இனரால் என்ன சாதிக்கப்பட்டது  என்பதை நீங்கள் அறிவீர்கள்.அபிவிருத்திக்காக ஒதுக்கப்பட்ட நிதி திரும்பிச் செல்லும் அளவிற்கு அவர்களின தலைமையிலான உள்ள10ராட்சி சபைகள் தூங்கி வழிகின்றன. மக்களால் தெரிவு செய்யப்பட்ட பிரதிநிதிகள் என்பதை மறந்து விட்டார்கள். எனவே நீங்கள் சமூகத்தை நேசிப்பவர்களுக்கும் குறிப்பாக பெண் பிரதிநிதித்துவத்தை அதிகரிக்கும் அவர்களின் உரிமைகளை வென்றெடுக்கும் உறுப்பினர்களை தெரிவு செய்யுங்கள் என்றார்.

பின்னர் வரணியில் பெண்களுடனான சந்திப்பில் அரசியல் ரீதியாக பெண்கள் ஒத்துழைப்பு வழங்குவதன் மூலம் பெண்களுக்கு உதவ முடியும் மாதர் சங்கங்களை பலப்படுத்தி அதனூடாக பெண்களுக்கு பொருளாதார ரீதியாக அவர்களை ஊக்குவிக்கலாம். சுய பொருளாதார தேவைகளை நிறைவேற்றவும், பிரதிநிதித்துவம் அவசியம். அவர் மேலும் அவர்களிடத்தில் கூறும் போது நான் ஏனைய அரசியல்வாதிகளை போல் வாக்குறுதி தர முடியாது. தேர்தல் முடிந்த பிறகும் நான் எனது சேவையை தொடர்ந்து முன்னெடுப்பேன். அறிவு சார்ந்து வளங்களை உரிய முறையில் பாவித்து பெண்களுக்கு செய்ய முடிந்த சேவைகளை என்னால் உங்களுக்கு வழங்க முடியும் என்றார்.