தமிழ் தேசிய கூடமைப்பின் அங்கத்துவ கட்சிகளின், இன்றைய சந்திப்பில் நடந்தது என்ன?


தமிழ் தேசிய கூடமைப்பின் அங்கத்துவ கட்சிகளான தமிழ் விடுதலை இயக்கம் ( ரெலோ ), தமிழ் மக்கள் விடுதலை கழகம் (புளொட்), ஈழ மக்கள் புரட்சிகர விடுதலை முன்னனி (ஈபி .ஆர் .எல் .எப்) ஆகியவற்றின் உயர் மட்ட உறுப்பினர்கள் கொழும்பில் 2015 ஆகஸ்ட் 30ம் திகதி (இன்றைய தினம்) கூடி தேர்தலுக்குப் பின்னரான கள நிலவரங்கள் தொடர்பாகவும், அரசியல் நிலவரங்கள் தொடர்பாகவும் ஆராய்ந்தனர். மேலும் எதிர்வரும் செப்ரெம்பர் மாதம் வர இருக்கும் ஐக்கிய நாடுகள் மனித உரிமைப் பேரவையின் கூட்ட தொடர் பற்றியும் , இலங்கையில் நடைபெற்ற போரின் பொழுது நடைபெற்ற குற்றங்கள் தொடர்பான விசாரணை அறிக்கை பற்றியும் கலந்துரையாடப் பட்டது. அத்துடன் வரும் ஜெனீவா கூட்டத் தொடரில் அமெரிக்கா இலங்கை அரசுடன் இணைந்தது கொண்டு வரவிருக்கும் தீர்மானம் தொடர்பாகவும் கலந்துரையாடப் பட்டத்துடன் உள்ளகப் பொறிமுறையை நிராகரித்து சர்வதேச நீதி விசாரணையைத் தொடர்ந்து முன்னெடுத்துக் கொள்வதற்கான பொறிமுறை ஒன்றை வலியிறுத்துவது என்றும் தீர்மானிக்கப் பட்டது. நடைபெற்று முடிந்த பாராளுமன்றப் பொதுத் தேர்தலுக்கு முன்னரும் அதன் பின்னரும் கூட்டமைப்புக்குள் ஏற்ப்பட்டு வரும் முரண்பாடுகளை முடிவுக்கு கொண்டு வரும் வகையில் நான்கு கட்சிகளும் அடங்கிய தமிழ் தேசியக் கூட்டமைப்பை கட்டமைப்புக்கள் ரீதியாக பலப்படுத்த வேண்டியதன் அவசியம் பற்றியும் ஆராயப்பட்டது. தமிழரசுக் கட்சி தவிர்ந்த ஏனைய 3 கட்சிகளும் நாடாளுமன்றத்தில் தனித்து இயங்குவது குறித்து எதுவும் இங்கு பேசப்படவில்லை என்றும், இந்தக் கூட்டத்தில் பேசப்பட்ட விடயங்கள் குறித்து தமிழரசுக் கட்சிக்கு எடுத்துக் கூறி கலந்துரையாட உள்ளதாகவும், அதற்காகவே இணைப்புக் குழு கூட்டத்தைக் கூட்டுமாறு அழைப்பு விடுத்திருப்பதாகவும் தெரிவிக்கப்பட்டு உள்ளது.

தமிழீழ மக்கள் விடுதலை கழகம் –தலைவர் –சித்தார்த்தன் (பா.உ)
ஈழ மக்கள் புரட்சிகர விடுதலை முன்னணி –தலைவர் –க.சுரேஷ் பிறேமச்சந்திரன் –(முன்னாள் பா .உ.)
தமிழ் ஈழ விடுதலை இயக்கம் –தலைவர் செல்வம் அடைக்கலநாதன் (பா .உ )

சாந்தி என்ற ஆளுமை

(தோழர் சுகு)

1980 களின் முற்பகுதியிலிருந்து அவரை அறிவேன். ஹைலெவல் பாமன் கட வீதியில் சாந்தி- மனோ அவர்களது விட்டில் சந்தித்தோம். 1980களின் முற்பகுதியில் கொழும்பு நகர மண்டபத்தில் ஜனநாயகத்திற்கான பெண்கள் அமைப்பு நடத்திய எதிர்ப்பியக்கம் மற்றும் பொதுக் கூட்டங்களிலும் அங்கிருந்து சென்றே பங்கு பற்றியிருக்கிறோம். வெலிகடைச்சிறை வைக்கப்பட்டிருந்தவர்களைப் பார்வையிடுவதற்கும் அங்கு உறவினர்கள் தோழர்கள் தங்கிச் சென்றிருக்கிறார்கள். 1980களின் முற்பகுதியில் முற்போக்கு சமூக இயக்கம் பெண்விடுதலை பற்றிய கரிசனையுடன் செயற்பட்டவர். அந்த நாட்களில் தேசிய- சமூக விடுதலை இயக்கங்களில் ஈடுபட்ட பெண்கள் அமைப்புக்களின் கலந்துரையாடல்களில் பங்கு பற்றியவர். பங்களித்தவர். மனோ ஏற்றுமதிச் சபையில் வேலை செய்து கொண்டிருந்தார். (மேலும்......)

(சமரன்)
கடந்த மகிந்த ஆட்சிக்காலத்தில் யாழ்குடாநாடு முழுவதும் எங்கெல்லாம் நல்ல மணல் உண்டோ அங்கெல்லாம் மகேஸ்வரி வேலாயுதம் நிதியத்தின் பெயரில் சுற்றச் சூழல் பாதிப்பு ஏற்படும் வகையில் மணல் கொள்ளையில் ஈடுபட்டதாக குற்றச்சாட்டுக்கு உள்ளான ஈ பி டி பி யினரும் நிரந்தரஅமைச்சர் டக்ளஸ் தேவானந்தாவும் நல்லூர் திருவிழாவில் அங்கப்பிரதட்சணம் செய்யும் அடியார்களுக்கு மணல் போட்டு புண்ணியம் தேடுவது பலரது புருவத்தை உயர்த்த வைத்துள்ளது அதாவது நல்லூர் கந்தசுவாமி கோவில் உற்சவ காலங்களில் ஆலய வீதிகளை மூடி மணல் பரப்பப்பட்டு வருவது வழமை. அங்கப்பிரதட்சை செய்யும் பக்தர்களின் வசதி கருதியே இவ்வாறு மணல் பரப்பப்பட்டு வந்தன. ஆனாலும் இம்முறை வழமைக்கு மாறாக குறைந்தளவு மணலே வழங்கப்பட்டிருந்தன. (மேலும்......)

1982ஆம் ஆண்டு ஜூலை மாதம் ஐந்தாம் திகதி நியூயோர்க்கில் நடைபெற்ற உலகத் தமிழர் இயக்கக் கூட்டத்தில் அமிர்தலிங்கம் தன்னைச் சுயவிமர்சனத்துக்கு உட்படுத்திக் கொண்டார். அத்துடன் ஆயுதப் போராட்டம் ஏற்படுத்தப் போகும் அழிவுகளை முன்கூட்டியே தீர்க்கதரிசனத்துடன் எச்சரித்தார். நாடு கடந்த இடைக்காலத் தமிழீழ அரசாங்கமொன்றினை அமைக்கும் தீர்மானம் அங்கு முன்வைக்கப்பட்டபோது அதனைக் கடுமையாக எதிர்த்தார். கிருஷ்ணா வைகுந்தவாசனும் அக் கூட்டத்தில் கலந்துகொண்டிருந்தார். தமிழீழம் அமைப்பதில் இருக்கக்கூடிய நடைமுறைச் சிக்கல்களை அமிர்தலிங்கம் கீழ்க்கண்டவாறு சுட்டிக் காட்டினார். (மேலும்......)

இறுதி முடிவு மாயாதுன்னயிடம் - ஜே.வி.பி

மக்கள் விடுதலை முன்னணி (ஜே.வி.பி) சார்பான தேசியப் பட்டியல் நாடாளுமன்ற உறுப்பினர் பதவியை ஏற்பது தொடர்பாக முன்னாள் கணக்காளர் நாயகமான சரத்சந்திர மாயதுன்ன தனது முழுமையான விருப்பை வெளிப்படுத்தியிருக்காத நிலையில், அவர் அப்பதவியை ஏற்றுக் கொள்வது குறித்துச் சந்தேகம் காணப்படுவதாக, அக்கட்சி நேற்றுத் தெரிவித்துள்ளது. தனது நிலைப்பாட்டை மாயாதுன்ன இன்னமும் உத்தியோகபூர்வமாக வெளிப்படுத்தியிருக்காத போதிலும், ஏனைய கட்சிகளால் தேசியப் பட்டியல் நாடாளுமன்ற உறுப்பினர்களாக அறிவிக்கப்பட்டுள்ளவர்களுடன் இணைந்து செயற்படுவதில் அவர் தயக்கத்தைக் காட்டுவதைப் போல் காணப்படுவதாக, அக்கட்சியின் பொதுச் செயலாளர் டில்வின் சில்வா தெரிவித்தார். "அவர் இராஜினாமா செய்யும் பட்சத்தில், ஜே.வி.பி.யின் தேசியப் பட்டியல் மூலமாக இன்னுமொரு பொருத்தமான நபரை நியமிப்போம். மாயாதுன்ன இன்னமும் எங்கள் தெரிவு என்பதால், இன்னமும் எந்த முடிவும் எடுக்கப்படவில்லை" என டில்வின் சில்வா மேலும் தெரிவித்தார்.

(டி.பி.எஸ்.ஜெயராஜ்)

துரோகியாக்கப்படல் தொடர்பாக தமிழ் தேசியவாத அரசியலில் திரும்பத் திரும்ப தோன்றும் தொடர் நிகழ்வு தனது அசிங்கமான தலையை மீண்டும் உயர்த்தியுள்ளது. நான் இங்கு, காட்டிக் கொடுப்பு அல்லது தேசத்துரோகம் என்கிற சொற்களைப் பயன்படுத்தாமல் “துரோகியாக்கப்படல்” என்கிற சொல்லைப் பயன்படுத்தியிருப்பது, உண்மையான காட்டிக்கொடுப்பு அல்லது உண்மையான தேசத்துரோகம் புரிபவர்களுக்கும் மற்றும் நம்பிக்கை மோசம் புரிபவர்கள் அல்லது துரோகமிழைப்பவர்கள் என்று பெயரிடப்பட்டு குற்றம் சாட்டப்பட்டுள்ளவர்களுக்கும் இடையில் உள்ள வேறுபாட்டை பிரித்துக் காண்பிப்பதற்காகவே. (மேலும்......)

வியட்னாம் தேசிய கீதத்திற்கு காப்புரிமை பெற முயற்சி

வியட்னாம் நாட்டின் தேசிய கீதத்தை அமைத்த வரின் குடும்பத்தினர் அதற்கான காப்புரிமையை பெற முயற்சித்ததை அடுத்து அரசு அதனை நிராக ரித்துள்ளது. வடக்கு வியட்னாமின் தேசிய கீதமாக இருந்த 'டைன் குவன் கா' என்ற பாடல் கடந்த 1976 ஆம் ஆண்டு தொடக்கம் அந்நாட்டின் தேசிய கீதமாக இசைக்கப்படுகிறது. இந்த பாடலை அமைத்த நிகு யன் வான் சோ கடந்த 1995 ஆம் ஆண்டு மரணம டைந்த நிலையில் அவரது குடும்பத்தினர் அந்த பாட லுக்கு கடந்த வாரம் காப்புரிமை பெற்று பொது நிகழ்வுகளில் அதனை இசைப்பதற்கு கட்டணம் கோரி யுள்ளனர். எனினும் அந்த காப்புரிமையை அகற்றிக் கொள்ளுமாறு காப்புரிமை நிறுவனத்திற்கு வியட் னாம் கலாசார அமைச்சு உத்தரவிட்டுள்ளது. தேசிய கீதத்திற்கெல்லாம் காப்புரிமை பெற முடி யாது என்று குறிப்பிட்டிருக்கும் கலாசார அமைச்சின் அதி காரியான வூ சுவாங் தான், அந்த பாடலை அமைத்த வான் சோவின் மனைவி அதனை தேசத் திற்கு அர்ப்பணித்து 2010ம் ஆண்டு கடிதம் எழுதி இருப்ப தாகவும் குறிப்பிட்டார். எனினும் அதனை வான் சோவின் மூத்த மகன் நிராகரித்துள்ளார்.

சங்கப் பரிவாரங்களை எதிர்த்து வந்த மூத்த கன்னட எழுத்தாளர் எம் எம் கல்பர்கி இன்று காலை சுட்டுக் கொலை.

மூத்த கன்னட எழுத்தாளரும் ஹம்பி பல்கலைக் கழகத்தின் முன்னாள் துணைவேந்தருமான கல்பர்கி அவர்கள் இன்று சுட்டுக் கொல்லப்பட்டுள்ளார். இந்துத்துவ பாசிசத்தை எதிர்த்துத் தீவிரமாக எழுதிவந்த கல்பர்கி அவர்களுக்கு உயிராபத்து இருந்து வந்தது. மூன்று மாதங்களுக்கு முன் அவர் தனக்குப் பாதுகாப்பு வேண்டும் எனக் கோரியிருந்தார். பாதுகாப்பும் அளிக்கப்பட்டிருந்தது. இன்று காலை ஒரு மர்ம நபர் அவர் வீட்டுக் கதவைத் தட்டி கல்பர்கி வெளியே வந்தவுடன் சுட்டிருக்கிறார். மருத்துவமனையில் சிகிச்சை பலனின்றி இறந்துள்ளார். மறைந்த யு.ஆர் அனந்தமூர்த்தியின்ன் கருத்துக்களி இந்துத்துவ அமைப்புகள் எதிர்த்தபோது அவருக்கு ஆதரவு கொடுத்தவர் கல்பர்கி. இதை எதிர்த்து ஏற்கனவே பஜ்ரங் தளம் அவர் வீட்டைத் தாக்கியுள்ளது. இந்துத்துவ வன்முறை அமைப்பான சிறீ ராம சேனாவும் இவரைக் கண்டனம் செய்திருந்த்தது. விசுவ இந்து பரிஷத்தும் இவருக்கு எதிராக வெறுப்பைக் கக்கிப் பிரச்சாரம் செய்திருந்தது. இந்தக் கொலையின் பின்னணியில் இந்துத்துவ அமைப்புகளே இருக்க வேண்டும் என செய்திகள் தெரிவிக்கின்றன.

ஆவணி 30, 2015

தோழமைக் கட்சிகளை ஓரங்கட்டும் சம்பந்தனின் அதிரடி ஆட்டம்

எல்லாச் சவால்களையும் முறியடி த்து வெற்றிவாகை சூடிவிட்டதாக தமிழ்த் தேசியக் கூட்டமைப்புத் தெரிவித்துள்ளது. நெருக்கடி நிறைந்த தேர்தல் களத்தில் சவாலாக முளைத்திருந்த தமிழ்த் தேசிய மக்கள் முன்னணியைத் தோற்கடித்து வெற்றிபெற்றதையிட்ட பெருமிதம் கூட்டமைப்பின் கூற்றில் வெளிப்படுகிறது. வெளித்தோற்றத்தில் கூட்டமைப்பு வெற்றியடைந்திருப்பதாகத் தெரியலாம். கூட்டமைப்பும் இந்த வெற்றியைத் தனக்குக் கிடைத்த மகத்தான பரிசாகக் கருதிக் கொண்டாடலாம். ஆனால், யதார்த்த நிலைமை ஒன்றும் மகிழக் கூடியதாகவோ, வெற்றிகரமாகவோ அமையவில்லை. (மேலும்......)

செல்வியின் 24ஆம் ஆண்டின் நினைவாக

ஒருநாள்
எமது நாட்டின்
அரசியலற்ற அறிவு ஜீவிகள்
கவிஞர்கள் எழுத்தாளர்கள் தளபதிகள் என
கொலைகளையும் வன்முறைகளையும்
புலிகளின் காலத்தில் நியாயப்படுத்திய
கொடூரம் செய்த நீங்கள் அனைவரும்
எமது மக்களால் விசாரணை செய்யப்படுவீர்கள்.
உங்களால் அப்போது பதில் சொல்ல முடியாது.
உங்கள் முழுப் பொய்களும் விசாரணைக்கு உள்ளாகும்.
மெளனம் என்ற வல்லூறு உங்கள் குடலை தின்னும்.
உங்கள் அவமான உணர்வே உங்கள் உயிரை குடிக்கும்.

நம்பிக்கையிழந்த சோ..

முதல்வர் மருத்துவமனையில் சிகிச்சையில் உள்ள சோ அவர்களை சந்திக்கும் வீடியோவைப் பார்ப்பதற்கு மிகவும் வருத்தமாக இருக்கிறது. முதுமையும் மரணமும் இங்கு யாருக்கும் விலக்கல்ல என்ற போதிலும், இன்னும் சில நாட்கள் இவர் இருந்தால் இந்த தேசத்திற்கு மிகவும் நல்லது என்று கருதப்படுபவர்களில் முதன்மையான இடம் பெற்றிருப்பவர் திரு.சோ. தேசம் பல்வேறு நெருக்கடிகளைச் சந்தித்த போது, அதன் தலைவர்களைச் சந்தித்து நம்பிக்கையூட்டியவரே, இன்று தன் வாழ்நாள் குறித்த நம்பிக்கையிழந்து பேசுவதைக் காணும் போது, அவரது இழப்பைக் குறுகிய காலத்தில் நாம் சந்தித்தே ஆக வேண்டியதிருக்குமோ என்கிற பயம் வருகிறது. துக்ளக் ஆசிரியர் அவர்களே நீங்கள் மீண்டும் பத்ரிக்கை பணியை கூட தொடர வேண்டாம்.. இதோ எதற்க்கும் பணியாத துணிச்சலான, தேசத்தின் மீது அக்கறையுள்ள மிக சிறந்த பத்திரிக்கையாளான் எங்களுடன் உள்ளான் என நாங்கள் இன்னும் சில காலம் பெருமை பேச வேண்டும்...அதற்காவாவது மீண்டும் மீண்டு வாருங்கள் சோ..! காத்திருக்கின்றோம். (Arul Samuel Puliangudi)

ஆவணி 29, 2015

பிரபாகரன் தற்கொலை செய்திருக்கலாம் - கருணா

இலங்கையில் இடம்பெற்ற இறுதி யுத்தத்தின்போது தமிழீழ விடுதலைப் புலிகளின் தலைவர் பிரபாகரன், தனது கைத் துப்பாக்கியால் சுட்டு தற்கொலை செய்து கொண்டிருக்கலாம் என கருணா எனப்படும் விநாயகமூர்த்தி முரளிதரன் தெரிவித்துள்ளார். இந்தியத் தொலைக்காட்சி ஒன்றுக்கு வழங்கிய பிரத்தியேகச் செய்தியிலேயே அவர் மேற்படி தெரிவித்துள்ளார். “இறுதிப் போரில் பிரபாகரனின் மூத்த மகன் சார்ள்ஸ் அண்டனி உயிரிழந்துவிட்டார். இதனைத் தொடர்ந்து பிரபாகரனின் மனைவி மதிவதனி, மகள் துவாரகா ஆகியோர் ஷெல் வீச்சில் உயிரிழந்துவிட்டதாக உறுதியான தகவல் உண்டு. இதனைத் தொடர்ந்து இளைய மகன் பாலச்சந்திரனுடன் பிரபாகரன் இடம்பெயரும் போது பாலச்சந்திரன் கைது செய்யப்பட்டு கொலை செய்யப்பட்டிருக்கிறார். இதனைத் தொடர்ந்து பிரபாகரன் தனது கைத் துப்பாக்கியால் சுட்டு தற்கொலை செய்து கொண்டிருக்கலாம். வலது கை பழக்கம் உள்ள பிரபாகரன், இடப் பக்கத்தில் இருந்த கைத் துப்பாக்கியை வலது கையால் எடுத்து நெற்றிப் பொட்டின் மீது வைத்து சுட்டிருந்ததால்தான் அவரது தலை பிளவுபட்டுள்ளது. நிச்சயமாக இலங்கை இராணுவத்திடம் உயிரோடு பிடிபடும் சூழ்நிலையை பிரபாகரன் விரும்பமாட்டார். அவரைப் பற்றி எனக்கு நன்கு தெரியும். மஹிந்த ராஜபக்ஷவைப் பொறுத்தவரை தமது ஆட்சிக் காலத்தில் இறுதி யுத்தத்தில் நிகழ்ந்த மனித உரிமை மீறல்கள் தொடர்பாக உடனே நடவடிக்கை எடுத்திருக்க வேண்டும். அதை செய்யாமல் போய்விட்டார்” எனவும் கருணா மேலும் தெரிவித்துள்ளார்.

பிரபாகரன் கொல்லப்படுவது கருணாநிதிக்கு அறிவிக்கப்பட்டது

“இலங்கையில் நடைபெற்ற இறுதி யுத்தத்தில் இலங்கை ராணுவத்துக்கு ஏற்படும் முன்னேற்றம் பற்றி தி.மு.க. தலைவர் கருணாநிதிக்கு அடிக்கடி கூறப்பட்டது. இறுதி யுத்தத்தில், விடுதலைப் புலிகள் இயக்க தலைவர் பிரபாகரன் கொல்லப்பட போகிறார் என்பதும், இதோ, கொல்லப்பட்டு விட்டார் என்பதும், கருணாநிதிக்கு அறிவிக்கப்பட்டது. கருணாநிதி இந்த விஷயத்தில் தலையிடாமல் மெளனம் சாதித்தார்.” இவ்வாறு கூறியுள்ளார், சுப்ரமணியம் சுவாமி. (மேலும்......)

"தாழ்த்தப்பட்டவங்க வீட்ல இருந்து உங்க மகனுக்கு பெண் எடுபீங்களா ? -- அதெல்லாம் முடியாதுங்க அவங்க "எங்கள விட" கீழ் ஜாதில்ல...!
தாழ்த்தப்பட்டவங்க வீட்ல உங்க பெண்ணை குடுப்பீங்களா?
--- ஐயையோ அதெல்லாம் முடியாது அவங்க "எங்கள விட" கீழ் ஜாதி...
தாழ்த்தப்பட்டவங்கள கோவிலுக்கு உள்ளே விடுவீங்களா?
---அதெல்லாம் முடியாதுங்க அவங்க கீழ் ஜாதில்ல...
தாழ்த்தப்பட்டவங்கள உங்க வீட்டுக்கு உள்ளே விடுவீங்களா?
--அதெல்லாம் முடியாதுங்க அவங்க கீழ் ஜாதில்ல...
தாழ்த்தப்பட்டவங்கள ஊருக்குள்ள உங்களோட ஒண்னா சமமா வாழ விடுவீங்களா?
-- அதெல்லாம் முடியாதுங்க அவங்க கீழ் ஜாதில்ல அவங்க ஊருக்கு ஒதுக்குப்புறமா சேரிலதான் வாழனும்.
சரிங்க கடைசியா ஒன்று தாழ்த்தப்பட்டவங்கள செத்த பிறகு உங்களோட இடுகாடுலயே புதைக்க / எரிக்க விடுவீங்களா?
-- ஐயையோ அதெல்லாம் முடியவே முடியாது. அவங்க "எங்கள விட" கீழ் ஜாதி அவங்க தனி இடுகாட்டுல தான் புதைக்கணும்.
தாழ்த்தப்பட்டவங்களுக்கு இடஒதுக்கீடு பற்றி என்ன நினைகிறீங்க?
-- அது எப்படிங்க நியாயம் அவங்களுக்கு மட்டும் சலுகைகளா? எல்லாருக்கும் சமமாத்தான் இருக்கனும், இப்படிப் பிரிக்க கூடாது.
செத்த பிறகு கூட எங்கள சமமா நினைக்க மாட்டாங்களாம் ஆனா இடஒதுக்கீடுக்கு எதிராகப் பக்கம் பக்கமா சமத்துவம் பேசுவாங்கலாம். போங்கடா நீங்களும் உங்க சமத்துவமும்."
(நண்பர் ஒருவர் எனக்கு இப்பொழுது குறுஞ்செய்தியில் அனுப்பிய பெருஞ்செய்தி...!)(Kanniappan Elangovan)

மலையாள பூமியில் நிகழ்ந்த அற்புதமான மதநல்லிணக்கக் காட்சி

போரில் தன் கைகளை இழந்த ஓர் ஆப்கானிஸ்தான் முஸ்லீம் சகோதரருக்கு,மூளைச் சாவு அடைந்த கேரள கிருஸ்துவர் ஒருவரின் கைகளை,இந்து டாக்டர் ஒருவர் சர்ஜரி செய்து வெற்றிகரமாகப் பொருத்தினார் .... மகாபலி மன்னரின் மலையாள பூமியில் நிகழ்ந்த அற்புதமான மதநல்லிணக்கக் காட்சி,பார்க்கும் அனைவரின் கண்களையும் குளமாக்கி விடும் .... இறந்து போன தன் கணவரின் கைகளை,உற்று நோக்கும் அந்தத் தாயின் கண்களைப் பாருங்கள் ..... சோகத்தையும்,பெருமிதத்தையும் ஒருசேர வெளிப்படுத்தும்,உலகின் உன்னதமான புகைப்படம் இதுவேயாகும் ....
(இப்புகைப்படத்தை பதிவிட்டவர் ‪அதிரைஉபயா‬ என்ற சகோதரர்)

சாதாரண பாராளுமன்ற உறுப்பினர் ஒருவரின் அடிப்படைச் சம்பளம் – ரூ. 54525.00
போக்குவரத்துக் கொடுப்பனவு – ரூ. 10000.00
உணவு, குடிபானக் கொடுப்பனவு – ரூ. 1000.00
தொலைபேசிக் கட்டணம் – ரூ. 2000.00
பாராளுமன்றக் கூட்டமொன்றில் கலந்துகொள்வதற்கான கொடுப்பனவு -ரூ. 500.00
பாராளுமன்ற உறுப்பினர் ஒரு அமைச்சர் எனின்,
அவரின் அடிப்படைச் சம்பளம் – ரூ. 65000.00
பிரதி அமைச்சருக்கு அடிப்படைச் சம்பளம் – ரூ. 63500.00
மாதாந்தம் கொடுக்கப்படும் எரிபொருள் கொடுப்பனவு மாவட்டத்துக்கு மாவட்டம் வித்தியாசப்படும். (மேலும்......)

அரவிந்த் கேஜ்ரிவாலின் இதுவரையிலான ஆட்சி

அரவிந்த் கேஜ்ரிவாலின் மீது விமர்சனங்கள் இருந்தாலும் அவரது இதுவரையிலான ஆட்சி பற்றி பல நல்ல விசயங்களை கேள்விப் படுகிறேன். வேறு மாநிலங்களை விட தில்லியில் மின்சார கட்டணம் 40% குறைவு. தமிழகத்தில் அரசு ஆலைகள் யூனிட்டுக்கு மூன்றரை ரூபாய்க்கு மின் உற்பத்தி செய்து வந்த நிலையில் இன்று அரசு தனியாரிடம் இருந்து யூனிட்டுக்கு 6இல் இருந்து 7 ரூபாய் வரை மின்சாரத்தை வாங்குகிறது. இதன் மூலம் ஆயிரக்கணக்கான கோடிகளை தனியாரும் அரசியல்வாதிகளுமாய் மின்சாரத்தின் பெயரில் கொள்ளையிடுகிறார்கள். தில்லியில் இ-ரேஷன் அட்டை கொண்டு வந்துள்ளார்கள். நீங்கள் நேரடியாய் அலுவலகம் சென்று காத்து நின்று யார் காலையும் பிடிக்க வேண்டியதில்லை. மூன்று மாதம் கழித்து வாங்க என யாரும் உங்களை அலைகழிக்க மாட்டார்கள். இணையம் மூலம் விண்ணப்பித்து இணையம் மூலம் பெறும் மென் ரேஷன் அட்டையை கொண்டு தேவையான வேலைகளை செய்து கொள்ளலாம். அதே போல ஓட்டல்களுக்கான லைசன்ஸையும் இணையம் வழி பெறும் வசதியை கேஜ்ரிவாலின் அரசு ஏற்படுத்தி உள்ளது.
தமிழக வாக்காளர்களின் முக்கிய பிரச்சனை அவர்கள் எளிதில் மாற்றத்தை விரும்புவதில்லை என்பது. நாம் அதிகமாய் செண்டிமெண்ட் பார்க்கிறோம். தலைவர்களை நம் சாதிய, கலாச்சார பிரதிநிதிகளாய் பார்க்கிறோம். அவர்கள் நமக்காய் பணி செய்ய வேண்டியவர்கள் எனும் நினைப்பு நமக்கு இல்லை. அதே போல் மாற்றி மாற்றி இரு பெரிய கட்சிகளுக்கு ஓட்டளித்து நம் அரசியலை முழுக்க சோரம் போனதாக மாற்றி விட்டோம். சினிமாவோடோ சாதியத்தோடோ சம்மந்தப்படாத புது தலைவர்கள் தோன்றி ஆட்சி செய்ய வேண்டும். அப்போது நம் அரசியலும் புத்துணர்வு பெறும். (Abilash Chandran)

1983 ஜூலை 26ம் திகதி , இராணுவத் தளபதி 'திஸ்ஸ வீரதுங்க' அவர்கள் இராணுவத் தலைமையத்திலிருந்து சில இராணுவ அதிகாரிகளோடு வாகனத்தில் கடந்த நாட்களில் நடை பெற்ற வன்முறைகளை பார்வையி ட்டவாறு காலி வீதிவழியாக வந்து கொண்டிருந்தார்.
வண்டி பம்பலப் பட்டியை அண்மி்க்கும் போது , இந்தியவம் சாவளி தொழில் அதிபரான 'ஏ.வை.எஸ். ஞானம்' அவர்களது வர்த்தக நிலைய த்திற்கு ஒரு கும்பல் தீ வைக்க முயன்றுக் கொண்டிருந்தது. அக் கும்ப லுக்கு ஒரு வயது முதிர்ந்த ஒருவர் தலைமை தாங்குவதையம் இராணு வத்தினர் அவதானித்தனர். உடனடியாக மேஜர் சுனில் பீரிஸ் வாகனத்தி லிருந்து இறங்கி அந்த வயது முதிர்ந்தவரை கைது செய்ய முயற்சித் தப்போது, உடனே அக்கும்பலில் ஒருவர் " அது கெளரவ அமைச்சர்" என்றதும் தடுமாறி விட்டார். அவர் வேறுயாருமல்ல ' கைத்தொழில், விஞ்ஞான விவகார அமைச்ச ராக இருந்த அமைச்சர் சிறீல் மெத்யூ வாகும்.
அமைச்சர் தம்மை காப்பாற்றிக் கொள்ள நேராக ஜனாதிபதி ஜே.ஆர். ஜெயவர்த்தன வீட்டுக்கே போய் "தாம் என்ன நடக்கிறது எனபார்ப்பதற்கா க சென்ற தன்னை கைது செய்ய முயற்சித்த தற்காக தம்மிடம் மேஜர் சுனில் பீரிஸ் மன் னிப்பு கே்ட்க வேண்டும்" எனக் கூற, ஜே.ஆரும் அவரிடம் மன்னி்ப்பு கேட் கும்படி பணிததார் "எந்தத் தவறும் செய்யாத நான். மன்னிப்பு கேட்க வேண்டிய அவசியமே இல்லை. என 'மேஜர் சுனில்பீரிஸ்' கேட்க மறுத்து விட்டார்.

தேசிய அரசில் இணைகிறார் சமல் ராஜபக்ச

முன்னாள் சபாநாயகரும், ஐ.ம.சு.மு சார்பில் ஹம்பாந்தோட்டை மாவட்டத்தில் போட்டியிட்டு பாராளுமன்றத்துக்குத் தெரிவுசெய்யப்பட்டவருமான சமல் ராஜபக்ச தேசிய அரசாங்கத்துடன் இணைந்து கொண்டுள்ளார். தேசிய அரசாங்கத்தை அமைப்பது என்ற ஸ்ரீலங்கா சுதந்திரக் கட்சியின் தலைவரும், ஜனாதிபதியுமான மைத்திரிபால சிறிசேனவின் முடிவுக்கு இணங்கி தேசிய அரசாங்கத்தில் தான் இணைந்துகொள்வதாக அவர் கூறினார். ராஜபக்ச குடும்பத்தில் ஏனைய உறுப்பினர்கள் எதிர்க்கட்சியில் அமரப்போவதாகக் கூறியிருப்பது தொடர்பில் கேட்டபோது, “கட்சியில் தொடர்ந்தும் இருப்பதாயின் கட்சித் தலைமையின் தீர்மானத்துக்கு அமைய நாம் நடந்துகொள்ள வேண்டும். அவ்வாறு இல்லையெனில் நாம் கட்சியைவிட்டு வெளியேறவேண்டும். இந்த இரண்டு தெரிவுகளுமே எமக்கு உள்ளது” என அவர் கூறினார். ஐ.ம.சு.முவில் சில உறுப்பினர்கள் ஆளும் தரப்பிலும், சிலர் எதிர்க்கட்சியிலும் அமரப்போவதாகக் கூறியுள்ளனர். இதில் முன்னாள் ஜனாதிபதி மஹிந்த ராஜபக்ச மற்றும் அவருடைய மகன் நாமல் ராஜபக்ச ஆகியோர் எதிர்க்கட்சி ஆசனங்களில் அமரவிருப்பதாக அறிவித்திருந்தமை குறிப்பிடத்தக்கது.

ஆவணி 28, 2015

(தோழர் ஜேம்ஸ்)

சாந்தி மனோராஜசிங்கம் என்று எங்களால் அறியப்பட்ட சாந்தி பிற்காலத்தில் பலராலும் சாந்தி சச்சிதானந்தம் என்று அறியப்பட்டவர். 1984ஃ85 களில் யாழ்ப்பாணத்தின் செம்மண் பிரதேசங்களில் கூலி விவசாயிகள் மட்டத்தில் அரசியல் வேலைகள், அரசியல் கருத்தரரங்குகளில் எனக்கு மிகவும் பரீட்சயமானவர். எனது சக தோழியும் தற்போது என் வாழ்கைத் துணையாக பயணிக்கும் தோழர் அஞ்சலியுடன் இணைந்து கிராமத்துப் பெண்கள் மட்டத்தில் அரசியல் வேலை செய்தபோது நானும் இணைந்து செயலாற்றியது இன்றும், இன்னமும் பசுமையாக மனத்தில் இருக்கின்றது. (மேலும்......)

பதவி வெறியில் பிரேமச்சந்திரன் பிதற்றல்!

(மாதவன் சஞ்சயன்)

ஓடிப்போனவனுக்கு 9ல் குரு. 10ல் வியாழன் பதியை விட்டு கிழப்பும் என சாத்திரகாரர் கூறுவார். அப்படி என்றால் பாராளுமன்றத்துக்கு தெரிவாகி அடுத்த 5 வருடங்கள் வடக்கு, கிழக்கில் இருந்து தெற்கு போபவருக்கு 9ல் குரு. பதவி பறி போய் புலம்புவருக்கு 10ல் வியாழன். வடக்கின் பனம் கொசு போல கிழக்கின் ஆட்காட்டி குருவிகளும் பத்திரிகையாளர் சந்திப்பை நடத்தின. கிழக்கின் ஆட்காட்டிகள் அதன் செயலாளரை திட்ட, பனம் கொசு தமிழரசு கட்சியின் செயல் வெட்கம் கெட்ட தனமானது என கூறுகிறது. கிழக்கில் வெளிப்பட்டது உள்கட்சி விவகாரம். தமிழரசு கட்சி செயலாளர் பதவி மாவையின் விருப்பில் துரைராஜசிங்கதுக்கு கொடுக்கப் பட்ட போதே சலசலப்பு ஏற்ப்பட்டது. மாவைக்கு தேவைப்பட்டது தலையாட்டி. அதன் விளைவு தான் 4 ஆசன ங்கள் கிடைத்திருக்க வேண்டிய மட்டுநகரில் 3 ஆசனங்கள் மட்டுமே கிடைத்த நிலைமை. கழுத்தறுப்புகள் 1 ஆசனத்தை காவு கொடுத்தது. வடக்கில் வெளிப்பட்டது சுரேசின் வெட்கம் கெட்ட பதவி வெறி போக்கிலி நியாயம். (மேலும்......)

தேசிய அரசாங்கத்திற்கு ஆதரவு - டக்ளஸ் தேவானந்தா

அமையவிருக்கும் தேசிய அரசாங்கத்திற்கு தமது ஆதரவை வழங்கவுள்ளதாக ஈழமக்கள் ஜனநாயகக் கட்சியின் செயலாளர் நாயகமும் முன்னாள் அமைச்சரும் நாடாளுமன்ற உறுப்பினருமான டக்ளஸ் தேவானந்தா அவர்கள் ஊடகங்களுக்கு கருத்துத் தெரிவித்துள்ளார். மேலும் அவர் கூறுகையில் தமிழ் பேசும் மக்களின் அரசியல் உரிமை தீர்வு குறித்தும் அழிவு யுத்தத்திலிருந்து மீண்டெழுந்து வரும் மக்களுக்கு மேலும் ஆற்றவேண்டிய வாழ்வாதார உரிமைகள் குறித்தும் அமையப்போகின்ற புதிய அரசு அக்கறையுணர்வோடு செயற்படப்போவதாக உறுதி அளித்துள்ளது.  இதை நம்பிக்கையோடு வரவேற்பதாக தெரிவித்திருக்கும் செயலாளர் நாயகம் டக்ளஸ் தேவானந்தா அவர்கள், தமிழ் பேசும் மக்களின் அரசியல் நலன்கருதி அமையப்போகின்ற தேசிய அரசிற்கு தமது ஆதரவை வழங்குவதாக ஊடகங்களுக்கு மேலும் தெரிவித்துள்ளார். தமிழத் தேசியக் கூட்டமைப்பு மந்திரிசபையில் இடம் வேண்டாம் என்கின்றது. தேவா தேசிய அரசாங்கத்திற்கு ஆதரவு என்கின்றார். பிறகு என்ன டக்ளஸ் இற்கு மந்திரிப் பதவி உறுதி. பிரேமதாசா காலத்தில் ஆரம்பித்த மந்திரிப் பதவி பயணம் இனியும் தொடரும்.

அரசியல் விமர்சகரும், சமூகவியல் ஆய்வாளரும், பெண்ணியல் வாதியுமான சாந்தி சச்சிதானந்தம் கொழும்பு தனியார் வைத்தியசாலையில் இன்று வியாழக்கிழலை காலமானார். நீண்டகாலமாக சுகயீனமடைந்திருந்த நிலையிலும், சமூகப் பணிகளில் ஆர்வம் காட்டியதுடன் சமகால அரசியல் நிலைமைகளையும் நாளேடுகளில் விமர்சித்து வந்தார். கொழும்பு – 07 டொரின்டன் அவனியுவிலுள்ள விழுது மேம்பாட்டு மையத்தின் ஸ்தாபகரும், அதன் நிறைவேற்றுப் பணிப்பாளராகவும் பதவிவகித்த அவர், ஐக்கிய நாடுகள் சபையிலும் ஆரம்பகாலங்களில் பணியாற்றியிருந்தார். யாழ்ப்பாணத்தைப் பிறப்பிடமாகக் கொண்ட சாந்தி சச்சிதானந்தம், மொரட்டுவ பல்கலைக்கழக பொறியியல் பட்டதாரியாக விளங்கிய போதிலும், அந்தத் துறையில் ஈடுபடாது, சமூகப் பணிகளிலேயே கூடுதலாக ஈடுபட்டுவந்தார். ஆங்கிலம், தமிழ் ஆகிய இரண்டு மொழிகளிலும், பாண்டித்தியம் பெற்ற அவர், இரண்டு மொழிகளிலும் ஆக்கங்களை எழுதியிருந்தார்.  மட்டக்களப்பிலுள்ள மன்று என்ற அரச சார்பற்ற நிறுவனத்தின் ஸ்தாபகராக விளங்கிய அவர், கிழக்கு மாகாணத்தில் பல சமூக அபிவிருத்திப் பணிகளிலும் ஈடுபட்டார். விடுதலைப் போராட்டம் ஆரம்பித்த காலத்தில் மிகத் தீவிரமாக ஈடுபட்ட இவர், இலங்கை அரசாங்கத்தின் நடவடிக்கைகளை விமர்சித்து பல ஆக்கங்களையும் எழுதியிருந்தார். 1958ஆம் ஆண்டு பிறந்த சாந்தி சச்சிதானந்தத்திற்கு 2 பெண் பிள்ளைகளும், ஒரு ஆண் மகனும் உள்ளனர். இவரது கணவர் மனோ ராஜசிங்கம் 2009ஆம் ஆண்டு காலமானமையும் குறிப்பிடத்தக்கது.

“CV”யின்… சீற் கிழியுமா…?

வடமாகாண முதலமைச்சரினை வீட்டுக்கனுப்பும் கூட்டமைப்பு சதித்திட்டம் தேர்தலின் பின்னராக மீண்டும் ஆரம்பமாகியுள்ளது. நேற்று திங்கட்கிழமை நடைபெற்ற மாதாந்த முன்னோடிக்கூட்டத்தில் முதலமைச்சரினை பதவியினை ராஜினாமா செய்து வீட்டுக்கு செல்லும்படி வடமாகாணசபை உறுப்பினர்களான சுகிர்தன், சயந்தன், பரஞ்சோதி மற்றும் ஆனோல்ட் கும்பல் கோரியுள்ளது. இனிமேல் முதலமைச்சரின் தலைமையினை ஏற்கப்போவதில்லையெனவும் அவர் தலைமையிலான கூட்டங்களிற்கு பிரசன்னமாகப்போவதில்லையெனவும் தெரிவித்து மிரட்டியுள்ள இக்கும்பல் கௌரவமாக பதவியினை ராஜினாமா செய்துவிட்டு வீடு செல்லவும் வற்புறுத்தியுள்ளது.(மேலும்......)

கெட்ட காலம் வருகுது... கெட்ட காலம் வருகுது...! பொருளாதார நெருக்கடி வருகுது...! முதலாளித்துவம் நொறுங்குது...!

உலகம் மீண்டும் ஒரு பொருளாதார நெருக்கடியை எதிர்நோக்கிக் கொண்டிருக்கிறது. ஆட்சியாளர்கள் "ஆபத்தில்லை" என்று அடக்கி வாசிக்கிறார்கள். ஆனால், பங்குச்சந்தைகளை பயம் தொற்றிக் கொண்டுள்ளது. உலா நாடுகள் யாவற்றிலும், பங்குச் சந்தைகள் சரிவை நோக்கிச் சென்று கொண்டிருக்கிறன. ட்ரில்லியன் கணக்கான பணம் மாயமாக மறைந்து போனது.1998 ம் ஆண்டு, உலக பொருளாதார நெருக்கடி ஆசியாவில் ஆரம்பமாகியது போன்று, இந்த வருடமும் அது சீனாவில் தொடங்கியுள்ளது. இரண்டு நெருக்கடிகளுக்கும் மூல காரணம் ஒன்று தான். அதாவது, முதலாளித்துவ பொருளாதாரத்தின் மிகப் பெரிய பலவீனம்: அளவுக்கு மிஞ்சிய உற்பத்தி. (மேலும்......)

(வ.ந. கிரிதரன்)

சாந்தி சச்சிதானந்தம் நாடறிந்த சமூக சேவையாளர்; எழுத்தாளர். விழுது அமைப்பின் ஸ்தாபகர். இலங்கையிலேயே தொடர்ந்தும் தங்கியிருந்து பெண்களின் உரிமைக்காக, மனித உரிமைகளுக்காகத் தொடர்ந்தும் போராடி வந்தவர். இவரை எனக்கு 1978இலிருந்து தெரியும். என்னுடன் மொறட்டுவைப்பல்கலைக்கழகத்தில் கட்டடக்கலை பயின்றவர். இவரது தந்தையார் சச்சிதானந்தம்தான் லங்கா சமசமாஜக் கட்சி சார்பில் 1970இல் நல்லூர் தொகுதியில் தேர்தலில் போட்டியிட்டவர். சிறிது காலத்தின் முன்புதான் என் முகநூல் நண்பர்களிலொருவராக இணைந்து கொண்டார். இவரது திடீர் மறைவு யாரும் எதிர்பாராதது. நீண்ட நாள்களாக இவர் நோய்வாய்ப்பட்டிருந்த விடயமே இவரது மறைவினையொட்டி வெளியான செய்திகளின் வாயிலாகவே அறிந்துகொண்டேன். இவரது திடீர் மறைவானது பழைய நினைவுகள் சிலவற்றை அசைபோட வைத்துவிட்டது. (மேலும்......)

இந்திய

ஸ்மார்ட் நகரங்களின் பட்டியலை வெளியிட்டது மத்திய அரசு

நரேந்திரமோதி தலைமையிலான மத்திய அரசின் கனவுத் திட்டங்களில் ஒன்றான ஸ்மார்ட் சிடி திட்டத்தின் கீழ் பயன்பெறவிருக்கும் நகரங்களின் பட்டியல் இன்று வெளியிடப்பட்டுள்ளது. தமிழ்நாட்டில் இருந்து 12 நகரங்கள் இதற்காகத் தேர்வுசெய்யப்பட்டுள்ளன. நரேந்திர மோதி அரசின் கனவுத் திட்டமான ஸ்மார்ட் சிடி திட்டத்தின் கீழ் பயன்பெறக்கூடிய நகரங்களின் பட்டியலை மத்திய நகர்ப்புற மேம்பாட்டுத் துறை அமைச்சர் வெங்கய்ய நாயுடு இன்று வெளியிட்டார். (மேலும்......)

அப்பாவித் தமிழன் மனதில் தோன்றும் சில அசட்டுக் கேள்விகள்!

(ஜெயம்கொண்டான்)

1. திரும்பத் திரும்ப குறித்த சிலருக்கே தேர்தலில் நிற்கும் வாய்ப்பைக் கூட்டமைப்பு வழங்குவதன் காரணம் என்ன? மத்தியில் ஜனாதிபதி தேர்தலில், முன்பு ஒருவர் இரண்டு முறைக்கு மேல் நிற்கமுடியாது என்றிருந்தாற்போல கூட்டமைப்புக்குள்ளும் ஓர் கட்டுப்பாட்டை ஏன் கொண்டுவரக் கூடாது?

2. தேர்தலில் நின்று தோற்றவர்களுக்கு தேசியப்பட்டியலில் இடம் வழங்குவது மக்கள் கருத்தை நிராகரிப்பதாகும் என கஃபே அமைப்பு சொல்லியிருக்கிறது. அப்படியானால் தேர்தலில் நின்று தோற்ற இருவருக்கு இடம் வழங்கியதன் மூலம் கூட்டமைப்பும் தனக்கு ஆதரவான தமிழ்மக்கள் கருத்தை அலட்சியம் செய்கிறதா? (மேலும்......)

(Seyadh Mohamad)

ஒரு நாள் ISIS தீவிரவாதிகள் காரில்
சென்றுகொண்டிருந்த ஒரு குடும்பத்தை வழி
மறித்தனர்.
ISIS தீவிரவாதி -
நீ எந்த மதம்?
அந்த மனிதர் -
நாங்கள் முஸ்லிம்
(அவர்கள் உண்மையில் கிருஸ்டியன்)
ISISதீவிரவாதி -
அப்படியானால் குரானிலிருந்து சில வரிகளை சொல் பார்க்கலாம்.
(காரில் இருந்தவரின் மனைவி
நடுங்கிவிட்டாள்)
ஆனால் அவர் சிறிதும் தயக்கமின்றி
பைபிளில் இருந்து சில வரிகளை
கூறினார்.

(மேலும்......)

சிவாஜி கணேசனுக்கு  மணிமண்டபம்

சிவாஜி கணேசனுக்கு தமிழக அரசே மணிமண்டபம் எழுப்பும் என்று சட்டப்பேரவையில் முதலமைச்சர் அறிவித்ததை வரவேற்கிறேன். நடிகர் சங்கம் இதை அறிவித்தும் பணிகள் தொடங்காத நிலையில் அரசாங்கமே இதைச் செய்வது நல்லதுதான். ஆனால் அந்த மணிமண்டம் ஏதோ மையத்தில் சிவாஜி கணேசன் சிலையை வைத்துவிட்டு, சுற்றுலாப்பயணிகள் வந்து பார்வையிட்டுவிட்டுப்போகிற இடமாகவோ, வெறும் வழிபாட்டு மன்றமாகவோ இருக்கக்கூடாது. கலைத்துறை சார்ந்த ஆய்வுகள், நடிப்பு உள்ளிட்ட கலை இலக்கிய வரலாற்றுப் பதிவுகள், பண்பாட்டுத்தள விவாதங்கள் நடைபெறுகிற மையமாகத் திகழ வேண்டும். மக்களுக்கான கலை இலக்கிய அமைப்புகள் எளிய செலவில் பொது நிகழ்ச்சிகளை நடத்த வாய்ப்பளிக்கிற அரங்கமாக உருவாக வேண்டும். (மேலும்......)

"1917 சோவியத் புரட்சியின் விளைவாக, அமெரிக்கப் பெண்கள் கம்யூனிசத்தை ஆதரிக்கப் போகிறார்கள் என்ற அச்சத்தில், அமெரிக்காவில் 1920 ம் ஆண்டு, பெண்களுக்கு வாக்குரிமை வழங்கப் பட்டது." அமெரிக்கப் பெண்கள், வாக்குரிமைக்காகவும், சம உரிமைக்காகவும், 72 வருடங்களாக போராடிக் கொண்டிருந்தார்கள். பெண்களின் சம உரிமைப் போராட்டங்களுக்கு கடைசி வரைக்கும் அசைந்து கொடுக்காத அமெரிக்க அரசு, 1917 ம் ஆண்டு விழித்துக் கொண்டது. அந்த ஆண்டு, ரஷ்யாவில் சோஷலிசப் புரட்சி வெடித்தது. சோவியத் யூனியனை உருவாக்கிய போல்ஷெவிக் கம்யூனிஸ்டுகள், பெண்களுக்கு சம உரிமையும், வாக்குரிமையும் வழங்கியது. அன்றைய உலகில், பெண்களுக்கு வாக்குரிமை வழங்கிய மிகக் குறைந்த நாடுகளில் சோவியத் யூனியனும் ஒன்றாகும். சோவியத் யூனியனில் நடந்த மாற்றம், மேற்கத்திய நாடுகளில் எதிரொலித்தது. அந்த நாடுகளில் உள்ள கம்யூனிஸ்ட் கட்சிகளும், பெண்களின் சம உரிமைக்காக, வாக்குரிமைக்காக பிரச்சாரம் செய்து வந்தன. அதனால், பெண்கள் கம்யூனிசத்தை ஆதரிக்கப் போகிறார்களே என்ற அச்சத்தில், பிரிட்டன் (1918), ஜெர்மனி(1918), அமெரிக்கா(1920) ஆகிய நாடுகளிலும் பெண்களுக்கு வாக்குரிமை கொடுத்தார்கள். அமெரிக்காவில், 26 ஆகஸ்ட் 1920 ம் ஆண்டு, 19 ம் திருத்தச் சட்டம் மூலம் வாக்குரிமை வழங்கப் பட்டது.
பிற்குறிப்பு: இந்தத் தகவலை அறிந்து கொண்டாலும், சில நன்றி கெட்ட நாய்கள், இனிமேலும் கம்யூனிசத்திற்கு எதிராக குரைத்துக் கொண்டிருக்கும். அவை எலும்புத் துண்டுகளை வீசியெறியும் அமெரிக்க எஜமானுக்கு, தமது அடிமை விசுவாசத்தை தொடர்ந்தும் காட்டிக் கொண்டிருக்கும். (Kalaiyarasan Tha)

இன்று மாலை யாழ் போதனா வைத்தியசாலையில் தங்கி சிகிச்சை பெற்ற எனது அம்மாவுக்கு மருந்து குளிசைகளை பெற்று கொள்வதற்காக வைத்தியசாலை மருந்து பெறும் இடத்தில் வரிசையில் நின்றேன் எனக்கு முன்பாக ஒரு பெண் மருந்து பெறுவதற்காக சிட்டையை(துண்டு) மருந்து கொடுப்பவரிடம் நீட்டினால் அவரும் குளிசைகளை ஒவ்வொன்றாக பொதி செய்து கொண்டு "யாருக்கு" என்று கேட்டார் பெண்ணும் என்ர மகளுக்கு என்றால் தொடர்ந்து கேட்டார் "எத்தனை வயதோ" பெண் சொன்னால் "15" நல்லம் பேத் எடு என்றார் பெண்ணுக்கு புரியவில்லை முழுசினாள் அவர் மருந்து கொண்டு போ என்றார் பெண் ஒண்டும் பேசவில்லை நின்று கொண்டிருந்தால் அண்ணா கொடுங்க என்று என்னை பார்த்து சொன்னார். (மேலும்.....)

ஆவணி 27, 2015

பறந்து வரும் அரசியல் பருவ கால பறவைகள்!

(மாதவன் சஞ்சயன்)

காட்டுக் கோழியை தேடி கழுகு வந்துள்ளது. அடுத்து மயிலும் செந்தலை கொக்கும் எட்டிப்பார்க்கும். பறவைகள் சந்திப்பின் பலன் யாருக்கு என்பதே கேள்வி. சிறிலங்காவின் தேசியப் பறவை காட்டுக் கோழி யை பார்க்கத்தான் அமெரிக்க தேசியப் பறவை கழுகு வந்துள்ளது. இனி இந்திய தேசியப் பறவை மயிலும் சீன தேசியப் பறவை செந்தலை கொக்கும் பறந்துவரும். காட்டுக் கோழி யாருடன் கூட்டு என்பதே பேசு பொருளாகும். கூடிப் பேசி பின் முடிவாகும். இந்தியாவை அணைக்க முடியாது. சீனாவை பகைக்க முடியாது. அமெரிக்காவை விலத்த முடியாது. புலிகள் இருக்கும் வரை யுத்த தேவை கருதி தான் விரும்பியவரை தெரிவு செய்த மகிந்த அதன் பின்பும் அதை தொடர, கழுகும் மயிலும் மைத்திரியை கொண்டுவந்தது. மைத்திரி மயிலுடனும் செந்தலை கொக்குடனும் உறவாட, கழுகு ரணிலை கொண்டுவந்தது. காட்டுக் கோழி இப்போது மூன்றிடமும் மாட்டிக்கொண்டது. மைத்திரியும் ரணிலும் கூடி முடிவெடுக்கும் நிலையில். (மேலும்......)
 

வெளிவந்துவிட்டது வானவில் 56

தாய்நாட்டின் மீது இருள் சூழ்ந்தது!

இலங்கையின் 15வது நாடாளுமன்றத்துக்கு உறுப்பினர்களைத் தெரிவு செய்வதற்கான பொதுத் தேர்தல் ஓகஸ்ட் 17ஆம் திகதி நடைபெற்று முடிந்துள்ளது. இந்தத் தேர்தலின் மூலம் அரசாங்கம் ஒன்றை அமைப்பதற்குத் தேவையான 113 உறுப்பினர்கள் தொகை (மொத்த தொகை – 225) எந்தவொரு பிரதான கட்சிக்கும் கிடைக்கவில்லை. இருப்பினும் ஆகக் கூடுதலான தொகையான 106 உறுப்பினர்களை ஐக்கிய தேசியக் கட்சி (ஐ.தே.க) தலைமையிலான பல கட்சி முன்னணி பெற்றுள்ளது. அதற்கடுத்ததாக, 95 ஆசனங்களை ஐக்கிய சுதந்திர மக்கள் கூட்டமைப்பு (ஐ.ம.சு.கூ) பெற்றுள்ளது. இறுதி நிலவரங்களின்படி, ஐ.தே.க ஆட்சியமைப்பதற்கு ஐ.ம.சு.கூ வின் சிறுபான்மையினர் முன்வந்துள்ளனர். இவற்றோடு 6 உறுப்பினர்கள் கொண்ட இனவாத, அரசியல் சந்தர்ப்பவாதக் கட்சியான ஜே.வி.பி, ஐ.தே.கவுடன் சேர்ந்து போட்டியிட்டாலும், தனியாகவும் போட்டியிட்டு 1 உறுப்பினரைப் பெற்றுக்கொண்ட சிறீலங்கா முஸ்லிம் காங்கிரஸ், 16 உறுப்பினர்கள் கொண்ட தமிழ் தேசியக் கூட்டமைப்பு போன்ற கட்சிகளின் ஆதரவும் ஐ.தே.க விற்கு இருக்கும். ஐ.தே.க. அரசுக்கான தமது ஆதரவை தமிழ் தேசியக் கூட்டமைப்பு தலைவர் இரா.சம்பந்தன் தேர்தலுக்கு முன்னரே பகிரங்கமாக கூறியுள்ளார். (மேலும்......)

சம்பூர் அபிவிருத்திக்கு அமெரிக்கா நிதியுதவி

இலங்கைக்கான இரண்டு நாட்கள் உத்தியோகபூர்வ விஜயத்தை மேற்கொண்டுள்ள தெற்கு மற்றும் மத்திய ஆசிய விவகாரங்களுக்கான அமெரிக்காவின் உதவி இராஜாங்கச் செயலாளர் நிஷா பிஸ்வால், சம்பூர் பிரதேசத்தின் அபிவிருத்திக்கு ஒரு மில்லியன் அமெரிக்க டொலர்களை நிதியுதவியளிக்க அமெரிக்கா முன்வந்துள்ளதாக அறிவித்தார். அத்துடன், புதிய அரசாங்கத்துடன் இணைந்து பணியாற்றுவதற்கு தாம் எதிர்பார்ப்புடன் உள்ளதாகவும் அவர் குறிப்பிட்டார். இரண்டு நாட்கள் உத்தியோகபூர்வ விஜயத்தை மேற்கொண்டு நேற்று செவ்வாய்க்கிழமை (25) அதிகாலை இலங்கையை வந்தடைந்த அவர், வெளிவிவகார அமைச்சர் மங்கள சமரவீரவை அவ்வமைச்சில் சந்தித்து கலந்துரையாடிய பின்னர், ஊடகங்களுக்கு கருத்து வெளியிடும் போதே மேற்கண்டவாறு கூறினார். (மேலும்......)

அமெரிக்கா! அமெரிக்கா!!
நிசா பீஷ்வால் பல்டி…..

எதிர்வரும் ஜெனீவா மனித உரிமைகள் மாநாட்டில் சிறிலங்காவுக்கு ஆதரவான பிரேரணை ஒன்றை அமெரிக்கா முன்வைக்கும் என்று, உதவி ராஜாங்க செயலாளர் நிஷா பீஷ்வால் அறிவித்துள்ளார். சர்வதேச ஊடகவியலாளர்களிடம் அவர் இதனைக் கூறியுள்ளார்.
சிறிலங்காவின் போர்க்குற்றங்கள் தொடர்பில் உள்நாட்டு விசாரணைகளே நடத்த வேண்டும் என்று சிறிலங்கா அரசாங்கம் வாதிட்டு வருகிறது. இதற்கு ஆதரவு தெரிவிக்கும் வகையில், குறித்த பிரேரணை செப்டம்பர் கூட்டத் தொடரில் முன்வைக்கப்படும் என்று அவர் குறிப்பிட்டுள்ளார். சிறிலங்கா மற்றும் இந்த விவகாரத்துடன் தொடர்பு பட்ட அனைவரும் ஒன்றிணைந்த இந்த பிரேரணைக்கு ஆதரவளிக்கவிருப்பதாகவும் அவர் தெரிவித்துள்ளார்.
இதன்படி யுத்தக்குற்றங்கள் குறித்து சர்வதேச விசாரணை நடத்தப்பட வேண்டும் என்ற தமிழ் மக்களின் கோரிக்கை, இல்லாது செய்யப்பட்டது.

சோவியத் யூனியனில் இருந்த ஓர் உணவுவிடுதியின் விலைப் பட்டியல்  

சோவியத் காலங்களில், உணவுவிடுதியில் சாப்பிடுவது கூட, எந்தளவு மலிவாக இருந்தது என்பதற்கு ஓர் உதாரணம். இது சோவியத் யூனியனில் இருந்த ஓர் உணவுவிடுதியின் விலைப் பட்டியல். "ரெஸ்டாரன்ட் காவ்காஸ்" ரீகா (இன்று லாட்வியாவின் தலைநகரம்) நகரில் உள்ளது. இங்குள்ள விலைப்பட்டியலில், உணவுவிடுதியின் பெயரும், மெனு தயாரித்த ஆண்டும் (1981) அச்சிடப் பட்டுள்ளது. இதிலுள்ள உணவுப் பதார்த்தங்களின் விலைகளை பாருங்கள். எதுவுமே இரண்டு ரூபிளுக்கு மேலே இல்லை. 1981 ம் ஆண்டு, ஒரு ரூபிளின் பெறுமதி 0.67 அமெரிக்க டாலர்கள். அப்படியானால், இந்தப் பட்டியலில் உள்ள உணவுகள், சராசரி ஒரு டாலராக இருந்துள்ளன. இன்றைக்கு இவையெல்லாம் பழங்கதைகள். ரீகா நகரில் வாழும், இளைய தலைமுறையினர், தாம் தவற விட்ட பொற்காலத்தை எண்ணி பெருமூச்சு விட்டுக் கொண்டு இருக்க வேண்டியது தான்.  (பிற்குறிப்பு: எனக்கு கொஞ்சம் ரஷ்ய மொழி தெரியும். இலகுவான சொற்களை நானே வாசித்து அறிந்து கொண்டேன். நான் சொல்வதை நம்ப மறுப்பவர்கள், சரளமாக ரஷ்ய மொழி தெரிந்தவரிடம் இதைக் காட்டி விசாரிக்கலாம்.) (Kalaiyarasan Tha)

ஆங்கிலம் தமிழிலிருந்து வந்தது !!!

ஆதாரம் இதோ...........
W.W skeat என்பவர், The Etymological dictionary of the English language இல் உள்ள 14,286 சொற்களில் 12,960 வார்த்தைகள் தமிழிலிருந்து வந்தவை (அதாவது 90% வார்த்தைகள் தமிழிலிருந்து வந்தவை) என்கிறார் ஆய்வின்படி.
எடுத்துகாட்டுகள் :
Cry - ”கரை” என்ற தூயத் தமிழிலிருந்து வந்தது.
கரைதல் என்றால் கத்துதல். காக்கைக் கரையும் என்பர்.
Clay - களி (களிமண்) என்ற தமிழ்ச்சொல்லிலிருந்து வந்தது.
Blare - ”பிளிறு” என்ற தமிழ்ச்சொல்லிலிருந்துவந்தது.
Culture - கலைச்சாரம் என்பதிலிருந்து வந்தது
இதுமட்டுமல்ல இலத்தின், கிரேக்கம், செர்மன் மொழிகள் போன்ற பலவும் தமிழ் மூலத்திலிருந்து வந்தவை பின் ஒன்றோடொன்று கலந்து பலச் சொற்களை உருவாக்கிக் கொண்டன என்று சொல் ஆய்வாளர்கள் உறுதிசெய்கின்றனர்.
ஆதாரம் : “உலகமொழிகளில் தமிழ்ச்சொற்கள்” - ப.சண்முகசுந்தரம். உலகத்தமிழ் ஆராய்ச்சி நிறுவன வெளியீடு.
ஆதாரம் கேட்கும் நண்பர்களுக்காக இந்த ஆதாரத்தைக் காட்டியுள்ளேன்.
மேலும் ஆதாரங்களுடன் பல செய்திகளை ஒவ்வொரு நாளும் உங்களுக்குச் சொல்வேன்.
- மஞ்சை வசந்தன்

கூட்டரசாங்கமா, குழப்ப நிலை அரசாங்கமா?

கடந்த 17ஆம் திகதி நடைபெற்ற நாடாளுமன்றத் தேர்தலில் ஆகக் கூடுதலான ஆசனங்களைப் பெற்ற ஐக்கிய தேசியக் கட்சியின் யானைச் சின்னத்தில் போட்டியிட்ட நல்லாட்சிக்கான ஐக்கிய தேசிய முன்னணி, 'தேசிய அரசாங்கம்' ஒன்றை அமைப்பதற்காக ஐக்கிய மக்கள் சுதந்திரக் கூட்டமைப்பின் கீழ் போட்டியிட்ட ஸ்ரீ லங்கா சுதந்திரக் கட்சியுடன் கடந்த வெள்ளிக்கிழமை புரிந்துணர்வு ஒப்பந்தமொன்றைக் கைச்சாத்திட்டுள்ளது. தேர்தலின் பின்னர் தேசிய அரசாங்கம் ஒன்றை அமைப்பதாக, தேர்தலுக்கு முன்னரே ஐக்கிய தேசியக் கட்சியினதும் நல்லாட்சிக்கான ஐக்கிய தேசிய முன்னணியின் (ந.ஐ.தே.மு) தலைவர் ரணில் விக்கிரமசிங்க கூறியிருந்தார். ஆனால், அவ்வாறு கூறாவிட்டாலும் அவ்வாறானதோர் ஏற்பாட்டுக்கு வர ந.ஐ.தே.மு நிர்ப்பந்திக்கப்பட்டுள்ளது. (மேலும்......)

நாங்கள் தோற்கவில்லை தோற்கடிக்கப்பட்டோம்

பாராளுமன்றத் தேர்தலில் நாங்கள் தொற்கவில்லை. சிலரால் திட்டமிட்டு தோற்கடிக் கப்பட்டதாக மட்டு. மாவட்ட த.தே. கூ. முன்னாள் எம்.பியும் தமிழரசுக் கட்சியின் சிரேஷ்ட உப தலைவருமான பொன் செல்வராசா தெரிவித்தார். மட்டக்களப்பிலுள்ள அவரது இல்லத்தில் (25) ஊடகவியலாளர்களிடம் கருத்து வெளியிட்ட அவர் மேலும் தெரிவித்தாவது:-தமிழரசுக்கட்சியில் எங்களை போட்டி யிடாமல் தடுக்கவேண்டும் என்று எமது கட்சியின் செயவலாளர் முயற்சி செய்தார். அவரால் முடியவில்லை. எனினும் எங்களைத் தோற்கடிக்க வேண்டும் என்பதில் உன்னிப்பாக இருந்தார். இந்த நிலையில்தான் நானும் முன்னாள் பாராளுமன்ற உறுப்பினர் அரியநேந்திரனும் தோற்கடிக்கப்பட்டோம். (மேலும்......)

ஐ.தே.க, ஸ்ரீ.ல.சு.க விட்டுக்கொடுப்புடன் இணக்கம்

புதிய அமைச்சரவை செப்.2 இல் பதவியேற்பு

அமைச்சரவை தொடர்பில் ஐ. தே. க. வுக்கும் ஸ்ரீலங்கா சுதந்திரக் கட்சிக்குமிடையில் நீடித்த நீண்ட இழுபறிக்குப் பின்னர் அமைச்சர்கள் எதிர்வரும் செப்டம்பர் 2ஆம் திகதி பதவி ஏற்க இருப்பதாக அறிவிக்கப்பட்டுள்ளது. இந்த வாரம் ஐ. தே. க. பாராளுமன்ற உறுப்பினர்கள் பதவி ஏற்கவும் சுதந்திரக் கட்சி எம். பிக்கள் அடுத்த வாரம் பதவி ஏற்கவும் முன்பு தீர்மானிக்க ப்பட்டிருந்தது. ஆனால் இரு தரப்பினருக்குமிடையில் நேற்று உடன்பாடு ஏற்பட்டதையடுத்து இருதரப்பு அமைச்சர்களும் செப்டம்பர் 2ஆம் திகதி பதவி ஏற்பதாக ஐ. தே. க. தவிசாளர் மலிக் சமரவிக்கிரம நேற்று அறிவித்தார். (மேலும்......)

ஆவணி 26, 2015

கருத்துக் கூறல் காரணிகள் !

(மாதவன் சஞ்சயன்)

பெரும்பான்மை மக்களின் மனநிலை ஒரு நாள் வாக்களித்து விட்டு பின் 5 வருடங்கள் ஏமாந்தாலும் பரவாயில்லை என்பதே. பல துன்பியல் சம்பவங்களை பார்ப்பதை, கேள்விப்படுவதை அனுபவிப்பதை தவிர்ப்பதே அவர்தம் நிலை. எங்கும் எதிலும் நீக்கமற நீண்ட அதிகாரத்தின் கைகள் தன் கைத்தடிகளை தான் முன் நிறுத்தியது. ஆயுதங்கள் மட்டுமல்ல மக்களின் குரல்களும் மௌனிக்கப்பட்டன. அதிகாரம் தலைவிரித்து ஆடியது. கைத்தடிகள் தாளம் போட்டது. இந்த நிலையில் சற்று மாறுபட்ட சூழலில் தேர்தல் வந்தது. வழமை போல் வாய்பேச்சில் தம்மை பல்லக்கில் ஏற்றுவோம் என்பவர்கள் இறுதியில் தம்மை கால் நடையாகத்தான் அனுப்புவார்கள் என்பது மக்ககளுக்கு தெரியும். ஆனால் அவர்களின் கால் ஒடித்து அனுப்பமாட்டார்கள் என்பதும் அவர்களுக்கு தெரியும். அதேவேளை தமக்காக எதிரியுடன் மோதியவர்கள் பின் தம்மையே அடக்கி ஆண்டபோது அவர்களை எதிர்க்கவும் முடியவில்லை. காலம் கனியும் என காத்திருந்தார்கள். (மேலும்......)

ஹேக்கர்ஸ் பகிரங்கமாக்கிய

Ashley Madison என்ற இணையத் தளம்

முதலாளித்துவ சமுதாயத்தில், "உண்மை, ஒழுக்கம், நேர்மை" போன்ற நற்பண்புகளுக்கு இடமில்லை. மனிதர்கள் எந்தளவுக்கு கெட்டவர்களாக இருக்கிறார்களோ, அந்தளவுக்கு முதலாளித்துவம் வளர்ந்து கொண்டிருக்கும். அது தான் இன்றைய உலக நியதி.
சில நாட்களுக்கு முன்னர், மேலை நாடுகளில், மண வாழ்வுக்கு வெளியே, பிறருடன் கள்ள உறவு வைத்திருக்கும் பெரிய மனிதர்களின் பெயர் விபரங்களை ஹேக்கர்ஸ் பகிரங்கமாக்கி உள்ளனர்.  மேலை நாடுகளில், கள்ள உறவுகளை ஊக்குவிப்பதற்கென்றே, Ashley Madison என்ற இணையத் தளம் இயங்கி வருகின்றது. அது எமக்கு மட்டுமே தவறாகத் தெரிகின்றது. அவர்களைப் பொறுத்தவரையில், இதுவும் ஒரு "வணிகம்"! அந்த இணையத் தளம் ஹேக் செய்யப்பட்டு, அதிலிருந்த விபரங்கள் அனைவருக்கும் தெரியும் வண்ணம் வெளியிடப் பட்டுள்ளன.  ஹேக்கர்ஸ் தமது செயலுக்கான காரணத்தையும் தெரிவித்துள்ளனர்: "இந்த நிறுவனம் மனிதர்களின் வேதனையில் இலாபம் சம்பாதித்து வந்தது." அடுத்த தடவை, ஊழல் புரியும் அரசியல்வாதிகளை குறிவைத்து ஹேக் செய்யப் போவதாக எச்சரித்துள்ளனர்.
(Kalaiyarasan Tha)

கள்ளத்தொடர்பு இணைய விபரம் அம்பலம்: இருவர் தற்கொலை

கள்ளத்தொடர்பு வைத்திருப்பதற்காக பயன்படுத்தும் ஆஷ்லி மடிசன் இணைய தளத்தின் வாடிக்கையாளர்களின் தகவல்கள் அம்பலமானதை அடுத்து இருவர் தற்கொலை செய்துகொண்டிருப்பதாக கனடா பொலிஸார் குறிப்பிட்டுள்ளனர். இந்த தற்கொலை சம்பவங்கள் குறித்து டொரொன்டோ பொலிஸார் மேலதிக எந்த தகவலையும் வெளியிடவில்லை. கனடாவை தலைமையகமாகக் கொண்டு இயங்கும் ஆஷ்லி மடிசன் தனது வாடிக்கையாளர்களின் விபரங்களை அம்பல ப்படுத்திய இணைய ஊடுருவிகளின் தகவலை வெளியிடுபவர்களுக்கு 500,000 கனடா டொலர்களை சன்மானமாக அறிவித்துள்ளது. இதில் திருமணத்திற்கு அப்பால் கள்ளத்தொடர்பு வைத்துக் கொள்வதற்காக குறித்த இணையதளத்தை பயன்படுத்திய உலகெங்குமுள்ள 33 மில்லியன் வாடி க்கையாளர்களின் விபரம் ஹெக்கர்களால் களவாடப்பட்டது. தம்மை இம்பாக்ட் டீம் என்று அழைத்துக் கொண்ட இந்த ஹெக்கர்கள் ஆஷ்லி மடிசன் வாடிக்கை யாளர்களின் விபரத்தை ஒரு வாரத்திற்கு முன் இணையத்தின் ஊடாக வெளி யிட்டிருந்தது. இதில் யார், யார், எத்தனை பேருடன் தொடர்பில் இருந்தனர், இதற்கான பணப் பரிவர்த்தனை இணையத்தின் மூலம் எப்படி நடைபெற்றது உள்ளிட்ட விபரங ;கள் அம்பலானமது. ஆஷ்லி மடிசன் சம்பவம் பல குடும்பங்களை காவு வாங்கக் காத்திருப்பதாக பல சர்வதேச ஊடகங்கள் ஏற்கனவே எச்சரிக்கை விடுத்தி ருந்தன.

சு.க பிரச்சினை ஏற்படுத்தினால் ஐ.தே.க தனியாட்சி

தேசிய அரசாங்கத்தின் கீழ், வழங்கப்படவுள்ள அமைச்சுப் பொறுப்புக்களை ஏற்பதில் ஸ்ரீ லங்கா சுதந்திரக் கட்சியின் முக்கியஸ்தர்களுக்கு இடையில் மோதல்கள் உருவெடுத்துள்ள நிலையில், தேசிய அரசாங்கத்துக்கான ஒத்துழைப்பை வழங்க சு.க தவறும் பட்சத்தில் அக்கட்சியை விட்டுவிட்டு தனியொரு அரசாங்கத்தை அமைக்க ஐக்கிய தேசியக் கட்சி நடவடிக்கை எடுக்கவுள்ளதாக அரசியல்வட்டாரத் தகவல்கள் தெரிவிக்கின்றன. ஸ்ரீ லங்கா சுதந்திரக் கட்சியின் முக்கியஸ்தர்களுக்கு தேசிய அரசாங்கத்தின கீழ் முக்கிய அமைச்சுப் பொறுப்புக்களை வழங்குமாறு ஜனாதிபதியும் சு.க.வின் தலைவருமான மைத்திரிபால சிறிசேனவிடம் அக்கட்சியின் முக்கியஸ்தர்கள் கோரிக்கை விடுத்துள்ளதாகவும் இதற்கு ஐக்கிய தேசியக் கட்சியிலிருந்து பாரிய எதிர்ப்பு கிளம்பியுள்ளதாகவும் தெரியவருகின்றது. (மேலும்......) 

ரணிலை சமாதான புறாவாக காட்ட முயன்றவர்களே இதோ ரணில் யாரென்று காட்ட தொடக்கி விட்டார்...

(Alex Varm)
1977 riots... Which period...?
1983 riots... which period...?
iPKF send off... Which period...
LTTE received logistic support for attack PLOTE's Mullikkulam camp... Which period...?
Karuna - LTTE split & Tamils killed each other... Which period...?
If u know answers, read it...
ரணிலை சமாதான புறாவாக காட்ட முயன்றவர்களே இதோ ரணில் யாரென்று காட்ட தொடக்கி விட்டார்...
இலங்கையில் இடம்பெற்ற கொடிய இனப்படுகொலையை மனித உரிமை மீறல்கள் என்ற அடிப்படை மனிதநேய கோணத்தில் கூட விசாரணை செய்ய சர்வதேச சமூகத்திற்கு எந்தவொரு உரிமையும் இல்லை என, பிரதமர் ரணில் விக்ரமசிங்க இந்தியாவின் தி ஹிந்து ஊடகத்திற்கு வழங்கிய சிறப்பு பேட்டி நிகழ்வொன்றில் குறிப்பிட்டுள்ளார். 2009ம் ஆண்டு அன்றைய அரசாங்கத்தால் யுத்தக் குற்றங்கள் தொடர்பில் விசாரணைகள் மேற்கொள்ளப்படும் என, ஐக்கிய நாடுகள் சபையின் மனித உரிமைகள் ஆணைக்குழுவுக்கு உறுதியளிக்கப்பட்டுள்ளதாகவும் எதுஎவ்வாறு இருப்பினும் ஐக்கிய தேசியக் கட்சியின் இன்றைய நிலைப்பாடு அடிப்படையில் இலங்கையில் இடம்பெற்றதாக கூறப்படும் யுத்தக் குற்றச்சாட்டுக்கள் குறித்து விசாரணை செய்ய ஐக்கிய நாடுகள் சபைக்கு எந்த உரிமையும் இல்லை என்பதேயாகும் எனவும் அவர் தெரிவித்துள்ளார். உள்நாட்டு பொறிமுறை மூலமே அதனை செய்ய முடியும் என இதன்போது குறிப்பிட்டுள்ள ரணில், உரோம் ஒப்பந்தத்தில் கையெழுத்திடாமையால் இந்த நாட்டிலுள்ள எவரையும் யுத்த குற்றச்சாட்டுக்கள் தொடர்பில் சர்வதேச நீதிமன்றத்தில் முன் நிறுத்த முடியாது எனவும் கூறியுள்ளார். அனைதுலகிற்கே மீண்டும் ஒரு சவாலை இலங்கை அரசு விடுத்துள்ளது. இந்த சவாலை எப்படி எதிர் கொண்டு அனைத்துலகம் தமிழ் இனப்படுகொலைக்கு அடிப்படையான ஒரு தீர்வையேனும் கொடுக்கப் போகின்றது என்பதை கடந்து அனைத்துலகும் தமிழர்களும் இனியேனும் ரணில் என்கின்ற சிங்களப் பேரினவாதியின் கோர முகத்தை அறிவார்களா...? (Sooddram)

தமிழ் தேசியக் கூடடமைப்பின் தலைவர் என்றும் வேலுப்பிள்ளை பிரபாகரனே என கூட்டமைப்பின் வன்னி மாவட்டத்திலிருந்து இம்முறை பாராளுமன்றத்திற்கு தெரிவாகியுள்ள சார்ள்ஸ் நிர்மலநாதன் தெரிவித்துள்ளார். அத்துடன் தமிழ் மக்களுக்கு விடுதலையை பெற்றுக்கொடுக்கும் போராட்டத்தை தொடர்ந்தும் முன்னெடுப்பதாகவும் அவர் தெரிவித்துள்ளார். ஐயா உங்க போராட்டம் எத்தகையது? ஆயுதப் போராட்டம் தானா? ஏனெனில் பிரபாகரன் தான் உங்களது தலைவன் என்றால் அது நிச்சயமாக ஆயுதப் போராட்டமாகத் தான் இருக்க வேண்டும். அகிம்சை என்றாலே அவருக்குப் பிடிக்காது. உலகின் மிக மிகக் கொடூரமான பயங்கரவாதியை தமது தலைவனாக அறிவிக்கும், ஏற்றுக் கொள்ளும் நீங்களும் பயங்கரவாதிகளே. இதற்கு சம்மந்தரும் மாவையும் என்ன சொல்லப் போகிறார்கள்? பாராளுமன்றத்திற்கு தெரிவாகியுள்ள சார்ள்ஸ் நிர்மலநாதனை வரவேற்கும் நிகழ்வொன்று கடந்த சனிக்கிழமை முல்லைத்தீவு நகரில் இடம்பெற்றது. இதன்போது அங்கு நடைபெற்ற கூட்டத்தில் அவர் உரையாற்றிய போதே தமிழ் தேசியக் கூட்டமைப்பின் தலைவர் என்றும் பிரபாகரனே மேற்கண்டவாறு தெரிவித்தார்.

நினைவிருக்கிறதா சின்னண்ணையை?

சின்னண்ணை. (சொந்தப் பெயர், சிவபுண்ணியம்) இந்தப் பெயரை வன்னியில் வாழ்ந்தவர்கள் அவ்வளவு இலகுவாக மறந்திருக்கமாட்டார்கள். அதுவும் விவசாயிகள் சிறப்பாக, வயல்செய்பவர்கள் மத்தியில் பிரபலமாக இருந்த போராளி ஒருவரின் பெயர்தான் சின்னண்ணை. விடுதலைப் புலிகள் அமைப்பின் மூத்த போராளிகளுள் ஒருவர். பொதுவுடமை எண்ணமுடையவர். அதனால்தான் என்னவோ, விடுதலைப் புலிகளின் பொதுசன நிர்வாகத்துக்குள் வரும் பொருண்மிய மேம்பாட்டுப் பிரிவின் பொறுப்பாளராக சின்னண்ணை செயற்பட்டு வந்தார். (மேலும்......)

இணையத்தில் நடந்துவரும் ஈழத்து நடிகைகள் பிரைவசி பிரச்சினையை மிக சாதாரணமாக கடந்துபோய்விட முடியாது. மிக மிக நுணுக்கமாக திட்டமிடப்பட்டு காய் நகர்த்தப்பட்டுள்ள பக்கா அரசியல் இது. குறித்த செய்திகளின் இலக்கு சம்மந்தப்பட்ட அந்த நடிகை கிடையாது. அவர்களின் இலக்கு “ஈழத்து சினிமா துறை”. இது ஒரு நடிகை சம்மந்தப்பட்ட, அவரது தனிப்பட்ட விசயம். அவருக்கு மட்டும்தான் அதில் சம்மந்தமே தவிர குறும்பட துறையில் ஏனையவர்கள் சகஜமாகத்தான் இயங்கிக்கொண்டிருக்கிறார்கள். ஆனால் குறித்த இணையத்தளங்களின் செய்தியில் ”ஈழத்து குறும்படம் என்ற போர்வையில் விபச்சாரம் செய்யும் நபர்கள்” என்று ஒட்டு மொத்த கலைஞர்களையும் விபச்சார கூட்டம் ஆக்கியிருக்கிறார்கள். (மேலும்......)

புலம்பெயர்ந்து, மேற்கத்திய நாடுகளுக்கு அகதிகளாக செல்வோர் பெரும்பாலும் வசதியான மத்தியதர வர்க்கத்தினர் தான். இதை நான் அடிக்கடி கூறி வந்துள்ளேன். இன்றைக்கு பெல்ஜிய தொலைக்காட்சி செய்தி அறிக்கையிலும் அவ்வாறு தெரிவித்தார்கள்.
மாசிடோனியாவில், சிரியா மற்றும் பல நாடுகளை சேர்ந்த அகதிகள், ஆயிரக் கணக்கில் வந்து குவிந்து கொண்டிருக்கிறார்கள். அவர்களை கண்டு பேட்டி எடுப்பதற்காக பெல்ஜிய தொலைக்காட்சி நிருபரும் அங்கே சென்றுள்ளார். உண்மையில், எல்லா மேற்கைரோப்பிய ஊடகங்களும் மாசிடோனியா தகலவல்களை தினந்தோறும் அறிவித்துக் கொண்டிருக்கின்றன. பெல்ஜிய தொலைக்காட்சியை உதாரணமாக வைத்துக் கொள்ளுங்கள்.
பெல்ஜிய தொலைக்காட்சி நிருபரின் கேள்விகளும், அதற்கு அகதிகள் அளித்த பதில்களும் பின்வருமாறு: (மேலும்......)

"அன்பு மகனுக்கு உன் அப்பா எழுதுவது..."
படிப்பில்லாமல் நான் பட்ட கஷ்ட்டங்களை யெல்லாம் நீயும் பட்டுவிடக்கூடாது. வெளிநாட்டில் படித்து நீ முன்னே வேண்டுமென்று..." இரவும்,பகலுமாய் என் இரத்தத்தை வியர்வையாக்கி உன்னை அனுப்பி வைத்தேன்..."!!
ஆனால் நீயோ அதில் கிடைத்த சொகுசு வாழ்க்கையில் வாழ்ந்து கொண்டிருக்கிறாய்...! (என்னையும் மறந்து)
உன்னை வெளிநாட்டிற்கு அனுப்பும் போது உன் நினைவாக "தென்னங்கன்றை" வைத்தேன்..."!
அதுகூட வளர்ந்து மரமாகிவிட்டது. உன்னை நினைத்து மனம் நெறுப்பாய் சுடும் போதெல்லாம் ஆறுதல் சொல்ல உன் பிம்பம் இல்லாவிட்டாலும்..." இந்த மரத்தின் நிழலால் குளிர்ச்சி தரும்..."!
அங்கு கிடைக்கும் பணமும், சுகமும் உனக்கு இன்பமூட்டுகிறது...!
இங்கு இந்த மரம் தரும் கனியும், நீரும் என் பசியைப்போக்குகிறது...!
நீ "ஈ மெயிலில்" மூழ்கிக்கொண்டிருக்கும் நேரம்..."
என் மீது "ஈ" மொய்த்த செய்தி வந்து சேரும்...!
என் இறுதி ஊர்வலத்திற்காகவும் நீ வரமாட்டாய் என்றாலும் பரவாயில்லை மகனே..."!
என்னை சுமந்து செல்ல தென்னை ஓலை இருக்கிறது..."!!
நான் உனக்கு கற்றுத்தந்தேன் வாழ்க்கை இது தானென்று...!
நீ எனக்கு கற்றுத்தந்தாய் உறவுகள் இதுதானென்று..!!

1.வடமாகாண சபையில் நிறைவேற்றப்பட்ட சுமார் 200 தீர்மானங்களின் தொடர் நிலை என்ன ?
2.மீள் குடியேற்றப்பட்டவர்களில் வீடுகள் கிடைக்காதவர்களுக்கு இதுவரை எடுத்த நடவடிக்கை என்ன ?
3. சிதம்பரபுரம் நலன்புரி நிலையங்களில் உள்ள மக்களின் காணிகள் மற்றும் வீட்டு பிரச்சனைக்கு தீர்வு என்ன ?
4.நெடுங்கேணி வைத்திய சாலை ஆளணி மற்றும் நிர்வாக பிரச்சனைக்கான தீர்வு என்ன ?
5. வீதி அபிவிருத்தி திணைக்களம் 85 வீதமான வேலைகளை முடித்துள்ளதாக அமைச்சர் டெனிஸ்வரன் கூறியுள்ளார் அது எங்கே முடிக்கப்பட்டது ?
6.பூந்தோட்ட கூட்டுறவு பயிற்சி நிலையத்தில் உள்ள இராணுவத்தையும் இராணுவ முகாமையும் அகற்ற கோரி இருந்தோம் அது தொடர்பில் எடுக்கப்பட்ட நடவடிக்கை என்ன ?
7.வவுனியா அரசாங்க அதிபரின் இடமாற்றத்தில் ஏன் இந்த அசமந்த போக்கு ?
8. மாகாண சபைக்கு உட்பட்ட குளங்களின் புனரமைப்பு பணிகள் தொடர்பில் எடுக்கப்பட்ட நடவடிக்கை என்ன ?
9.வடமாகாண சபையின் தலைமை காரியலாயத்தை மாங்குளத்திற்கு மாற்றுவது தொடர்பில் எடுக்கப்பட்ட நடவடிக்கை என்ன ?
10.இளைஞர்கள் யுவதிகளுக்கான வேலைவாய்ப்பு தொடர்பில் மாகாண சபை எடுத்த நடவடிக்கை என்ன ?
11.சம்பூர் காணி விடுவிப்பதில் கிழக்கு மாகாண ஆளூநர் பங்களிப்பு செலுத்தியது போல ஏன் வடக்கு ஆளூநர் வலி.வடக்கு காணி விடுவிப்பதற்கு பங்களிப்பு செலுத்த வில்லை ?
12.மாகாண சபையின் ஒப்பந்த வேலைகள் இப்பவும் மூடிய அறைக்குள் தான் நடைபெறுகின்றதா ?
நன்றி :GTN

ஒரு குழந்தை கடவுளைக் கண்டபோது!
(ம.செந்தமிழன்)

’நீ யார் செல்லம்?’ என பெரியவர்கள் முதன்முதலில் கேட்டபோது, குழந்தை தனக்குப் பிடித்தவர்களைச் சொன்னது. பல்வேறு காரணங்களால் அந்த பதிலில் நிறைவடையாத பெரியவர்கள் ‘உண்மையைச் சொல். உனக்கு யாரைப் பிடிக்கும்?” எனக் கேட்டனர். அதிலிருந்து குழந்தை, ‘உண்மை வேறு, மனதில் தோன்றுவதைப் பேசுவது வேறு’ எனக் கற்றுக் கொண்டது.
இரண்டாம் முறையாக, ‘நீ யார்செல்லம்?’ எனக் கேட்கப்பட்டபோது, அக்கேள்வியைக் கேட்பவர்கள் பெயர்களையே சொன்னது குழந்தை. இப்போது அருகே இருந்த மற்றவர்கள், தங்கள் முகங்களை முன்னிறுத்தி அதே கேள்வியைக் கேட்டார்கள். குழந்தை முன்னிறுத்தப்பட்ட முகங்களின் பெயர்களைச் சொன்னது. எல்லோருமாகச் சேர்ந்து, ‘கெட்டிக்காரப் பிள்ளை’ எனப் பாராட்டினார்கள். மனதில் உள்ளதைச் சொல்லாமல் எதிரே இருப்பவர்களின் பாராட்டுதல்களுக்காகப் பேசுவது கெட்டிக்காரத்தனம் என்பதைக் கற்றுக் கொண்டது குழந்தை. (மேலும்......)

ஆவணி 25, 2015

அன்று ஞானப்பால் குடித்த சம்மந்தர் இன்று தேசியப் பட்டியலை விழுங்கினார்

(மாதவன் சஞ்சயன்)

நடந்த தேர்தலில் வடக்கு கிழக்கு மக்களின் மனதை படிக்க முடிந்த அளவுக்கு கூட்டமைப்பு தலைவர்களின் தேசிய பட்டியல் பகிர்வை ஊகிக்க முடியவில்லை. பலவிதமான பகிர்வுகளை கூறி இறுதியில் பிள்ளையை கிள்ளி தொட்டிலை ஆட்டி பாலை சம்மந்தர் குடித்து விட்டார். அனந்தியை என்ன நோக்கத்துக்காக கொண்டு வந்தனரோ அதே நோக்கில் தான் இப்போது சாந்தியை கொண்டு வருகின்றனர். தாம் விரும்பாதவருக்கு கொடுப்பதை தவிர்க்கவே அவரை தெரிவு செய்தனர். சில நூறு வாக்குகளால் தான் முதலில் சாந்தி தெரிவு செய்யப்பட வில்லை. சாந்தியின் ஆதரவு வாக்குகளை பெற அவரை களமிறக்கி விட்டு தங்களுக்கு வாக்கு கேட்ட சக வேட்பாளர் செயலால் நடந்த நிகழ்வு அது. ஆனால் மக்கள் தீர்ப்பை மாற்ற முடியாது என்பது அவர் தெரிவில் இருந்து தெரிகிறது. (மேலும்......)

ரணிலை சமாதான புறாவாக காட்ட முயன்றவர்களே இதோ ரணில் யாரென்று காட்ட தொடக்கி விட்டார்

இலங்கையில் இடம்பெற்ற கொடிய இனப்படுகொலையை மனித உரிமை மீறல்கள் என்ற அடிப்படை மனிதநேய கோணத்தில் கூட விசாரணை செய்ய சர்வதேச சமூகத்திற்கு எந்தவொரு உரிமையும் இல்லை என, பிரதமர் ரணில் விக்ரமசிங்க இந்தியாவின் தி ஹிந்து ஊடகத்திற்கு வழங்கிய சிறப்பு பேட்டி நிகழ்வொன்றில் குறிப்பிட்டுள்ளார். 2009ம் ஆண்டு அன்றைய அரசாங்கத்தால் யுத்தக் குற்றங்கள் தொடர்பில் விசாரணைகள் மேற்கொள்ளப்படும் என, ஐக்கிய நாடுகள் சபையின் மனித உரிமைகள் ஆணைக்குழுவுக்கு உறுதியளிக்கப்பட்டுள்ளதாகவும் எதுஎவ்வாறு இருப்பினும் ஐக்கிய தேசியக் கட்சியின் இன்றைய நிலைப்பாடு அடிப்படையில் இலங்கையில் இடம்பெற்றதாக கூறப்படும் யுத்தக் குற்றச்சாட்டுக்கள் குறித்து விசாரணை செய்ய ஐக்கிய நாடுகள் சபைக்கு எந்த உரிமையும் இல்லை என்பதேயாகும் எனவும் அவர் தெரிவித்துள்ளார். உள்நாட்டு பொறிமுறை மூலமே அதனை செய்ய முடியும் என இதன்போது குறிப்பிட்டுள்ள ரணில், உரோம் ஒப்பந்தத்தில் கையெழுத்திடாமையால் இந்த நாட்டிலுள்ள எவரையும் யுத்த குற்றச்சாட்டுக்கள் தொடர்பில் சர்வதேச நீதிமன்றத்தில் முன் நிறுத்த முடியாது எனவும் கூறியுள்ளார். அனைதுலகிற்கே மீண்டும் ஒரு சவாலை இலங்கை அரசு விடுத்துள்ளது. இந்த சவாலை எப்படி எதிர் கொண்டு அனைத்துலகம் தமிழ் இனப்படுகொலைக்கு அடிப்படையான ஒரு தீர்வையேனும் கொடுக்கப் போகின்றது என்பதை கடந்து அனைத்துலகும் தமிழர்களும் இனியேனும் ரணில் என்கின்ற சிங்களப் பேரினவாதியின் கோர முகத்தை அறிவார்களா?
 

சுரேஸிற்கு அல்வா! சம்பந்தனின் அல்லக்கைக்கு போனஸ்!

நடைபெற்று முடிந்த நாடாளுமன்றத் தேர்தலில் ஏற்கனவே இரு ஆசனங்களை பெற்றிருந்த புளொட் அமைப்பு போனஸில் மேலுமொரு சீற்றினை பெற்றுள்ளது. தமிழ்த் தேசியக் கூட்டமைப்புக்கு இரண்டு தேசியப் பட்டியல் ஆசனங்கள் கிடைத்துள்ள நிலையினில் சுமந்திரனின் சிபார்சினில் திருமதி சாந்தி சிறீஸ்கந்தராஜா நியமிக்கப்பட்டுள்ளார். உதவி திட்டமிடல் பணிப்பாளரான இவர் புளொட் அமைப்பின் தொழற்சங்கப் பொறுப்பாளராக இருந்த வரதன் என்ற சிறீஸ்காந்தராஜாவின் மனைவியாவார். எனினும் வன்னி மாவட்டத்தினில் தமிழரசுக் கட்சியின் சார்பிலேயே சாந்தி போட்டியிட்டிருந்தார்.அதே போன்று தமிழரசுக் கட்சியின் சார்பில் திருகோணமலை மாவட்டத்தில் போட்டியிட்டவரும் சம்பந்தனின் உதவியாளருமான துரைரெட்ணசிங்கம் அவர்களும் தேசியப் பட்டியலுக்குத் தெரிவுசெய்யப்பட்டுள்ளார்கள்.

திரு பிலிப்னேரி சின்னப்பு
(பிலிப்னேரி மாஸ்ரர், கணித ஆசிரியர்- யாழ். மத்தியக்கல்லூரி)
அன்னை மடியில் : 5 பெப்ரவரி 1940 — ஆண்டவன் அடியில் : 23 ஓகஸ்ட் 2015

யாழ்ப்பாணத்தைப் பிறப்பிடமாகவும், கனடா Montreal ஐ வதிவிடமாகவும் கொண்ட பிலிப்னேரி சின்னப்பு அவர்கள் 23-08-2015 ஞாயிற்றுக்கிழமை அன்று இறைபதம் அடைந்தார். அன்னார், காலஞ்சென்ற சின்னப்பு, எலின் தம்பதிகளின் அன்பு மகனும்,
ஸ்கொலஸ்டிகா ரெஜினா அவர்களின் அன்புக் கணவரும், வினோ, லோஜி, றிச்மன் ஆகியோரின் அன்புத் தந்தையும், தொமினிக்கா, அருளானந்தம் ஆகியோரின் அன்புச் சகோதரரும், காலஞ்சென்ற றொகான், சைரஸ், மெலனி ஆகியோரின் அன்பு மாமனாரும்,
காலஞ்சென்றவர்களான அருளானந்தம், சார்ல்ஸ், மற்றும் ரஞ்சிதம்(ரங்கா) ஆகியோரின் அன்பு மைத்துனரும், மனோ, ரவி, மாலினி, றோஷன், ருக்லின், ரின்சி, ரொனி ஆகியோரின் அன்பு மாமாவும்,  மகேந்திரன், பாலா, லோகன், டினேஷ், ஷேர்லி ஆகியோரின் அன்புச் சித்தப்பாவும், நிதர்ஷன், இவான், டானியா, ஏட்ரியன், ராகவி, ஆஷர் ஆகியோரின் அன்புப் பேரனும் ஆவார்.
இவ் அறிவித்தலை உற்றார், உறவினர், நண்பர்கள் அனைவரும் ஏற்றுக்கொள்ளுமாறு கேட்டுக்கொள்கின்றோம்.
தகவல்
குடும்பத்தினர்

தமிழரசுக் கட்சியின் செயல் வெட்கம் கெட்டத்தனமானது -  சுரேஷ் பிரேமச்சந்திரன்

தமிழ்த்தேசிய கூட்டமைப்பினால் தேசிய பட்டியல் உறுப்பினர்களாக அறிவிக்கப்பட்டுள்ளவர்கள் தொடர்பான முடிவு என்பது தமிழ்த்தேசிய கூட்டமைப்பின் முடிவல்ல என்றும், அது தன்னிச்சையாகவும் ஒருதலைப்பட்சமாகவும் தமிழரசுக் கட்சியினால் எடுக்கப்பட்ட முடிவு என்றும் முன்னாள் நாடாளுமன்ற உறுப்பினரும் தமிழ்த்தேசிய கூட்டமைப்பின் பேச்சாளரும் ஈபிஆர்எல்எஃப் கட்சியின் தலைவருமான சுரேஸ் பிரேமச்சந்திரன் தெரிவித்தார். (மேலும்......)

ரவூப் ஹக்கீம் தனிக்காட்டு ராஜா!

ஸ்ரீலங்கா முஸ்லிம் காங்கிரஸ் தலைவர் ரவூப் ஹக்கீம் தனிக்காட்டு ராஜாவாக உருவேறி உள்ளார் என்று கிழக்கு மாகாணச் செய்திகள் தெரிவிக்கின்றன. கடந்த நாடாளுமன்ற தேர்தலில் அநேக இடங்களில் ஐக்கிய தேசிய கட்சியின் யானைச் சின்னத்தில் போட்டியிட்டு மு. கா வெற்றி கண்டு உள்ளது. அத்துடன் மட்டக்களப்பில் மு. காவின் மரச் சின்னத்தில் போட்டியிட்ட அலி சாஹிர் மௌலானா வெற்றி கண்டு உள்ளார். மு. காவுடன் மேற்கொண்ட இணக்கப்பாட்டின் அடிப்படையில் தேசியப் பட்டியல் ஆசனங்களை வழங்க ஐ. தே. க முன்வந்து உள்ளது. இது சம்பந்தப்பட்ட பேச்சுக்கள் கடந்த வாரம் கொழும்பில் இடம்பெற்றபோது ரணில் விக்கிரமசிங்க தரப்பில் நால்வர் வரை கலந்து கொண்டனர். ஆனால் ரவூப் ஹக்கீம் தனி ஒருவராக கலந்து கொண்டார். குறிப்பாக கட்சியின் செயலாளர் நாயகம் ஹசன் அலி மௌனிக்கப்பட்டு விட்டார் என்று தெரிகின்றது.

ஊவா மாகாண சபை மீண்டும் ஐ.ம.சு.கூ வசம்?

ஐக்கிய தேசியக் கட்சியின் வசமிருந்த ஊவா மாகாண சபை, ஐக்கிய மக்கள் சுதந்திரக் கூட்டமைப்பு வசம் மீண்டும் செல்லக் கூடிய நிலை ஏற்பட்டுள்ளதாக தெரிவிக்கப்படுகின்றது. நடந்து முடிந்த நாடாளுமன்ற தேர்தலில், ஐக்கிய தேசியக் கட்சி சார்பில் போட்டியிட்ட ஊவா மாகாண சபை முதலமைச்சர் ஹரின் பெர்னாண்டோ, ஊவா மாகாண சபையின் தமிழ் கல்வியமைச்சர் வடிவேல் சுரேஷ், மாகாண அமைச்சர் ரவி சமரவீர, மாகாண அமைச்சர் ஜே.எம்.குமாரதாச, சபை உறுப்பினர்களான சாமர சம்பத் தசநாயக்க, பத்மலால் குணசேகர ஆகிய அறுவரும் நாடாளுமன்றத்துக்கு தெரிவாகியுள்ளனர். (மேலும்......)

'விமல், தினேஷ், வாசு எதிர்க்கட்சியிலேயே இருப்பர்'

பொதுத்தேர்தலில் வெற்றிப்பெற்ற விமல் வீரவன்ச, தினேஷ் குணவர்தன மற்றும் வாசுதேவ நாணயக்கார உட்பட்ட பலர், எதிர்க்கட்சியில் இருப்பதற்கு ஏற்கெனவே முடிவெடுத்துள்ளதாக, பொதுத்தேர்தலில் போட்டியிட்டு வெற்றி பெற்ற உதய கம்மன்பில தெரிவித்துள்ளார். ஐக்கிய மக்கள் சுதந்திர கூட்டமைப்பு சார்பில் போட்டியிட்டு வெற்றி பெற்ற பலரும் எதிர்க்கட்சியிலேயே இருப்பர் என்றும் அவர் கூறியுள்ளார். ஸ்ரீ லங்கா சுதந்திரக்கட்சி சார்பில் போட்டியிட்டு வெற்றி பெற்றவர்களுக்கு, தேசிய அரசாங்கத்துடன் இருப்பதா அல்லது எதிர்க்கட்சியில் இருப்பதா என்று தெரிவு செய்வதற்கான வாய்ப்பு வழங்கப்பட்டுள்ளதாக ஜனாதிபதி ஏற்கெனவே அறிவித்துள்ளார். எதிர்க்கட்சியுடன் இணைந்து தேசிய அரசாங்கத்தை உருவாக்குவதற்கு தீர்மானம் எடுக்கப்பட்டுள்ளதாகவும் அரசாங்கம் அறிவித்திருந்தமை குறிப்பிடத்தக்கதாகும்.

சங்காவிடம் ஜனாதிபதி கோரிக்கை

ஐக்கிய இராஜ்ஜியத்துக்கான இலங்கை உயர்ஸ்தானிகர் பதவியை ஏற்றுக்கொள்ளுமாறு ஜனாதிபதி மைத்திரிபால சிறிசேன, குமார் சங்கக்காரவிடம் கோரிக்கை விடுத்துள்ளார். இலங்கை சார்பாக தனது இறுதி சர்வதேச டெஸ்ட் கிரிக்கெட் போட்டியில் பங்குபற்றிய நட்சத்திரத் துடுப்பட்ட வீரர் குமார் சங்கக்கார,போட்டியிலிருந்து ஓய்வு பெற்றதையடுத்தே ஜனாதிபதி இந்த கோரிக்கையை விடுத்துள்ளார்.

இலங்கை தொடர்பான பொய்ப்பிரசாரங்களுக்கு எதிராக குரல் கொடுப்பேன் - டோனி பிளேயர்

இலங்கை தொடர்பில் சர்வதேசத்தில் காணப்படும் தவறான நிலைப்பாடுகளை களைய குரல் கொடுக்கப் போவதாக பிரித்தானியாவின் முன்னாள் பிரதமர் டோனி பிளேயார் தெரிவித்துள்ளார். ஓகஸ்ட் 17ம் திகதி தேர்தலை மிக அமைதியாகவும் நியாய மானதாகவும் நடத்தியமை குறித்தும் பிளேயர் ஜனாதிப திக்கு தனது பாராட்டுக்களை தெரிவித்துள்ளார். அத்துடன் நாட்டுக்கு சரியான தலைமைத்துவத்தை வழங்கி ஜனநாயகம் மற்றும் நல்லிணக்கத்தை கட்டியெழுப்ப ஜனாதிபதி முன்னெடுத்து வரும் வேலைத்திட்டங்களையும் அவர் பாராட்டியுள்ளார். இதனை தவிர பிளேயர் மன்றத்தின் சர்வதேச வேலைத்திட்டங்களின் போது இலங்கையுடன் இணைந்து செயற்படுவது பற்றியும் பிளேயர், ஜனாதிபதிக்கு விளக்கியுள்ளார்.இலங்கையின் சுற்றுலாத்துறை அடைந்துள்ள முன்னேற்றத்தை பாராட்டியுள்ள பிரித்தானிய முன்னாள் பிரதமர் அதன் முன்னேற்றத்திற்கு வழங்கக் கூடிய அனைத்து ஒத்துழைப்புகளையும் வழங்குவதாகவும் தெரிவித்துள்ளதாக ஜனாதிபதியின் ஊடகப்பிரிவு குறிப்பிட்டுள்ளது.

ஒரு நாளைக்கு 1500 ரூபா ...சாப்பாடு + இரவில் தண்ணி பார்டி: சுமந்திரனின் சுத்து

இலங்கையில் தேர்தல் நடைபெற இருந்தவேளை , பல புலம்பெயர் தமிழர்கள் கஜேந்திர குமார் பொன்னம்பலத்தை ஆதரித்தார்கள். இதேவேளை மேற்குலக நாடுகள் சிலவற்றோடு நெருக்கமாக இருக்கும் நபர்கள் சிலர் , சுமந்திரன் வெற்றிபெற்றால் மட்டுமே மேற்குலக நாடுகள் நினைப்பது நடக்கும் என்று தமது எஜமான் நாடுகளுக்கு கூற. அவர்கள் பெரும் பணத்தை வாரி இறைத்துள்ளார்கள். யாழில் சுமார் 40 க்கும் மேற்பட்ட இளைஞர்களை தெரிவு செய்த சுமந்திரன் அவர்களுக்கு 45 நாள் வேலைத் திட்டம் என்று ஒன்றை அறிவித்தார். ஒவ்வொரு நபருக்கும் ஒரு நாளைக்கு தலா 1,500 ரூபா வழங்கப்பட்டுள்ளது. அப்படி என்றால் ஒரு நபருக்கு, மாதம் சுமார் 45,000 ரூபா கொடுக்க வேண்டும். (மேலும்......)
 

ஆவணி 24, 2015

தாயகத்திலிருந்து பிந்திக் கிடைத்த செய்தி...
தமிழ்த் தேசியக் கூட்டமைப்பின் போனஸ் ஆசனம்

தேசியப்பட்டியல் நாய் சண்டை இன்னமும் உறுதியாக வில்லை. 2 1/2 வருடம் சாந்தி 2 1/2 அருந்தவபாலன். திருமலையா அம்பாறையா (கென்றி மகேந்திரன்) என இழுபறி புதன் வரை செல்லுமாம். அருந்தவபாலனுக்கு முதல் தவணை கேட்கப்படுகிறது. ஆனால் சுரே ஷ் அவுட் இது உறுதி.

தேசிய அரசில் தமிழ்க்கூட்டமைப்பு இணைந்து செயற்பட வேண்டும் - ஆனந்த சங்கரி

தமிழ்த் தேசியக் கூட்டமைப்பு தேசிய அரசாங்கத்தில் இணைந்து செயற்பட வேண்டுமென தமிழர் விடுதலைக் கூட்டணி கேட்டுள்ளது. இது தொடர்பில் அதன் தலைவர் ஆனந்த சங்கரி விடுத்துள்ள அறிக்கையில் கூறப்பட்டுள்ளதாவது, இவ் வேண்டுகோள் 60 ஆண்டுகளுக்கு மேல் அரசியலில் பணி செய்து கொண்டு இந்த நாட்டையும் நாட்டு மக்களையும் உலகில் எவரிலும் பார்க்க கூடுதலாக நேசிக்கும் ஒருவரிடம் இருந்து வருகின்றது என்பது உங்களுக்கு தெரியாததல்ல. (மேலும்......)

சு.க உறுப்பினர்கள் விரும்பினால் அரசாங்கத்தில் இருக்கலாம் - ஜனாதிபதி

தேசிய அரசாங்கத்தில் இணைந்து செயற்பட விரும்புகின்ற உறுப்பினர்கள் அரசாங்கத்துடன் இணைந்து செயற்படமுடியும் என்றும், விருப்பம் இல்லாதவர்கள் கும்பலாக இருந்து உள்நோக்கத்துடன் செயற்படவேண்டாம் என்றும் அவ்வாறானவர்கள் எதிர்க்கட்சியில் இருந்து செயற்படமுடியும் என ஜனாதிபதி மைத்திரிபால சிறிசேன, ஸ்ரீ லங்கா சுதந்திரக் கட்சியின் நாடாளுமன்ற உறுப்பினர்களுக்கு ஆலோசனை வழங்கியுள்ளார். ஸ்ரீ லங்கா சுதந்திரக் கட்சியின் உறுப்பினர்களுடன் நேற்று மாலை இடம்பெற்ற சந்திப்பின் போதே அவர் மேற்கண்டவாறு அறிவுரை வழங்கியுள்ளார். அதன் அடிப்படையில், ஸ்ரீ லங்கா சுதந்திரக் கட்சியின் ஒரு பிரிவினர், அரசாங்கத்துடன் இணைந்து செயற்படுவதற்கும் மற்றொரு பிரிவினர் எதிர்க்கட்சியாக இருந்து செயற்படுவதற்கு கலந்துரையாடிவருவதாகவும் தகவல்கள் வெளியாகியுள்ளன.

சு.க. சிரேஷ்ட உறுப்பினர்களுக்கு அமைச்சுப்பதவி

ஐக்கிய தேசிய முன்னணி மற்றும் ஸ்ரீ லங்கா சுதந்திரக்கட்சி இணைந்து ஏற்படுத்தியுள்ள தேசிய அரசாங்கத்தில் ஸ்ரீ லங்கா சுதந்திரக் கட்சியின் சிரேஷ்ட உறுப்பினர்கள் சிலருக்கு அமைச்சுப் பதவிகள் வழங்கப்படவிருப்பதாக தகவல்கள் வெளியாகியுள்ளன. நாடாளுமன்ற உறுப்பினர்களான நிமல் சிறிபாலடி சில்வா, அநுர பிரியதர்ஷன யாப்பா, சுசில் பிரேமஜயந்த, ஜோன் செனவிரத்ன,துமிந்த திஸாநாயக்க, கலாநிதி சரத் அமுனுகம, ஏ.எச்.எம். பௌசி, எஸ்.பி.திஸாநாயக்க, மஹிந்த சமரசிங்க, டிலான் பெரேரா, ரஞ்சித் சியம்பலாபிட்டிய, லக்ஷ்மன் யாப்பா அபேவர்தன உள்ளிட்டோருக்கே இந்தப் பதவிகள் வழங்கப்படவுள்ளன என்றும் தகவல்கள் தெரிவிக்கின்றன. இதேவேளை, தேசிய அரசாங்கத்தில் ஸ்ரீ லங்கா சுதந்திரக் கட்சியைச்சேர்ந்த 20 பேருக்கு அமைச்சுப் பதவிகளை வழங்கவேண்டும் என்று அக்கட்சி கோரியுள்ளதாக அறியமுடிகின்றது.

3 அமைச்சுக்களை கேட்டுள்ளோம் -  இராதா

நடைபெற்று முடிந்த நாடாளுமன்ற தேர்தலில் அமோக வெற்றியீட்டிய தமிழ் முற்போக்கு கூட்டணிக்கு அமைச்சரவை அந்தஸ்துள்ள அமைச்சு பதவிகளை அரசாங்கத்திடம் கோரியுள்ளதாக கல்வி இராஜாங்க அமைச்சர் வி.இராதாகிருஷ்ணன் தெரிவித்தார். தமிழ் மக்களை பிரதிநிதித்துவப்படுத்தும் வகையில் உருவாக்ககப்பட்ட தமிழ் முற்போக்கு கூட்டணி, நடைபெற்ற பொதுத்தேர்தலில் அமோக வெற்றியீட்டியதன் விளைவாக தமிழ் மக்களுக்கு மேலும் பல சலுகைகளையும் உரிமைகளையும் பெற்றுக்கொடுப்பதற்கு அமைச்சரவை அந்தஸ்துள்ள அமைச்சு பதவியின் அவசியத்தை உணர்ந்துள்ளது. அந்தவகையில்  கூட்டணியின் தலைவர் மனோ கணேசன், உப-தலைவர் பழனி திகாம்பரம், நான் உள்ளிட்ட மூவருக்கும் அமைச்சரவை அந்தஸ்துள்ள அமைச்சு பதவிகளை ஜனாதிபதியிடம் கோரியுள்ளோம். இது தொடர்பில் ஜனாதிபதியிடமிருந்து சாதகமான முடிவொன்று கிடைக்கும் என எதிர்பார்க்கின்றோம் என்றார்.

நேர காலத்தோடு வாக்களியுங்கள் விதிமுறைகளை மீறினால் சிறை - தேர்தல்கள் ஆணையாளர் மஹிந்த தேசப்பிரிய

சுதந்திர இலங்கையின் 15வது பொதுத் தேர்தல் இன்று நடைபெறுகின்றது. 225 பேரைக் கொண்ட பாராளுமன்றத்தில் 196 பேரை நேரடியாக தெரிவு செய்வதற்கான வாக்களிப்பு இன்று காலை 7 மணி முதல் மாலை 4 மணி வரையில் நடைபெறும். வீண் சிரமங்களை தவிர்க்கும் வகையில் நேர காலத்துடன் வாக்களிப்பு நிலையத்துக்குச் சென்று வாக்களிப்பதன் மூலம் வாக்காளர்கள் தமது ஜனநாயக உரிமையை பயன்படுத்த வேண்டுமென தேர்தல்கள் ஆணையாளர் மஹிந்த தேசப்பிரிய வேண்டுகோள் விடுத்தார். இதேவேளை, தேர்தல் விதிமுறைகளை மீறுபவர்கள் யாராக இருந்தாலும் அவர்கள் “அன்றைய உணவை சிறையிலேயே சாப்பிட வேண்டிய நிலை ஏற்படும்” என்றும் தேர்தல் ஆணையாளர் எச்சரித்துள்ளார். வாக்களிப்பின் பெறுபேறுகளாக முதலில் தபால் மூல பெறுபேறுகளை இன்று இரவு 11 மணி முதல் நள்ளிரவு 12 மணிக்கிடையில் வெளியிட முடியுமென எதிர்பார்ப்பதாகவும் தேர்தல்கள் ஆணையாளர் சுட்டிக் காட்டினார். 2014 ஆம் ஆண்டு வாக்காளர் இடாப்பின்படியே இந்தத் தேர்தல் நடத்தப்படுகிறது. பாராளுமன்றம் கடந்த ஜூன் 26 ஆம் திகதி ஜனாதிபதி மைத்திரிபால சிறிசேனவினால் கலைக்கப்பட்டது. இதனை தொடர்ந்தே தேர்தல் நடத்தப் படுகிறது.

தலித்துக்களை புறக்கணிக்கும் தமிழ் தேசியம்

2015 இற்கான பாராளுமன்றத் தேர்தலை முன்வைத்து

தமிழ் காங்கிரஸ், தமிழரசுக் கட்சி, பின்பு பலதும் கலந்த தமிழர் விடுதலைக் கூட்டணியாக உரு மாறி, இறுதியாக விடுதலைப் புலிகளின் விருப்பத்திற்கும், நோக்கத்திற்கும் ஏற்றவகையில் பெயர் போர்த்திக்கொண்ட தமிழ் தேசியக் கூட்டமைப்பு போன்ற கட்சிகளும் அதன் தலைமைகளும் தொடர்ந்தும் தலித் மக்களை வாக்களிக்கும் ஒரு சமூகப்பிராணிகளாகவே கருதி வருகின்றனர். அம்மக்களின் வாக்குகளை கொத்தாக பெறும் நோக்கத்திலும், வாக்குகளை சிதறவைக்கும் தந்திரத்திலும் தலித் சமூகத்தை சேர்ந்த சிலரை தமிழ் தேசியத் தலைமைகள் வேட்ப்பாளர்களாக நியமித்த, நியமிக்கும் சம்பவங்களும் நிகழ்ந்து வருகின்றது. இவை அனைத்துமே தமிழ் தேசியத் தலைமைகளின் நலன்களுக்கு உகந்ததாகவே திட்டமிடப்பட்டும் வருகிறது. (மேலும்.....)

72 வயதான மாவை சேனாதிராஜா தனது சின்ன வீடாக கருதி தனது அந்தரங்கத் தேவைகளை நிறைவேற்றிக் கொள்வதற்கு வரும் பகுதியாகவே யாழ்ப்பாணத்தைக் கருதியுள்ளார். இவரது பெரிய வீடு இந்தியாவில் தமிழ்நாட்டில் உள்ளது. அதன் புகைப்படம் இங்கு தரப்பட்டுள்ளது. யாழ்ப்பாணத்தை தனது சின்னவீடு உள்ள இடமாகக் கருதும் மாவை சேனாதிராசா 1989ம் ஆண்டில் இருந்து பாராளுமன்ற உறுப்பினராக உள்ளார். இவர் பாராளுமன்ற உறுப்பினராக பதவி வகித்து வரும் போது இவருக்கு வழங்கப்படும் சம்பளம் மற்றும் படிகளின் அடிப்படையில் இவர் சாதாரண ஒரு அரச உயர் அதிகாரியின் சம்பளம் மற்றும் படிகளே பெறுவார். ஆனால் இவருக்கு இந்தியாவில் தமிழ்நாட்டின் மிகவும் செல்வாக்குள்ள பெறுமதியான இடத்தில் இவ்வளவு பெரிய மாளிகையை இந்த சம்பளத்தில் இருந்து பெற்றுக் காள்ள முடியுமா? இது சேனாதிராஜாவிற்கு மாத்திரம் அல்ல சுரேஷ், செலவம், சம்மந்தர், சரவணபவன் போன்ற பல தமிழ்த் தேசியக் கூட்டமைப்பினருக்கு பொருந்தும் செய்திதான் கடந்த காலங்களிலும் இதேமாதிரியாக தமிழ் மேட்டுக்குடி மிதவாதக் கட்சிகளின் 'தலவரகள் இருந்தார்கள். ஆனால் இங்கொன்றும் அங்கொன்றுமாக நல்லவர்கள் இருந்திருக்கின்றார்கள் தனிப்பட்ட வாழவில் அரசியல் செயற்பாட்டில் அல்ல.

(Iravi Arunasalam London, United Kingdom)

இப்பொழுதுதான் பத்மினி அக்காவுடன் பேசிவிட்டு இதனை எழுதுகிறேன். அவர் மிகுந்த வேதனையுடனும் சில திருப்திகளுடனும் இருக்கிறார். அவரது தேர்தல் பணி என்னாலும் தடங்கல் படக்கூடாது என்பதனால் இவ்வளவு நாள் பொறுத்து இப்போது பேசினேன். அவர், 'இப்போது 5 வருட காலமாக 'வறுமைப்' பட்டுப் போன வாழ்வில் ஒரு வசந்தம் வந்திருக்கிறது. நாங்கள் சிலர் நிச்சயமாக வெல்வோம்; சிலருக்குத் தோல்வி வரினும் எங்களுக்கு ஒரு பாதை திறந்திருக்கிறது. இனி இதனுள்ளால் எங்கள் மக்களுக்கும் தமிழ்த் தேசியத்திற்கும் பணி புரியலாம் எனும் நம்பிக்கை கொள்கிறேன்' என்ற தொனிப்பட நிறையப் பேசினார்.
அவரது வேதனை இவ்வாறு இருந்தது: 2009 முள்ளிவாய்க்கால் ஊழி நிகழ்ந்தபொது பத்மினி அக்கா வெளிநாட்டில் 'அக்கறையற்று' இருந்தார், என்பதான குற்றச்சாட்டு. (மேலும்.....)

நேபாளத்தில் வேலைநிறுத்தம்

நாடெங்கும் இயல்பு நிலை பாதிப்பு

நேபாளத்தில் உத்தேசிக்கப்பட்டுள்ள புதிய அரசியல் சாசனத்துக்கு எதிர்ப்பு தெரிவித்து, 30 அரசியல்கட்சிகள் விடு த்த பொது வேலைநிறுத்த அழைப்பு காரணமாக நாடு தழுவிய அளவில் இயல்பு வாழ்க்கை பாதிக்கப்பட்டுள் ளது. இந்த அரசியல் சாசன சட்டமூலத்தை சட்டமாக்கும் வகையில் ஆதரவு கிடை க்குமாயின், அது முதல் முறையாக நேபாளத்தில் கூட்டாட்சிக் குடியரசு (சம ஷ்டிக் குடியரசு) முறை உருவாக வழி வகுக்கும். ஆனால் பல நூற்றாண்டுகளாக ஒது க்கிவைக்கப்பட்டிருந்த சாதிக் குழுக்க ளையும், டஜன் கணக்கான பழங்குடி சமூகங்களையும் இந்த யாப்பு மேலும் புறந்தள்ளுகிறது என்று போராட்டக்காரர்கள் கூறுகின்றனர். நேற்று ஞாயிற்றுக்கிழமை நடைபெ ற்ற வேலைநிறுத்தப் போராட்டத்தை நடைமுறைப்படுத்த நிர்ப்பந்தித்தார்கள் என்று கூறி 60க்கும் அதிகமானவர்கள் கைது செய்யப்பட்டுள்ளனர். நாடு முழுவதும் பூர்வகுடி மக்களும் இதர சிறுபான்மையினரும் இதேபோ ன்ற போராட்டங்களை முன்னெடுத்து வருகின்றனர்.

ஆவணி 16, 2015

சம உரிமையுடன் வாழ
சகல சமூகங்களின் உரிமைகளையும் மதிப்போம்
(சாகரன்)

இலங்கைப் பேரினவாதம் சிறுபான்மையினரை பிரித்தாளும் கொள்கையினூடாக பலவீனப்படுத்த இவர்களின் உரிமைகளை வழங்குவதில் பின்னடித்து வருகின்றனர். முதலில் மலையக மக்களின் குடியுரிமை பறிகப்பட்ட போது செல்வநாயகம் குழுவினர் இதற்கு ஆதரவாக செயற்பட்டனர். 1900 முற்பகுதிகளில் நடைபெற்ற சிங்கள் முஸ்லீம் கலவரத்திற்கு பிரித்தானியா சென்று சிங்களக் காடையரின் வீடலையைப் பெற்றுக் கொடுத்து கொழும்பு வீதியில் பல்லக்கில் பயணம் வந்து இராமநாதன் முதலில் முஸ்லீம் சகோதர சிறுபான்மையினரிடம் இருந்து ஏனைய வடக்கு கிழக்கு தமிழ் மக்களை அந்நியப்பட வாய்புக்கள் எற்படுத்தினார் இவற்றிற்கு எல்லாம் சிகரம் வைத்தார் போல் புலிகளின் முஸ்லீம் மக்களை முழுமையாக வடக்கிலிருந்து இன சுத்திகரிப்பு செய்த சம்பவங்களும், ஏனைய கிழக்கு மாகாணத்தில் பள்ளிவாசல்களில் புகுந்து வெடடிச் சாய்த்ததில் இருந்த கொஞ்ச நஞ்ச உறவுகளையும் இல்லாமல் செய்து விட்டனர். (மேலும்.....)

(சுகு-ஸ்ரீதரன்)

இந்திய சுதந்திரப் போராட்டத்தில் எத்தனை ஆளுமைகள் பங்களித்தன. எத்தனை தியாகங்கள், வாதப்பிரதிவாதங்கள், கருத்தொருமிப்புக்கள், வேறுபாடுகள் போராட்டங்கள் சமரசங்கள். இந்தியா என்ற ஒருதேச உணர்வு சுதந்திரப் போராட்டத்தினுடாகத்தான் கட்டமைக்கப்பட்டது. இன மத பேதங் கடந்து இந்தியர்களாக நின்றிருந்தனர். சுதந்திரப்போராட்டத்தை வழி நடத்தியவர்கள் உணர்ச்சிகரமான நெருடலான நிலைமைகளை சுமுகமாக நிதானமாக தூரதிருஸ்டியுடன் கையாண்டார்கள். (மேலும்.....)

LTTE fighter makes ‘killing’ in credit card scams and extortion

(by farik zolkepli)

Flushed out: Bukit Aman Special Branch Counter Terrorism officers detaining the senior LTTE fighter in Kuala Lumpur. Flushed out: Bukit Aman Special Branch Counter Terrorism officers detaining the senior LTTE fighter in Kuala Lumpur.

While he bided his time hiding out in Malaysia, a senior Liberation Tigers of Tamil Eelam (LTTE) fighter has been raking in hundreds of thousands of ringgit scamming and even extorting his fellow men. It is learnt that the 37-year-old man, who was detained in the city on Aug 7, had been active in the most profitable of all scams – forging credit cards. Sources revealed that he was part of a syndicate that cloned credit cards held by a Sri Lankan member residing in Canada. The cards were cloned multiple times. “They would then pass the forged cards to fellow Sri Lankans heading to Malaysia. Once here, they would withdraw money using the cards,” said the source. (more....)

(மாதவன் சஞ்சயன்)

உண்மை எது பொய் எது. தேவன் யார் சாத்தான் யார். துறவி யார் சுகபோகி யார். கற்றவன் யார் கல்லாதவன் யார். நண்பன் யார் விரோதி யார். எதிரி யார் துரோகி யார். கொள்கைவாதி யார் சந்தர்ப்பவாதி யார் என பிரித்து அறிய முடியா நிலையில் தான் நீங்கள் இருக்கிறீர்கள். பிசாசோடு போவதா பேயோடு போவதா பூதத்தோடு பேசுவதா குட்டி பூதத்தோடு பேசுவதா என பல கேள்விகளுக்கு விடைதெரியாத தேர்தல் கால சூழ்நிலை. அன்று உங்கள் வயதில் இருந்த நான் 1970ல் வாக்களித்த போது எனக்கான தெரிவு தமிழ் அரசா ? தமிழ் காங்கிரசா ? தர்மலிங்கமா ? சிவநேசனா ? என்பதில் அன்றைய உடுவில் தொகுதியின் என் தெரிவு தருமர் ஐயாவே. காரணம் சிவநேசன் தேர்தல் காலத்தில் மட்டும் கொழும்பில் இருந்து வருவார். மாறாக மருதனார் மட சந்தைக்கு தினம் போகும் தருமர், ஹண்டி மாஸ்டரிடம் ஆலோசனை பெற சைக்கிளில் மானிப்பாய் வருவார். (மேலும்.....)

EPDP இன் பிரச்சராக் கூட்டத்தில் முன்னை நாள் புலி….

மாற்றம் என்பது உலகின் ஒவ்வொரு பொருளிலும் தவிர்க்கவியலாத நிகழ்வு. உலகின் இயக்கத்தில் மாற்றம் என்பது சமூகத்தை முன்னோக்கி நகர்த்திச் செல்லும். சுய நிர்ணைய உரிமைக்கான போராட்டத்தை தமிழ்த் தேசியம் என்ற இனவாதப் போராட்டமாக மாற்றிய யாழ்ப்பாண உயர் குடிகள் அழிவுகளை மட்டுமே ஏற்படுத்தினர். இவர்கள் மாற்றத்தை நிராகரிப்பவர்கள். எப்போதும் அதிகாரவர்க்கத்தோடு ஒட்டிக்கொள்ளும் இந்த உயர்குடிகள், தமது சமூகத்தின் உட்புறத்திலேயே ஒடுக்கும் முகவர்களாகச் செயற்படுகின்றனர். சாதீய ஒடுக்குமுறை, இனவாதம், பிரதேச ஒடுக்குமுறை போன்றவற்றின் தூதுவர்களாகவே இவர்கள் செயற்படுகின்றனர். (மேலும்.....)

தொப்பி அளவானவர்களுக்கு மாத்திரம்!!

தேர்தலுக்கான பிரச்சாரங்கள் முடிவடைந்தமையால், இதனைத் தேர்தற் பிரசாரமாக எடுத்துக்கொள்ள வேண்டாம்!!
(நன்றி: சிரித்திரன் சுந்தர்)

உலக பிரசித்தி பெற்ற, லேபாக் ஷி கோவில்

ஆந்திர மாநிலத்தின் அனந்தபூர் மாவட்டத்தில் உலக பிரசித்தி பெற்ற, லேபாக் ஷி கோவிலில் உள்ள, 70க்கும் மேற்பட்ட துாண்கள், தரையை தொடாமல், அந்தரத்தில் காற்றில் அசைவதைக் காணும் சுற்றுலா பயணிகள் ஆச்சரியம்அடைகின்றனர்.
தலபுராணம்: பகவான் ராமன், லட்சுமணன் மற்றும் சீதை ஆகியோர் வனவாசத்திற்காக வந்தபோது, இலங்கை அரசன் ராவணன், சீதையை சிறைபிடித்து கடத்தி சென்றான். அப்போது, இந்த பகுதியை கடக்கும்போது, பறவையினத்தைச் சேர்ந்த, ஜடாயு, ராவணனுடன் போரிட்டு காயமடைந்து கீழே விழுந்தது. சீதையை கடத்தி செல்லும் ராவணன் குறித்த தகவலை கூறிய ஜடாயு, ராமனுக்கு வழிகாட்டியது. பின்னர் இலங்கையில் சிறை வைக்கப்பட்ட சீதையை மீட்ட ராமன், ஜடாயு விழுந்த இடத்திற்கு வந்து, 'லே பாக் ஷி' என்று கூறியதால், இந்த இடத்திற்கு, 'லேபாக் ஷி' என்ற பெயர் வந்ததாக கூறுகின்றனர். (மேலும்.....)

அண்மையில் ஒரு பத்திரிகையாளர் சந்திப்பில் கலந்து கொண்டு கருத்து தெரிவித்த திரு கஜேந்திரகுமார் அவர்கள், 2009 மே 18 ஆம் திகதி அதிகாலையில் புலிகளின் தலைவர்களான நடேசன் மற்றும் புலித்தேவன் ஆகியோர் தன்னை தொடர்பு கொண்டு தங்கள் உயிர்களை காப்பாற்ற / சரணடைய நடவடிக்கை எடுக்கும்படி கேட்டுக்கொண்டதாகவும், தான் முதலில் சம்பந்தன் ஐயா அவர்களை தொடர்பு கொண்டதாகவும் பின்னர் ஈ.பி.ஆர்.எல்.எப் தலைவர் சுரேஷ் பிரேமச்சந்தின் அவர்களை தொடர்பு கொண்டதாகவும் தெரிவித்திருந்தார்.
1986 களில் ஈழ விடுதலை கனவுடன் போராட வந்த நூற்றுக்கணக்கான ஈ.பி.ஆர்.எல்.எப் போராளிகளையும் ஏனைய அமைப்புகளின் போராளிகளையும் சரணடையுங்கள் உங்கள் உயிருக்கு உத்தரவாதம் தருகிறோம் என அறிவித்து விட்டு, சரணடைந்த போராளிகளை உள்நாட்டு வெளிநாட்டு பயிற்சி என தரம் பிரித்து படுகொலை செய்து, எந்த மக்களின் விடுதலைக்காக போராட வந்தார்களோ அதே மக்களிடம் அவர்களை துரோகிகள் என புலிகள்அறிவித்தார்கள். (மேலும்.....)

இன்றைய தினக்குரல் பத்திரிகையில் வெளியான விளம்பரம் இது. சுமந்திரனை வெல்ல வைப்பது தமிழர்களின் வரலாற்று கடமையென கனடாவிலுள்ள பேராசிரியர் சேரன் உள்ளிட்டவர்கள் தெரிவித்ததாக விளம்பரம் வெளியாகியுள்ளது. இந்த படத்தையும் அனுப்பி, எமது வரலாற்று கடமையை விளங்கப்படுத்துமாறு சேரனிடம் கேட்டிருந்தேன்.
அவரிடமிருந்து வந்தது மிக ஆச்சரியமான பதில். இது பற்றி எதையுமே அவர் அறிந்திருக்கவில்லை. தனக்கு தெரியாமல் தனது படம் பயன்படுத்தப்பட்டுள்ளதாக கூறினார்.
இதுபற்றி விசாரித்துவிட்டு, பகிரங்கமாக மறுப்பும் தெரிவிப்பதாக கூறினார்.
பார்த்திருப்போம்!_ by - Yo Karnan

தமிழ் தேசிய கூட்டமைப்பு காரியாலயம் மீது குண்டுத் தாக்குதல்!

யாழ் மார்டின் வீதியில் உள்ள தமிழரசு கட்சியின் காரியாலயம் மீது
இனந்தெரியாதோரால் கைக் குண்டுத் தாக்குதல் மேற்கொள்ளப்பட்டுள்ளது. வாக்குச்சாவடி முகவர்களுக்கான செயற்பாடுகளை கட்சி தொண்டர்கள் மேற்கொண்டு இருந்த போது அதனை குழப்பும் நோக்கில் இத்தாக்குதல் இடம்பெற்றுள்ளது. இத்தாக்குதலானது மாவை சேனாதி ராஜா, ஸ்ரீகாந்தா ஆகியோர் கட்சி தொண்டர்களோடு தேர்தல் பணிகளில் மும்முரமாக ஈடுபட்டபோது இடம்பெற்றது. மேலும் சட்டத்தரணி ஸ்ரீகாந்தாவின் காரியாலயம் மீதும் கைக்குண்டு தாக்குதல் மேற்கொள்ளப்பட்டுள்ளதாக அங்கிருந்து கிடைக்கும் செய்திகள் தெரிவிக்கின்றன. இத்தாக்குதலினால் எவருக்கும் உயிரிழப்புகளோ காயங்களோ ஏற்படவில்லை என்பது குறிப்பிடத்தக்கது.

நேற்று இரவு மாட்டின் வீதியில் உள்ள தமிழரசுக் கட்சி அலுவலகம் மீது நடாத்தப்பட்ட திட்டமிட்ட குண்டுத் தாக்குததலுக்கு காரணம் சிறிகாந்தா தான் என்பது தெரிய வந்துள்ளது. குருநகர் தண்ணீர்த் தாங்கிப் பகுதியில் உள்ள ஒருவரிடம் இருந்து பெறப்பட்ட டைனமற் வெடி மருந்ததைப் பயன்படுத்தியே இத் தாக்குதலை கூட்டமைப்பில் அங்கம் வகிக்கும் சிறிகாந்தாவின் ஆதரவாளரான நிசாந்தன் என்பவரின் வழிகாட்டலில் நடாத்தியுள்ளது தெரியவந்துள்ளது. (மேலும்.....)

ஆவணி 15, 2015

மோசடி அரசியலின் ஒத்தோடிகள்!

(சுகு-ஸ்ரீதரன்)

“தேசியத்தை நேசிக்கும் தாயக உறவுகளுக்கு புலம்பெயர் நாடுகளில் இருந்து ஒரு அன்பான வேண்டு )கோள்”; என்ற தலைப்பில் தினக்குரல் உதயன் பத்திரகைகளில் முழுப்பக்க விளம்பரங்கள் வந்துள்ளன. 16 படங்களைப் போட்டு இவர்கள் தமிழர்களின் ஏக புத்தி ஜீவிகள்? என்பது போல் -ஜனநாயக விரோதமானது. “2015-08-17 அன்று இலங்கையில் நடைபெறவுள்ள தேர்தலில் வீட்டுச் சின்னத்திற்கு வாக்களித்து மிகப்பலம்பொருந்திய கட்சியாக தமிழ் தேசியக் கூட்டமைப்பைத் தெரிவு செய்யுமாறு உங்கள் அனைவரையும் அன்போடு கேட்டுக் கொள்கிறோம்.” தினக்குரல் 14-08-2015 இதில் புலம் பெயர் நாடுகளின் தமிழ் கல்வியாளர்கள் பலரதும் அபிப்பிராயம் இதுதான் என்பது போல் ஒரு பொய் வேசம் கட்ட முயற்சிக்கப்பட்டிருக்கிறது. (மேலும்.....)

மாற்றத்துக்கான வாக்களிப்பு ஆகஸ்ட் 17ல்

(மாதவன் சஞ்சயன்)

தேர்தல் இரைச்சல்கள் ஓய்ந்து விட்டது. இதுவரை காதுகளை திறந்து வைத்திருந்த வாக்காளர்கள் இனி கண்மூடி சிந்திப்பர். தாம் வரித்துக் கொண்ட தலைவனுக்கு வாக்குப்போடுவோர், கல்லானாலும் கணவன் மணலானாலும் மனுசன் எனும் நிலையில் தான் இருப்பர். கூடிக்களிப்பவர் எனது பிள்ளை உனது பிள்ளை எமது பிள்ளைகள் என ஒருமித்தே இருப்பார். அலைபாய்பவர் பழம் நழுவி பாலில் விழும் என்ற கனவில் காத்திருப்பர். வீரகாவியம் பாடியவர் விழலுக்கு இறைத்த நீரா நாம் என ஏக்கத்தோடு காத்திருக்க, சில்லறைகள் திரிசங்கு நிலையில். (மேலும்.....)

'ஒபாமா வந்தாலும் ரணிலை காப்பாற்ற முடியாது'

“பிரித்தானியாவின் முன்னாள் பிரதமர் டொனி பிளேயர் வந்திருக்கின்றார். விடுமுறையை கழிப்பதற்காக வந்திருந்தால், நுவரெலியாவுக்கு போகலாம், கடற்கரைக்கு போகலாம் ஆனால், யாழ்ப்பாணத்துக்கு ஏன் போகவேண்டும்” என்று தேசிய சுதந்திர முன்னணியின் தலைவர் விமல் வீரவன்ச, குருநாகலில் தற்போது நடைபெற்று கொண்டிருக்கின்ற ஐக்கிய மக்கள் சுதந்திரக் கூட்டமைப்பின் இறுதி தேர்தல் பிரசாரக் கூட்டத்தில் உரையாற்றுகையில் கேள்வி எழுப்பினார். 'அவர், யாழ்ப்பாணத்துக்கு சென்றிருக்கின்றார். புதைக்கப்பட்டுள்ள புலிகளை உசுப்புவதற்கே அவர் யாழ்ப்பாணத்துக்கு சென்றுள்ளார். டொனி பிளேயர் அல்ல, அமெரிக்க ஜனாதிபதி ஓபாமா வந்தாலும் ரணிலை காப்பாற்ற முடியாது” என்று விமல் மேலும் கூறினார்.

விடுதலைப் புலிகளை மீண்டும் உருவாக்கவும் அவர்களை ஆயுத ரீதியாக பலப்படுத்தவும் முயன்ற விடுதலைப்புலிகளின் முக்கியஸ்தராக இருந்த தேவியன் மற்றும் அப்பன் போன்றவர்களை சிறீதரன் அரச புலானாய்வுப் பிரிவிடம் காட்டிக் கொடுத்து அவர்களைக் கொலை செய்த பின் மகிந்தராஜபக்சவிடம் இருந்து 4 கோடி ரூபா பெற்றதாக அதிர்ச்சிகரமான தகவல் வெளியாகியுள்ளது, 2010ம் ஆண்டு கூட்டமைப்பில் போட்டியிட்டு நாடாளுமன்ற உறுப்பினராக வந்த சிறீதரன் 2012ம் ஆண்டு வரை கடும் தேசியம் பேசி வந்துள்ளார். இவரை எவ்வாறு தமது கட்டுப்பாட்டுக்குள் கொண்டு வருவது என மகிந்தவும் மகிந்தவின் புலனாய்வுப் பிரிவினரும் பெரும் திட்டங்களைத் தீட்டிக் கொண்டிருந்த வேளை சிறீதரனின் பாலியல் பலவீனம் பற்றிய தகவல்களை துல்லியமாகப் பெற்றனர். தனது அலுவலகத்திற்குள் தனது அந்தரங்க உதவியாளரான வேளமாளிதனை நியமித்து, அலுவலகத்திற்கு பல்வேறு தேவைகளுக்காக வரும் ஏழைகளான யுவதிகளையும் இளம் பெண்களையும் ஆசை வார்த்தைகள் மற்றும் வேலை வாய்ப்பு, பண உதவி என்பன தருவதாக வேளமாகிதனுாடாக பேரம் பேசி அவர்களை தனது பாலியல் இச்சைகளுக்குப் பயன்படுத்துவது அரச புலனாய்வுத் துறையினருக்குத் தெரியவந்தது. (மேலும்.....)

அநுர, சுசில் பதவிகளிலிருந்து நீக்கம்

ஸ்ரீ லங்கா சுதந்திரக்கட்சியின் செயலாளர் பதவியிலிருந்து முன்னாள் நாடாளுமன்ற உறுப்பினர் அநுர பிரியதர்ஷன யாப்பாவும், முன்னாள் நாடாளுமன்ற உறுப்பினர் சுசில் பிரேமஜயந்த, ஐக்கிய மக்கள் சுதந்திர கூட்டமைப்பின் பொதுச்செயலாளர் பதவியிலிருந்தும் நீக்கப்பட்டுள்ளனர்.

தமிழ் தேசியக் கூட்டமைப்புக்கு அனைத்து தமிழ் மக்களும் வாக்களிக்க வேண்டும் - அனந்தி சசிதரன்

யாழ். புன்னாலைக்கட்டுவன் ஆயற்கடவை பிள்ளையார் ஆலய மண்டபத்தில் தமிழ் தேசியக் கூட்டமைப்பின் யாழ் மாவட்ட வேட்பாளர் தர்மலிங்கம் சித்தார்த்தன் அவர்களை ஆதரித்து நேற்றுமாலை பொதுமக்களால் ஏற்பாடு செய்யப்பட்டிருந்த தேர்தல் பிரசாரக் கூட்டத்தில் வட மாகாணசபை உறுப்பினரும், தமிழ் தேசியக் கூட்டமைப்பின் யாழ் மாவட்ட வேட்பாளருமான தர்மலிங்கம் சித்தார்த்தன், மாகாணசபை உறுப்பினர் அனந்தி சசிதரன், வலிமேற்கு சமூக மேம்பாட்டுக் கழக ஆலோசகர் டேவிட், முன்னாள் மானிப்பாய் பிரதேச சபை உறுப்பினர் கௌரிகாந்தன், முன்னைநாள் சீமெந்து கூட்டுத்தாபன ஊழியர் கேதஸ்வரநாதன் ஆகியோர் கலந்து கொண்டு உரையாற்றியிருந்தனர். (மேலும்.....)

மலேசியாவிலிருந்து விடுதலைப்புலிகளின் சிரேஸ்ட உறுப்பினர் நாடு கடத்தப்பட்டார்!

விடுதலைப்புலிகளின் சிரேஸ்ட உறுப்பினர் என்று நம்பப்படும் 37வயதான இலங்கையர் ஒருவரை மலேசிய பொலிஸார் இன்று இலங்கைக்கு நாடு கடத்தினர் என மலேசிய பொலிஸ் மா அதிபர் வெளியிட்டுள்ள அறிக்கையில் தெரிவிக்கப்பட்டுள்ளது. கோலாலம்பூரில் பயங்கரவாதத்துக்கு எதிரான சிறப்புப்பிரிவினர் மேற்கொண்ட நடவடிக்கையின்போது இவர் கடந்த 7ஆம் திகதியன்று கைதுசெய்யப்பட்டார். இவர் 2012ஆம் ஆண்டு மலேசியாவுக்குள் சமூகசேவைகள் என்ற அடிப்படையிலான விசாவின் மூலம் பிரவேசித்துள்ளார்.
இந்த நிலையில் இவர் மலேசியாவில் இருந்து விடுதலைப்புலிகளுக்கு நிதிசேகரித்தார் என்றும் குற்றம் சுமத்தப்பட்டுள்ளது. இதனால் அந்நாட்டு அரசாங்கம் இவரை இன்று நாடு கடத்தியுள்ளது.

றோய் ஜெயக்குமார், வைத்தியர் சிவமோகன், புளொட் பவான், செல்வம் அடைக்கலநாதன் நால்வருக்கும் வாக்களிப்பதை தவிர்த்து கொள்ளுங்கள் !

வவுனியாவில் அன்றும் சரி - இன்றும் சரி மகப்பேற்றுக்கென அதிநவீன சத்திரசிகிச்சை வசதி வாய்ப்புகளுடன் இருக்கும் ஒரே தனியார் வைத்தியசாலை, சிவமோகனின் ‘அபிஷா' வைத்தியசாலை. மாற்றுவதற்கு வேறு உடுபிடவைகளும் இன்றி, சொந்த ஊர் திரும்பி தமது வாழ்வாதாரத்தொழிலை மறுபடியும் தொடங்கும் வரைக்கும் தாக்குப்பிடிக்க முடியாதளவு பணத்துடன் ‘அபிஷா’ வைத்தியசாலையை தேடிச்சென்ற குடும்பங்களிடம், ‘பிச்சை எடுக்குமாம் அநுமான் அதை பிடுங்கித்தின்னுமாம் பெருமாள்’ எனும் கதையாய்… சிவமோகன் பணம் பிடுங்கினார். ‘டொக்டர் எங்களிட்ட இப்போதைக்கு அவ்வளவுக்கு காசில்ல டொக்டர். இப்போதைக்கு இத வச்சுக்கொள்ளுங்க. நாங்க சொந்த ஊர்ப்போய் குடியேறியதும் முதல் வேலையா உங்கட பணத்தத்தான் திருப்பித்தருவம். உங்கட உதவிய நாங்க வாழ்க்க பூராவும் மறக்கமாட்டம் டொக்டர். ப்ளீஸ்… கெல்ப் பண்ணுங்க டொக்டர்.’ என்று இரந்து கெஞ்சியபோது… (மேலும்.....)

ஆவணி 14, 2015

எத்தேனையோ தேர்தல்களை என் 10 வயதில் இருந்து பார்த்த எனக்கு, இந்த தேர்தல் வெற்றி பெற ஆயிரம் வழிகள் உண்டானாலும், அடுத்தவர் மீது பொய்யான பழிகளை கூறி, வாக்கு பெற வரலாற்றையே திரிவு படுத்தும் செய்திகளை கூறி, இத்தனை அழிவுகளுக்கு பின்பும் தாம் விட்ட தவறுகளை அடுத்தவர் மேல் போட்டு எதிர்கால இளையவர் மனதில் நஞ்சை விதைக்கும், பாதக செயலை செய்பவரால் மன உழைச்சலை தருகிறது. ஒவ்வொரு பரப்புரை கூட்டத்துக்கும் சென்று ஆதாரத்துடன் நீங்கள் சொல்வது பொய் என கூறும் மனத்தென்பு இருந்தாலும் உடல் நிலை இடம் கொடாததால் தான், இணையத்தில் எழுதுகிறேன். ஆயுதங்கள் ஆட்சி செய்த காலத்தில் எம்மில் பலர் மௌனித்திருந்தோம். இன்று இணையத்தில் கூட எம்மை மௌனிக்க செய்ய முயல்கின்றனர். மரணித்தது பிரபாகரன் மட்டுமே. பிரபாகரனிசம் அல்ல என்பதை உணர்கிறேன். (மேலும்.....)

என் மனவலையிலிருந்து……

யதீந்திரா போன்றவர்களுக்கு ஒரு பகிரங்க மடல்

(சாகரன்)

‘……சம்பந்தன் ஐயா கூட தன்னுடைய நாடாளுமன்ற உரையில் (ஆங்கிலத்தில்) விடுதலைப் புலிகளின் போட்டுத் தள்ளும் பட்டியிலில் தான் இருந்ததாக குறிப்பிட்டிருக்கின்றார். ஆனால் அப்படிப்பட்ட ஐயாவையே பின்னர் பிரபாகரன் தனது அரசியல் காய்நகர்த்தலுக்குள் உள்வாங்கிக் கொண்டார். நான் கிளிநொச்சியில் சில அரசியல் கலந்துரையாடல்களின் பங்குகொண்ட சந்தர்ப்பங்களில் அங்கிருந்த சில மூத்த போராளிகள், ஐயாவை “ஆள் பெறுமதியானவர் தான்”, என்று சொல்லியதை கேட்டிருக்கிறேன். ஏன் பிரபாகரன் மிகவும் பலம் குன்றியிருந்தவர்களை அரவணைத்துச் செல்ல வேண்டும்?.........’ - யதீந்திரா,

இவர் கருத்தில் பல முரண் நகையிருக்கின்றது. தமிழ் தேசியக் கூட்டமைப்பு மேலெழுந்தவாரியாக பார்த்தால் ‘கூட்டமைப்பு’ அல்லது பல கட்சிகளின் ‘இணைப்பு’ ஏன் ‘ஐக்கியம்’ என்று கூட்டமைப்பினரால் கூறப்படுவது போல் தோன்றும். முதலில் இதற்கு வெளியில் கூட பல ‘பலம்’ வாய்ந்த கட்சிகள், அமைப்புக்கள் இருக்கின்றன. இவற்றை உள்வாங்க, இணைத்துக் கொள்ள  தமிழத் தேசியக் கூட்டமைப்பினர் எப்போதும் தயாராக இருக்கவில்லை. (மேலும்.....)

பிடல் காஸ்ட்ரோவின் 89 வது பிறந்த நாளுக்கு, மடூரோ, மொராலேஸ் ஆகியோர் நேரில் சென்று, பிறந்தநாள் வாழ்த்து தெரிவித்தனர்.

தேர்தலில் தான் போட்டியிடுவதற்கான நியாயத்தை முன்வைக்கும் யதீந்திரா

சம்பந்தன் ஐயா கூட தன்னுடைய நாடாளுமன்ற உரையில் (ஆங்கிலத்தில்) விடுதலைப் புலிகளின் போட்டுத் தள்ளும் பட்டியிலில் தான் இருந்ததாக குறிப்பிட்டிருக்கின்றார். ஆனால் அப்படிப்பட்ட ஐயாவையே பின்னர் பிரபாகரன் தனது அரசியல் காய்நகர்த்தலுக்குள் உள்வாங்கிக் கொண்டார். நான் கிளிநொச்சியில் சில அரசியல் கலந்துரையாடல்களின் பங்குகொண்ட சந்தர்ப்பங்களில் அங்கிருந்த சில மூத்த போராளிகள், ஐயாவை “ஆள் பெறுமதியானவர் தான்”, என்று சொல்லியதை கேட்டிருக்கிறேன். ஏன் பிரபாகரன் மிகவும் பலம் குன்றியிருந்தவர்களை அரவணைத்துச் செல்ல வேண்டும்? (மேலும்.....)

ஒரு ஊடகவியலாளரின் மனவலையிலிருந்து.......

ஆசிரியர் !

கடந்த சில மாதங்களாக எனது எழுத்தை தங்கள் இணையத்தில் பதிவேற்றி எனக்கு தாங்கள் தந்த அங்கீகாரத்துக்கு என் சிரம் தாழ்த்திய நன்றிகள். ஏனோ தெரியவில்லை எனது இறுதி 2 கட்டுரைகள் பதிவேற்றப்படவில்லை. அதற்கு அக, புற காரணிகள் காரணமாக இருக்கலாம்.

ஈழத்தமிழர் அரசியலில் இது காலா காலமாக நடப்பது. அன்று புலிகள் விடும் தவறுகளை பற்றிய எழுதிய என் கட்டுரைகளை வெளியிட வேண்டாம் என வன்னியில் இருந்து விடப்பட்ட கட்டளையால் என் எழுத்துகள் மௌனிக்கப்பட்டன. இன்று மரணித்தது பிரபாகரன் மட்டுமே, பிரபாகரனிசம் அல்ல என்பதை உணர்கிறேன்.

என் எழுத்துக்கள் பதிவேறாமல் செய்வதில் அவர்கள் வென்று விட்டனர். ஆனால் தோற்றது நானல்ல. என் கையோடிக்க பார்க்கும் அவர்களே. இதுவரை தங்கள் இணையத்தில் எனது எழுத்துகளை பதிவேற்றிய உங்களுக்கு மீண்டும் என் நன்றிகள். மன மகிழ்ச்சி.

அதே வேளை ஏற்கனவே பதிவேற்றிய 4 பதிவுகளை நீக்கியமை தான் நெஞ்சில் நெருடல். நான் உரைத்தது உண்மைகள். அதை மறுக்கவில்லை பொய்மைகள். உண்மை உறங்கலாம் பொய்மை நிலைக்காது. இனியும் தங்களை சங்கடப்படுத்த மாட்டேன். பிரிவோம் இனிய நினைவுகளுடன்.

நன்றி, வணக்கம்.

மாதவன் சஞ்சயன்

(இக்கடிதம் வேறு ஒரு இணைத்தளத்திற்காக எழுதப்பட்டதாக அறிய முடிகின்றது)

மஹிந்தவுக்கு மைத்திரி கடிதம்

எதிர்வரும் 17ஆம் திகதி பொதுத்தேர்தல் நடைபெறவுள்ள நிலையில், ஸ்ரீ லங்கா சுதந்திரக் கட்சியின் தலைவர் என்ற வகையில் ஜனாதிபதி மைத்திரிபால சிறிசேன, முன்னாள் ஜனாதிபதியும் குருநாகல் மாவட்ட தேர்தல் வேட்பாளருமான மஹிந்த ராஜபக்ஷவுக்கு அவசர கடிதம் ஒன்றை அனுப்பிவைத்துள்ளார். (மேலும்.....)

நாலு பேருக்கு ஒரு போத்தல்' வீதம் சாராயமும்... ஊர்ப்பெரியவர்களுக்கு ஆட்டிறைச்சி - கோழி இறைச்சி விருந்தும்!
 

வன்னி தேர்தல் தொகுதி வேட்பாளர் வைத்தியர் சிவமோகன், கனகராயன்குளம், முள்ளியவளை, புதுக்குடியிருப்பு பிரதேசங்களில் தனக்காக முழுநேர பிரசாரத்தில் ஈடுபடுபவர்களில் மது அருந்தும் பழக்கம் உடையவர்களுக்கு (நாலு பேருக்கு ஒன்று என்ற கணக்கில்) சாராயப்போத்தல்களை ஊக்குவிப்பாக வழங்கி வருகின்றார். வன்னியின் ஒவ்வொரு கிராமங்களிலும் அந்தந்த கிராமங்களில் 'யாருடைய சொல்லுக்கு மக்கள் கட்டுப்பட்டு வாக்களிப்பார்களோ' அவர்களை (ஊர்ப்பெரியவர்களை) தேடிக்கண்டறிந்து, அவர்களுக்கு ஆட்டிறைச்சி - கோழி இறைச்சி விருந்து வைத்து, தனக்கு வாக்களிக்குமாறு கிராம மக்களிடம் அறிவுறுத்துமாறு, 'கேடுகெட்ட அரசியல் கலாசாரத்தை' செய்து வருகின்றார்.
எதிர்வினை:
இன்று இலவசமாக குடிப்பவர்கள் நாளை ??? இருதயப்புண் நோயில் வீழ்ந்து படுக்கையில் சாய்ந்து 'கொக் கொக்' என்று இரவு முழுக்கவும் காரிக்காரி துப்பிக்கொண்டு கிடக்கும்போது....
மனைவி: (தொல்லை தாங்க முடியாமல்) 'இஞ்சரப்பா டொக்டர் தெரிஞ்சவர் தானே... அவரிட்ட ஒருக்கா கொண்டுபோய்க்காட்டி வைத்தியம் பார்த்திட்டு வரலாமெல்லே...' என்று நச்சரிக்க, மனைவி நச்சரிப்பு தாங்க முடியாமல் வவுனியாவுக்கு போய், சிவமோகனின் 'அபிஷா' கொஸ்பிட்டலில் கட்டணத்துக்கு (காசுக்கு) வைத்தியம் பார்த்து 'குடி முழுகிப்போகும்' இந்த குடும்பங்கள் !
 

கரவெட்டிப் பகுதிக்குச் சென்ற புலிகளைப் பிடித்து வைத்திருந்தனர் மக்கள்!!

இன்று மாலை 6 மணியளவில் கரவெட்டி யாக்கரைப் பகுதிக்குத் தேர்தல் பிரச்சாரத்தில் ஈடுபடுவதற்காகச் சென்ற முன்னாள் புலிப் போராளிகள் அப் பகுதியில் திரண்டிருந்த பல நுாற்றுக்கணக்கான மக்களின் அன்புப் பிடியில் சிக்கி மீளமுடியாது தடுமாறி நின்றனர்.
இது வரை யாழ்ப்பாணத்தில் தேர்தல் பிரச்சாரங்களை மேற்கொள்ளும் கட்சிகள் பிரச்சாரங்களையும் கூட்டங்களையும் பந்தல் செலவு உட்பட்ட அனைத்தையும் தங்கள் கட்சியின் பணத்தை வைத்தே மேற்கொண்டு வருகின்றனர். (மேலும்.....)

த.தே.கூட்டமைப்புக்கு வாக்களிக்குமாறு பகிரங்க வேண்டுகோள்!

நடைபெறவுள்ள பாராளுமன்ற தேர்தலில் தமிழ்த் தேசியக் கூட்டமைப்புக்கு வாக்களிக்குமாறு பகிரங்கமான வேண்டுகோளினை யாழ்ப்பாணப் பல்கலைக்கழக பீடங்களின் ஒன்றியங்கள் விடுத்துள்ளது. மாற்றம் என்பது இப்போதைக்கு அவசியமற்ற ஒன்று. நிலத்து மக்களின் யதார்த்த நடைமுறைகளைப் புறக்கணித்து புலத்திலுள்ளோர் சிலரின் தேவைக்கேற்ப ஆடப்படும் சதுரங்க நகர்த்தல் மூலமாக வரும் மாற்றமானது ஏமாற்றமாகவே முடியும் என்றும் ஒன்றியங்கள் சுட்டிக்காட்டியுள்ளது. தேர்தல் தொடர்பாக யாழ்ப்பாணப் பல்கலைக்கழக பீடங்களின் ஒன்றியங்கள் விடுத்துள்ள ஊடக அறிக்கையிலேயே மேற்படி விடையம் தெரிவிக்கப்பட்டுள்ளது. (மேலும்.....)

அவதூறு செய்பவன் உண்மையான முஸ்லிம் அல்ல!

(எஸ். ஹமீத்)

பிஸ்மில்லாஹிர் ரஹ்மானிர் ரஹீம்!
எல்லாம் வல்ல அல்லாஹுத் த ஆலாவின் சாந்தியும் சமாதானமும் உங்கள் அனைவர் மீதும் உண்டாகட்டும்
''முஃமின்களே! (சந்தேகமான) பல எண்ணங்களிலிருந்து விலகிக் கொள்ளுங்கள்; ஏனெனில் நிச்சயமாக எண்ணங்களில் சில பாவங்களாக இருக்கும்; (பிறர் குறைகளை) நீங்கள் துருவித் துருவி ஆராய்ந்து கொண்டிராதீர்கள்; அன்றியும், உங்களில் சிலர் சிலரைப் பற்றிப் புறம் பேசவேண்டாம், உங்களில் எவராவது தம்முடைய இறந்த சகோதரனின் மாமிசத்தைப் புசிக்க விரும்புவாரா? (இல்லை!) அதனை நீங்கள் வெறுப்பீர்கள். இன்னும், நீங்கள் அல்லாஹ்வை அஞ்சுங்கள். நிச்சயமாக பாவத்திலிருந்து மீள்வதை அல்லாஹ் ஏற்றுக் கொள்பவன்; மிக்க கிருபை செய்பவன்.'' (அல்-குர்ஆன் 49:12) (மேலும்.....)

ஆவணி 13, 2015

2006 ஆகஸ்ட் 12 தோழர் கேதீஸ் நினைவு நாள்

9 ஆண்டுகள் உருண்டோடி விட்டன!

யுத்தத்தினூடே தமிழச் சமூகம் புலமைத்துவ வறுமை கொண்ட சமூகமாக மாறியிருக்கிறது. தோழர் கேதீஸ் தேசிய இனப்பிரச்சனை மற்றும் பல்லினங்களின் நாடாக இலங்கையை மாற்றுவதற்கான கனவுகளுடன் வாழ்ந்தவர்.அவருடைய கட்டுரைகள் நூல்கள் மீள் வாசிக்கப்படவேண்டும். அறிவார்ந்த முறையில் பிரக்ஞை பூர்வமாக சமூகங்கள் மீள் இணைவதற்கான தேடலைப்பிரதிபலிப்பன. சமகாலத்தில் அவரின் வெற்றிடம் தமிழ் சமூகத்தில் நிரப்ப முடியாத ஒன்றாகவே எம்மால் உணரப்படுகிறது. இந்த கட்டுரை அவர் படுகொலை செய்யப்பட ஒரு சில நாட்களில் எழுதப்பட்டது. ஒருசில மாற்றங்களுடன் மீளவும் அந்தக்கணங்களின் உணர்வுநிலை - நினைவலைகள் சார்ந்தது. (மேலும்.....)

சுயநலவாதிகளை புறக்கணிக்கவும் - சி.வி ஆலோசனை

'கொடுத்த தேர்தல் விஞ்ஞாபன வாக்குறுதிகளுக்கு மாறாக சுயநலத்துடன் நடக்க சிலர் எத்தணிக்கின்றார்கள். தென்னிலங்கை அரசியல்வாதிகளின் மனங்கோணாமல் நடப்பதற்காக தமிழ் மக்களிடையே தேர்தல் மேடைகளில் பேசிய வசனங்களை மறந்துவிட்ட அவர்களைத் தவிர்த்து, எதிர்வரும் நாடாளுமன்றத் தேர்தலில் தமிழ் பேசும் மக்களின் நலனுக்காக பாடுபடுபவர்களுக்கு வாக்களிக்க வேண்டும்' என வட மாகாண முதலமைச்சர் சி.வி.விக்னேஸ்வரன் தெரிவித்தார். 'தேர்தலுக்கு இன்னமும் சில நாட்களே உள்ள நிலையில் யாருக்கு வாக்களிப்பது, யாரை தெரிவு செய்தால் ஒட்டுமொத்த தமிழ் சமூகத்தையும் அவர்கள் வாழவைப்பார்கள் என்பது குறித்த ஒரு தீர்மானத்துக்கு அனைவரும் வந்திருப்பார்கள். அந்த தீர்மானத்தில் நான் எந்தவொரு செல்வாக்கினையோ அல்லது தலையீட்டினையோ செய்யப்போவதில்லை. இம்முறை நடைபெறவுள்ள நாடாளுமன்றத் தேர்தலில் எந்தவொரு கட்சிக்கும் பக்கச்சார்பற்ற நடுநிலைத் தன்மை என்ற எனது நிலைப்பாட்டில் தொடர்ந்தும் உறுதியாகவுள்ளேன். ஆரோக்கியமான அகமுரண்பாடுகள் அவசியமானவை. ஆயினும், ஒரே கட்சிக்குள் இருந்துகொண்டு ஒரே கொள்கைக்காக தேர்தலில் போட்டியிடுபவர்கள், ஒருவரை ஒருவர் தூற்றிக்கொண்டும் வசைபாடிக்கொண்டும் அரசியல் நாகரீகம் அற்ற முறையில் ஒருவர் மற்றவருக்கு பாதிப்பினை ஏற்படுத்தும் வகையில் செயற்பட்டுக்கொண்டிருக்கும் நிலைமையினை காணும்போது பக்கச்சார்பற்ற நடுநிலைத்தன்மை என்ற எனது முடிவு சரியானது என்றே நான் கருதுகின்றேன்' என்று அவர் அதில் மேலும் குறிப்பிட்டுள்ளார்.

'ஒரே கட்சிக்குள் இருந்துகொண்டு ஒரே கொள்கைக்காக தேர்தலில் போட்டியிடுபவர்கள், ஒருவரை ஒருவர் தூற்றிக்கொண்டும் வசைபாடிக்கொண்டும் அரசியல் நாகரீகம் அற்ற முறையில் ஒருவர் மற்றவருக்கு பாதிப்பினை ஏற்படுத்தும் வகையில் செயற்பட்டுக்கொண்டிருக்கும் நிலைமை....'    இதே மாதிரியான செயற்பாட்டினைத்தான் முதல் அமைச்சர் பங்கு பற்றிய வட மாகாணசபைத் தேர்தலிலும் இவர் சார்ந்த குழுவினரும் செய்தனர் என்பதை விக்கேஸ்வரன் ஐயாவிற்கு ஞாபகம் ஊட்ட விரும்புகின்றேன் - சாகரன்

வாசகர் கருத்துக் களம்

(ஓம் நாங்கள் சொல்லுறம் ! என்கின்ற மாதவன் சஞ்சயனின் கட்டுரைக்கான விமர்சனக் கடிதத்தை இத்துடன் இணைன்கின்றேன் - ஆர்)

மதிப்பிற்குரிய ஐயா,
நான் ஓர் எழுத்தாளன் அல்ல. அரசியல்வாதியும் அல்ல. ஆனால் எமது பிரதேசத்து அரசியல் நிகழ்வுகளை அவதானித்து வருபவன். சில எழுத்தாளர்கள் போல் நாம் தொடர்ந்து எழுத முடிவதும் இல்லை. இவர்கள் திட்டமிட்டு இயக்கப்படுகிறார்கள். ஓர் கட்சியை ஒவ்வொரு செயலிற்கும் பிழைகாண்கையில் மற்றைய கட்சியை எவ்வகையிலும் பிழை காண்பதில்லை. அதன் மூலம் ஒர் கட்சி தீண்டத் தகாத கட்சியாகவும் மற்றைய கட்சியை யதார்த்தத்திற்கு அப்பாற்பட்ட அற்புதக் கட்சியாக உருவகப்படுத்துகிறார்கள். இது எண்பதுகளை நினைவுபடுத்துகிறது. அனைத்து போராளிகள் அமைப்பும் சகோதரபோராளிகளும் அழிக்கப்பட்டு தமிழரின் ஏகத்தலைமை தாமே எனக் கூறியவர்களை விடவும் அதை வழிமொழிந்து இன்று எம்மை இன்றைய புகழ் நிலைக்கு இட்டு சென்றவர்களின் சிறப்புப்பற்றியே சிந்திக்கவேண்டியுள்ளது. தவறுகள் சுட்டப்படுவது தவறில்லை. ஆனால் அது தனிப்பட்ட குரோதமாக வெளிப்படுகிறதே. மாற்றுக் கருத்துக்கான இணையமாக விளங்கியது இன்று பக்கம் சார்ந்து ஓர் கட்சிக்கான தூற்றும் இணையமாக மாறியது ஏனோ. மறுதலையாக இது அக்கட்சியின் வளர்சியின் காட்டியாகவும் அமையலாம்.
(சூரியன்)

சில பத்திரிகைகள், இணையங்கள் இன்றும் தனிநபர்கள் கட்டுப்பாட்டிலா ?

(மாதவன் சஞ்சயன்)

பிரபாகரன் உயிரோடு இருந்தபோது, தெற்கின் தமிழ் வார பத்திரிகையில் புலிகள் விடும் தவறுகள் பற்றிய என் கட்டுரைகள், வன்னியில் இருந்து விடுக்கப்பட்ட அவர்களின் அச்சுறுத்தலால் இடைநிறுத்தப்பட்டது. நிலைமை மாறிய காலத்தில் மீண்டு எழுதும் போது, யாழ் நிலவரம் பற்றி உண்மைகளை எழுதியதால், அமைச்சரின் அன்பு கட்டளை /அனுசரணை அதை அச்சிட தடுப்பதாக கூறி மீண்டும் உண்மைகள் வெளிவராது மௌனிக்கப்பட்டன. ஐரோப்பாவில் இருந்து வந்த நண்பர், சில இணையங்களின் முகவரி தந்து அவர்கள் உண்மை விளம்பிகள், நடந்த நிகழ்வுகளை எதிர்கால வரலாற்று பதிவாக்குவார்கள் என கூறியதால், என் இணைய எழுத்து தொடங்கி பல இணையங்களில் பதிவேறி, பின் ஒவ்வொன்றாய் தடுக்கப்பட்டு இன்று 3 இணையங்கள் பதிவேற்றுகின்றன. பயம் / பணம் பாதாளம் வரை மட்டுமல்ல இணையம் வரை பாயும் எனும் நிலையால் வந்த வினையா இது ? (மேலும்.....)

"I am still waiting to be sued by Poopalapillai." -
(Bandula Jayasekara, Consul General for Sri Lanka, Toronto)

My debate on OMINI TV with LTTE spokesman David Pooplapillai was considered the first occasion when a Sri Lankan diplomat took on the LTTE in Canada face to face. The programme was moderated by Angie Seth respected TV anchor who understood South Asia well. Pooplapillai came with another active LTTE backer, Manjula Selvarrajah. I had invited an Indian friend of mine Juhi to baffle them. Juhi knew all about the Sri Lankan situation. She understood Sri Lanka very well and was sympathetic towards the country. She was careful in not letting her guard down and faced their questions behind the scene very well since Manjula Selvarajah tried to ‘grill’ her in her own way. The LTTE in Canada was always suspicious of Indians. I am not surprised that the Indian government had tightened its visa regulations to Canadian Sri Lankans traveling to India. (more.....)

ஆனந்தசங்கரி அவர்களுக்கு ஒரு வேண்டுகோள்!

இம்முறை பாராளுமன்றத் தேர்தலில் யாழ்ப்பாணத்திற்கான வேட்பாளர் தெரிவுக்கு வலம்புரி பத்திரிகையில் விளம்பரம் செய்து வேட்பாளர்களைத் தேர்ந்தெடுத்த நீங்கள் அதன்பின் கட்சியின் உறுப்பினர்களோடு ஏதேனும் ஒரு சந்திப்பை நடத்தாமல் உங்கள் இஷ்டப்படி யாழ்ப்பாணத்திற்கு வெளியே, வடக்கு கிழக்கில் வன்னி, திருகோணமலை, மட்டக்களப்பு, திகாமடுல்ல தேர்தல் மாவட்டங்களிலும் மத்திய மாகாணத்தில் நுவரெலியாவிலும், மேல் மாகாணத்தில் கொழும்பிலும் போட்டியிடுவதற்கு ஆயத்தமாகியதையும், சிலரது அறிவுறுத்தல்களுக்கு அமைய நுவரெலியாவிலும், திகாமடுல்ல மாவட்டத்திலும் வேட்பு மனுக்களைத் தாக்கல் செய்யாது ஏனைய மாவட்டங்களில் வேட்புமனுக்களைத் தாக்கல் செய்ததுடன் தாங்கள் கொழும்பில் எமது கட்சியில் சில சிங்களப் பிரமுகர்களையும் போட்டியிட வைத்துள்ளமை எம் கட்சியினரை அதிர்ச்சிக்குள்ளாக்கியுள்ளது. (மேலும்.....)

பிரதான எதிரிகளான பாசிச சக்திகளை தோற்கடிக்கவும் - இலங்கை கம்யூனிஸ்ட் ஐக்கிய கேந்திரம்

எதிர்வரும் பாராளுமன்றத் தேர்தல் குறித்து இந்நாட்டின் தொழிலாளர்களும் விவசாயிகளும் அடக்கப்படுகின்ற தேசிய இனங்களும் அக்கறையற்றவர்களாக இருக்க முடியாது. அதில் போட்டியிடும் மஹிந்த ராஜபக்ச தலைமையிலான பேரினவாத பாசிச, நவபழைமைவாத சக்திகளையும் ரணில் தலைமையிலான நவதாராளவாத சக்திகளையும் ஒரேயடியாக சமகாலத்தில் மக்கள் தோற்கடிக்க முடியாததால், அவற்றில் தற்காலத்தில் ஒப்பீட்டளவில் பிரதான எதிரியாக இருக்கும் மஹிந்த தலைமையிலான பேரினவாத, பாசிச நவபழைமைவாத சக்திகள் தோற்கடிக்கப்பட வேண்டியது அவசியமாகும். அதற்காக மக்கள் அவர்களது வாக்குகளை பயன்படுத்த வேண்டும். அத்துடன் தொழிலாளர்கள், விவசாயிகள், ஒடுக்கப்படும் தேசிய இனத்தவர்கள் அவர்களின் உரிமைகளை வென்றெடுக்கவும், நாட்டு மக்களின் ஐக்கியத்திற்கு பாதிப்பாக இருக்கும் தேசிய இனப்பிரச்சினைக்கு அரசியல் தீர்வு காணவும் தேவையான ஜனநாயக இடைவெளியை வென்றெடுக்கவும், பாதுகாக்கவும் மக்கள் அவர்களது வாக்குகளை பயன்படுத்த வேண்டும். (மேலும்.....)

’நோய் என்று எதுவும் இல்லை’ என்பது என் அனுபவம். இந்தக் கருத்தை வெளிப்படுத்துவது மிகக் கடினமான பணியாக உள்ளது. நோய்களின் பேரால் இயங்கும் வணிக நிறுவனங்களும் அவற்றுக்கு ஆதரவாக இயங்கும் நவீன தொழில்நுட்ப அமைப்புகளும் மக்களை அச்சத்தில் ஆழ்த்தி வைத்துள்ளன.  துணி துவைக்கும் எந்திரம் ’ஆறாம் அறிவுடன்’ (SIXTH SENSE) இயங்குகிறது என்று விளம்பரம் செய்யப்படுகிறது. அழுக்கின் தன்மை அறிந்து தேவையான நீரை உறிஞ்சுவது, ஈரத்தின் அளவுக்கேற்ப துணிகளைக் கசக்குவது, உலர்த்துவது ஆகியவற்றையெல்லாம் எந்திரம் செய்கிறது. ஆனால், மனித உடல் மட்டும் தனக்குள் உருவாகும் மாற்றங்களுக்கு ஏற்ப தன்னைச் சீர் செய்துகொள்ள வாய்ப்பே இல்லை என்று நவீன மருத்துவம் பரப்புரை செய்துவிட்டது. (மேலும்.....)

துப்பிவிட்டேன்...
வெத்திலையை துப்பிவிட்டேன்...

மகிந்தரின் தாளம், பசிலின் பாசக்கயிறு இவையிரண்டும் இல்லாமல் போனதால் தான் வீணை மீண்டது என்ற, உண்மையை சொல்லாமல் வெத்திலையை துப்பிவிட்டேன் என வீராப்பு பேசுவது கோழைத்தனம் இல்லையா...?  ராணுவ பிரசன்னம் பற்றி பதவியில் இருக்கும் போது காதுக்குள் கூட குசு குசுக்க வில்லை. இன்று தேவையற்ற ராணுவம் வெளியேற்ற படவேண்டும் என்பது வெறும் தேர்தல் கால பம்மாத்து அரசியல் விளையாட்டல்லவா...?வெத்திலையை இன்று துப்பியிருக்கலாம்.....? ஆனால் வெத்திலையை சாப்பிட்ட காலத்தில் வந்த புற்று நோயைத் துப்ப முடியாதே ....?

ஆவணி 12, 2015

ஓம் நாங்கள் சொல்லுறம் !

(மாதவன் சஞ்சயன்)

துன்பத்தில் இருந்தவர்கள் தம் துயர் தீர்க்க அப்பகுதியில் பதவியில் இருந்த ஒருவரை பார்க்க சென்றனர். அவரை சுற்றியிருந்த கூட்டம் அவர்களை பாடாத பாடு படுத்தியது. இன்று வா நாளைவா, இத்தனை மணிக்கு வா இந்த இடத்துக்கு வா, இன்னாரோடு வா அல்லது அவரது கடிதத்தோடு வா, என அலைக்கழிக்க பட்டு ஒருவாறு அவரை சந்தித்து தம் சங்கடங்களை கூறிய போது, பாக்கலாம் என கூறி அனுப்பியவர் பின் பார்க்கவே இல்லை. காலம் உருண்டது கஸ்டத்தில் இருந்து மீளும் நல்லசூழ்நிலை வந்தது. அதேவேளை சூழ்நிலை மாற்றத்தில் முன்பு அதிகாரம் செலுத்தியவரின் நிலை தலைகீளானது. மீண்டுவர, தான் முன்பு பாக்கலாம் என கூறி பார்க்காமல் விட்டவர் இடம் தேடி தன் அடிவருடிகளை அனுப்ப அவர்கள் குறைகளை தலைவர் தீர்ப்பார் என கூற, அவர்கள் ஓம் நாங்கள் சொல்லுறம் என்றனர். பின் தலைவரே நேரடியாக சென்று அவ்வாறு சொன்னபோதும் அவர்கள் ஓம் நாங்கள் சொல்லுறம் என்றனர்.(மேலும்.....)

தேர்தல் கருத்துக் கணிப்புக்களும், ஊடகங்களும்
(கணபதி மூர்த்தி)

சுமார் 25 வருடத்திற்கு முன்பு வரை ஒரு தேர்தலுக்கு முன் கருத்துக் கணிப்பு என்பது இல்லாத ஒன்று. கருத்துக் கணிப்பை வளர்ந்த நாடுகள்தாம் அறிமுகப் படுத்தி வைத்தன. பின்னர் அவை வளர்முக நாடுகளாலும் பின்பற்றப் படுகின்றன. பிரச்சினை என்னவெனில், இந்த கருத்துக் கணிப்புகள் பிரச்சாரத்திற்கான ஒரு கருவியாக பயன்படுத்தப்படும் நிலை தற்போது நிலவி வருவதுதான். இன்னும் சொல்லப் போனால், பிரச்சாரத்திற்காகவே கருத்துக் கணிப்பு அந்தந்த கட்சிகளினால் அவர்களின் ஏஜென்சிகளால் , NGO க்கள் என்ற போர்வையில் நடாத்தப்படுகிறது. இந்த மேற்படி NGO க்களின் கணிப்புகளும் அவற்றை வழிநடத்தும் அரசியல் கட்சிகளின் சார்பாகவே தமது கணிப்பை தேர்தலுக்கு ஒரு சில நாட்களுக்கு முன்னர் வெளியிடும். (மேலும்.....)

நாளை வவுனியா மேல் நீதிமன்றத்தில் ஆஜர்

தமிழ் தேசியக்கூட்டமைப்பின் வன்னி மாவட்ட முன்னாள் பாராளுமன்ற உறுப்பினர் செல்வம் அடைக்கலநாதனுக்கு எதிராக நாளை புதன் கிழமை வவுனியா மேல் நீதிமன்றத்தில் வழக்கு விசாரனை இடம் பெறவுள்ளது. பாராளுமன்ற உறுப்பினர் செல்வம் அடைக்கலநாதன் கடந்த 2010 ஆம் ஆண்டு இந்தியாவில் உள்ள தொலைக்காட்சி ஒன்றிற்கு முள்ளிவாய்க்காலில் இடம்பெற்ற படுகொலை தொடர்பாக வழங்கிய செவ்வி ஒன்றை தொடர்ந்து பாராளுமன்ற உறுப்பினருக்கு எதிராக கொழும்பு 4 ஆம் மாடி பயங்கரவாத குற்றத்தடுப்பு பிரிவினரினால் வழக்கு தாக்கல் செய்யப்பட்டது. பாராளுமன்ற உறுப்பினர் செல்வம் அடைக்கலநாதன் 2010 ஆம் ஆண்டு குறித்த செவ்விக்காக கொழும்பு பயங்கரவாத குற்றத்தடுப்பு பிரிவினரினால் கைது செய்யப்பட்டார். இதனைத்தொடர்ந்து வவுனியா மேல் நீதிமன்றத்தில் பாராளுமன்ற உறுப்பினருக்கு எதிராக கொழும்பு பயங்கரவாத குற்றத்தடுப்பு பிரிவினரினால் வழக்கு தாக்கல் செய்யப்பட்டது. குறித்த பாராளுமன்ற உறுப்பினர் அரசாங்கத்திற்கு எதிராகவும் விடுதலைப் புலிகளுக்கு ஆதராவாக மக்களை கிளர்ச்சி செய்ய உதவியதாக கூறி வழக்கு தாக்கல் செய்திருந்தனர். குறித்த வழக்கு விசாரணைகள் கடந்த 5 வருடங்களாக இடம் பெற்று வந்த நிலையில் மீண்டும் நாளை புதன் கிழமை வவுனயா மேல் நீதிமன்றத்தில் இடம் பெறவுள்ளமை குறிப்பிடத்தக்கது.

பிடல் காஸ்ட்ரோ

"முதலாளித்துவத்திற்கு எந்த ஒழுக்கமும் கிடையாது. அனைத்தும் விற்பனைக்கு விடப் படும். அப்படியான சூழலில் மக்களுக்கு கல்வி புகட்ட முடியாது. மக்கள் சுயநலவாதிகள் ஆகிறார்கள். சிலநேரம் கொள்ளையர்களாக மாறுகிறார்கள்." - பிடல் காஸ்ட்ரோ

ஆவணி 11, 2015

சம்மந்தர் வாக்கு பலிக்குமா ?

(மாதவன் சஞ்சயன்)

20 ஆசனங்கள் தாருங்கள் 2016ல் தீர்வுத்திட்டம் எட்டப்படும். யாழில் 7 ஆசனங்களும் கூட்டமைப்பு வசமாகும். வன்னியில் 4 திருமலையில் 3 மட்டக்களப்பில் 4 அம்பாறையில் 2 என பெறுவதற்கான வாய்ப்பு உண்டு எனவே எமக்கு வாக்களித்து அமோக வெற்றியடைய செய்து அமைய இருக்கும் நல்லாட்சியில் எம்மை பேரம் பேசும் சக்தியாக மாற்றுங்கள். இந்த சந்தர்பத்தை நாம் சரியாக பயன் படுத்துவோம் என பரப்புரை செய்கிறார் சம்மந்தர். சூசகமாக பேசுகிறாரோ என எண்ண தோன்றுகிறது. 2016ல் தீர்வு திட்டம் எட்டப்படும் என்றால், அதனை தீர்வு கிடைத்துவிடும் என அர்த்தப்படுத்த கூடாது. என்ன தீர்வு என்பதற்கான இணக்கப்பாடு எட்டப்படும் என்பதாகவே அர்த்தப்படுத்த வேண்டும். பண்டாவுடனும், டட்லியுடனும் இணக்கம் ஏற்டப்பட்டது. ஆனால் அவை செயல் வடிவம் பெறவில்லை. காரணம் தெற்கின் இரு கட்சிகளும் அதனை செயல்படுத்த விடாமல் எதிர்த்தமை. (மேலும்.....)

கூட்டமைப்புக்குள் மோதல்!!

சுரேசின் தொண்டர் மீது சித்தார்தனின் ஆதரவாளர்கள் தாக்குதல்

தமிழ்த் தேசியக் கூட்டமைப்பின் நாடாளுமன்ற வேட்பாளர் சுரேஸ்பிரேமச்சந்திரனின் ஆதரவாளர் ஒருவர் மீது சித்தார்த்தனின் ஆதரவாளர்கள் சிலர் தாக்குதல் மேற்கொண்ட சம்பவமொன்று யாழ்ப்பாணம், நீர்வேலி, கரந்தன் பகுதியில் ஞாயிற்றுக்கிழமை (09) இரவு 10 மணியளவில் இடம்பெற்றுள்ளது. அதேயிடத்தைச் சேர்ந்த என்.நிசாந்தன் (வயது 26) என்பவர் மீதே இவ்வாறு தாக்குதல் மேற்கொள்ளப்பட்டுள்ளது, தாக்குதலில் காயமடைந்த அவர், யாழ். போதனா வைத்தியசாலையில் அனுமதிக்கப்பட்டுள்ளார். கூட்டமைப்பின் வேட்பாளர் சுரேஸ் பிரேமச்சந்திரனுக்கு ஆதரவான தேர்தல் பிரசாரக் கூட்டத்தை ஒழுங்குபடுத்தி, அக்கூட்டம் முடிவடைந்த பின்னர் வீடு திரும்பிக்கொண்டிருந்த இவர் மீது, வாழைத் தோட்டத்துக்குள் பதுங்கியிருந்த இனந்தெரியாத நபர்களே இவ்வாறு தாக்குதல் மேற்கொண்டுள்ளனர். இது தொடர்பில் கோப்பாய் பொலிஸ் நிலையத்தில் சுரேஸ் பிரேமச்சந்திரனால் முறைப்பாடு செய்யப்பட்டதை அடுத்து, பொலிஸார் விசாரணைகளை மேற்கொண்டு வருகின்றனர்.
கூட்டம் இடம்பெற்ற பகுதியில் சித்தார்த்தனின் ஆதரவாளர்கள் சிலர் நின்றதாகவும் பின்னர் அவர்களே தாக்குதலை மேற்கொண்டிருக்கலாம் என சந்தேகிப்பதாகவும் பொதுமக்கள் சந்தேகம் தெரிவிக்கின்றனர். தங்களுக்கு தாங்களே அடிபட்டு குத்துப்படும் இவர்கள் எவ்வாறு தமிழ்மக்களுக்கு தீர்வைப் பெற்றுக் கொடுப்பார்கள் என அப்பகுதி மக்கள் விசனம் தெரிவித்துள்ளனர்,

கம்யூனிச கார்ல் மார்க்ஸ், முதலாளித்துவ ஹெர்பெர்ட் ஸ்பென்சர்