திருமதி ஞானசக்தி ஸ்ரீதரன் அவர்களின் தேர்தல் கலந்துரையாடல்கள்

22-08-13இணுவில் மாதர்சங்கத்தைச் சேர்ந்த பெண்கள் சிலருடன் ஞானசக்தி ஸ்ரீதரன் அவர்கள் சந்திப்பொன்றை நிகழ்த்தினார். அவர்கள் பல்வேறு போராட்ட அனுபவங்களையும் துன்பங்களையும் அடைந்தவர்கள் தாம் எப்போதும் முற்போக்கு சத்திகளையே ஆதரித்து வந்ததாகவும்  ஆனால் தங்களுக்கு பெரிதாக உதவிகள் எதுவும் கிட்டவிலலை என்றும் தெரிவித்தனர் அரசியல் வாதிகள் எப்போதும் தேர்தல் காலத்திலேயே தங்களை அனுகுவதாகவும் மற்றும் படி காணக்கிடைப்பதில்லை என்றும் தெரிவித்தனர். தமக்கு என பொதுவான ஒரு கட்டிடம் இல்லை என்றும் பெருமளவிற்கு வறிய விவசாயிகளாக இருப்பதால் தங்களுக்கு வாழ்வாதார- தொழில் செய்வதற்கு உதவி தேவை என்றும் தொடர்ந்து தங்களுடன் உறவைப்பேணவேண்டும் என்றும் கேட்டுக் கொண்டனர்.

அவர்களின் பிரதிநிதியாக தெரிவுசெய்யப்படும் பட்சத்தில் அவர்களின் கோரிக்கைளை நிறைவேற்றுவதாகவும் ஞானா தெரிவித்தார். ஞானசத்தி அவர்கள் வடமாகாகாண சபைத் தேர்தலில் யாழ்மாவட்டத்தில் பத்மநாபா ஈபிஆர்எல்எப் சார்பில் ஈபிடிபியுடன் இணைந்து ஐக்கிய சுதந்திர கூட்டமைபில் போட்டியிடும் வேட்பாளர் என்பது குறிப்பிடத்தக்கது. நுணாவில் மாதர்சங்கத்துடன் 20-8-2013  நிகழ்ந்த ஒரு கலந்துரையாடலில் தங்களுக்கு யாரிடமிருந்தும் உதவிகள் இல்லை. வாழ்வாதாரம் தொழிலுக்கு உதவுவோம் என்று கூறப்பட்டது . ஆனால் நிகழவில்லை. இவர்களின் தேவைகள் தொடர்பாக பிரத்தியேக கவனம் செலுத்தப்படும் என்று தெரிவிக்கப்பட்டது.

கல்வயல்- சாவக்கச்சேரி

கல்வயலில் ஒரு மாதர் சங்கத்தினருடனான கலந்துரையாடலில் கூட்டமைப்பைச் சார்ந்தவர்கள் தேர்தல்களில் மாத்திரம் முகம் காட்டுகிறார்கள் என்றும் அதன் பின்னர் அவர்களை கண்டுகொள்ள முடிவதில்லை என்றும் தெரிவித்தனர். நிறைமாத கர்ப்பிணிகள், குழந்தைகளை பரிசோதிப்பதற்கு பெண்கள் கூடுவதற்குக்கூட பொதுவான கட்டிடம் ஒன்றில்லை. ஆனால் வாக்குறுதி அளித்தவர்கள் எவரையும் மீண்டும் பார்க்க முடியவில்லை என்று தெரிவித்தனர்.

மாவை கலட்டி 19- 8-2013

22 வருடங்களுக்குப் பின்னர் மீண்டும் தமது இடங்களில் இந்த மக்கள் குடியேற்றப்பட்டிருக்கிறார்கள். முதலில் அரைவீட்டுத் திட்டம் வழங்கப்பட்டது. இப்போது இந்திய வீடமைப்புத் திட்டமும் செயற்படுத்தப்படுகிறது.  அரை வீட்டுத்திட்டத்தை முடிப்பதற்கு பணம் போதுமாக இல்லை. மலசலகூடம் கட்டுவதற்கு மாத்திரம் 90 ஆயிரம் ரூபா தேவைப்படுகிறது.  தண்ணீர் பிரச்சினை இருக்கிறது. தங்களுக்கு வீட்டுத்திட்டம் உட்பட மின்சாரம் குடிநீர் , பாடசாலை செல்லும் பிள்ளைகளுக்கான பஸ் போக்குவரத்து வீதி புனரமைப்பு என்பன ஈழ மக்கள் ஜனநாயகக் கட்சியின் ஆதரவுடன் மேற்கொள்ளப்பட்டது. அமைச்சர் டக்ளஸ் தேவானந்தா இவற்றை முன்னின்று செயற்படுத்தினார்.

குடிநீர் பிரச்சனை இருக்கிறது. மின்சாரமும் இன்னும் சில இடங்களுக்கு வழங்கப்பட வேண்டும். யாரும் அனுபவிக்காத துன்பங்களை நாம் அனுபவித்திருக்கிறோம். இவர்களுடன் ஞானசக்தி  அவர்கள் கலந்துரையாடம் போது பொருளாதாரம் தொழிலின்மை, சுகாதாரம் கல்வி போன்ற விடயங்களில் சவால்களை எதிர்கொண்டு துன்பங்கள் இழப்புக்களுக்கு நிகரான தீர்வு காண்பதாக இருந்தால் உங்களுக்காக ஆக்கபூர்வமாக செயற்படகூடியவர்களுக்கு அதிகாரத்தை வழங்க வேண்டு;ம் இணக்க முறைகளின் ஊடாகவே நாம் பிரச்சனைகளுக்குத் தீர்வு காண முடியும்.

போராட்டத்தில் ஈடுபட்ட பெண்களுக்கக்கூட எந்த சமூக அங்கீகாரமும் இல்;லை.   பெண்கள் தலைமை தாங்கும் கும்பங்க்களில்  பல்வேறு பிரச்சினைகளுக்கு முகம் கொடுக்கின்றன. அவர்கள் சுயமாக வாழ்வதற்கான நிலைமைகள் ஏற்படுத்தப்பட வேண்டும்.