ஆவணி  2011மாதப் பதிவுகள்

ஆவணி 31, 2011

ஈதுல் பித்ர் பெருநாள் வாழ்த்துகள்

ஆவணி 31, 2011

ராஜிவ் கொலையாளிகளை தூக்கில் போட

தூக்கு மேடை தயார், பணியாளரும் வருகை

ராஜிவ் கொலையாளிகளை தூக்கில் போட ஆந்திரா, கர்நாடகா மாநிலங்களில் இருந்து மூன்று, (ஹெங் மேன்) அலு கோசுகள் வேலூர் வருகின்றனர். ராஜிவ் கொலை வழக்கில் முருகன், சாந்தன், பேரறிவாளன் ஆகியோருக்கு செப்டம்பர் 9ம் திகதி வேலூர் மத்திய சிறையில் தூக்கு தண்டனை நிறைவேற்றப்படவுள்ளது. இதற்காக தூக்கு மேடை சரி செய்யப்பட்டு தயார் நிலையில் வைக்கப்பட்டுள்ளது. தூக்கு போடுவதற்கு, வேலூர் சிறையில் இருந்து, ஆறு பணியாளர்கள் தேர்வு செய்யப்பட்டு அவர்களுக்கு சென்னையில் பயிற்சிகள் வழங்கப்பட்டன. மிகவும் முக்கியமான ராஜிவ் கொலை வழக்கில் மூன்று பேரையும் தூக்கில் போடுவது சாமானிய விடயமல்ல. அலுகோசுகளை கொண்டு தண்டனையை நிறைவேற்றும்படியும் அலுகோசுகள் கிடைக்காத பட்சத்தில் சிறைசாலை விதிகளின் படி வார்டன்களைக் கொண்டு தூக்கு தண்டனையை நிறைவேற் றும்படி மத்திய உள் துறை அமைச்சகம் உத்தரவிட்டுள்ளது. இதற்காக மூன்று அலுகோசுகள் கிடைத்துள்ளனர் என்றனர்.(மேலும்....)

ஆவணி 31, 2011

பயங்கரவாத தடைச் சட்டத்தின் கீழ்

தடுத்து வைக்கப்பட்டுள்ளோரை விடுவிக்க விசேட சட்டமூலம்

அவசரகால சட்ட ஒழுங்கு விதிகளின் கீழ் கைது செய்யப் பட்டு தடுத்து வைக்கப்பட்டுள்ள 1200 பேரை விரைவில் விடுதலை செய்வதற்கான நடவடிக்கைகளை அரசாங்கம் மேற்கொண்டு வருவதாக நீதியமைச்சர் ரவூப் ஹக்கீம் தெரிவித்தார். இவ்வாறு தடுத்து வைக்கப்பட்டுள்ளவ ர்கள் தொடர்பான வழக்குக் கோவை களை சட்ட மா அதிபர் திணைக்களம் பரிசீலித்து வருவதாகக் குறிப்பிட்ட அமைச்சர் ரவூப் ஹக்கீம், அவசரகால சட்டத்தின் ஒழுங்கு விதிகளுக்கமைய தடுத்து வைக்கப்பட்டவர்களைத் தொடர்ந்தும் தடுத்து வைக்க முடியாது என்ற கருத்தையும் தெரிவித்தார். அதேவேளை பாரதூரமான குற்றங்களுக்குள்ளானவர்கள் தொடர்பாகவும் கவனம் செலுத்தப்பட்டு வருவதாகத் தெரிவித்த அமைச்சர், அவர்களுக்கு எதிரான சட்ட நடவடிக்கைகளுக்கு ஏதுவாக அவசரகால சட்ட பின்னேற்பாடுகள் சட்டமூலமொன்றை பாராளுமன்றத்தில் சமர்ப்பிக்கவுள்ளதாகவும் தெரிவித்தார். (மேலும்....)

ஆவணி 31, 2011

ஐரோப்பிய வங்கிகள் 40 ஆயிரம் ஊழியர்களை குறைக்க திட்டம்

சுவிட்சர்லாந்தின் யு.பி.எஸ். வங்கி, 3,000க்கும் மேற்பட்ட ஊழியர்களை, வீட்டுக்கு அனுப்ப முடிவு செய்துள்ளது. இந்த வங்கியோடு சேர்த்து, இந்தாண்டு மட்டும் ஐரோப்பாவில் உள்ள வங்கிகள், மொத்தம் 40 ஆயிரம் ஊழியர்களை வேலை நிறுத்தம் செய்ய திட்டமிட்டுள்ளன. ஐரோப்பிய நாடுகளில் பல, கடன் சுமையில் மூழ்கிக் கொண்டிருக்கும் நிலையில், அங்குள்ள வங்கிகள் தங்கள் செலவுகளைக் குறைத்து, வருவாயைப் பெருக்குவதற்கான உத்திகளைக் கையாண்டு வருகின்றன. கடந்த ஜூலை 28ம் திகதி சுவிட்சர்லாந்தின் மிகப் பெரிய பன்னாட்டு நிதிக் குழுமமான “க்ரெடிட் சூசே” இரண்டாயிரம் ஊழியர்களைக் குறைக்கப் போவதாக அறிவித்தது. இதையடுத்து, ஸ்கொட்லாந்தின் ரோயல் வங்கி இரண்டாயிரம் ஊழியர்களையும், பிரிட்டன் தலைநகர் லண்டனில் இயங்கி வரும் “பர்க்ளேஸ்” நிதி நிறுவனம், மூவாயிரம் ஊழியர்களையும் குறைக்கப் போவதாக அறிவித்தன. இதன் உச்சக்கட்டமாக எச்.எஸ்.பி.சி., வங்கி, இம்மாதம் 1ம் திகதி, 30ம் ஆயிரம் ஊழியர்களை, வீட்டுக்கு அனுப்பப் போவதாகத் தெரிவித்தது. இந்த வரிசையில் தற்போது சுவிட்சர்லாந்தின் மிகப் பெரிய நிதி மற்றும் வங்கிக் குழுமமான யு.பி.எஸ், கடந்த வாரம் 3,500 ஊழியர்களைக் குறைக்கப் போவதாக அறிவித்தது.

ஆவணி 31, 2011

கடாபி குடும்பம் அல்ஜீரியாவில் தஞ்சம்,  இளைய மகன் காமிஸ் பலி

லிபிய ஜனாதிபதி முஅம்மர் கடாபியின் மனைவி, மகள் மற்றும் இரு மகன்கள் அயல் நாடான அல்ஜீரியாவில் தஞ்சமடைந்துள்ளனர். இந்த தகவலை அல்ஜீரிய வெளியுறவு அமைச்சு நேற்று உறுதி செய்தது. முஅம்மர் கடாபியின் இரண்டாவது மனைவியான சபியா, மகள் அயிஷா மற்றும் மகன்களான ஹனிபல், முஹம்மட் ஆகியோருடன் அவர்களது குழந்தைகளும் அல்ஜீரியாவுக்கு தப்பிச் சென்றுள்ளனர். இவர்கள் கடந்த திங்கட்கிழமை காலை 8 மணி அளவில் லிபிய எல்லையை தாண்டி அல்ஜீரியாவை வந்தடைந்ததாக அல்ஜீரிய வெளியுறவு அமைச்சு குறிப்பிட்டுள்ளது. இது குறித்து அல்ஜீரியாவுக்கான ஐ.நா. தூதுவர் கூறுகையில், ‘அவர்கள் மனித நேய அடிப்படையில் வரவேற்கப்பட்டுள்ளனர்’ என்றார். (மேலும்....)

ஆவணி 30, 2011

தமிழ் மக்களுக்கு சம உரிமைகளை வழங்குவதற்கு அனைத்து கட்சிகளும் ஒன்றிணைய வேண்டும் -  திஸ்ஸ விதாரண

தற்போது யுத்தம் முடிந்துள்ள நிலையில் விரைவான தீர்வை ஏற்படுத்துவதில் அனைத்து தரப்புகளும் வெளிப்படையாக செயற்பட வேண்டும். தமிழ் தேசியக் கூட்டமைப்புடன் அரச தரப்பினர் முன்னெடுத்து பேச்சுவார்த்த தற்போது இடைநடுவே கைவிடப்பட்டுள்ளது. இது நாட்டின் எதிர்காலத்திற்கு ஆரோக்கியமானதாக அமையாது. தெரிவுக் குழு ஊடாக தீர்வை ஏற்படுத்துவது சாத்தியமானதான விடயமாகும். எனவே பாராளுமன்ற தெரிவுக்குழுவில் கூட்டமைப்பு மற்றும் ஐ.தே.க உட்பட அனைத்து அரசியல் கட்சிகளும் வெளிப்படையாக செயற்பட முன் வர வேண்டும். பல தீர்வுத் திட்டங்கள் ஏற்கனவே முன் வைக்கப்பட்டுள்ளன. எனவே வெறுமனே பேச்சுவார்த்தைகளை முன்னெடுக்காது தீர்க்கமான முடிவுகள் அரசியல் தீர்வில் எடுக்கப்பட வேண்டும். தேசிய அரசியலமைப்பில் 13 ஆவது திருத்தச் சட்டம் உள்ளது. அல்லது சர்வக் கட்சி குழுவின் தீர்வுத் திட்டம் உள்ளது. இவற்றின் ஊடாக பேச்சுக்களை முன்னெடுத்து விரைவாக தேசிய பிரச்சினைக்கு தீர்வுக்காணவேண்டும். (மேலும்....)

ஆவணி 30, 2011

ராஜீவ் கொலையாளிகள் மூவரின்

மரண தண்டணையை ஆயுள் தண்டணையாக குறைக்க கோரி சட்டபேரவையில் தீர்மானம்

ராஜீவ் கொலையாளிகள் மூவரின் மரண தண்டனையை ஆயுள் தண்டனையாகக் குறைக்கோரி சட்டப்பேரவையில் தமிழக முதலமைச்சர் ஜெயலலிதா தலைமையில் தீர்மானம் நிறைவேற் றப்பட்டுள்ளது. தமிழக மக்களின் உணர்வுகளுக்கு மதிப்பளித்தே இத்தீர்மானம் கொண்டு வருவதாக முதலமைச்சர் தெரிவித்துள்ளார். இத்தீர்மானம் ஒருமனதாக நிறைவேற்றப்பட்டுள்ளது. கருணை மனுக்களை பரிசீலித்து குடியரசுத் தலைவர் நடவடிக்கை எடுக்கும்படி இந்தத் தீர்மானம் கொண்டுவரப்பட்டது. பேரவைத் தீர்மானத்தை குடியரசுத் தலைவருக்கு அனுப்பி வைக்க ஏற்பாடு செய்யப்படும் என்று இதன்போது தெரிவிக்கப்பட்டுள்ளது.

ஆவணி 30, 2011

பேரறிவாளன், சாந்தன், முருகன் ஆகியோரின் தண்டனையை நிறைவேற்ற இடைக்காலத் தடை

இந்திய முன்னாள் பிரதமர் ரவ் காந்தியின் கொலை வழக்கில் தூக்குத் தண்டனை வழங்கப்பட்டுள்ள முருகன், சாந்தன், பேரறிவாளன் ஆகியோருக்கு தூக்கு தண்டனையை நிறைவேற்ற சென்னை உயர் நீதிமன்றம் இன்று இடைக்காலத் தடை விதித்ததுள்ளதாக சென்னை செய்தியாளர் தெரிவிக்கிறார். பேரறிவாளன், முருகன், சாந்தன் ஆகியோருக்கு தூக்கு தண்டனை நிறைவேற்றுவதை 8 வாரங்களுக்கு நிறுத்தி வைக்க உச்ச நீதிமன்றம் உத்தரவிட்டது. தூக்கு தண்டனைக்கு எதிராக பேரறிவாளன், சாந்தன் மற்றும் முருகன் ஆகியோர் சார்பில் தாக்கல் செய்யப்பட்ட மேல்முறையீட்டு மனுவை சென்னை உயர் நீதிமன்றம் நேற்று ஏற்றுக் கொண்டது. இந்த மனுக்கள் மீது நீதிபதிகள் நாகப்பன், சத்யநாராயணன் ஆகியோர் இன்று விசாரணையைத் தொடங்கியது. மூவரின் சார்பில் மூத்த சட்டத்தரணிகள் ராம் ஜெத் மலானி உள்ளிட்டோர் ஆஜராகினர். இந்த நிலையில், மூவரின் தூக்கு தண்டனையை நிறைவேற்ற இடைக்காலத் தடை விதித்த நீதிபதிகள், இந்தத் தண்டனையை 8 வாரங்களுக்கு நிறுத்தி வைக்க உத்தரவிட்டனர்.

ஆவணி 30, 2011

ஜனாதிபதி அமெரிக்காவுக்கு விஜயம்?

ஜனாதிபதி மகிந்த ராஜபக்ஷ விரைவில் அமெரிக்காவிற்கு விஜயம் செய்யவுள்ளதாக தெரியவருகிறது. ஐக்கிய நாடுகள் பொதுச்சபைக் கூட்டத்தில் கலந்து கொள்வதற்காக அமெரிக்காவின் நியுயோர்க் நகருக்கு விஜயம் மேற்கொள்ளவுள்ளதாக தெரிவக்கப்படுகின்றது. இவ் விஜயத்தின் போது, பல நாடுகளின் தலைவர்களுடன் இரு தரப்பு பேச்சுவார்த்தைகளை மகிந்த ஈடுபடுவார் என அறிவிக்க ப்பட்டுள்ளது. ஜனாதிபதியுடன் வெளிவிவகார அமைச்சர் ஜீ.எல்.பீரிஸ் உள்ளிட்ட பலர் உடன் செல்லவுள்ளனர் என்பதும் குறிப்பிடத்தக்கது. _

ஆவணி 30, 2011

புது டெல்லி மகாநாட்டினைத் தொடர்ந்து, தமிழ் கட்சிகள் சென்னையில் சந்திப்பு!

புது டெல்லியில் நடந்த இலங்கை தமிழ் கட்சிகளின் மகாநாட்டினைத் (23,24-08-2011) தொடர்ந்து 29-08-2011 அன்று காலை தமிழ் கட்சிகள் சென்னையில் சந்தித்துப் பேச்சுவார்த்தை நடத்தின. தமிழர் விடுதலைக் கூட்டணி (ரி.யு.எல்.எப்.), பத்மநாபா. ஈழ மக்கள் புரட்சிகர விடுதலை முன்னணி (பத்மநாபா. ஈ.பி.ஆர்.எல்.எப்.), தமிழீழ மக்கள் விடுதலைக் கழகம் (புளொட்) மற்றும் ஈழ தேசிய ஜனநாயக விடுதலை முன்னணி (ஈ.என்.டி.எல்.எப்.) ஆகிய நான்கு கட்சிகள் இந்த சந்திப்பில் கலந்து கொண்டன. ஈழத் தமிழர்கள் எதிர் நோக்கியுள்ள பிரச்சினைகளை இந்திய அரசிடம் எடுத்துச் செல்வதற்கு சரியான வழிமுறைகளை உடனடியாக மேற்கொள்வதென்றும், இது தொடர்பாக எமது நாட்டிலும், உலக நாடுகளிலும் வாழும் அறிவு ஜீவிகளின் ஒருங்கிணைப்பையும், ஆலோசனையையும் பெறுவதென்றும், தமிழர் உரிமைகளை வென்றெடுப்பதற்கு ஏற்ற வகையில் கூட்டுத் தலைமை ஒன்றினை ஏற்படுத்துவது தொடர்பாக அடுத்த மாதம் மீண்டும் சந்தித்துப் பேச்சுவார்த்தை நடத்துவதென்றும் தீர்மானிக்கப்பட்டது.

தமிழர் விடுதலைக்கூட்டணி,

தமிழீழ மக்கள் விடுதலைக் கழகம்,

பத்மநாபா.ஈ.பி.ஆர்.எல்.எப்.

ஈழ தேசிய ஜனநாயக விடுதலை முன்னணி

திகதி:- 29-08-2011

சென்னை.

ஆவணி 30, 2011

தூக்குத்தண்டணையை இரத்துச் செய்யும் அதிகாரம் எனக்கு இல்லை – ஜெயலலிதா

இந்திய முன்னாள் பிரதமர் ரஜீவ் காந்தி கொலைச் சம்பவத்துடன் தொடர்புபட்ட சந்தேக நபர்களுக்கு விதிக்கப்பட்டுள்ள தூக்குத் தண்டனையை இரத்துச் செய்யும் அதிகாரம் தனக்கு இல்லை என்று தமிழக முதலமைச்சர் ஜெயலலிதா தெரிவித்துள்ளார். பேரறிவாளன் உள்ளிட்ட மூன்று நபர்களின் கருணை குடியரசுத் தலைவரினால் நிராகரிக்கப்பட்ட நிலையில், இதனை மாற்றுவதற்கு எந்த வித அதிகாரமும் மாநில முதலமைச்சர் என்ற முறையில் எனக்கு இல்லை என்பதை வலியுறுத்துகின்றேன். இந்த நிலையில் எனக்கு இதற்கான அதிகாரம் இருக்கிறது என்ற பிரசாரத்தை அரசியல் கட்சித் தலைவர்கள் எவரும் மேற்கொள்ள வேண்டாம் என்று இந்தப் பேரவையின் வாயிலாக கேட்டுக் கொள்கிறேன். (மேலும்....)

ஆவணி 30, 2011

நேபாள புதிய பிரதமராக பாபுராம் பட்டராய் தேர்வு

நோபாளத்தின் புதிய பிரதமராக ஐக்கிய நேபாள கம்யூனிஸ்ட் கட்சி (மாவோயிஸ்ட்) துணைத்தலைவர் பாபுராம் பட்டராய் தேர்ந்தெடுக்கப்பட்டார். நாடாளுமன்றத்தில் நேற்று முன்தினம் நடந்த வாக்கெடுப்பில் அவருக்கு 340 வாக்குகள் கிடைத்தன. மொத்தம் உள்ள 575 எம். பி. க்களில், 340 பேரின் வாக்குகளை பாபுராமின் மாவோயிஸ்ட் கட்சி வெற்றி பெற்றது. 5 கட்சிகளின் ஆதரவுடன் பெரும்பான்மை வாக்குகள் பெற்றதையடுத்த நேபாளத்தின் புதிய பிரதமராக பாபுராம் பதவியேற்கிறார். இதுவரை எதிர்த்து போட்டியிட்ட நேபாள காங்கிரஸ் கட்சியின் முன்னாள் துணை பிரதமர் ராம சந்திரா பவுடேல் 235 வாக்குகளை மட்டுமே பெற்றார். புஷ்பா கமல் தஹலுக்குப் பின் நேபாளத்தின் பிரதமராகும் 2வது மாவோயிஸ்ட் தலைவர் பாபுராம் என்பது குறிப்பிடத்தக்கது. மேற்கு நேபாளத்தின் மிகவும் பின்தங்கிய கிராமத்தில் இருந்து வந்த பாபுராம், டெல்லி ஜவகர்லால் நேரு பல்கலையில் டாக்டர் பட்டம் பெற்றவர்.

ஆவணி 30, 2011

அவசரகாலச் சட்டம் நீக்கப்பட்டாலும் பொலிஸ் செயற்பாடுகளில் மாற்றமில்லை

அவசரகால சட்டம் நீக்கப்பட்டதன் மூலம் பொலிஸாரின் நடவடிக்கைகளுக்கு எந்தவித பாதிப்புகளும் ஏற்படப் போவதில்லையென பொலிஸ்மா அதிபர் என். கே. இளங்கக்கோன் தெரிவித்தார். சிவில் சட்டத்தை அமுல்படுத்தும் போது பொலிஸ் திணைக்களம் இதற்கு முன்னர் செயற்பட்டதைப் போன்றே தனது நடவடிக்கைகளை முன்னெடுக்குமென்று அவர் மேலும் தெரிவித்தார். இதற்காக சட்டத்தில் இட முண்டு என்றும் பொலிஸ் மா அதிபர் சுட்டிக் காட்டினார். ஏதாவது சம்பவம் தொடர்பில் சந்தேக நபர்களை கைது செய்தல், ஓரிடத்தை சோதனையிடல், வாகனங்களை பரிசோதித்தல் போன்ற பொலிஸாரினால் முன்னெடுக்கும் சகல நடவடிக்கைகளும் வழக்கம் போல நடைபெறும். (மேலும்....)

ஆவணி 30, 2011

 

நிலநடுக்கத்தை முன்னதாக அறியும் விலங்குகள்

ரஷ்ய விஞ்ஞானிகள், விலங்குகளின் செயல்பாடுகளில் ஏற்படும் மாற் றங்களைக் கவனித்து நிலநடுக்க முன்னறிவிப்புக்களைச் செய்யும் வாய்ப்புகள் குறித்து ஆய்வு செய்து வருகிறார்கள். 'கஸாக்' அறிவியல் நிறுவனத்தைச் சேர்ந்த நிலநடுக்கவியல் நிபுணர் பாவெல் மாரிகோவ்ஸ்கியின் தலைமையில் ஆல்மாட்டாவில் ஒரு நிலநடுக்க உயிரியல் மையம் அமையவிருக்கிறது. கி.மு. 328 இல் 'ஹெலைஸ்' நகரம் நிலநடுக்கத்தால் முற்றிலுமாக அழிவ தற்குப் பல நாட்களுக்கு முன்பே பெருச்சாளி இனத்தைச் சேர்ந்த 'மோல்' என்ற பிராணிகள் தமது வளைகளை விட்டு ஓடிவிட்டனவாம். கி.பி. 1792 இல் 'காம்சட்கா'வில் பூகம்பம் ஏற்படுவதற்குச் சில மணி நேரத்துக்கு முன்னாலேயே குருவிகள் எல்லாம் காணாமல் போய்விட்டன. 948 இல் துர்க்மேனிஸ்தான் நாட்டின் தலைநகர் அஷ்காபாத் நகரில் நிலநடுக் கம் ஏற்படுவதற்கு முன் நாய்கள், வீட்டுக்குள் தூங்கிக் கொண்டிருந்த தமது ஏஜமானர்களை எழுப்பி வெளியே இழுத்துவந்தன. இத்தகைய நடத்தை மாற்றங்களில் சிலவற்றைத் தான் விஞ்ஞானிகளால் அறிய முடிகிறது. விலங்குகள் நில நடுக்கத்துக்கு முன் தோன்றும் ஒலிகளை உணர்கின்றன. (மேலும்....)

ஆவணி 30, 2011

ராஜீவ் கொலை வழக்கில் 9-ந்தேதி தூக்கு தண்டனை:எனது தந்தையை காப்பாற்ற தமிழ்நாட்டுக்கு வந்து போராட விரும்புகிறேன்  - லண்டனில் இருக்கும் முருகனின் மகள் அரித்ர

வா மகளே வா இந்தியாவில் இது போராட்ட சீசன் .இப்போ வந்து போராடினால் நல்ல விளம்பரம் கிடைக்கும், 19 பேரை கொன்ற தாய் தந்தைக்கு பிறந்த உனக்கு மனசாட்சி கிடையாது, நீ லண்டனில் படிக்கிறாய் உன் அப்பன் அம்மாவால் கொலபட்டவர்களின் குடும்பம் நடுத்தெருவில் உள்ளது!

 

முன்னாள் பிரதமர் ராஜீவ்காந்தி கொலை வழக்கில் தூக்கு தண்டனை விதிக்கப்பட்ட முருகன், சாந்தன், பேரறிவாளன் ஆகியோர் ஜனாதிபதிக்கு அனுப்பிய கருணை மனு நிராகரிக்கப்பட்டுவிட்டது. இதனால் அவர்களுக்கு வரும் 9-ந்தேதி வேலூர் ஜெயிலில் தூக்கு தண்டனை நிறைவேற்றப்படும் என அறிவிக்கப்பட்டு உள்ளது. (மேலும்....)

ஆவணி 29, 2011

புளொட்டிலிருந்து தீப்பொறி வரையான எனது அனுபவப் பகிர்வுகள் (பாகம் 18)

(நேசன்)

ஈழ விடுதலைப் போராட்டம் சிங்கள மக்களுக்கு எதிரானதல்ல என்பதையும், சிறீலங்கா இனவாத அரசுக்கு மட்டுமே எதிரானது என்பதையும் புளொட் சிங்கள மக்களுக்கு தெளிவுபடுத்தி அவர்களுக்கு விழிப்புணர்வை ஏற்படுத்தி வந்தது. இனவாதத்திற்கெதிரான தமிழ்மக்களின் போராட்டத்தில் சிங்கள முற்போக்கு சக்திகளினதும், சிங்கள உழைக்கும் மக்களின் ஜக்கியத்தை வலியுறுத்தி வந்தது. இத்தகைய பிரசாரம் பெருமளவுக்கு வெற்றியைத் தந்ததோடு மட்டுமல்லாமல் தமிழ்மக்கள் பேரினவாதத்தால் எதிர்நோக்கும் பிரச்சனைகளை சிங்கள மக்களும் தெளிவாக புரிந்து கொள்ள வழிவகுத்தது. பல்வேறு சிங்கள முற்போக்கு அமைப்புகள் புளொட்டுடன் தொடர்புகளை ஏற்படுத்தி தொடர்ச்சியான கருத்துப் பரிமாற்றங்களைச் செய்து வந்தன. (மேலும்......)

ஆவணி 29, 2011

இலங்கை இந்திய அரசுகள் மீண்டுமொரு ஒப்பந்தம் செய்யும் நிலைமை உருவாகுமா?

(சானக)

தமிழ் நாட்டில் ஒரு கட்சி ஆட்சி தமிழ் நாட்டில் ஏற்பட்டுள்ள அரசியல் மாற்றங்களை இலங்கை அரசு உணரவில்லை. தி.மு.க ஆட்சியில் ஏற்பட்ட ஊழல் காரணமாக தமிழ் நாட்டு அரசியல் களம் மாற்றமடைந்துள்ளது. 13.04.2011 நடந்தேறிய தேர்தலில் அ.இ.அ.தி.மு.க ஜெயலலிதா தலைமையில் 203 தொகுதிகளில் மாபெரும் வெற்றியீட்டியுள்ளது. ராஜீவ் காந்தி மே 1991 கொல்லப்பட்ட பின்னர். தமிழ் நாட்டில் புலிகளுக்கு ஆதரவு குறைந்த நிலையில் நெடுமாறன், வை.கோ., சீமான் போன்றோரே இலங்கை தமிழருக்காக குரல் கொடுத்து வந்தனர். புலிகள் தோற்கடிக்கப்பட்ட பின்னர் தமிழர்களைப் பாதுகாப்பதற்காக தமிழ் நாடு மீண்டும் உயிர்த் தெழுகிறது. தமிழ் தேசியத்திற்கான முயற்சியில் கோரிக்கைகளை முன்னெடுத்து ஒருங்கிணைத்து தமிழ் நாட்டின் பெண் முஜிபூராக வர நினைக்கிறார் ஜெயலலிதா. இந்தியா இலங்கை ஒப்பந்தம் 2 இந்தியாவில் 2014 ஆம் ஆண்டு நடைபெறவுள்ள பொது தேர்தலில் பா.ஜ.கட்சியும் காங்கிரஸ் கட்சியும் மாநில ஆட்சியாளரின் ஆதரவினை நாட வேண்டிய நிர்ப்பந்தம் ஏற்பட்டுள்ளது. இதன் காரணமாக தமிழக ஆட்சியாளர்கள் டில்லியிலுள்ள மத்திய அரசின் மீது அழுத்தங்களை பாவிக்க வாய்ப்புள்ளது. இலங்கை விவகாரம் குறித்து தமிழக அரசு பிரயோகிக்கும் அழுத்தங்கள் மத்தியில் அரசையும் பாதிக்கும். (மேலும்....)

ஆவணி 29, 2011

புலிகளின் போருக்கு உதவிய புலம்பெயர் தமிழர்கள், போரினால் பாதிக்கப்பட்ட மக்களுக்கு உதவுவதும் அவசியம்!

(கனடாவில் எழுத்தாளர் இராஜேஸ்வரி பாலசுப்ரமணியம்)

புலம்பெயர் தமிழர்கள் மனித நேயத்துடன் இலங்கையில் வாழுகின்ற யுத்தத்தால் பாதிக்கப்பட்ட சகோதர மக்களுக்கு உதவுவது அவசியம். இந்த புலம்பெயர் தமிழர்கள்தான், புலிகள் போரில் ஈடுபட்ட காலத்தில் டொலர்களாகவும் பவுண்களாகவும் அள்ளி அள்ளி கொடுத்தவர்கள். அவர்கள் கொடுத்த பணத்தாலேயே, அந்த மக்கள் இன்று சொல்ல முடியாத துன்பங்களுடன் வாழும் நிலை ஏற்பட்டது. இன்று புலிகள் அழிந்துவிட்டார்கள். ஆனால் அவர்களால் அழிவுக்குள்ளான மக்கள் அங்கு கண்ணீருடன் வாழ்கிறார்கள். அந்த மக்களை கண்ணீரில் மூழ்கடித்த புலிகளுக்கு உதவிய புலம்பெயர் தமிழர்கள,; வெளிநாடுகளில் சகல சௌபாக்கியங்களுடனும் வாழ்கிறார்கள். இனியாவது தமது தவறை உணர்ந்து, அந்த மக்களுக்கு தம்மாலான உதவிகளைச் செய்வது புலம்பெயர் தமிழர்களின் கடமையாகும்.”(மேலும்.....)

ஆவணி 29, 2011

PFHRGD யினால் ஒழுங்கு செய்யப்பட்டு புது தில்லியில் 2011 ஆகஸ்ட் 23ம் 24ம் திகதிகளில் நடைபெற்ற இலங்கை தமிழ் கட்சிகளின் கூட்ட அறிக்கை!

இலங்கை தமிழ் கட்சிகளின் கூட்டம் 2011 ஆகஸ்ட் 23ம், 24ம் திகதிகளில், புது தில்லியிலுள்ள அரசியல் சட்ட அமைப்பு நிறுவன மண்டபத்தில் (Constitution Club of India) மனித உரிமைகளுக்கும் சர்வதேச வளர்ச்சிக்குமான பாராளுமன்ற அமைப்பின் (PFHRGD) அனுசரணையின் ஊடாக நடைபெற்றது. தமிழர் பிரச்சினைகள் தொடர்பாக இலங்கை தமிழ் கட்சிகளின் ஆக்கபூர்வமான கருத்துக்களை உள்;;வாங்கி, இந்திய அரசு எந்த விதத்தில் அவற்றை நடைமுறைக்கு கொண்டு வந்து மிக விரைவாக தமிழர்கள் அனுபவிக்கும் பிரச்சினைகளுக்கு தீர்வு காணலாம் என்பதை ஆராயும் முகமாக இந்த அமர்வுகள் ஒழுங்கு செய்யப்பட்டன. மேலும் இந்த அமர்வுகளினால் இலங்கைத் தமிழ் கட்சிகள் தங்களது ஏகோபித்த கருத்துக்களை இந்திய பாராளுமன்ற உறுப்பினர்களுக்கு முன்வைப்பதினால் அவர்கள் இந்திய அரசுக்கு இலங்கை பரச்சினைகள் தொடர்பாக ஒரு வரைமுறையை, தூண்டுவதற்கு உதவி செய்யும் என்பதுவும் நோக்கமாக இருந்தது. (மேலும்....)(.English ver...)

ஆவணி 29, 2011

மீண்டும் உண்டியல் ??

நாடுகடந்த தமிழீழம் சார்பாக வன்னியில் வாடும் மக்களுக்கு உதவுவதற்காக எனக் கூறி பணம்  வசூலிக்கப்பட்டுள்ளது. இச்சம்பவம் ஆவணி 20,2011 சனிக்கிழமை Steeles  Ave E & Markham Rd இல் அமைந்துள்ள மிலிக்கன் பார்க்(Millicon Park)ல் நடைபெற்ற ஒன்றுகூடலில் திடீரென நுழைந்த நபர்களால் நடாத்தப்பட்டுள்ளது.

மக்களின் கேள்வி :

1) நாடுகடந்த தமிழீழத்துக்கும் வன்னிக்கும் என்ன தொடர்பு?
2) 3 வருடங்களுக்கு மேலாக தனியாரிடமும், முதலீடுகளிலும் உள்ள உண்டியல் வசூலுக்கு என்ன நடந்தது?
3) வாடுவது நீங்களா அல்லது வன்னி மக்களா?
கேள்விகள் பல விடை கிடைக்குமா???

ஆவணி 29, 2011

முருகன், சாந்தன், பேரறிவாளன் சார்பில் இன்று வழக்குத்தாக்கல்

தூக்குத் தண்டனையை எதிர்நோக்கியி ருக்கும் பேரறிவாளன், முருகன், சாந்தன் ஆகியோர் தனித் தனி அறைகளில் அடைத்து வைக்கப்பட்டுள்ளனர். இவர்களை 24 மணி நேரமும் பொலிஸார் கண்காணித்து வருகின்றனர். முன்னாள் இந்திய பிரதமர் ரஜீவ் காந்தி கொலை வழக்கில் பேரறிவாளன், முருகன், சாந்தன் ஆகியோருக்கு அடுத்த மாதம் 9ஆம் திகதி தூக்குத் தண்டனை நிறைவேற்றப்படவுள்ளதால் இந்த செய்தியைக் கேட்ட அந்த மூவரும் அதிர்ச்சியில் உறைந்தனர். தூக்குத் திகதி அறிவிக்கப்பட்டதையடுத்து வேலூர் சிறையில் உள்ள அவர்களைத் தனித்தனி அறைகளில் சிறை அதிகாரிகள் அடைத்துள்ளனர். அறையைவிட்டு வெளியே வர அவர்களுக்கு அனுமதி மறுக்கப்பட்டுள்ளது. அவர்களின் அறைகளை 24 மணிநேரமும் கண்காணித்து வருகின்றனர். வெளியில் இருந்து வரும் உணவு பண்டங்களை அவர்களுக்கு வழங்கவும் அனுமதி மறுக்கப்பட்டுள்ளது. (மேலும்....)

ஆவணி 29, 2011

ஹசாரேயின் 12 நாள் போராட்டத்திற்கு வெற்றி: பாராளுமன்றில் தீர்மானம் நிறைவேற்றியது அரசு

பலமான லோக்பால் மசோதா வேண்டும் என வலியுறுத்தி, தொடர்ந்து 12 நாட்களாக உண்ணாவிரதம் இருந்த அன்னா ஹசாரேக்கு, வெற்றி கிடைத்துள்ளது. லோக்பால் மசோதா தொடர்பான அவரது கோரிக்கைகள் நேற்று முன்தினம் பாராளுமன்றின் இரு சபைகளிலும் ஏற்றுக் கொள்ளப்பட்டு, தீர்மானமாக நிறைவேற்றப்பட்டன. இதையடுத்து ஹசாரே நேற்று காலை தன் உண்ணாவிரதத்தை முடித்துக் கொண்டார். (மேலும்....)

ஆவணி 29, 2011

நாட்டின் அபிவிருத்தி பணிகளுக்கு ஊடகத்துறையின் பங்களிப்பு அவசியமாகும்

பயங்கரவாதம் மற்றும் ஜே.வி.பி. யினர் நாட்டில் மேற்கொண்ட அராஜ கங்கள் விஸ்வரூபம் எடுத்து, நம்நாட்டு மக்களை அச்சுறுத்தி வந்த கடந்த காலத்தில் வெகுஜன ஊடகங்கள் பக்கசார்பற்ற முறையில் தங்கள் கடமைகளை செய்து, அவை பற்றிய செய்திகளை வெளியிட்டு வந்தன. நாட்டில் அதுபோன்ற அச்சுறுத்தல்கள் நீங்கி இன்று மீண்டும் அமைதி யும், சமாதானமும் மக்களிடையே பரஸ்பர நல்லுறவும், ஐக்கியமும் நிலைகொண்டிருப்பதனால் தான் ஜனாதிபதி மஹிந்த ராஜபக்ஷ அவர்கள் இப்போதைக்கு நாட்டில் அவசரகால சட்டம் தொடர்ந்தும் நீடிப்பது அவசியம் இல்லை என்ற பாராளுமன்ற ஜனநாயகத்திற்கு வலுவூட்டும் ஒரு நல்ல தீர்மானத்தை அறிவித்தார். (மேலும்....)

ஆவணி 29, 2011

ஆட்சி மாற்றத்திற்கு கடாபி தயார் சிர்த் நகரை நோக்கி கிளர்ச்சிப்படை

ஆட்சி மாற்றம் குறித்து பேச்சுவார்த்தை நடத்த லிபிய ஜனாதிபதி முஅம்மர் கடாபி தயாராக உள்ளதாக அவரது பேச்சாளர் ஒருவர் அறிவித்துள்ளார்.  இந்த விவகாரம் குறித்த பேச்சுவார்த்தைகளை ஆரம்பிக்க கடாபியின் மகன் சாதி தயாராக உள்ளதாகவும் அந்த பேச்சாளர் ஊடகங்களுக்கு தெரிவித்துள்ளார்.  லிபியாவின் பெரும்பகுதியை கிளர்ச்சியாளர்கள் கைப்பற்றியுள்ள நிலையில் முஅம்மர் கடாபி தொடர்ந்து லிபியாவிலேயே உள்ளதாக சந்தேகிக்கப்படுகிறது.  இந்நிலையில் முஅம்மர் கடாபி தொடர்ந்து லிபியாவிலேயே இருப்பதகாவும், அவர் பேச்சுவார்த்தைக்கு தயாராக இருப்பதாகவும் கடாபி அரசின் பேச்சாளர் மூஸா இப்ராஹிம் ஏ.பி. செய்திச் சேவைக்கு தெரிவித்துள்ளார். (மேலும்....)

ஆவணி 28, 2011

குடாநாட்டில் மர்ம மனிதர்களின் தாக்குதலில் குடும்பஸ்தர் படுகாயம்

யாழ். குடாநாட்டில் மர்ம மனிதர்களின் நடமாட்டம் நாளுக்கு நாள் அதிகரித்து வருகிறது. நேற்று நண்பகல் குடும்பஸ்தர் ஒருவர் மர்ம மனிதர்களின் தாக்குதலில் படுகாயமடைந்து யாழ். போதனா வைத்தியசாலையில் சிகிச்சைக்காக அனுமதிக்கப்பட்டுள்ளார். இச் சம்பவத்தில் இராமகிருஷ்ண வீதி, கோண்டாவில் கிழக்கு கோண்டாவிலைச் சேர்ந்த ரி. தர்மகுலசிங்கம் (வயது 54) என்பவரே படுகாயமடைந்தவராவார். இச் சம்பவம் தொடர்பாக தெரியவருவதாவது குறித்த குடும்பஸ்தர் நேற்று முன்தினம் கொழும்பிலிருந்து நல்லூர் கந்தனின் தேர்த் திருவிழாவிற்காக தனது மனைவி பிள்ளைகளுடன் ஊருக்கு வந்திருந்தார். நேற்று பிற்பகல் 3 மணியளவில் மலசலகூடத்திற்குச் சென்றபோது அதற்குள் மறைந்திருந்த கறுப்பு உடையணிந்த மூன்று மர்ம மனிதர்கள் அவரைத் தாக்கிவிட்டு கண்களைக்கட்டி துணியொன்றில் அவரைக் கட்டி தோட்டக் காணியொன்றுக்குள் இழுத்துச் சென்று கையில் பொருத்தியிருந்த கூரிய ஆயுதங்களால் நெஞ்சு மற்றும் முதுகுப் புறங்களில் சரமாரியாகத் தாக்கிக் கீறியுள்ளனர். (மேலும்....)

ஆவணி 28, 2011

வெடிவைத்தகுளம் முதல் முள்ளியவளை வரையான பகுதியினை மகாவலி எல் வலயத்துடன் இணைக்க அரசாங்கம் முயற்சி

வன்னியில் வெடிவைத்தகுளம் முதல் முள்ளியவளை வரையான பகுதியினை மகாவலி எல் வலயத்துடன் இணைப்பதற்கு நடவடிக்கை எடுக்கப்படுகின்றது. இதேபோல் மண்ணின் மகிமை என்ற திட்டத்தின் கீழ் உரிமை கோராத காணிகளை அரசுடைமையாக்கும் செயற்பாடும் இடம்பெறுகின்றது. இவற்றை தடுப்பதற்கான நடவடிக்கைகள் குறித்து நாம் ஆராயவேண்டியுள்ளது. இவ்வாறு புளொட் அமைப்பின் தலைவர் தர்மலிங்கம் சித்தார்த்தன் தெரிவித்தார்.  (மேலும்....)

ஆவணி 28, 2011

மனித உரிமைகள் ஆணைக்குழு கூட்டத்தொடரில் கலந்துகொள்ள இலங்கையிலிருந்து ஐவர் விஜயம்

ஜெனீவாவில் செப்டெம்பர் மாதம் 12 ஆம் திகதி முதல் 30 ஆம் திகதி வரை நடைபெறவுள்ள ஐக்கிய நாடுகளின் மனித உரிமைகள் ஆணைக்குழுவின் 18 ஆவது கூட்டத் தொடரில் இலங்கையை பிரதிநிதித்துவப்படுத்தும் வகையில் ஐந்து பேர் கொண்ட குழுவொன்று செல்லவுள்ளது. இக்குழுவில் நான்கு அமைச்சர்கள் உட்பட பாராளுமன்ற உறுப்பினரொருவரும் அடங்குவதாக குறிப்பிடப்பட்டுள்ளது. அமைச்சர்களான ஜீ.எல்.பீரிஸ், மஹிந்த சமரசிங்க, நிமல் சிறிபாலடி சில்வா, அனுர பிரியர்தஷன யாப்பா உட்பட பாராளுமன்ற உறுப்பினரான சஜின்வாஸ் குணவர்தனவும் இந்த பிரதிநிதிகள் குழுவுடன் செல்லவுள்ளதாக தெரிவிக்கப்பட்டுள்ளது.

ஆவணி 28, 2011

புது தில்லி மகாநாடு - ஈ.என்.டி.எல்.எப். அறிக்கை!

சிங்கள அரசு, விடுதலைப் புலிகள், தமிழ்நாட்டின் புலிகள் ஆதரவுக் கட்சிகளால் வடக்கு கிழக்கு இணைப்புடன் கூடிய தீர்வு (ஒப்பந்தம்) தோல்வியில் முடிந்தது. இந்த மூன்று தரப்பினரும் ஓரணியில் கைகோர்த்து நின்று தமிழர் பாதுகாப்பையும், அவர்களது உரிமைகளையும் நாசம் செய்தனர் என்றால் அது மிகையல்ல! வடகிழக்கு மகாண அரசை குழப்பாமல் இருந்திருந்தால்,; இராஜீவ்காந்தி அவர்களை படுகொலை செய்யாமல் இருந்திருந்தால், சிங்கள அரசே தமிழர்கள் தனிநாடு ஒன்றினை பெறுவதற்கு வழி சமைத்துக் கொடுத்திருப்பார்கள். அதனை கெடுத்ததும் மேற்சொன்ன மூன்று தரப்பினரும்தான்.(மேலும்....)

ஆவணி 27, 2011

வாழும் மனிதம் - 2

காலம்:    ஆகஸ்ட் 27, 2011 – சனிக்கிழமை

                    பிற்பகல் 3 மணி – 6 மணி வரை

இடம்:     ஸ்காபரோ சிவிக்சென்ரர் மண்டபம் (கனடா)

             (மக்கோவன் - எல்ஸ்மெயர்)

சிறப்புரை:

பிரித்தானியாவிலிருந்து வருகை தரும் மூத்த எழுத்தாளரும், சமூக செயற்பாட்டாளருமான இராஜேஸ்வரி பாலசுப்பிரமணியம் அவர்கள்

'போருக்குப் பின்னரான சமூக மாற்றமும் முற்போக்குவாதிகளின் பங்களிப்பும்'

என்ற தலைப்பில் சிறப்புரை ஆற்றுவார்.

நிகழ்ச்சி ஒருங்கிணைப்பு: தேவன்

ஆர்வலர்கள் அனைவரையும் கலந்து சிறப்பிக்குமாறு அன்புடன் அழைக்கின்றோம்.

நிகழ்ச்சி ஏற்பாட்டுக்குழு

தொடர்புகளுக்கு: manitham1@hotmail.ca

ஆவணி 27, 2011

Pathmanabha EPRLF welcomes the removal of the state of emergency

 

We welcome the announcement of His Excellency the President in the Parliament of Sri Lanka yesterday (25^th August,2011) that has made the people of Sri Lanka free from the draconian rules of the Emergency Law. Emergency regulation has been in force for almost three decades except for small intervals.   Though it was somewhat justified during the height of the war against LTTE and JVP, there has always been a considered view that there were excesses on the part of those who used it for indiscriminate killings, arbitrary arrests, indefinite detentions of suspects and denial of access for the detainees. (more....)

ஆவணி 27, 2011

இனப்பிரச்சினையை தீர்க்க தகுந்த சூழல், பொய்யான பிரசாரங்களுக்கு முற்றுப்புள்ளி

அவசரகாலசட்டம் நீக்கத்துக்கு கல்விமான்கள், மதத்தலைவர்கள், அரசியல்வாதிகள் வரவேற்பு

அவசரகாலச் சட்டம் நீக்கப்பட்டதை மதத்தலைவர்கள், கல்விமான்கள், அரசியல் பிரமுகர்கள் மற்றும் கட்சித் தலைவர்கள் வரவேற்றுள்ளனர். அதேநேரம், தேசிய பிரச்சினைக்கு அரசியல் தீர்வு காண்பதற்கு இதன் மூலம் தகுந்த சூழல் உருவாகியுள்ளதாகவும், இதனை அனைவரும் பயன்படுத்திக் கொள்ள வேண்டும் எனவும் அவர்கள் குறிப்பிட்டனர். இலங்கைக்கு எதிராக சர்வதேச அழுத்தம் மற்றும் குற்றச்சாட்டுக்களுக்கு இந்த நடவடிக்கை மூலம் பெரும் பின்னடைவு ஏற்படும் எனவும் அவர்கள் கருத்துத் தெரிவித்தனர். அவசரகாலச்சட்டம் உடனடியாக அமுலாகும் வகையில் நீக்கப்பட்டுள்ளது. இதனை ஜனாதிபதி மஹிந்த ராஜபக்ஷ நேற்றுமுன்தினம் பாராளுமன்றத்தில் அறிவித்தார். இது தொடர்பில் மதத்தலைவர்கள், அரசியல் பிரமுகர்கள் மற்றும் கல்விமான்கள் கருத்துத் தெரிவித்ததாவது, (மேலும்....)

ஆவணி 27, 2011

நல்லூர் தேர்த் திருவிழா இன்று

யாழ் நல்லூர் நல்லைக்கந்தன் ஆலயத்தின் வருடாந்தத் தேர்த்திருவிழா இன்று நடைபெறுகிறது. அதிகாலை திருப்பள்ளியெழுச்சியுடன் ஆரம்பமாகும் தேர்த்திருவிழா உற்சவத்தில் காலை 7 மணிக்கு நல்லைக் கந்தன் வள்ளி தெய்வானையுடன் தேரில் வீதியுலா வரவுள்ளார். நாட்டில் நிலவிவரும் அமைதிச் சூழல் காரணமாக நாட்டின் பல்வேறு பகுதிகள் மற்றும் வெளிநாட்டிலிருந்து யாழ் குடாநாடு சென்றிருக்கும் பல்லாயிரக்கணக்கான பக்தர்கள் நல்லூர் கந்தனின் தேர்த்திருவிழாவில் கலந்து கொள்ளவுள்ளனர். கடந்த 4ஆம் திகதி கொடியேற்றத்துடன் ஆரம்பமான நல்லூர் கந்தன் ஆலயத்தின் வருடாந்த உற்சவம் நாளை தீர்த்த உற்சவத்துடன் முடிவடைகிறது. இன்றையதினம் நடைபெறவிருக்கும் தேர் திருவிழாவை முன்னிட்டு ஆயிரக்கணக்கான பொலிஸார் பாதுகாப்புக் கடமையில் ஈடுபடுத்தப்பட்டுள்ளனர்.

ஆவணி 27, 2011

பதுளை சிறையில் கைதிகள் மோதல்

பதுளை பிரதான சிறைச்சாலையில் தமிழ் அரசியல் கைதிகளுக்கும், பெரும்பான் மையின அரசியல் கைதிகளுக்குமிடையில் நேற்று (26.08.2011) அதிகாலை மோதல்கள் இடம்பெற்றுள்ளன. இவ்விரு தரப்பினரிடையில் நீண்ட காலமாக விருந்தே முறுகல் நிலை காணப்பட்டது. இன்று அதிகாலை கைதி கள் குளித்துக் கொள்வதற்கான நேரத்தின் போது இருதரப்பினருக்குமிடையே மோதல் ஏற்பட்டது. இதில் இரு தமிழ் கைதிகள் தாக்கப்பட்டுள்ளனர். இது குறித்து, சிறைச்சாலை பொறுப்பதிகாரி அநுர ஏக்கநாயக்க உடனடியாக விரைந்து, இரு தரப்பினரையும் அழைப்பித்து சுமுக நிலையினை ஏற்படுத்தியுள்ளார். இச்சிறைச்சாலையில் ஏற்பட்டிருந்த நீர்பற்றாக்குறையே சிறைச்சாலைக்குள் அமைதியின்மை நிலை ஏற்பட்டதற்கான காரணமாகும். சிறைச்சாலையில் ஏற்பட்டிருந்த அமைதியின்மை பெரும் பரபரப்பை ஏற்படுத்தியுள்ளது. இது தொடர்பாக, சிறைச்சாலை பொறுப்பதிகாரியிடம் வினவிய போது “பிரச்சினை ஏற்பட்டது உண்மைதான். கைதிகளுக்கிடையில் மோதல் ஏற்படவில்லை தற்போது சிறைச்சாலைக்குள் பூரண அமைதி நிலவுகின்றது. இயல்பு நிலை ஏற்பட்டுள்ளது” என்று கூறினார்.

ஆவணி 27, 2011

லோக்பால் விவகாரம் தொடர்பாக மன்மோகன் - ராகுல் சந்திப்பு

லோக்பால் மசோதா நாடாளுமன்றில் விவாதிக்கப்பட உள்ள நிலையில் நேற்றுக் காலை பிரதமர் மன்மோகன் சிங்கை அவரது இல்லத்தில் காங்கிரஸ் கட்சி பொதுச் செயலாளர் ராகுல் காந்தி சந்தித்து பேசி னார். இதனிடையே லோக்பால் மசோதா தொடர்பாக இருவரும் ஆலோசனை செய் திருக்கக் கூடும் என தகவல்கள் தெரி விக்கின்றன. இந்த சந்திப்பு முக்கியத்துவம் பெறுகிறது. மத்திய அமைச்சர் பிரணாப் முகர்ஜி, மூத்த அமைச்சர்களுடன் ஆலோசனை நடத்தினார். ஹசாரே உண்ணாவிரதத்தை முடிவுக்கு கொண்டு வரும் வகையில் மத்திய அரசு தீவிர நடவடிக்கையில் இறங்கியுள்ளது. ஹசாரேவுடன் நடத்திய சந்திப்பு குறித்து விலாஸ்ராவிடம் ஆலோசனை நடத்திய பிரதமர் பிரணாப் முகர்ஜி மற்றும் அந்தோணியுடன் ஆலோசனை நடத்தினார். இந்த சிறப்பு கூட்டத்திற்கு பின் பிரணாப் முகர்ஜி, நாடாளுமன்றில் ஜன் லோக்பால் மசோதா தாக்கல் செய்யப்படுவது குறித்து மூத்த அமைச்சர்களான சல்மான் குர்ஷித், பார்லிமென்ட் விவகாரத் துறை அமைச்சர் பன்சால், அம்பிகா சோனி ஆகியோருடன் ஆலோசனை நடத்தினார். அரசு உறுதிமொழியை எழுத்து பூர்வமாக அளிக்க வேண்டும் என ஹசாரே கேட்டிருந்தார். இந்த உறுதிமொழியை தயார் செய்வது குறித்து விவாதிக்கப்பட்டது. விவாதம் நடத்தப்பட உள்ள ஜன் லோக்பால் மசோதா குறித்த விவரங்கள் அடங்கிய கடிதம் தயாராகிவிட்டது. இக்கடிதம், இந்தி மற்றும் மராத்தி மொழியில் தயாரிக்கப்பட்டுள்ளதாகத் தெரிகிறது. இக்கடிதம் பார்லிமென்டின் விவாதம் துவங்குவதற்கு முன் ஹசாரேயிடம் அளிக்கப்படும் எனத் தெரிகிறது. உறுதிமொழி கடிதத்தை ஹசாரே பெற்றுக் கொண்டதும், உண்ணாவிரதத்தை முடித்துக் கொள்வது பற்றிய அறிவிப்பை வெளியிடுவார் என எதிர்பார்க்கப்படுகிறது.

ஆவணி 27, 2011

அமெரிக்காவை மிரட்டும் ‘ஐரின்’ சூறாவளி

அமெரிக்காவின் கிழக்கு கடற்கரை பகுதியில் ஓரிரு நாளில் ஐரின் சூறாவளி தாக்கும் என அமெரிக்க தேசிய சூறாவளி மைய அதிகாரிகள் எச்சரிக்கை விடுத்துள்ளனர். அதற்கான முன்னெச்சரிக்கை நடவடிக்கைகள் எடுக்கப்பட்டு வருகின்றன. அட்லான்டிக் சீசனில் உருவாகியுள்ள முதல் சூறாவளியான ஐரின், கரீபியன் தீவில் கடுமையான பாதிப்பை ஏற்படுத்தி உள்ளது. நிலவரப்படி பஹாமஸ் தலைநகர் நசாவுக்கு கிழக்கு வடகிழக்கில் 65 மைல் தொலைவில் (நியூயோர்க்கிலிருந்து 1000 கி.மீ.) மையம் கொண்டிருந்தது. இது வடமேற்கு திசையை நோக்கி நகர்ந்து வருகிறது. இதன்படி, ஓரிரு நாளில் அமெரிக்காவை தாக்கும் என எதிர்பார்க்கப்படுகிறது. இதன் காரணமாக, கிழக்கு கடற்கரை பகுதியில் மணிக்கு 185 கி.மீ. வேகத்தில் சூறைக் காற்றுடன் கன மழை பெய்யும் என்றும், கடலில் ராட்சத அலைகள் உருவாகும் என்றும் சூறாவளி மைய அதிகாரிகள் தெரிவித்துள்ளனர். எனவே, வடக்கு கரோலினா மற்றும் நியூயோர்க் கடற்கரை பகுதியில் உள்ள மக்கள் பாதுகாப்பான இடங்களுக்கு வெளியேறுமாறும் மீனவர்கள் கடலுக்குள் செல்ல வேண்டாம் என்றும் அறிவுறுத்தப்பட்டுள்ளனர்.

 

 

(மேலும்....)

ஆவணி 26, 2011

இந்திய பாராளுமன்ற குழு இலங்கைக்கு விஜயம்

இந்தியாவைச் சேர்ந்த பாராளுமன்றக் குழுவொன்று தமிழ் மக்களின் நிலைமைகளைப் பார்வையிடுவதற்காக இலங்கை வரவுள்ளதாக இந்திய வெளிவிவகார அமைச்சர் எஸ்.எம்.கிருஷ்ணா தெரிவித்துள்ளார். இந்திய பாராளுமன்ற ராஜ்ய சபாவில் நேற்று உரையாற்றுகையிலேயே அவர் இவ்வாறு கூறியுள்ளார். இலங்கை உயர்ஸ்தானிகர் தமிழக முதல்வர் ஜெயலலிதாவை சந்தித்தபோது ஜனாதிபதி மஹிந்தவின் அழைப்புக் குறித்து தெரிவித்திருந்தார். அவர் பாராளுமன்ற குழுவொன்றுக்கும் அழைப்புவிடுத்துள்ளதாக கிருஷ்ணா கூறியுள்ளார். பாரதீய ஜனதா கட்சித் தலைவர் எஸ்.எஸ்.அலுவாலியா பாராளுமன்ற தூதுக்குழுவொன்றை இலங்கைக்கு அனுப்பவேண்டுமென தெரிவித்த கருத்துக்கு பதிலளிக்கும் போதே அமைச்சர் கிருஷ்ணா இவ்விடயத்தைக்குறிப்பிட்டுள்ளார்.

ஆவணி 26, 2011

சாந்தன், முருகன், பேரறிவாளனின் தூக்கை நிறைவேற்றுமாறு உத்தரவு அனுப்பப்பட்டதாக தகவல்கள் வெளியாகி உள்ளன?

ராஜீவ் கொலை வழக்கில் குற்றம் சாட்டப்பட்டு தூக்குமர நிழலில் நிறுகும் சாந்தன், முருகன், பேரறிவாளனின் தூக்குத் தண்டனையை நிறைவேற்றுவதற்கான உத்தரவு வேலூர் சிறைக்கு இன்று மாலை அனுப்பப்பட்டு உள்ளதாகத் தெரிகிறது. அவர்கள் மூவருமே தங்கள் மீது கருணை காட்டுமாறு இந்திய ஜனாதிபதியிடம் கோரியிருந்த நிலையில் அவர்களின் கருணை மனுக்கல் நிராகரிக்கப்பட்டன. இந்நிலையில் அவர்களின் கருணை மனுக்கள் நிராகரிக்கப்பட்ட நிலையில் அவர்கள் மீதான தூக்குத் தண்டனையை நிறைவேற்றுமாறு வேலூர் மத்திய சிறைக்கு மத்திய அரசிடம் இருந்து உத்தரவு அனுப்பப்பட்டு இருப்பதாக தெரிகிறது. இன்னும் ஏழு வேலை நாட்களுக்குள் அவர்கள் தூக்கிடப்படலாம் என்று சில தகவல்கள் தெரிவித்தாலும் தமிழகம் முழுக்க இந்த தூக்கிற்கு எதிராக பெரும் போராட்டங்கள் முன்னெடுக்கப்படும் எனத் தெரியவருகிறது. இன்னும் இவர்களைக் காப்பாற்ற நீதிமன்றத்தின் உதவியை நாட இறுதி முயர்சி எடுக்கப்படலாம் தமிழக தரப்பு தகவல்கள் தெரிவிக்கின்றன. எனினும் தூக்குத் தண்டனையை நிறைவேற்றுவதற்கான உத்தரவு பிறப்பிக்கப்பட்டமை குறித்து இந்திய அரசாங்க தரப்பிலோ அல்லது சிறைச்சாலை தரப்பிலோ, நீதித்துறை மட்டத்திலோ உத்தியோகபூர்வமாக உறுதிப்படுத்த முடியவில்லை.

ஆவணி 26, 2011

அவசரகாலச்சட்டம் நீக்கத்தை வரவேற்கும் உலக நாடுகள்

நாட்டில் அவசரகாலச் சட்டம் முற்றாக நீக்கப்பட்டுள்ளமையை வரவேற்பதாக இலங்கையில் உள்ள அமெரிக்க தூதரகம் தெரிவித்துள்ளது. இது தொடர்பில் தூதரகம் விடுத்துள்ள அறிக்கையில்,நாட்டில் அவசரகாலச் சட்டம் முற்றாக நீக்கப்படுவதாக ஜனாதிபதி மஹிந்த ராஜபக்ஷ மேற்கொண்ட அறிவிப்பை வரவேற்கின்றோம். இலங்கை மக்களின் வாழ்க்கை இயல்பு நிலைக்கு திரும்புவதில் இதுவொரு முக்கிய கட்டமாக அமையும் என்று தெரிவிக்கப்பட்டுள்ளது. அவசரகாலச் சட்டம் முற்றாக நீக்கப்பட்டுள்ளமையை அவுஸ்திரேலிய அரசாங்கம்; வரவேற்றுள்ளதாக இலங்கையிலுள்ள அவுஸ்திரேலிய உயர்ஸ்தானிகராலயம் விடுத்துள்ள அறிக்கையில் குறிப்பிட்டுள்ளது. யுத்தம் முடிவடைந்த நிலையில் இவ்வாறான தீர்மானம் எடுக்கப்பட்டிருப்பது ஜனநாயகத்தின் பிரதிபலிப்பாக விளங்குவதாகவும் அவ்வறிக்ககையில் மேலும் குறிப்பிடப்பட்டுள்ளது.

ஆவணி 26, 2011

அம்பாந்தோட்டை துறைமுகத்தை நிர்மாணிக்க லஞ்சம் வாங்கிய இலங்கை அதிகாரிகள் - விக்கிலீக்ஸ்

அம்பாந்தோட்டைத் துறைமுகத்தை நிர்மாணிப்பதற்கான ஒப்பந்தத்தை வழங்குவதற்காக இலங்கை உயரதிகாரிகள் சீனாவிடமிருந்து பெருந்தொகை பணத்தை லஞ்சமாகப் பெற்றுள்ளனர் என அமெரிக்கா நம்புவதாக விக்கிலீக்ஸ் தகவல் வெளியிட்டுள்ளது. அமெரிக்க இராஜாங்கத் திணைக்களத்துக்கும், கொழும்பிலுள்ள அமெரிக்கத் தூதரகத்துக்கும் இடையில் 1986ஆம் ஆண்டு தொடக்கம் 2010 ஜனவரி மாதம் வரையிலான காலப்பகுதியில பரிமாறிக் கொள்ளப்பட்ட ஆயிரத்துக்கும் அதிகமான இரகசியத் தகவல்களை விக்கிலீக்ஸ் நேற்றிரவு வெளியிட்டுள்ளது. (மேலும்....)

ஆவணி 26, 2011

அவசரகால சட்டத்தை நீக்கும் தீர்மானத்திற்கு ரணில் நன்றி தெரிவிப்பு

அவசரகால சட்டத்தை முற்றாக நீக்கும் தீர்மானத்தை நேற்று பாராளுமன்றத்தில் அறிவித்த ஜனாதிபதி மஹிந்த ராஜபக்ஷவுக்கு எதிர்க்கட்சித் தலைவர் ரணில் விக்கிரமசிங்க நன்றிகளைத் தெரிவித்தார். கடந்த ஒரு வருடகாலமாக எதிர்க்கட்சியினால் விடுக்கப்பட்ட கோரிக்கை தற்போது நிறைவேறியதில் மகிழ்ச்சியடைவதாகத் தெரிவித்த அவர், அரசியல் தீர்வொன்றைப் பெற்றுக் கொள்வதில் அரசாங்கமும் எதிர்க்கட்சியும் இணைந்து செயற்பட வேண்டியதன் அவசியத்தையும் வலியுறுத்தினார். பாராளுமன்றத்தில் நேற்று ஜனாதிபதி மஹிந்த ராஜபக்ஷ அவர்கள் அவசரகால சட்டத்தை முற்றாக நீக்கும் பிரேரணையை முன்வைத்து உரையாற்றினார். அரசாங்கத்தின் இந்த வரலாற்றுத் திருப்பம் மிக்க தீர்மானத்தை பாராட்டி எதிர்க்கட்சித் தலைவர் ஜனாதிபதிக்கு நன்றி தெரிவித்தார். இதன் போது மேலும் தெரிவித்த எதிர்க்கட்சித் தலைவர், யுத்தத்திற்காகவே அவசரகால சட்டம் நடைமுறைப்படுத்தப் பட்டது. யுத்தம் முடிவடைந்து கடந்த ஒரு வருட காலத்திற்கு முன்பே நாம் அவசர கால சட்டத்தை நீக்குமாறு அரசாங்கத்தைக் கோரியிருந்தோம். எனினும், தற்போது அது நீக்கப்பட்டமை மகிழ்ச்சி தருகிறது.

ஆவணி 26, 2011

கொழும்பு மாவட்டம்

9 கட்சிகள், 10 சுயேச்சைகள் போட்டி, இரண்டு நிராகரிப்பு

கொழும்பு மாவட்டத்தில் 6 உள்ளூராட்சி சபைகளுக்காக சமர்ப்பிக்ப்பட்ட 87 வேட்பு மனுக்களில் 18 வேட்பு மனுக்கல் நிராகரிகப்பட்டுள்ளதாக தேர்தல்கள் செயலகம் தெரிவித்தது.  வேட்பு மனுக்கள் தாக்கல் செய்யப்பட்ட 37 அரசியல் கட்சிகளும் 32 சுயேச்சை குழுக்களின் வேட்பு மனுவும் ஏற்றுக் கொள்ளப்பட்டன. இதே வேளை 3 கட்சிகளினதும், 15 சுயேச்சை குழுக்களினதும் வேட்பு மனுக்கள் நிராகரிக்கப்ப ட்டுள்ளன. கொழும்பு மாநகரசபைக்கு 9 கட்சிகளும் 10 சுயேச்சைக் குழுக்களும் வேட்பு மனு தாக்கல் செய்துள்ளன. கொழும்பு மாநகர சபைக்கு தாக்கல் செய்த புதிய ஜனநாயக முன்னணி, சமஜவாதி கட்சி என்பவற்றின் வேட்பு மனுக்களும் நிராகரிக்கப்பட்டுள்ளன. தெஹிவளை, கல்கிஸை நகரசபைக்கு 6 அரசியல் கட்சிகளும், 6 சுயேச்சை குழுக்களும், மொரட்டுவ நகரசபைக்கு 6 கட்சிகளும், 6 சுயேச்சை குழுக்களும் வேட்பு மனு தாக்கல் செய்துள்ளன. இவற்றில் ஒரு சுயேச்சையின் வேட்பு மனு நிரகாரிக்கப்பட்டுள்ளது. கோட்டே சிறி ஜெயவர்தனபுர மாநகரசபைக்கு தாக்கல் செய்யப்பட்ட வேட்பு மனுவில் ஒரு சுயேச்சை குழுவின் வேட்பு மனு நிராகரிக்கப்பட்டதாக தேர்தல்கள் செயலகம் தெரிவித்தது. கொழும்பு மாவட்டத்தில் 6 உள்ளூராட்சி சபைகளுக்கான தேர்தலில் மொத்தமாக 2500 பேர் போட்டியிடுகின்றமை குறிப்பிடத்தக்கது.

ஆவணி 26, 2011

உலகில் நாடற்றோராக 12 மில். பேர் நிர்க்கதி

உலகில் எந்த நாட்டினதும் பிரஜா உரிமை இல்லாத நாடற்றவர்களாக 12 மில்லியன் பேரளவில் வாழ்ந்து வருவதாகவும் அவர்கள் அடிப்படை மனித உரிமைகள் மறுக்கப்பட்டவர்களாக உள்ளனர் எனவும் ஐ. நா. அகதிகளுக்கான ஆணைக்குழு குறிப்பிட்டுள்ளது. இவ்வாறான நாடற்றவர்களுக்கு பிறக்கும் குழந்தைகள் குறித்து ஐ. நா. கவலை வெளியிட்டுள்ளது. இந்த விடயம் குறித்து சர்வதேச நாடுகள் அக்கறை காட்ட வேண்டும் என அது கேட்டுக்கொண்டுள்ளது. தென் கிழக்காசியா, மத்திய ஆசியா, கிழக்கு ஐரோப்பா, மத்திய கிழக்கு மற்றும் ஆபிரிக்க பிராந்தியங்களில் இவ்வாறான பெரும்பாலான நாடற்றோர் வாழ்ந்து வருவதாகத் தெரிவிக்கப்பட்டுள்ளது.

ஆவணி 26, 2011

சிவில் பாதுகாப்பு குழுக்களை மீண்டும் செயற்படுத்த பாதுகாப்பு அமைச்சு முடிவு

தற்போது நாட்டில் எழுந்திருக்கும் மர்ம மனிதன் அச்சுறுத்தல் தொடர்பாக மக்கள் பீதி அடைந்து, ஆர்ப்பாட்டங்கள் செய்வ தையும் சட்டத்திற்கு மாறாக நடந்துகொள்வதையும் உடனடி யாக தடுத்து விடுவதற்காக தற்போது செயலிழந்து இருக்கும் சிவில் பாதுகாப்பு குழுக்களுக்கு புத்துயிர் அளித்து, அவற்றை இம்மாதம் 30ஆம் திகதியன்று அல்லது அதற்கு முன்னர் செயற்படுத்த வேண்டும் என்று, பாதுகாப்பு செயலாளர் கோத்தாபய ராஜபக்ஷ அவர்களும், பொலிஸ் மா அதிபர் இளங்ககோனும் சம்பந்தப்பட்ட உத்தியோகஸ்தர்களுக்கு அவசர உத்தரவைப் பிறப்பித்துள்ளார்கள். (மேலும்....)

ஆவணி 26, 2011

மனிதன் அறியாத 75 இலட்சத்திற்கும் மேற்பட்ட உயிரினங்கள்

பூமியில் உள்ள உயிரினங்களின் எண்ணிக்கை நாம் அறிந்தவரை 12 இலட்சமாகும். ஆனால் அறியாத உயிரினங்களின் எண்ணிக்கையோ 75 இலட்சமாக இருக்கலாம் என்று சர்வதேச ஆராய்ச்சியின் முடிவில் தெரிய வந்திருக்கிறது.  80 நாடுகளிலிருந்து 2,700 விஞ்ஞானிகள் கொண்ட ஸன்ஸ் ஒப் மெரீன் லைப் எனும் அமைப்பு 2000-ம் ஆண்டு அமைக்கப்பட்டது. உலகிலுள்ள அனைத்து உயிரினங்களின் மொத்த எண்ணிக்கையையும் அறியும் பொருட்டு இந்த ஆராய்ச்சி தொடங்கப்பட்டது. பத்து வருட ஆராய்ச்சிக்குப் பின்னர் ஜீவராசிகளைப் பகுக்கும் முறையைக்கொண்டு இந்த எண்ணிக்கை கணக்கிடப்பட்டுள்ளது. பறவைகள், பாலூட்டிகள் போன்ற அடிப்படையிலான இனக்குழு அளவில் உயிரினங்களைப் பிரித்து அவற்றின் உளப்பிரிவுகளில் இருக்கக் கூடிய சிறிய பிராணிகளின் எண்ணிக்கையை அனுமானித்தனர். (மேலும்....)

ஆவணி 26, 2011

பிரணாப் - ஹசாரே குழுவினரின் 3ஆம் கட்ட பேச்சில் இழுபறி

மத்திய அமைச்சர் பிரணாப் முகர்ஜியுடன் அன்னா ஹசாரே குழுவினர் நடத்திய பேச்சுவார்த்தை நேற்று முன்தினம் சுமுக முடிவு எட்டப்படாததால், மீண்டும் பேச்சு வார்த்தை தொடர்கிறது. அன்னா ஹசாரேவின் உண்ணா விரதத்தை முடிவுக்கு கொண்டு வரும் பொருட்டு, அரசு தரப்பில் ஹசாரே குழுவினருடன் பேச்சு வார்த்தை நடந்து வருகிறது. ஹசாரே தரப்பில் பிரசாந்த் பூஷன், அரவிந்த் கெஜ்ரிவால், கிரண் பேடியும், அரசு தரப்பில் நிதியமைச்சர் பிரணாப் முகர்ஜியும் நேற்று முன்தினம் பேச்சு நடத்தினர். இந்த கூட்டத்தில் எவ்வித முடிவும் எடுக்கப்படவில்லை. (மேலும்....)

ஆவணி 26, 2011

அனைத்து எழுத்துகளும் அடங்கியது

வெஸ்டர்ன் யூனியன் என்ற நிறுவனம் டெலக்ஸ் இயக்குனர்கள் ‘தி குய்க் பிரவுன் பாக்ஸ் ஜம்ப்ஸ் ஓவர் தி லேசி டோக்’  (the quick brown fox jumps over the lazy dog)  என்ற 35 எழுத்துக்களைக் கொண்ட சொற்றொடரை உருவாக்கியது. ஆனால் ஆங்கிலத்தின் எல்லா எழுத்துகளையும் பயன்படுத்தி உருவாக்கப்பட்ட மிகச் சிறிய சொற்றொடர் என்ற பெருமைக்குரியது வேறொன்று. அது ‘ஜேக்டாஸ் லவ் மை பிக் ஸ்பிங்ஸ் ஆப் குவார்ட்ஸ்’ (Jackdaws love my big sphinx of quarts)  என்பதாகும். இதில் 31 எழுத்துக்களே உள்ளன. இச்சொற்றொடரை உருவாக்கியவர் யார் என்று தெரியவில்லை.

ஆவணி 26, 2011

இலஞ்சம் தராமல் தொழில் நடத்த முடியாது - ரத்தன் டாடா

இலஞ்சம் தராமல் தொழில் நடத்த முடியாது என ரத்தன் டாடா போன்ற தொழிலதிபர்கள் கருத்து தெரிவித்துள்ளனர். மும்பையில், வர்த்தக மேலாண்மை கல்லூரியில் நடந்த விழாவில் கலந்து கொண்டு, பிரபல தொழிலதிபர் ரத்தன் டாடா பேசுகையில் கடந்த 90ம் ஆண்டுகளில், தொழிற்சாலைகளுக்கான உரிமம் பெறுவதற்கு மட்டும் இலஞ்சம் கொடுக்க வேண்டியிருந்தது. தற்போது ஒப்பந்தம் போட ஒப்பந்தத்தை மாற்ற என எதற்கெடுத்தாலும் இலஞ்சம் கொடுக்க வேண்டிய நிலை ஏற்பட்டுள்ளது. நேர்மையான வழியைக் கையாண்டால், தொழில் நடத்த முடியாது. (மேலும்....)

ஆவணி 25, 2011

அவசரகாலச் சட்டம் இலங்கையில் நீக்கப்பட்டது

அவசரகால சட்டம் இனி நடைமுறையில் இல்லையென ஜனாதிபதி மகிந்த ராஜபக்ஷ இன்று நாடாளுமன்றத்தில் தெரிவித்துள்ளார். அவசரகால சட்டத்தை நீக்குவதுதொடர்பில் ஜனாதிபதி மகிந்த ராஜபக்ஷ இன்று பாராளுமன்றத்தில் விசேட உரையாற்றும் போதே அவசர காலச்சட்டம் இனி நடைமுறைப் படுத்தமாட்டாது என தெரிவித்துள்ளார். அவசரகாலம் சட்டம் நீக்கப்படுவது குறித்து கருத்து தெரிவித்த ஜேவிபி இது மக்களின் ஜனநாயகப் போராட்டத்திற்கு கிடைத்த வெற்றி என கருத்த தெரிவித்துள்ளது.

ஆவணி 25, 2011

மர்ம மனிதர்களின் நடமாட்டத்தால் அச்சத்தில் உறைந்துள்ள யாழ். மக்கள்

மர்ம மனிதர்களின் நடமாட்டம் ஆங்காங்கே நடைபெற்றுவருவதால் யாழ். குடாநாட்டு மக்கள் பயப் பீதியில் உறைந்துள்ளனர். கடந்த திங்கட்கிழமை நாவாந்துறையில் இடம்பெற்ற சம்பவம் போல் வடமராட்சி மற்றும் கொக்குவில், மல்லாகம் பகுதிகளிலும் மர்ம மனிதர்களின் நடமாட்டம் அதிகரித்து வருவதால் மக்கள் அச்சத்தில் உறைந்துள்ளனர். இரவில் நடமாடுவதைத் தவிர்த்து வருகின்றனர். கொக்குவில் கிழக்குப் பகுதியில் நேற்றுமுன்தினம் இரவு 11 மணியளவில் வெள்ளை வாகனத்தில் வந்திறங்கிய நான்கைந்து பேர் அவ்வீதியூடாக அச்சமூட்டும் வகையில் நடமாடித்திரிந்துள்ளனர். இதனை அவதானித்த மக்கள் ஒன்றிணைந்து அவர்களைப் பிடிப்பதற்காக துரத்திச் சென்றபோது அவர்கள் தப்பியோடியுள்ளனர். (மேலும்....)

ஆவணி 25, 2011

அகதிகளை பொறுப்பேற்பதற்கு நியூஸிலாந்து இணக்கம்

அவுஸ்திரேலியாவில் இருந்து இலங்கை உள்ளிட்ட நாடுகளின் ஒரு தொகுதி அகதிகளை பொறுப்பேற்க நியூஸிலாந்து பிரதமர் ஜோன் கீ இணக்கம் தெரிவித்துள்ளார். எனினும் தற்போது இந்தோனேஷியாவில் உள்ள 88 இலங்கை அகதிகளை பொறுப்பேற்க முடியாது என அவர் தெரிவித்துள்ளார். ஏனெனில், அவர்கள் நியூஸிலாந்தை நோக்கி பயணித்தார்கள் என்பதற்கான எந்த ஆதாரங்களுமில்லை என அவர் குறிப்பிட்டுள்ளார். அகதி விடயம் தொடர்பில் விரிவான பேச்சுவார்த்தைகளை நடத்த விரும்புவதாகத் தெரிவித்துள்ள அவர், அவுஸ்திரேலியாவில் உள்ள அகதி முகாம்களில் இருந்து வருடாந்தம் 750 அகதிகளை கோட்டா முறையில் பொறுப்பேற்க தீர்மானித்துள்ளதாகவும் குறிப்பிட்டுள்ளார். எனினும் அந்த அகதிகள், ஐக்கிய நாடுகள் சபையின் கொள்கையின் அடிப்படையில் நியாயமான அகதிகள் என தம்மை நிரூபிக்க வேண்டும் எனவும் அவர் தெரிவித்துள்ளார். எவ்வாறாயினும் நியூஸிலாந்தில் அகதி முகாம்களை நடத்தும் எண்ணம் தமக்கு இல்லை எனவும் பிரதமர் ஜோன் கீ தெரிவித்துள்ளார்.

ஆவணி 25, 2011

வவுனியா குடியிருப்பு, நெடுங்கேணி ஒலுமடு பகுதிகளில் மர்ம மனிதர்களின் நடமாட்டம்

வவுனியா நகரில் உள்ள குடியிருப்பு பகுதியிலும், நெடுங்கேணி ஒலுமடு பகுதியிலும் நடமாடிய மர்ம மனிதர்களின் நடவடிக்கைகளினால் இந்தப் பகுதிகளில் செவ்வாய்க்கிழமை இரவு பதற்றம் நிலவியது. மர்ம மனிதர்களைப் பிடிப்பதற்குப் பொதுமக்கள் எடுத்த முயற்சியும் வெற்றி யளிக்கவில்லை. இந்தச் சம்பவங்கள் பற்றி தெரியவந்துள்ளதாவது, வவுனியா அரச செயலகத்திற்கு எதிரில் ஏ9 வீதிக்கு அப்பால் அமைந்துள்ள பொது வைத்தியசாலைப் பிரதேசமாகிய குடியிருப்பு பகுதியில் செவ்வாய்க்கிழமை இரவு கறுத்த உடையணிந்த 3 மர்ம மனிதர்கள் நடமாடியதைப் பொதுமக்கள் அவதானித்துள்ளனர். (மேலும்....)

ஆவணி 25, 2011

புளொட்டிலிருந்து தீப்பொறி வரையான எனது அனுபவப் பகிர்வுகள் (பாகம் 17)

(நேசன்)

இராணுவப் பயிற்சி முடித்து வந்தவர்கள் தாம் மிகவும் கஷ்டங்களுக்கு மத்தியில் இராணுவப் பயிற்சி முடித்து வந்து பாதுகாப்பில்லாமல் இராணுவத்திடம் பிடிபட்டு இறக்க முடியாது என்ற வாதத்தை முன்வைத்தனர். இவர்களது இந்த வாதம் தவறானதாகும். ஆயுதங்கள் இருந்தால் மட்டுமே தம்மை இராணுவத்திடமிருந்து பாதுகாத்து கொள்ளலாம் என்ற வாதம், போராட்டத்தில் மக்களின் பாத்திரத்தையும், மக்களே ஒரு போராட்டத்தின் தீர்க்கரமான சக்தி என்பதையும், மக்களே எமது பாதுகாவலர்கள் என்பதையும் மறுதலித்து, ஆயுதங்கள் மட்டுமே தீர்க்ககரமான சக்தி என்ற தவறான முடிவுக்கு இட்டு செல்கிறது. புளொட் அமைப்பானது தன்னை ஒரு புரட்சிகரமான அமைப்பாக பிரகடனப்படுத்தி இருந்தது. ஆனால் இந்தியாவில் பயிற்சி முடித்து வந்த பெரும்பாலான புளொட் உறுப்பினர்களோ போராட்டம் பற்றிய அரசியல் பார்வை அற்றவர்களாக, அரசியல் வளர்ச்சி அற்றவர்களாக, வெறுமனே இராணுவப் பயிற்சி பெற்றவர்களாக இருந்தனரே தவிர, ஒரு புரட்சிகர அமைப்புக்கு, ஒரு புரட்சிகர இராணுவத்துக்கு இருக்கவேண்டிய அரசியல் பார்வை, அரசியல் வளர்ச்சி, சமூகம் பற்றிய, மக்கள் பற்றிய பார்வை போன்ற முற்போக்கு அம்சங்களை கொண்டவர்களாக விளங்கவில்லை.  (மேலும்....)

ஆவணி 25, 2011

தமிழர் பகுதிகளில் இருந்து இராணுவத்தினரை முற்றாக அகற்ற இலங்கைக்கு இந்தியா அழுத்தம் கொடுக்க வேண்டும் - தமிழ்க் கட்சிகள்

தமிழர் பகுதிகளில் இருந்து இராணுவத்தினரை முற்றாக அகற்ற இலங்கை அரசுக்கு இந்தியா அழுத்தம் கொடுக்க வேண்டும் என தமிழ்க் கட்சிகள் வலியுறுத்தி உள்ளன. இந்திய நாடாளுமன்றத்தில் அமைக்கப்பட்டுள்ள சிறிலங்கா போரம் சார்பில் புதுடில்லியில் நடைபெற்ற இரண்டு நாள் கலந்துரையாடல்களின்போது இலங்கையில் இருந்து சென்று கலந்துகொண்ட தமிழ்க் கட்சிகள் இராணுவத்தை தமிழர் பகுதியில் இருந்து அவசரமாக அகற்றுவதன் அவசியத்தை வலியுறுத்தி உள்ளன. தமிழர் தாயகப் பகுதிகளில் இராணுவத் தினரின் பிரசன்னத்தை தமிழ் மக்கள் அடியோடு விரும்பவில்லை. சிவில் நிர்வாகம் சரியான முறையில் நடைமுறைப்படுத்தப்பட்டு அதன் கீழ் அமைதியான முறையில் வாழவே மக்கள் விரும்புகிறார் கள். இதனை இந்திய நாடாளுமன்ற உறுப்பினர்களிடம் தெளிவாக எடுத்து விளக்கியிருக்கிறோம். (மேலும்....)
 

ஆவணி 25, 2011

தமிழ்த் தேசியக் கூட்டமைப்பு முன்வைத்த கோரிக்கைகளை அரசு கருத்தில் கொள்ளாது 30 வருடங்களுக்கு மேலாக யுத்தத்தால் பாதிக்கப்பட்ட தமிழ் மக்களின் கருத்துக்களுக்கே முன்னுரிமை வழங்கப்படும் - டியூ. குணசேகர!

தமிழ்த் தேசியக் கூட்டமைப்பு முன்வைத்த கோரிக்கைகளை அரசு கருத்தில் கொள்ளாது, 30 வருடங்களுக்கு மேலாக யுத்தத்தால் பாதிக்கப்பட்ட தமிழ் மக்களின் கருத்துக்களுக்கே முன்னுரிமை வழங்கப்படும். இவ்வாறு இலங்கை கம்யூனிஸ்ட் கட்சியின் பொதுச்செயலாளரும், சிரேஷ்ட அமைச்சருமான டியூ. குணசேகர தெரிவித்தார். வீதிகள் மற்றும் மதகுகளை அமைப்பதன் மூலம் இனப்பிரச்சினைக்குத் தீர்வுகாண முடியாது எனவும், நாடாளுமன்றத் தெரிவுக்குழு முன்வைக்கும் யோசனைகளை ஜனாதிபதி மஹிந்த ராஜபக்க்ஷ ஏற்றுக்கொள்ள வேண்டும்.  யுத்தம் நிறைவடைந்துள்ளது. எனினும், இனப்பிரச்சினைக்குத் தீர்வு வேண்டியதில்லை என சமூகத்தில் சில கருத்துகள் பரவியுள்ளன. இது ஒரு பயங்கரமான கருத்தாகும். அத்துடன், பொருளாதார அபிவிருத்தியே இனப் பிரச்சினைக்குத் தீர்வு என்ற கருத்தும் நிலவுகிறது. இதுவும் தவறானது. அபிவிருத்தியால் மட்டும் இனப்பிரச்சினைக்கு தீர்வு இல்லை இனப்பிரச்சினைத் தீர்வுக்கு அபிவிருத்தி மட்டும் போதுமானதல்ல.  (மேலும்....)

ஆவணி 25, 2011

இருப்பிட மாற்றம் என்பது தந்திரோபாய நகர்வு

வெற்றி அல்லது மரணம் ஏற்படும் வரை போரிடுவேன் கடாபி ஆவேசம்

யுத்த தந்திரமாக பாப் அல் அஸிஸியா வளாகத்தில் இருந்து பின்வாங்கியதாக லிபிய ஜனாதிபதி முஅம்மர் கடாபி குறிப்பிட்டுள்ளார். அத்துடன் கிளர்ச்சிப் படைக்கு எதிராக வெற்றி அல்லது மரணம் வரும் வரை போராடுவதாக அவர் தெரிவித்துள்ளார். முஅம்மர் கடாபி ஆட்சியின் மையமாக கருதப்பட்ட பாப் அல் அஸிஸியா வளாகத்தை கிளர்ச்சிப் படை கைப்பற்றியதைத் தொடர்ந்து கடாபி ஒலிநாடா ஊடாக இந்த செய்தியை வெளியிட்டுள்ளார். லிபிய செய்மதி தொலைக்காட்சி ஊடாக முஅம்மர் கடாபியின் உரை ஒளிபரப்பப்பட்டது. எனினும் இதனூடே அவர் எங்கு இருக்கிறார் என்ற எந்த தகவலும் வெளிவரவில்லை. (மேலும்....)

ஆவணி 25, 2011

இன வன்முறைகளுக்கு தூபமிட வெளிநாட்டு சக்திகள் சதிமுயற்சி

மர்ம மனிதன் போர்வையில் நாட்டில் இனங்களுக்கிடையில் முரண்பாடுகள் ஏற்படுத்தி கலவரங்களை உண்டுபண்ணுவதன் மூலம் சர்வதேச ரீதியில் நாட்டின் நற்பெயருக்கு அபகீர்த்தியை ஏற்படுத்த சில வெளிநாட்டு சக்திகள் எடுக்கும் முயற்சிகள் தொடர்பாக இப்போது அரசாங்கத்துக்கு நம்பகரமான தகவல்கள் கிடைத்துள்ளன. இந்த வெளிநாட்டு நாசகார சக்திகளின் சதித்திட்டத்தினால் அப்பாவி மக்கள் பாதிக்கப்படுவதை தவிர்க்கக்கூடிய வகையில் மதத் தலைவர்கள் அவர்களுக்கு உண்மை நிலையை விளக்கிக் கூற வேண்டுமென்ற கருத்தை பாதுகாப்புச் செயலாளர் கோத்தபய ராஜபக்ஷ நேற்று முன்தினம் பாதுகாப்பு அமைச்சில் நடைபெற்ற இப்தார் நோன்பு திறக்கும் நிகழ்வில் உரையாற்றும் போது தெரிவித்தார். (மேலும்....)

ஆவணி 25, 2011

பிரதமரை சாட்சியாக அழைத்து விசாரணை செய்ய ராசா கோரிக்கை

2ஜி ஏலத்தில் எந்தவித நஷ்டமும் அரசுக்கு ஏற்படவில்லை என்பதை நிரூபிக்க பிரதமர் மன்மோகன் சிங், நிதியமைச்சர் ப. சிதம்பரம், தற்போதைய தொலைத் தொடர்புத்துறை அமைச்சர் கபில் சிபலை சாட்சிகளாக அழைத்து விசாரிக்க வேண்டும் என்று முன்னாள் தொலைத் தொடர்புத்துறை அமைச்சர் ராசா கூறியுள்ளார். 2ஜி ஸ்பெக்ட்ரம் வழக்கு நேற்று சிறப்பு சிபிஐ நீதிமன்றத்திற்கு வந்தது. அப்போது ராசா வாதிடுகையில, 2ஜி ஏல நடைமுறையால் நாட்டுக்கும், அரசுக்கும் எந்த நஷ்டமும் ஏற்படவில்லை. இதை நிரூபிக்க பிரதமர் மன்மோகன் சிங், நிதியமைச்சர் ப. சிதம்பரம், தொலைத் தொடர்புத்துறை அமைச்சர் கபில் சிபலை இந்த வழக்கில் அரசுத் தரப்பு சாட்சிகளாக சேர்க்க வேண்டும் அவர்களை நீதிமன்றத்திற்கு அழைத்து அரசுக்கு நஷ்டம் ஏற்படவில்லை என்பதை நிரூபிக்க முடியும் என்றார் ராசா. 2ஜி ஏல நடைமுறையில் பிரதமருக்குத் தெரியாமல் எதுவும் நடைபெறவில்லை என்று ஆரம்பம் முதலே ராசா கூறி வருவது நினைவிருக்கலாம். இந்த நிலையில் பிரதமரை சாட்சியாக சேர்க்க வேண்டும் என்று அவர் கூறியிருப்பது பரபரப்பை ஏற்படுத்தியுள்ளது.

ஆவணி 25, 2011

அமெரிக்காவில் கடும் நில நடுக்கம்

வொஷிங்டன், நியூயோர்க்கில் மக்கள் பீதியில் ஓட்டம்

அமெரிக்காவின் கிழக்கு கடற்கரையில் நேற்று முன்தினம் கடும் நிலநடுக்கம் ஏற்பட்டுள்ளது. இதனால் தலைநகர், வெள்ளை மாளிகை, பென்டகன் உள்ளிட்ட இடங்களில் மக்கள் வீடுகளை விட்டு வெளியேற நேரிட்டது. எனினும் இந்த நிலநடுக்கத்தால் உயிரழப்பு எதுவும் ஏற்படவில்லை எனத் தெரிவித்த தீயணைப்பு அதிகாரிகள் வொஷிங்டனில் சிலருக்கு காயம் மட்டும் ஏற்பட்டது என்றனர். விர்ஜினியா, ரிச்மாண்டின் வடமேற்கே 64 கிலோ மீட்டரில் மையம் கொண்டிருந்த இந்த நில நடுக்கம் ரிச்டர் அளவுகோலில் 5.8 எனப் பதிவானதாக அமெரிக்க புவி ஆய்வு மையம் தெரிவித்தது. செவ்வாய்க்கிழமை பிற்பகல் 2 மணியளவில் இந்த நிலநடுக்கம் ஏற்பட்டது. நிலநடுக்கம் ஏற்பட்டவுடன் வடக்கு மின் நிலையத்தில் உள்ள 2 அணு உலைகள் தானாகவே செயல்பாட்டை நிறுத்திக்கொண்டன என அமெரிக்க அணுசக்தி ஒழுங்குமுறை ஆணைய செய்தித் தொடர்பாளர் ரொஜர் ஹன்னா தெரிவித்தார். (மேலும்....)

ஆவணி 25, 2011

அன்னா ஹசாரேவுக்குப் பிரதமர் கடிதம், பேச்சுவார்த்தைக்கு பிரணாப் நியமனம்
 

வலுவான லோக்பால் மசோதா இயற்றக்கோரி உண்ணாவிரதம் இருந்துவரும் சமூக சேவகர் அன்னா ஹசாரேவுக்குப் பிரதமர் மன்மோகன் சிங் செவ்வாய்க்கிழமை கடிதம் அனுப்பியுள்ளார். ஹசாரே குழுவினர் தயாரித்துள்ள ஜன லோக்பால் மசோதாவை நாடாளுமன்ற நிலைக் குழுவின் பரிசீலனைக்கு அனுப்பி வைக்கும்படி மக்களவைத் தலைவர் மீரா குமாரைக் கேட்டுக்கொள்ள மத்திய அரசு தயாராக உள்ளது என்று தனது கடிதத்தில் மன்மோகன் சிங் கூறியுள்ளார். தனது கடிதத்தில் பிரதமர் கூறியுள்ளதாவது, ஊழலை ஒழிக்க வேண்டும் என்பதில் உங்கள் நோக்கமும் அரசின் நோக்கமும் ஒன்றுதான். அந்த நோக்கத்தை எவ்வாறு நடைமுறைப்படுத்துவது என்பதில் நமது வழிமுறைகள் வேறுபடலாம். பரந்த அளவிலான கருத்தொற்றுமையுடன் அரசியல் சாசனப்படி செல்லத்தக்க வலுவான லோக்பால் சட்டத்தை இயற்ற வேண்டும் என்பதில் அரசு உறுதியாக இருக்கிறது. (மேலும்....)

ஆவணி 25, 2011

மறைந்து போன தமிழ் நூல்கள்

தலைச்சங்கம் இடைச் சங்க காலத்தில் பாண்டி நாட்டின் தென் பகுதியில் இருந்த சில நிலப்பகுதிகள் பெரிய கடற்கோள்களி னால் மறைந்துவிட்டன. அப்போது அப்பகுதியில் இருந்த ஏட்டுச் சுவடிகளும் மறைந்து போயின.

'ஏரண முருவம் யோகம் இசை கணக்
கிரதம் சாலம்
தாரண மறமே சந்தம் தம்பநீர்
நிலமு லோகம்
மாரணம் பொருளென் றின்ன
மானநூல் யாவும் வாரி
வாரணம் கொண்ட தந்தோ
வழிவழிப் பெயரு மாள...'

என்னும் செய்யுள், கடல் பெருக்கெடுத்தப் பாண்டிய நாட்டின் பகுதியை அழித்த போது முதற் சங்க இடைச் சங்க நூல்கள் மறைந்து போனதைக் கூறுகிறது. (மேலும்....)

ஆவணி 24, 2011

மர்மமனிதர்களாக வருவோர் இராணுவத்தினரே - ஸ்ரீதரன் எம்.பி.

மே 2009 இற்க முன்பு வன்னிலும் ஏனைய தமிழ் பிரதேசங்கள் எங்கும் சிறீதரனின் முன்னாள் எசமானர்கள்(தமிழ் இராணுவம்) 'மாமனிதர்' என்ற போர்வையில் 'லபக்' செய்த போது கை கட்டி ஆதரித்தவர் தற்போது சிங்கள் இராணுவம்? செய்யும் போது கொடுக்கு கட்டிக்கொண்டு புறப்பட்டது வீரம்தான்....?

யாழ்ப்பாணம் நாவாந்துறை பகுதிக்குள் நேற்று முன்தினம் இரவு புகுந்த மர்ம மனிதர்களை மடக்கிப்பிடிக்க முற்பட்ட பொது மக்களின் வீடுகளுக்குள் நள்ளிரவு வேளையில் நுழைந்த இராணுவத்தினர் ஆண்கள் பெண்கள் என்ற பேதம் பாராது கும்பிட கும்பிடத் தாக்கியுள்ளனர் என்று யாழ். மாவட்ட எம்.பி. எஸ். ஸ்ரீதரன் நேற்று சபையில் குற்றஞ்சாட்டினார். (மேலும்....)

ஆவணி 24, 2011

புத்தளம் நகரில் இன்று கடையடைப்பு

புத்தளம் நகரப் பகுதியில் இன்று பூரண ஹர்த்தால் அனுஷ்டிக்கப்பட்டு வருவதாக அங்கிருக்கும் எமது செய்தியாளர் தெரிவிக்கின்றார். நகர வீதிகளில் இராணுவத்தினர் கடமையில் ஈடுபடுத்தப்பட்டிருப்பதாகவும் அவர் தெரிவித்தார். புத்தளத்தில் மணல் குன்று பகுதியில் நேற்று முன்தினம் திங்கட்கிழமை இடம்பெற்ற முறுகல் சம்பவத்தின் போதும் , துப்பாக்கிச் சூட்டின் போதும், பலியான புத்தளம் போக்குவரத்து பொலிஸ் பிரிவில் கடமையாற்றும் கான்ஸ்டபிளின் இறுதிக் கிரியைகள் இன்று நடைபெறுவதால் புத்தளம் நகரில் கடைகள் அடைக்கப்பட்டுள்ளது. இதேவேளை, சம்பவத்துடன் தொடர்புடைய பிரதான சந்தேக நபர் உட்பட 20 பேர் கைது செய்யப்பட்டுள்ளதாகவும் பொலிஸ் போக்குவரத்து பிரிவுக்கு சொந்தமான மோட்டார் சைக்கிளை எரித்த சிலரைக் கைது செய்ய நடவடிக்கை எடுத்துள்ளதாகவும் புத்தளம் பொலிஸார் தெரிவித்தனர். இச்சம்பவம் தொடர்பான மேலதிக விசாரணைகளை புத்தளம் பொலிஸார் மேற்கொண்டு வருகின்றனர். ___

ஆவணி 24, 2011

லோக்பால் மசோதாவை தாக்கல் செய்ய தயார்  - பிரதமர்

சமூக ஆர்வலர் அன்னா ஹசாரே மற்றும் அவர்களது குழுவிடம், பிரதமர் மன்மோகன் சிங் உண்ணாவிரதத்தை முடித்துக் கொள்ளுமாறு கோரிக்கை விடுத்துள்ளார். ஜன் லோக்பால் மசோதா, பார்லிமென்ட் உயர்நிலைக்குழுவின் பரிசீலனைக்கு அனுப்பப்பட்டுள்ளதாகவும், சபாநாயகர் அனுமதித்தால், இந்த கூட்டத்தொடரிலேயே அம்மசோதா தாக்கல் செய்ய்ப்படும் என்று பிரதமர் அவர்களிடம் தெரிவித்துள்ளார். இதையடுத்து அரசுத் தரப்புடன் பேச்சு நடத்த அன்னா ஹசாரே ஒப்புக் கொண்டுள்ளார். இதைத் தொடர்ந்து அன்னா தரப்புடன் பேச்சு நடத்த பிரணாப் முகர்ஜியை நியமித்து பிரதமர் உத்தரவிட்டார். அன்னாவின் சார்பில் 3 பேர் கொண்ட குழு பிரணாப் முகர்ஜியுடன் பேச்சு நடத்தும் என்று அரவிந்த் கெஜரிவால் அறிவித்தார். நாடாளுமன்றத்தில் மத்திய அரசு ஒரு சட்டத்தைக் கொண்டு வரும் முன் அதை அனைத்துக் கட்சிகளும் கொண்ட நிலைக் குழுவுக்கு அனுப்பி, விவாதித்து, அனுமதி பெற்று பின்னர் சபாநாயகரின் அனுமதி கிடைத்த பின்னரே அதை சமர்பிக்க முடியும் என்பது குறிப்பிடத்தக்கது. இதனால், ஜன் லோக்பால் மசோதாவை இப்போது அரசு ஏற்றுக் கொண்டாலும் நாடாளுமன்ற சட்ட திட்டங்களின்படி அதை நிறைவேற்ற குறைந்தபட்சம் 1 மாத காலமாவது ஆகும். இதை அன்னா ஒப்புக் கொண்டால் அவரது உண்ணாவிரதம் விரைவிலேயே முடிவுக்கு வரும் என்று தெரிகிறது.

ஆவணி 24, 2011

நவீன வசதிகளைக் கொண்டதாக நெடுந்தீவு மாற்றமடைந்து வருகிறது

சமீபத்தில் நடந்து முடிந்த நெடுந்தீவு பிரதேச சபை தேர்தல் பிர சாரத்தில் கலந்துகொண்ட ஜனாதிபதி மஹிந்த ராஜபக்ஷ, நெடு ந்தீவை நான் சகல வசதிகளைக் கொண்ட ஒரு நவீன தீவாக மாற்றுவேன் என்று வாக்குறுதி அளித்திருந்தார். சொல்வதைச் செய் வேன், செய்வதை சொல்வேன் என்ற யதார்த்தத்தில் அசையாத நம்பிக்கையுடைய நம்நாட்டு ஜனாதிபதி இப்போது நெடுந்தீவின் அபிவிருத்திக்கான நடவடிக்கைகளை உடனடியாக ஆரம்பிக்கு மாறு அத்தீவின் மேம்பாட்டில் அதிக ஆர்வம் கொண்டிருக்கும் பாரம்பரிய கைத்தொழில் மற்றும் சிறு தொழில்துறை அபிவிருத்தி அமைச்சர் டக்ளஸ் தேவானந்தாவுக்கு தெரிவித்துள்ளார். (மேலும்....)

ஆவணி 24, 2011

ஸ்பெக்ட்ரம் ஊழல் விசாரணை

மன்மோகன், சிதம்பரத்துக்கும் தொடர்பு: கனிமொழி நீதிமன்றில் பரபரப்பு சாட்சியம்

2 ஜி ஸ்பெக்ட்ரத்தை ஏலம் மூலம் விற்பனை செய்வதில்லை என்று அப்போதைய தொலைத் தொடர்புத்துறை அமைச்சர் ராசாவோடு சேர்ந்து பிரதமர் மன்மோகன் சிங்கும், அப்போதைய நிதி அமைச்சர் ப. சிதம்பரமும் சேர்ந்து தான் முடிவெடுத்தனர் என்று தி. மு. க. எம்.பி. கனிமொழி சி. பி. ஐ. நீதிமன்றத்தில் பரபரப்பு குற்றம் சாட்டியுள்ளார். டில்லி சி. பி. ஐ. நீதிமன்றத்தில் நடந்து வரும் இந்த வழக்கு விசாரணையில் நேற்று கனிமொழி சார்பில் ஆஜரான வழக்கறிஞர் சுஷில் குமார் இந்தக் குற்றச்சாட்டை முன் வைத்தார். மேலும், இது தொடர்பாக ராசா, பிரதமர், சிதம்பரம் ஆகியோர் பங்கேற்ற கூட்டத்தில் எடுக்கப்பட்ட முடிவு தொடர்பான ஆதாரத்தையும் அவர் நீதிமன்றத்தில் சமர்ப்பித்தார். (மேலும்....)

ஆவணி 24, 2011

தனிநாடாக பிரிந்த

தெற்கு சூடான் மோதலில் 600 பேர் பலி; பேச்சுவார்த்தைக்கு ஐ.நா. அழைப்பு

தெற்கு சூடான் நாடு தற்போது புதியதாக உருவாகியுள்ளது. இங்கு நடந்த மோதலில் 600 பேர் கொல்லப்பட்டனர். 26 ஆயிரம் கால்நடைகளும் திருடப்பட்டுள்ளன. இதனை தொடர்ந்து ஐக்கிய நாடுகள் சபையின் பொதுச் செயலாளர் பான் கீ மூனின் சிறப்பு பிரதிநிதி ஹில்டே எப். ஜோன்சன் முர்லே மற்றும் லோ நுயர் சமூகத்தினர் ஜோங்ளய் மாநிலத்தில் மோதிக் கொள்வதை நிறுத்த வேண்டும் என நேற்று வேண்டுகோள் விடுத்தார். அந்த மாநிலத்தில் நடந்த வன்முறை மோதலில் 600 பேர் கொல்லப்பட்டதுடன் 750 பேர்காயம் அடைந்தனர். கடந்த வியாழக்கிழமை காலை முதல் ஏற்பட்ட மோதல் நாள் முழுவதும் நீடித்தது என்று தெற்கு சூடான் தெரிவித்தது. இரு பகுதி மோதல்களில் ஏற்பட்ட விளைவு குறித்து மதிப்பீடு செய்ய ஐ.நா. கடந்த வெள்ளிக்கிழமை ஒரு குழுவை அனுப்பியது. முர்லே பழங்குடியினர் லோ நுயர் கிராம மக்களை தாக்கிய போது மோதல் வெடித்தது. கடந்த ஜனவரி மாதம் முதல் ஜூன் மாதம் 2011 வரை 2400 பேர் 330 மோதல்களில் தெற்கு சூடானில் உயிரிழந்துள்ளனர் என ஐக்கிய நாடுகள் சபை தெரிவித்துள்ளது. தெற்கு சூடானில் உள்ள பசுக்கள் அந்த பகுதியின் சொத்து வளத்தை காட்டுவதாக உள்ளது. அவை திருமணத்தின் போது வரதட்சணையாக தரப்படுகின்றன.

ஆவணி 24, 2011

புற்றுநோய்க்கு சிகிச்சை பெற சாவெஸ் மீண்டும் கியூபா பயணம்

புற்றுநோய்க்கு சிகிச்சை பெறுவதற்காக மூன்றாவது முறையாகவும் வெனிசுவெலா ஜனாதிபதி ஹுகோ சாவெஸ் மீண்டும், கியூபா செல்லவுள்ளார். இது குறித்து அந்நாட்டு அரச தொலைக்காட்சியில் அவர் பேசிய தாவது :- மூன்றாவது முறையாக கியூபா சென்று சிகிச்சை பெற அந்நாட்டு பாராளுமன்ற எம்.பிக்களின் ஒப்புதலை கோரியுள்ளேன். அனுமதி கிடைத்ததும் விரைவில் கியூபா செல்லவுள்ளேன் என்றார்.

 

ஆவணி 24, 2011

கடாபி தொடர்ந்தும் லிபியாவில், திரிப்போலியில் நேற்றும் மோதல்

லிபிய ஜனாதிபதி முஅம்மர் கடாபி தொடர்ந்தும் அந்த நாட்டுக்குள்தான் இருக்கிறார் என்று நம்புவதாக அமெரிக்க இராணுவ தலைமையகமான பென்டகன் தெரிவித்துள்ளது. முஅம்மர் கடாபி வெளிநாட்டுக்கு தப்பியோடியதாக பல தரப்புகளில் இருந்து செய்தி வெளியானதைத் தொடர்ந்தே பென்டகன் இந்த தகவலை வெளியிட்டுள்ளது. கடாபி லிபியாவில் தான் இருக்கிறார் என நம்புகிறோம். அவர் நாட்டை விட்டு சென்றதாக தகவல் ஏதும் இல்லை என பென்டகன் செய்தித் தொடர்பாளர் கலோனல் தேவ் லபான் செய்தியாளர்களிடம் தெரிவித்தார். இந்த தகவலை முஅம்மர் கடாபியின் மகன் சைப் அல் இஸ்லாமும் உறுதி செய்துள்ளார். கிளர்ச்சியாளர்களால் கைது செய்யப்பட்டதாக கூறப்பட்ட சைபல் இஸ்லாம் கடாபி ஆதரவுப் படையுடன் நேற்று திரிபோலியில் தமது ஆதரவாளர்களை சந்தித்தார். இதன் போது முஅம்மர் கடாபி திரிபோலியில் சுகமாக உள்ளார் என சர்வதேச ஊடகங்களுக்கு தெரிவித்தார். எனினும் கடாபி இருக்கும் இடம் குறித்து அவர் எந்த தகவலும் வெளியிடவில்லை.(மேலும்....)

ஆவணி 24, 2011

யாழ்.குடாநாட்டில் மர்மமனிதர் பின்னணியில் அரசியல் சக்திகள்?

யாழ்ப்பாணம் நாவாந்துறை மற்றும் வடமராட்சி பொலிகண்டிப் பகுதியில் பாதுகாப்புத் தரப்பினருக்கும், பொதுமக்களுக்குமிடையில் ஏற்பட்ட பதற்ற நிலையைத் தொடர்ந்து நாவாந்துறை மற்றும் பாசையூர் பிரதேசத்தில் 102 பேர் கைது செய்யப்பட்டனர். இவர்களில் உயர்தரப் பரீட்சைக்குத் தோற்றும் மாணவர்கள் இருவர் விடுவிக்கப்பட்டுள்ள நிலையில் ஏனைய 100 பேரும் சட்டநடவடிக்கைக்கு உட்படுத்தப்பட்டுள்ளதாக யாழ். சிரேஷ்ட பொலிஸ் அத்தியட்சகர் நெவில் பத்மதேவா தெரிவித்தார். பாதுகாப்புத் தரப்பினருக்கு எதிராகச் செயற்பட்ட இவர்களுக்கு எதிராக சட்ட ரீதியான நடவடிக்கை எடுக்கப்படும் என நேற்று நடைபெற்ற ஊடகவியலாளர் மாநாட்டில் அவர் தெரிவித்தார். (மேலும்....)

ஆவணி 23, 2011

இலங்கைத் தமிழர் பிரச்சினைகளுக்கான மாநாடு புதுடில்லியில் ஆரம்பமானது

இலங்கைத் தமிழர் பிரச்சினைகளுக்கான இலங்கைத் தமிழர் மாநாடு புதுடில்லியில் உள்ள இந்திய அரசியல் அமைப்பு அரங்கத்தில் இன்று (23-08-2011) செவ்வாய்க்கிழமை காலை 12:30மணியளவில் ஆரம்பமானது. இம்மாநாடு இந்திய பாராளுமன்ற உறுப்பினர் திரு. நு.ஆ. சுதர்சன நாச்சியப்பன் அவர்கள் தலைமையில் ஆரம்பமானது. இந்த மாநாட்டில் கலந்துகொண்டவர்களை பெங்களூரில் இருந்து வந்திருந்த “இந்திராகாந்தி சர்வதேச பாடசாலையைச் சேர்ந்த மாணவிகள் மலர் கொத்து கொடுத்து வரவேற்றனர். மாநாட்டின் தொடக்கமாக ஈழத்தில் விடுதலைப் போரினால் மரணமடைந்த பொதுமக்களுக்கும், வீரர்களுக்கும் மௌன அஞ்சலி செலுத்தப்பட்டது. (மேலும்...)

ஆவணி 23, 2011

இலங்கைத் தமிழர் பிரச்சினை தொடர்பில் இந்திய பாராளுமன்றில் இன்று விவாதம்!

இலங்கைத் தமிழர் பிரச்சினை தொடர்பில் இந்திய பாராளுமன்றில் இன்று விவாதம் நடத்தப்பட உள்ளது. இந்திய மத்திய அரசாங்கத்தின் நிலைப்பாட்டை வெளிப்படுத்தும் நோக்கில் சிரேஸ்ட அமைச்சர்களுக்கு இடையில் பேச்சுவார்த்தை நடத்தப்பட்டுள்ளது. உள்துறை அமைச்சர் பா.சிதம்பரம், நீதி அமைச்சர் சல்மான் குர்ஷிட் மற்றும் அரச விவகார அமைச்சர் வீ.நாரயணசாமி ஆகியோர் நாளைய தினம் ஆளும் கட்சியினர் தரப்பில் வெளியிடப்பட வேண்டிய கருத்துக்கள் மற்றும் பரிந்துரைகள் குறித்து உரையாடப்படவுள்ளது. இலங்கைத் தமிழர் பிரச்சினை குறித்து கருத்துக்களை வெளியிட சில அரசியல்வாதிகள் மிகவும் ஆர்வத்துடன் காத்திருப்பதாக இந்திய ஊடகங்கள் தகவல் வெளியிட்டுள்ளன. கடந்த ஆகஸ்ட் மாதம் 16ம் திகதி நடைபெற்ற விவாதத்தில் இலங்கை விவகாரங்கள் குறித்து பேசப்பட்டதாகத் தெரிவிக்கப்படுகிறது. இடம்பெயர் மக்களின் வாழ்வாதாத்தை மேம்படுத்தல் மற்றும் அரசியல் தீர்வுத் திட்டம் முன்வைத்தல் போன்ற விவகாரங்கள் குறித்து முக்கியமாக பேச்சுவார்த்தை நடத்தப்படும் என எதிர்பார்க்கப்படுகிறது.

ஆவணி 23, 2011

புதுடில்லியில் நடைபெறும் இலங்கை இனப்பிரச்சினை தொடர்பில் ஆராயும் கருத்தரங்கில் தமிழ் அரசியல் கட்சிப் பிரதிநிதிகள் இந்தியாவிற்கு பயணமாகியுள்ளனர்!

இந்திய காங்கிரஸ் கட்சியின் பாராளுமன்ற உறுப்பினர் சுதர்சன நாச்சியப்பனின் ஏற்பாட்டில் புதுடில்லியில் நடைபெறும் இலங்கை இனப்பிரச்சினை தொடர்பில் ஆராயும் கருத்தரங்கில் பங்கு பற்றுவதற்காக வடக்கு கிழக்கைச் சேர்ந்த தமிழ் அரசியல் கட்சிப் பிரதிநிதிகள் நேற்று முன்தினம் ஞாயிற்றுக்கிழமை பயணமாகியுள்ளனர். மனித உரிமைகள் மற்றும் உலக அபிவிருத்திக்கான பாராளுமன்றத்தின் ஏற்பாட்டில் நடைபெறும் இந்த கருத்தரங்கில் வடக்கு கிழக்கைச் சேர்ந்த தமிழ் அரசியல் கட்சிகளின் சார்பில் பிரதிநிதிகள் பங்கு பற்றுகின்றனர். (மேலும்...)

ஆவணி 23, 2011

யாழ். நாவாந்துறையில் கைதுசெய்யப்பட்டவர்களை விடுவிக்ககோரி இன்று ஆர்ப்பாட்டம்

யாழ்ப்பாணம் நாவாந்துறையில் நேற்று இடம்பெற்ற முறுகல் சம்பவம் தொடர்பில் சுமார் நூறு பேர் கைது செய்யப்பட்டமைக்கு எதிர்ப்பு தெரிவித்து இன்று யாழ். மனித உரிமைகள் அலுவலகத்தின் முன்பாக கைது செய்யப்பட்ட நபர்களின் பெறோர்கள் மற்றும் உறவினர்கள் ஆர்ப்பாட்டமொன்றில் ஈடுபட்டனர். நாவாந்துறைப் பகுதியில் நேற்று சந்தேகத்திற்கிடமான சிலரின் நடமாட்டத்தையடுத்து பொது மக்களுக்கும் படைத்தரப்பிற்கும் இடையில் முறுகல் நிலை ஏற்பட்டது. இதனையடுத்து, படையினர் மீது தாக்குதல் நடத்த முயற்சித்ததாக குற்றம் சுமத்தப்பட்டு சுமார் நூறு பேர் வரை கைது செய்யப்பட்டனர். இவ்வாறு கைது செய்யப்பட்டவர்களை விடுவிக்ககோரியே ஆர்ப்பாட்டத்தில் ஈடுபட்டுள்ளனர். இதேவேளை கைது செய்யப்பட்டவர்கள் இன்று யாழ். நீதிமன்றில் ஆஜர் படுத்தப்பட்டதாகவும் தெரிய வருகிறது.

ஆவணி 23, 2011

வதந்திகளை நம்பாதீர், போராளிகளின் முதுகெலும்பு உடைந்துவிட்டது - சயிப் அல் இஸ்லாம் கடாபி _

லிபிய தலைநகரைக் கைப்பற்றிவிட்டதாகவும், கடாபி தலைமறைவாகியுள்ளதாகவும், அவரது மகன்மார் கைது செய்யப்பட்டுள்ளதாகவும் தகவல்கள் வெளியாகி வருகின்றன. இந்நிலையில் நேற்று கைது செய்யப்பட்டதாகக் கருதப்பட்ட கடாபியின் மகன்மாரில் ஒருவரான சயிப் அல் இஸ்லாம் நேற்றிரவு தனது ஆதரவாளர்களையும், ஊடகவியலாளர்களையும் திரிபோலியில் உள்ள ரிக்சொஸ் விடுதியில் சந்தித்துள்ளார். இதன்போது, "கடாபி பத்திரமாக உள்ளாரா...?" என ஊடகவியலாளர்கள் எழுப்பிய கேள்விக்கு, "ஆம் பத்திரமாக உள்ளார்..." என அவர் பதிலும் அளித்துள்ளார். தனது கைது தொடர்பில் கருத்து வெளியிட்டுள்ள அவர், தாம் போராளிகளின் முதுகெலும்பை உடைத்து விட்டதாகவும், தங்களில் எவரும் கைது செய்யப்படவில்லையெனவும் அது வெறும் பிரசாரப் பொறியெனவும் தெரிவித்துள்ளார். மேலும் இது தமது நாடு எனவும் இதை மீட்க இறுதி வரை போராடப் போவதாகவும் அவர் சூளுரைத்துள்ளார். கடந்த ஞாயிறன்று சர்வதேச குற்றவியல் நீதிமன்றமும் சயிப் கைதுசெய்யப்பட்டதாக உறுதி செய்திருந்தது. இச்சம்பவமானது அங்கிருந்து வரும் தகவல்களின் நம்பகத்தன்மையை கேள்விக்குறியாக்கியுள்ளது.

ஆவணி 23, 2011

புத்தளத்தில் பதற்றம் தணிவு; பலத்த பாதுகாப்பு

பொலிஸ் மா அதிபர் நேரில் விஜயம்; சம்பவங்கள் தொடர்பில் விசாரணை

புத்தளத்தில் நேற்று முன்தினம் இரவு இடம்பெற்ற பதற்ற நிலைமைகளையடுத்து பொலிஸ்மா அதிபர் என். கே. இலங்கக்கோன் தலைமையிலான உயரதிகாரிகள் அடங்கிய குழுவினர், நேற்று நேரில் சென்று நிலைமைகளை ஆராய்ந்தனர். புத்தளத்துக்கு நேரடியாகச் சென்ற பொலிஸ்மா அதிபர், சம்பவம் நடைபெற்ற இடங்களைப் பார்வையிட்டதுடன், புத்தளம் பொலிஸ் அத்தியட்சகர் அலுவலகத்தில் பாதுகாப்பு ஏற்பாடுகள் தொடர்பாக விசேட கூட்டமொன்றை நடத்தியிருந்தார். இதன்போது அந்தப் பிரதேசத்தின் பாதுகாப்புத் தொடர்பில் பல்வேறு ஆலோசனைகளையும், அறிவுறுத்தல்களையும் வழங்கினார். அதேநேரம், புத்தளத்தில் இடம்பெற்ற இருவேறு சம்பவங்கள் தொடர்பில் ஆராய்ந்து அறிக்கையொன்றை சமர்ப்பிக்கும் நோக்கில் கொழும்பிலிருந்து விசேட புல னாய்வுப் பிரிவுக் குழுவொன்று அனுப்பி வைக்கப்பட்டிருப்பதுடன், பிரதேச பொலிஸ் அத்தியேட்சர்கள் தலைமையில் மேலும் இரு குழுக்கள் நியமிக்கப் பட்டுள்ளன. (மேலும்...)

ஆவணி 23, 2011

தமது ஆட்சி முடிவுக்கு வந்ததை கடாபி உணர வேண்டும் - ஒபாமா

சரணடையப்போவதில்லை - ஜனாதிபதி கடாபி

தமது ஆட்சி முடிவுக்கு வந்ததை முஅம்மர் கடாபி உணர வேண்டும் என அமெரிக்க ஜனாதிபதி பராக் ஒபாமா குறிப்பிட்டு ள்ளார். திரிபோலியை கிளர்ச்சி ப்படை கைப்பற்றியதைத் தொடர்ந்து, வெள்ளை மாளிகையிலிருந்து வெளியி டப்பட்ட அறிக்கையில், கடாபி ஆட்சி ஒரு முடிவுக்கு வரும் நிலையில் உள்ளது என்பதை அவர் உணர வேண்டும். லிபியா நாட்டை அவர் கட்டுக்குள் வைக்க தவறிவிட்டார் என்ற உண்மையையும் அவர் தெரிந்து கொள்ள வேண்டும். லிபியா ஜனநாயக பாதைக்கு திரும்பும் வரை நாட்டின் இறையாண்மை, அமைதி மற்றும் பாதுகாப்புக்கு முக்கியத்துவம் தந்து கிளர்ச்சிப் படையின் மாற்று கெளன் ஸில் அமைப்பு செயல்பட வேண்டு மென்றும், நிலைமை¨ ய

புரிந்து கொண்டு அதிகாரத்தை மாற்று கெளன்ஸிலிடம் ஒப்படைக்க கடாபி தாமாக முன்வர வேண்டுமென்றும் அந்த அறிக்கையில் கூறப்பட்டுள்ளது. இதேவேளை, கிளர்ச்சியாளர்களிடம் ஒரு போதும் சரணடையப் போவதில்லை என்றும், லிபிய தலைநகர் திரிபோலியை விட்டுக் கொடுக்கப்போவதில்லை என்றும் ஜனாதிபதி கடாபி தெரிவித்துள்ளார். அவர் தரப்பில் வெளியிடப்பட்டுள்ள ஒலி நாடா தகவலில் கடாபி கூறியி ருப்பதாவது:- “ஆக்கிரமிப்பாளர்களிடமும், அவர்களது முகவர்களிடமும் ஒருபோதும் திரிபோலியை கைவிட முடியாது.  போரில் நான் உங்களுடன் இருக்கிறேன் நான் ஒரு போதும் சரணடையப்போவதில்லை. கடவுளின் கிருபையால் நாம் வெற்றி பெறுவோம்” என்று தெரிவித்துள்ளார்.

ஆவணி 23, 2011

அமெரிக்க இரட்டைக் கோபுர தாக்குதல்களுக்கு அல்கொய்தாவுக்கு ஈரானும் சவூதியும் உதவி

அமெரிக்க இரட்டைக் கோபுரத்தின் மீது 9/11 தாக்குதல் நடத்தப்பட்டு 10ஆவது ஆண்டு ஞாபகார்த்த தினம் அனுஷ்டிக்கப் படவுள்ள நிலையில், இத்தாக்குதலை நடத் துவதற்கு அல் கொய்தா போராளிகளுக்கு சவூதி அரேபியாவும் ஈரானும் உதவியதாக புதிய புத்தகமொன்று உரிமை கோருகிறது. மேற்படி இரட்டைக் கோபுரத் தாக்குதல் களுக்கு இந்த இரு நாடுகளும் பகிரங்கமாக எதிர்ப்புத் தெரிவித்திருந்ததுடன் பயங்கரவாதத்துக்கு எதிரான போராட்டத்தை ஆரம் பிக்கப் போவதாக அறிவித்திருந்தனர். இந்நிலையில் அந்தோனி சமர்ஸ் மற்றும் ரொபின் ஸ்வான் ஆகியோரால் எழுதப்ப ட்ட "தி லெவன்த் டே' புத்தகமானது மேற் படி இரு நாடுகளுக்கும் குறிப்பிட்ட தாக்கு தலுடன் தொடர்புள்ளதாக வாதிடுகிறது. (மேலும்...)

ஆவணி 23, 2011

மர்ம மனிதர்களை தண்டிக்கும் பொறுப்பை மக்கள் தங்கள் கையில் எடுக்கலாகாது

மர்ம மனிதன் என்ற போர்வையில் சில சமூக விரோதிகள் நாடெங் கிலும் மேற்கொண்டு வரும், மக்களை அச்சுறுத்தும் நிகழ்வு கள் இப்போது கட்டவிழ்த்து விடப்பட்டுள்ளன. பொலிஸார் மர்ம மனிதர்கள் என்று எவரும் இல்லை, பொதுமக்கள் எதற்கும் அஞ்சாமல் நாளாந்த சகஜ வாழ்க்கையை மேற்கொள்ளுங்கள் என்று அறிவுறுத்தல்கள் விடுத்துள்ள போதிலும், மர்ம மனிதர்கள் என்ற பெயரில் அச்சுறுத்தல்கள் தொடர்ந்தும் நடந்துகொண்டே இருக்கின்றன. கடந்த ஞாயிற்றுக்கிழமை காலையில் கொழும்பு பஞ்சிகாவத்தை பிர தேசத்திலும் ஒரு மர்ம மனிதனின் நடமாட்டம் இருந்ததாகவும், அதனை அன்று அதிகாலையில் தானும் தனது 18 வயது மகளும் நேரில் கண்டதாகவும் ஒரு நடுத்தர வயது குடும்பப் பெண் அறி வித்ததை அடுத்து, அப்பகுதி மக்கள் கம்பு, பொல்லுகளுடன் வீதி யில் இறங்கி அவனை தேட ஆரம்பித்தனர். நல்ல காலம் அவன் அவர்களிடம் சிக்கவில்லை. சிக்கியிருந்தால் மக்களுக்கு இருந்த ஆத்திரத்தில் அவனை அடித்தே கொன்றிருப்பார்கள். (மேலும்...)

ஆவணி 23, 2011

அமெரிக்கா என்றும் கடனில் மூழ்கி விடாது

 “அமெரிக்கா இன்று மட்டுமல்ல இனி எப்போதுமே கடன் நெருக்கடிக்கு ஆளாகாது. அதனால் சீனா தனது முதலீட்டைப் பற்றி கவலை கொள்ள வேண்டியதில்லை” என அமெரிக்க துணை ஜனாதிபதி ஜோபைடன் தெரிவித்தார். சீனாவில் ஐந்து நாள் சுற்றுப் பயணம் மேற்கொண்ட அமெரிக்க துணை ஜனாதிபதி ஜோபைடன் நேற்று முன்தினம் தன் பயணத்தை முடித்துக் கொள்வதற்கு முன் சீனாவின் தொழில் நகரமான செங்டுவில் பேசிய போது கூறியதாவது; பொருளாதார ரீதியில் இப்போதும் அமெரிக்கா தான் மிகப் பெரிய நாடு. சீனாவை விட இரண்டரை மடங்கு பெரிய நாடு. முதலீட்டாளர்களின் பாதுகாப்பான நாடாக இன்றும் அமெரிக்கா தான் உள்ளது. எனினும் “சீனா, அமெரிக்காவில் செய்துள்ள முதலீடு குறித்து கவலை கொண்டிருக்கிறது. அமெரிக்காவின் நிதிச் சொத்துக்களில் 87 சதவீதமும், நிதியமைச்சக கடன் பத்திரங்களில் 69 சதவீதமும் அமெரிக்கர்களிடம் தான் இருக்கிறது. அமெரிக்காவின் மொத்த நிதி சொத்துக்களில் சீனாவிடம் இருப்பது வெறும் 1 சதவீதம் தான். கடன் பத்திரங்களில் சீனாவிடம் இருப்பது வெறும் 8 சதவீதம் தான் என்பதை நினைவூட்டுகிறேன். அதனால் உங்களை மட்டுமல்ல, அமெரிக்க முதலீட்டாளர்களையும் பாதுகாப்பது தான் எங்கள் நோக்கம். அமெரிக்கா ஒரு போதும் கடன் நெருக்கடியில் சிக்கி மூழ்கி விடாது என்றார்.

ஆவணி 23, 2011

அமெரிக்கா ஒரு செல்வந்த நாடு ஆனால் அமெரிக்கர்கள் கடனாளிகள்

அமெரிக்கா உலகிலேயே முன்னணியில் திகழும் ஒரு செல்வந்தநாடு. ஆனால், அமெரிக்கர்கள் செல்வ செருக்கோடு வாழ்ந்தாலும் அவர்களை செல்வந்தர்களாக நாம் கருதமுடியாது. ஒரு சராசரி அமெரிக்க ரிடம் வசதியான வீடு இருக்கும். ஒரு நல்ல வாகனம் இருக்கும். வீட்டிற்குத் தேவையான சகல மின்னியல் உபகரணங்களும் இருக்கும். அவர்களின் பிள்ளைகள் பல்கலைக் கழகங்களில் பெருமளவு கட்டணத்தைச் செலுத்தி உயர் கல்வியைப் பெற்றுக்கொள்கிறார்கள். அவர்களிடம் இந்த வசதிகள் அனைத்தும் இருந்தாலும் வட்டிக்கு வாங்கும் கடன் மூலமே இந்த சலுகைகளை அனுபவித்து வருகிறார்கள். மாத இறுதியில் சம்பளம் கிடைத்தவுடன் இந்தக் கடனை செலுத்திய பின்னர் ஒரு சொச்சத் தொகையை வைத்தே அவர்கள் அடுத்த மாதத்தை ஒப்பேற்ற வேண்டிய நிலையில் இருக்கிறார்கள். (மேலும்...)

ஆவணி 23, 2011

அமைச்சர் பீலிக்ஸ் தலைமையில் விசேட குழு

மூடநம்பிக்கைகள், போலி கட்டுக்கதைகள், அச்சுறுத்தலை ஏற்படுத்தக்கூடிய வதந்திகளை பரப்பும் சமூகவிரோதிகளை இனங்கண்டு அவர்களுக்கு எதிராக நடவடிக்கை எடுப்பதற்காக சமூக சேவைகள் அமைச்சர் பீலிக்ஸ் பெரேரா தலைமையில் விசேட குழுவொன்று நியமிக்கப்படவுள்ளது. சமூக சேவைகள் அமைச்சு, பாதுகாப்பு அமைச்சு ஆகியவற்றின் சிரேஷ்ட அதிகாரிகளையும் சகல பிரதான மதத் தலைவர்களையும் உள்ளடக்கும் வகையிலேயே இந்த விசேட குழு அரசாங்கத்தினால் நியமிக்கப்படவுள்ளது. மர்ம மனிதன் என்ற ஆதாரமற்ற மக்களிடையே இன்று வலுவூன்றியிருக்கும் மூடநம்பிக்கை டெங்கு நோயைவிட ஆபத்தானதாகும். அதனால் நாட்டில் அமைதி யின்மையும், கலவரங்களும் ஏற் பட்டு மக்களுக்குப் பெரும் தீங்கிழைக்க முடியும் என்று அமைச்சர் பீலிக்ஸ் பெரேரா தெரிவித்துள்ளார். புத்த பெருமான் மஹி யங்கனை பெளத்த விகாரைக்குச் சென்று அப்பகுதியிலிருந்த பேய்களை விரட்டி யடித்தார். அதையடுத்து இலங்கையில் பேய்கள் எதுவும் இல்லை என்றும் தெரிவித்த அமைச்சர், எங்கள் நாட்டில் பேய்கள் இருந்தால் பிரபாகரன் போன்ற தொரு பயங்கரவாதத் தலைவன் தோன்றியிருக்க முடியாதென்றும் கூறினார்.

ஆவணி 23, 2011

நாட்டின் அதிவேக நெடுஞ்சாலை செப்டம்பர் 2 ஆம் திகதி முதல் பொதுமக்கள் பாவனைக்கு

கொட்டாவையிலிருந்து மாத்தறை வரையான 132 கிலோ மீற்றர் பாதை ஜப்பான் நாட்டு நட்புறவு நிதியத்தின் உதவித் திட்டத்தின் கீழ் 2005 ஆம் ஆண்டு செப்டெம்பர் மாதம் மீண்டும் உத்தியோகபூர்வமாக ஆரம்பித்து வைக்கப்பட்டது. இதனூடாக வெளிநாடுகளுக்கு மாத்திரமே உரித்தாகவிருந்த அதிவேக நெடுஞ்சாலை எமது நாட்டின் கனவும் நனவாக ஆரம்பித்ததோடு இதற்காக 2000 கோடி ரூபா செலவாகுமென மதிப்பிடப்பட்டிருந்தது. இவ்வாறு ஆரம்பிக்கப்பட்ட நிர்மாணப் பணிகள் கட்டம் கட்டமாக ஆரம்பிக்கப்பட்டு முதல் கட்டமாக காலி வரைக்கும் நிர்மாணிக்கப்பட்டுள்ளதோடு ஒவ்வொரு கட்டத்திற்கும் ஆசிய அபிவிருத்தி வங்கி மற்றும் சீன நாட்டு ஏற்றுமதி இறக்குமதி வங்கி ஆகியன இத்திட்டத்திற்கு உதவியுள்ளமையும் இதன் விசேட அம்சமாகும். இந் நெடுஞ்சாலையின் விசேட அம்சமாவது எல்லா பிரதேசங்களிலிருந்து இப்பாதைக்கு பிரவேசிக்கவும் வெளியேறவும் முடியாது. குறிப்பிட்ட சில பிரதேசங்களிருந்து மாத்திரமே உட்பிரவேசிக்கவும், வெளியேறவும் முடியும். (மேலும்...)

ஆவணி 22, 2011

மர்ம மனிதனால் புத்தளம், மன்னாரில் பதற்றம்; வன்முறைகளில் கான்ஸ்டபிள் பலி; பலர் காயம்

புத்தளம் மணல்குன்று பிரதேசத்தில் நேற்றிரவு மர்ம மனிதர்கள் ஊடுருவியுள்ளதாக தக வல் பரவியதையடுத்து ஏற்பட்ட பதற்ற நிலை மற்றும் வன்முறைச் சம்ப வங் களி ன்போது பொலிஸ் கான்ஸ்டபிள் ஒருவர் உயிரிழந்துள்ளதுடன் ஐவர் படுகாயம் டைந்துள்ளனர். இதேவேளை, மன்னார் பேசாலைப் பகுதியில் வீடுகளுக்குள் நுழைய முற்பட்ட மர்ம மனி தர்களை துரத்திச் சென்ற பொதுமக்களுக்கும் பாதுகாப்புத் தரப்பினருக்கும் இடையில் ஏற்பட்ட முறுகல் நிலை காரணமாக சிறுவர்கள் பெண்கள் உட்பட பலர் காயமடைந்துள்ளனர். புத்தளத்தில் களேபரம் புத்தளம் நகர சபைக்குட்பட்ட மணல் குன்று கிராமத்தில் மர்ம மனிதர்கள் இருவர் பிரவேசித்துள்ளதாக தகவல் பரவியதையடுத்து குறித்த நபர்களை தேடிச் சென்ற பொது மக்களுக்கும் கடமையிலிருந்த பொலிஸாருக்குமிடையில் முறுகல் நிலை ஏற்பட்டது. இதனையடுத்து அங்கு இடம்பெற்ற துப்பாக்கிச் சூட்டுச் சம்பவத்தில் ஐவர் படுகாயமடைந்து புத்தளம் தள வைத்தியசாலையில் அனுமதிக்கப்பட்டனர்து இவர்களுள் நால்வர் மேலதிக சிகிச்சைகளுக்காக சிலாபம் மாவட்ட வைத்தியசாலைக்கு மாற்றப்பட்டுள்ளனர். (மேலும்....)

ஆவணி 22, 2011

Canada

Federal NDP Leader Jack Layton dies after second cancer battle

Federal NDP(Leftist) Leader Jack Layton has died.The party issued a statement this morning, just weeks after a gaunt Layton held a news conference to announce he was fighting a second bout of cancer. The party says Layton died peacefully at 4:45 a.m. ET today at his Toronto home, surrounded by family and loved ones. Funeral details have not yet been announced.

 

 

ஆவணி 22, 2011

புளொட்டிலிருந்து தீப்பொறி வரையான எனது அனுபவப் பகிர்வுகள் (பாகம் 16)

(நேசன்)

இந்தியாவிலிருந்து பயிற்சி முடித்து யாழ்ப்பாணம் அனுப்பி வைக்கப்பட்டவர்களுக்கு அவர்கள் செலவுகளுக்கு பணமும் அவர்கள் பாதுகாப்புக்கென ஆயுதங்களும் வழங்கப்படும் என்று உமாமகேஸ்வரன் உறுதியளித்திருந்தார். இதனால் இராணுவப் பயிற்சி முடித்து வந்தவர்கள் தமது செலவுகளுக்கு பணமும் தமது பாதுகாப்புக்கு ஆயுதமும் தருமாறு தளத்தில் செயற்பட்டு வந்த மத்தியகுழு உறுப்பினர்களிடமிருந்து எதிர்பார்த்திருந்தனர். தளத்தில் அவர்களது செலவுகளுக்கு பணம் கொடுக்கப்பட்டதே ஒழிய, பாதுகாப்புக்கென ஆயுதங்கள் வழங்கப்பட வில்லை. ஏனெனில், அப்பொழுது புளொட்டிடம் பெருமளவுக்கு மக்கள் பலம் இருந்தது. மக்கள் அமைப்புக்கள், மாணவர் அமைப்பு, மகளீர் அமைப்பு, தொழிற்சங்க அமைப்பு என மக்களை போராட்டத்துக்காக அணிதிரட்டிக் கொண்டிருந்தோம். ஆனால் அன்று புளொட்டிடம் ஒரு சில ஆயுதங்கள் மட்டுமே இருந்தன. அன்றிருந்த ஒரு சில ஆயுதங்களை கொண்டுதான் பார்த்தன் மட்டக்களப்பில் தாக்குதல்களை நடத்த திட்டமிட்டிருந்தார். (மேலும்....)

ஆவணி 22, 2011

ஊழலுக்கு எதிராக ஹசாரே நடத்தும் போராட்டத்தின் தாக்கம் இலங்கையிலும்

இந்தியாவில் ஊழல் மோசடிக்கு எதிராக காந்தியவாதி அன்னா ஹசாரே நடத்திவரும் உண்ணாவிரதப் போராட்டத்தின் தாக்கம் இலங்கையிலும் ஏற்பட்டிருப்பதற்கான அறிகுறிகள் வெளிப்பட்டுள்ளன. முன்னாள் உயர்நீதிமன்ற நீதியரசர் சரத் என் சில்வா ஊழலுக்கு எதிராக மக்கள் எழுச்சிபெறுவது அவசியம் என்று அழைப்பு விடுத்திருக்கின்றார்.
ஊழல் மோசடிகள் சகல மட்டத்திலும் காணப்படுவதாக சரத் என் சில்வா ஆங்கில வாரப் பத்திரிகையொன்றுக்கு அளித்துள்ள பேட்டியில் குறிப்பிட்டிருக்கின்றார். கிராமசேவகர் அல்லது பொலிஸ் கான்ஸ்டபிள் மட்டத்திலிருந்து சகல மட்டங்களிலும் ஊழலுக்கு எதிரான நடவடிக்கைகளை மேற்கொள்ள முடியும். ஆனால், உயர்மட்டங்களில் இரகசியமான வடிவத்தில் அதிகளவு இவை இடம்பெறுகின்றன. அவற்றைச் சுலபமாகக் கண்டுகொள்ள முடியாது. தேர்ந்தெடுக்கப்பட்ட கொள்வனவாளர்களுக்குப் பொருத்தமான முறையில் கேள்வி மனுக்கோரலில் விசேடப்படுத்தல்கள் இடம்பெறுவது தனிப்பட்ட முறையில் எனக்குத் தெரியும். அதனால் ஏற்படும் பாதிப்புகள் அறியப்படும்வரை இந்த நடவடிக்கைகளை ஒருவராலும் பார்க்க முடியாது என்று சரத் என் சில்வா கூறியுள்ளார். (மேலும்....)

ஆவணி 22, 2011

மர்ம மனிதன் அட்டகாசம் நாடெங்கிலும் தொடர்கிறது

எவ்வளவுதான் பொலிஸார் உண்மைத் தகவல்களை எடுத்துரைத்தாலும், மர்ம மனிதர்களின் நடமாட்டம் தொடர்ந்தும் நாட்டின் நாலா பக்கங்களிலும் இடம்பெற்று வருவதாக எமது பிராந்திய செய்தியாளர்கள் அறிவித்தவண்ணம் இருக்கிறார்கள். சில சமூகவிரோதிகளும் திருடர்களும் பெண் பித்தர்களுமே இவ்விதம் பதற்ற நிலையை நாடெங்கிலும் ஏற்படுத்தி வருகிறார்கள் என்று பொலிஸார் கூறுகின்ற போதிலும், இப் போது நிலைமை மேலும் மோசம டைந்து வருவதாக எமக்கு கிடைக்கும் தகவல்கள் சான்று பகர்கின்றன. (மேலும்....)

ஆவணி 22, 2011

ஊறணிச் சம்பவத்துடன் தமிழ்த் தேசியக் கூட்டமைப்பை தொடர்புபடுத்துவது விஷமத்தனம் நிறைந்ததாகும் சட்ட நடவடிக்கை எடுப்பது குறித்தும் ஆராய்வு

தமிழ்த்தேசியக் கூட்டமைப்பு தொடர்பில் காத்தான்குடி நகரசபை தலைவர் தெரிவித்திருக்கும் கருத்துக்கு எதிராக தமிழ்த் தேசியக் கூட்டமைப்பு சட்ட நடவடிக்கை எடுப்பது குறித்த ஆராய்ந்து வருவதாகக் கூட்டமைப்பு விடுத்துள்ள அறிக்கையில் தெரிவிக்கப்பட்டுள்ளது. கடந்த 17.08.2011 ஆம் திகதியன்று பிற்பகல் மட்டக்களப்பு ஊறணியில் மர்மமனிதனின் கீறல் காயத்துக்கு பெண் ஒருவர் உள்ளானதாகவும், இதனை அடுத்து அந்த பகுதி மக்கள் வீதிகளில் இறங்கி ஆர்ப்பாட்டங்களில் ஈடுபட்டதாக நாம் அறிந்தோம். நாங்கள் அங்கு சென்ற போது ஒரு பதற்ற நிலை காணப்பட்டது. மக்கள் மத்தியில் அச்சநிலை காணப்பட்டது. பொலிஸாரும் இராணுவமும் அங்கு காணப்பட்டார்கள். இவ்வேளை எங்களுக்கு முன்னதாக அந்த இடத்தில் கிழக்கு மாகாண சபை உறுப்பினரான தமிழ் மக்கள் விடுதலை புலிகள் கட்சியை சேர்ந்த பூ.பிரசாந்தன் தனது வாகனத்துடன் காணப்பட்டார். ஐக்கிய தேசியக் கட்சி மாகாணசபை உறுப்பினர் அ.த.மாசிலாமணியும் அங்கு வந்திருந்ததை எங்களால் காணமுடிந்தது.
ஊறணி சம்பவத்தின் போது தமிழ்த் தேசியக் கூட்டமைப்பு பாராளுமன்ற உறுப்பினர்கள் வந்து நின்று பொலிஸாரையும் இராணுவத்தையும் தாக்குங்கள் என்று கூறியதை தான் நேரில் கண்டதாகவும் ஊடகங்களுக்கு தெரிவித்துள்ளார். இக் கருத்தானது மிகவும் பாதகமான கருத்து என்றே நாம் கருதுகின்றோம். (மேலும்....)

ஆவணி 22, 2011

ஒற்றுமையின்மையால் சீர்குலையும் நிலையை ஐ.தே.க. நெருங்கிக்கொண்டிருக்கிறது

ஐக்கிய தேசியக் கட்சி இன்று எல்லோரும் பார்த்து கேலி, கிண்டல் செய்யும் ஒரு கட்சியாக மாறிக்கொண்டிருக்கிறது. கட்சித் தலைவர் ரணில் விக்கிரமசிங்க கட்சி சட்ட விதிகளுக்கு மாறாக நடந்துகொண்டார் என்று கூறி பாராளுமன்ற உறுப்பினர்களான ரோசி சேனாநாயக்க, சுஜீவ சேரசிங்க, தினேஷ் கங்கந்த, புத்திக பத்திரண ஆகியோருக்கு எதிராக ஒழுக்காற்று நடவடிக்கை எடுத்திருக்கிறேன் என்று பகிரங்கமாக அறிவி த்துள்ளார். கடிதங்கள் மூலம் இது குறித்து சம்பந்தப்பட்ட நால்வரிடமிருந்து விளக்கமும் கேட்டிருப்பதாக ரணில் விக்கிரமசிங்க கூறுகிறார். ஆனால், ரோசி சேனாநாயக்கவும் ஏனைய மூவரும் அப்படியான ஒரு கடிதம் தங்களுக்கு கிடைக்கவில்லை என்று அடித்து மறுப்புக் கூறுகின்றனர். இதுபற்றி சஜித் பிரேமதாசவிடம் வினவியபோது, கட்சியின் செயற்குழுக் கூட்டத்தில் எந்தவொரு பாராளுமன்ற உறுப்பினருக்கு எதிராகவும் ஒழுங்கு நடவடிக்கை எடுப்பது என்ற தீர்மானம் எடுக்கப்படவில்லை என்று மறுப்பு தெரிவித்துள்ளார்.

ஆவணி 22, 2011

வடகொரிய ஜனாதிபதி கிம் 9 ஆண்டுகளுக்கு பின் ரஷ்யா பயணம்

வடகொரியா ஜனாதிபதி கிம் ஜோங் இல் தனி ரயில் மூலம் ரஷ்யாவின் கிழக்கு பகுதியில் உள்ள காசன் நகருக்கு சென்றார். அங்கு அவருக்கு வரவேற்பு அளிக்கப்பட்டது. கிழக்கு சைபீரியாவில் உள்ள 3 வது பெரிய நகரான உலான் உடே நகரில் அவர் ரஷ்ய ஜனாதிபதி டிமிட்ரி மெட்வடேவை சந்தித்து பேசவுள்ளார். கடந்த 9 ஆண்டுகளில் இப்போது தான் முதல் முறையாக வட கொரிய ஜனாதிபதி கம் ரஷ்யாவுக்கு செல்கிறார். அவர் ரஷ்யாவில் ஒரு வாரம் தங்கி இருப்பார் என்று தெரிகிறது. கடந்த ஒரு ஆண்டு காலத்தில் அவர் சீனாவுக்கு 3 முறை சென்றார். அதன் பின்னர் அவர் இப்போது ரஷ்யாவுக்கு சென்று இருக்கிறார். பேரழிவை ஏற்படுத்திய வெள்ளம், பொருளாதாரத் தடை ஆகியவை காரணமாக பெரும்பாதிப்புக்கு உள்ளான வடகொரியாவுக்கு இப்போது பொருளாதார உதவி தேவைப்படுகிறது. இதன் காரணமாக தான் அவர் ரஷ்யாவுக்கு சென்று இருக்கிறார் என்று கூறப்படுகிறது.

ஆவணி 22, 2011

அன்னா ஹசாரேயால் மத்திய அரசு தடுமாற்றம்; ஊழல் எதிர்ப்புக்கு மக்கள் அமோக ஆதரவு

ஊழலுக்கு எதிராக அன்னா ஹசாரே மேற்கொண்டுள்ள உண்ணாவிரத போராட்டத்தால் எந்த முடிவும் எடுக்க முடியாமல் இந்திய மத்திய அரசு திணறிப்போயுள்ளது. ஊழல் எதிர்ப்புக்கு மக்கள் அமோக ஆதரவு தெரிவித்து வருவதும் மத்திய அரசுக்கு நெருக்கடியை ஏற்படுத்தியுள்ளது. பாராளுமன்றத்தில் பலமான லோக்பால் மசோதாவை நிறைவேற்ற வலியுறுத்தி காந்தியவாதி அன்னா ஹசாரே மேற்கொண்டுள்ள உண்ணாவிரத போராட்டம் ஐந்தாவது நாளாக நேற்றும் தொடர்ந்தது. நாட்டின் பல்வேறு பகுதிகளில் இருந்தும் திரண்டு வரும் மக்கள் ஹசாரேவுக்கு தங்களது முழு ஆதரவை தெரிவித்து வருகின்றனர். டில்லியில் மட்டுமன்றி நாட்டின் அனைத்து மாநிலங்களிலும் ஊழலுக்கு எதிரான மக்களின் எழுச்சி உச்சக்கட்டத்தை எட்டியுள்ளது. படித்தவர்களும், பணக்காரர்களும் மட்டுமே ஹசாரேயின் போராட்டத்துக்கு ஆதரவு தெரிவிக்கின்றனர் என்ற அரசின் விமர்சனத்தை முறியடிக்கும் வகையில் அனைத்துத் தரப்பு மக்களும், போராட்டத்துக்கு ஆதரவு தெரிவிப்பது மத்திய அரசுக்கு கடும் நெருக்கடியை ஏற்படுத்தியுள்ளது. (மேலும்....)

ஆவணி 22, 2011

திருவனந்தபுரம் பத்மநாபசாமி கோவில் இரகசிய அறையில் இருந்து கடலுக்கு சுரங்கப்பாதையா?

திருவனந்தபுரத்தில் உள்ள பிரசித்தி பெற்ற பத்மநாபசாமி கோவிலில் உள்ள 6 ரகசிய அறைகளை திறந்து அங்கிருக்கும் நகை மற்றும் பொருட்களை மதிப்பீடு செய்து அறிக்கை அளிக்க உச்ச நீதிமன்றம் ஒரு குழுவை நியமித்து உத்தரவிட்டது. இக்குழுவினர் கோவிலின் 5 அறைகளை திறந்து ஆய்வு செய்ததில் மட்டும் பல லட்சம் கோடி மதிப்பிலான நகைகள் இருந்ததை கண்டனர். அடுத்து அறாவது அறையை திறக்க முயன்றபோது அதற்கு கோவிலை நிர்வகிக்கும் மன்னர் குடும்பத்தினர் எதிர்ப்பு தெரிவித்தனர். இதற்கிடையே கோவிலில் இருந்து கடலுக்கு ஒரு சுரங்கப்பாதை இருப்பதாக பக்தர்கள் மத்தியில் ஒரு தகவல் பேசப்பட்டு வந்தது. தற்போது இந்த சுரங்கப்பாதை திறக்கப்படாத 6வது அறையில் இருந்து தொடங்குவதாகவும் எனவே அந்த அறையை திறக்கக்கூடாது என்றும் சிலர் பேசி வருகிறார்கள். (மேலும்....)

ஆவணி 22, 2011

விண்வெளியில் மேலும் ஒரு புதிய கிரகம் கண்டுபிடிப்பு!

விண்வெளியில் ஆய்வு நடத்த அமெரிக்காவின் நாசா விண்வெளி மையம் கெப்லர் என்ற விண்கலத்தை அனுப்பியுள்ளது. அது விண்ணில் பறந்து ஆய்வு செய்து வருகிறது. இந்நிலையில் தற்போது ஒரு புதிய கிரகம் இருப்பதை கெப்லர் விண்கலம் கண்டுபிடித்து படம் எடுத்து அனுப்பியுள்ளது. அது அளவில் பெரிய கிரகமான வியாழனை விட மிக பெரியதாக உள்ளது. அதற்கு ‘ட்ரெஸ்-2 பி’ என விஞ்ஞானிகள் பெயரிட்டுள்ளனர். இது மஞ்சள் நிறத்திலான நட்சத்திரங்களின் இடையே பதுங்கி கிடக்கிறது. அதன் மீது சூரியனின் 1 சதவீத வெளிச்சம் மட்டுமே விழுகிறது. இதனால் இந்த கிரகம் கரியைவிட மிகவும் கறுப்பு நிறத்தில் உள்ளது. இதன் மேற்பரப்பில் பல கியாஸ் பிரதிபலிக்கின்றன. அதே நேரத்தில் இந்த கிரகம் கடும் வெப்பமாக உள்ளது. இங்கு 1800 பாகை பரனைட் வெப்பம் நிலவுகிறது. அதிலிருந்து வெளியாகும் வெப்ப கதிர்கள் மங்கலான சிவப்பு கதிர்களாக தெரிகிறது. ட்ரெஸ்-2 பி கிரகம் குறித்து கெப்லர் விண்கலம் மூலம் தொடர்ந்து ஆய்வு மேற்கொள்ளப்பட்டு வருகிறது.

ஆவணி 21, 2011

இலங்கைத் தமிழர் விவகாரம்:டில்லியில் மாநாடு 10 தமிழ்க் கட்சிகளுக்கு தனித்தனியே அழைப்பு!

இலங்கைத் தமிழ்க் கட்சிகள் மத்தியில் ஒன்றுபட்ட அரசியல் நிலைப்பாட்டை ஏற்படுத்துவதை நோக்கம்

இந்தியத் தலைநகர் புதுடில்லியில் இந்த வாரம் இலங்கைத் தமிழர்கள் விவகாரம் தொடர்பாக இரு நாள் மாநாடு இடம்பெறவுள்ளது. இம்மாநாட்டில் கலந்துகொள்வதற்கு 10 இலங்கை தமிழ்க் கட்சிகளுக்கு அழைப்புவிடுக்கப்பட்டிருக்கிறது. துயரும் தீர்வும்' என்ற தொனிப்பொருளில் இந்த மாநாடு இடம்பெறவுள்ளது. உலக முன்னேற்றத்திற்கான மனித உரிமைகள் தொடர்பான இந்திய பாராளுமன்ற உறுப்பினர்கள் அமைப்பினால் இந்த மாநாடு ஏற்பாடு செய்யப்பட்டுள்ளது. எதிர்வரும் 23, 24 ஆம் திகதிகளில் பகல் 11 மணி5 மணி வரை இந்த மாநாடு இடம்பெறவிருக்கிறது. தமிழகத்தின் சிவகங்கை தொகுதியைச் சேர்ந்த இராஜ்ஜிய சபா எம்.பி.யான டாக்டர் இ.எம். சுதர்ஷன நாச்சியப்பன் மாநாட்டின் ஏற்பாட்டாளராவார். உலக முன்னேற்றத்திற்கான மனித உரிமைகள் தொடர்பான இந்திய பாராளுமன்ற அமைப்பில் 150 எம்.பி.க்கள் அங்கம் வகிக்கின்றனர். இந்திய பாராளுமன்றத்தின் மக்களவையான லோக்சபா, மாநிலங்கள் அவையான இராஜ்ஜிய சபா ஆகியவற்றின் எம்.பி.க்களே இதில் இடம்பெற்றுள்ளனர். (மேலும்...)

ஆவணி 21, 2011

அதிர்ச்சித் தகவல்களும் அம்பலமாகும் உண்மைகளும்

யாழில் சமூக சீர்கேடுகள் கலாசாரத்தின் ஆணிவேரை அழிக்கின்றனவா?

முப்பது வருடகால யுத்தம், அழுகை, கதறல், ஓலம், ஒப்பாரி என துன்பியல் வாழ்க்கையைக் கடந்து மற்றுமொரு பரிமாணத்தில் குடாநாடு காலடி எடுத்துவைத்திருக்கும் காலம் இது. எதிர்காலத்தை ஏக்கத்தோடு பார்த்த காலம் தள்ளிப்போய் எதிர்பார்ப்புகளை மனதில் விதைத்து நாளைய பொழுதுகளை நம்பிக்கையோடு எதிர்கொள்ளத் தயாராகியிருக்கிறது நம் தமிழச் சமூகம். இந்நிலையில் யாருக்கும் தெரியாமல் முளைவிட்டு எமது சமூகத்தின் ஆணிவேரையே அசைக்க முற்பட்டுக்கொண்டிருக்கும் புதியதொரு பிரச்சினையாக கலாசார சீர்கேடு மாறியுள்ளது. ஆங்காங்கே நடக்கும் விபச்சாரம், பள்ளிக்குச் செல்லும் இளம் பெண்களின் கர்ப்பம் தரிப்பு வீதம் அதிகரிப்பு, சூறையாடப்படும் சிறுவர் வாழ்க்கை, கயவர்களின் கையில் சிக்கித் தவிக்கும் திருமணமாகாத பெண்கள், தென்னிலங்கை மக்களின் வருகை மற்றும் வெளிநாட்டு மோகம் ஏற்படுத்தியுள்ள நாகரிகத் தாக்கம் என இதனை நாம் அடுக்கிக்கொண்டே போகலாம். (மேலும்...)

ஆவணி 21, 2011

இந்தியாவை மிரட்டும் இலங்கை அரசின் துருப்புச் சீட்டு குமரன் பத்மநாதன்

இந்தியாவை மிரட்டும் இலங்கை அரசின் துருப்புச் சீட்டு குமரன் பத்மநாதன் என ராஜீவ்காந்தி கொலை வழக்கில் மத்திய குற்றப்புலனாய்வு துறை ஆய்வாளராக செயற்பட்ட முன்னாள் அதிகாரி மோகன்ராஜ் தெரிவித்துள்ளார். மேலும் ராஜீவ் காந்தி கொலைவழக்கில் விசாரிக்க வேண்டிய மிக முக்கிய நபர்களென சந்திரசுவாமி சுப்பிரமணிய சுவாமி குமரன் பத்மநாதன் ஆகியோரைக் குறிப்பிடுகின்றார். இவர்கள் கைது செய்யப்பட்டு நீதியான விசாரணை மேற்கொள்ளப்படும் போது அக்கொலைவழக்கில் குற்றம் சாட்டப்பட்டுள்ளவர்களை விட பாரதூரமான குற்றவாளி களான பலர் அகப்பட்டுக் கொள்ளும் வாய்ப்பு உள்ளதாகவும் குறிப்பிடுகின்றார். (மேலும்...)

ஆவணி 21, 2011

தீவுப் பகுதிகளில் சிங்கள மீனவர் குடும்பங்களை குடியமர்த்த முயற்சி

யாழ். குடாநாட்டின் தீவுப் பகுதியை நோக்கி தெற்கின் கவனம் திரும்பியுள்ள நிலையில் உள்ளூர் மீனவர்களிடையே அச்சமான சூழல் எழுந்துள்ளது. அண்மையில் புங்குடுதீவை வந்தடைந்த தெற்கு பெரும்பான்மையின மீனவர்கள் தொடர்ந்தும் அங்கு தங்க வைக்கப்பட்டிருப்பதாக உள்ளூர் மீனவர்களிடையே சந்தேகம் தொடர்கின்றது. அதேவேளை நெடுந்தீவிற்கும் தெற்கு மீனவர்கள் வருகை தரவுள்ளதாக வெளியாகியுள்ள தகவல்கள் அங்கும் குழப்பகரமான சூழலொன்றை ஏற்படுத்தியுள்ளது. (மேலும்...)
 

ஆவணி 21, 2011

வெளிநாடுகளில் வாழ்ந்து வரும் புலி உறுப்பினர்கள் தொடர்ந்தும் ஆயுதக் கொள்வனவில் ஈடுபட்டு வருவதாக அமெரிக்க ராஜாங்கத் திணைக்களம் அறிவித்துள்ளது!

வெளிநாடுகளில் வாழ்ந்து வரும் புலி உறுப்பினர்கள் தொடர்ந்தும் ஆயுதக் கொள்வனவில் ஈடுபட்டு வருவதாக அமெரிக்க ராஜாங்கத் திணைக்களம் அறிவித்துள்ளது. புலம்பெயர் தமிழ் மக்கள் தொடர்ந்தும் புலிகளுக்கு நிதி உதவிகளை வழங்கி வருவதாக தெரிவிக்கப்படுகிறது. 2010ம் ஆண்டுக்கான அமெரிக்க ராஜாங்கத் திணைக்களத்தின் பயங்கரவாதம் தொடர்பான அறிக்கையில் இந்த விடயங்கள் குறிப்பிடப்பட்டுள்ளன. எவ்வாறெனினும், 2010ம் ஆண்டில் இலங்கையில் எதுவித பயங்கரவாத நடவடிக்கைகளும் இடம்பெறவில்லை என தெரிவிக்கப்பட்டுள்ளது. புலிகள் அமைப்பினை அமெரிக்கா தொடர்ந்தும் பயங்கரவாத இயக்கமாக அறிவித்துள்ளது. (மேலும்...)

ஆவணி 21, 2011

சுரேஷ் பிரேமச்சந்திரனும் வருடாந்த மாநாடும் – கற்றவை குறித்த குறிப்புக்கள்

(சபா நாவலன்)

80 களில் இந்திய அரசு ஈழ விடுதலை இயக்கங்களுக்கு இராணுவப் பயிற்சி வழங்குவதற்கு சற்று முற்பட்ட காலப்பகுதியில் தேசிய இன ஒடுக்கு முறைக்கு எதிரான மக்கள் இயக்கங்களின் நம்பிக்கை தரும் ஆரம்ப நிலை வளர்ச்சி அதிகார வர்க்கத்தை அச்சுறுத்தியது. சிறு குழுக்கள் மக்கள் திரள் அமைப்புக்களை உருவாக்கின. எழுச்சி மிக்க மாணவர் போராட்டங்கள், ஆரோக்கியமான கருத்து மோதல்கள், கிராமப் புறங்களில் உருவான வெகுஜன அமைப்புக்கள் என்பன எல்லாம் சமூகத்தில் சிந்தனை மாற்றத்தை ஏற்படுத்தும் இயக்கங்களாக அமைந்தன. இவற்றில் குறிப்பாக ஈழமக்கள் புரட்சிகர விடுதலை முன்னணி (E.P.R.L.F) சமூக இயக்கத்தில் குறித்துக்காட்டத்தக்க பாத்திரத்தை வகித்திருந்ததை யாரும் மறுக்க முடியாது. (மேலும்...)

ஆவணி 21, 2011

பிரபாகரன் உயிருடன் இருந்தால் கொழும்பு - 7 உள்ள வீடொன்றில் இருந்திருப்பார் - பொன்சேக்கா!

தனது சிறைக்கூடத்திற்கு மின்விசிறியொன்றை பொறுத்துவதற்கு நீதிமன்ற உத்தரவை பெற நேரிட்ட போதிலும் கே.பியை கொழும்பு - 7 உள்ள வீடொன்றில் வைத்து தாலாட்டி வருவதாக முன்னாள் இராணுவத் தளபதி சரத்பொன்சேக்கா தெரிவித்துள்ளார். உடற்கூற்று சிகிச்சைகளுக்காக கொழும்பில் உள்ள தனியார் வைத்தியசாலை ஒன்றுக்கு அழைத்துவரப்பட்ட போதே அவர் இதனைக் கூறியுள்ளார். பிரபாகரன் உயிருடன் இருந்தால் அவரும் கொழும்பு – 7 இல் உள்ள வீடொன்றில் இருந்திருப்பார் என தெரிவித்த சரத் பொன்சேக்கா இராணுவ வீரர்கள் இது தொடர்பில் நன்கு அறிந்திருக்க வேண்டும் என குறிப்பிட்டுள்ளார்.

ஆவணி 21, 2011

கனடா - ரொறன்ரோ நகரில் வளரும் தொழிலதிபராகத் திகழ்ந்த மார்க் பகவத்சிங் அகாலமரணமானார்

கனடா - ரொறன்ரோ நகரில் தொழிலதிபராக வளர்ந்துவந்த இளந்தமிழ்மகன் மார்க் பகவத்சிங் கடந்த 18 -ம் திகதி (18 - 08 - 2011) வியாழக்கிழமை அகாலமரணமானார். கட்டிடமொன்றில் ஏணிமீது நின்று தமது வேலைகளை மேற்பார்வைசெய்யும் வேளை தவறி விழுந்து காலமானார் எனத் தெரியவருகிறது. எம் மக்கள் மத்தியில் கடின உழைப்பின்மூலம் தொழிலதிபராக முன்னேறிவந்தவர் மார்க் பகவத்சிங். கட்டிட நிர்மாண நிறுவனத்தின் (Markwood  Construction) அதிபராகத் திகழ்ந்தவர். சிரித்த முகத்தோடு அன்பொழுகப் பழகுவதோடு, சமூகநலன்களுக்கும், கலை இலக்கியச் செயற்பாடுகளுக்கும் உதவுவதில் பின்னிற்காத இனிய சுபாவமுடையவர். இலங்கையின் வடபுலத்தில், மார்க்சிச தத்துவ அரசியல் வழிவந்தவரும், தீண்டாமை ஒழிப்பு வெகுஜன இயக்க மூத்த தோழருமான யாழ் -நாவாந்துறையைச் சேர்ந்த சூசை மார்க் அவர்களின் மூத்த புதல்வர்தான் பகவத்சிங். இவரது இழப்பு எம் மக்கள் மத்தியில் முற்போக்கு சக்திகளுக்கும், கலை இலக்கியச் செயற்பாட்டாளர்களுக்கும் பேரிழப்பாகும். அவரோடு பழகிய இனிய காலங்கள் என்றும் மனதில் நிலைத்து நிற்கும்.

வி. ரி. இளங்கோவன் (பிரான்ஸ்)

ஆவணி 21, 2011

ஆர்க்டிக் கடலில் அதிரடி மாற்றம்! பனி உருகுவது நின்றது?

வெப்பமயமாதல் பிரச்சனையால் பனிக்கட்டிகள் உருகி வழிந்தோடிக் கொண்டிருந்த நிலையில் திடீர் மாற்றம் ஏற்பட்டு இப்போதைக்கு பனி உருகுவது நின்று போயுள்ளதாக ஆர்க்டிக் கடல் பகுதி பற்றி ஆய்வாளர்கள் கூறியுள்ளனர். ஆர்க்டிக் பனிக்கட்டி உருகுவது பற்றி ஏராளமான ஆய்வுகள் மேற்கொள்ளப்பட்டுள்ளன. இதுவரை இழந்த பனிக்கட்டிகளை மீண்டும் பெற முடியும் என்று சில ஆய்வுகள் தெரிவித்தன. இத்தகைய சாதகமான நிலை உருவாவதற்கான சூழல் ஏற்பட்டாலும், தட்பவெப்ப நிலை மாறினால் மீண்டும் பனிக்கட்டிகள் உருகிவிடும் என்கிறார்கள் புதிய ஆய்வை மேற்கொண்ட சுற்றுச்சூழல் ஆய்வுக்கான தேசிய மையத்தின் ஆய்வுக்குழுவினர். இந்த மையத்தின் பேராசிரியர் ஜென்னிபர் கே ஆய்வுக்குழுவின் தலைவராகப் பொறுப்பேற்றுள்ளார். இவர்களின் ஆய்வுப்படி தற்போதைய தட்பவெப்ப நிலையில் பனிக்கட்டிகள் விரிவடைகின்றன என்பது உண்மைதான். ஆனால், வரும் காலங்களில் வெப்பமயமாதல் பிரச்சனையால் வேகமாக உருகப் போகின்றன என்று தெரியவந்துள்ளது. (மேலும்...)

ஆவணி 21, 2011

யாழ்.கலாசார சீர்கேடுகளுக்கு புலம்பெயர் தமிழர்களும் காரணம்! ???
- மாநகர முதல்வர் யோகேஸ்வரி

யாழ்ப்பாணத்தில் இடம்பெறும் கலாசார சீர்கேடுகளுக்கு புலம்பெயர் தமிழர்களும் பொறுப்புக் கூற வேண்டும் என யாழ். மாநகர சபை முதல்வர் திருமதி யோகேஸ்வரி பற்குணராசா தெரிவித்துள்ளார். சமீப காலமாக யாழ்.நகரத்தில் கலாசார சீர்கேடுகள் குறித்த  பிரச்சினைகள் அதிகரித்து வருகின்றமை தொடர்பில் கேள்வி எழுப்புகையில் அவர் இவ்வாறு குறிப்பிட்டார். யாழ். நகரில் இயங்கும் விடுதிகளில் (லொட்ஜ்)  சட்டவிரோத நடவடிக்கைகள் இடம்பெறுவதாகவும், அந்த விடுதிகளைப் பதிவு செய்வதற்கான சட்ட நடவடிக்கைகளை மேற்கொண்டு வருகின்றோம் எனவும் தெரிவித்தார். (மேலும்...)

ஆவணி 21, 2011

TNA கைப்பற்றிய உள்ளூராட்சி சபைகள் அரசிடமிருந்து நிதியை எதிர்பார்க்கும் சம்பந்தன்:தவறினால் புலம்பெயர் தமிழரிடமிருந்து உதவி பெறப்படும் எனவும் மிரட்டல்!!

அரசாங்கம் தமிழ் மக்களுக் குரிய உரிமைகள் கிடைக்கக் கூடிய வகையிலான தீர்வுத் திட்டங்களை முன்வைத்து பேச்சு(புலி)வார்த்தைகளில் ஈடுபடுமேயானால் நாம் பேச்சுவார்த்தைகளில் கலந்துகொள்ளத் தயாராகவே இருக்கிறோம் என தமிழ் தேசியக் கூட்டமைப்பின் தலைவர் இரா. சம்பந்தன் தெரிவித்தார். உள்ளூராட்சி சபைத் தேர்தலில் வெற்றியீட்டிய தமிழ் தேசியக் (புலி)கூட்டமைப்புப் பிரதிநிதிகளின் பதவியேற்பு நிகழ்வு நேற்று நல்லூரியில் நடைபெற்றது. (மேலும்...)

ஆவணி 20, 2011

பிரபாகரனுக்கு ஒரு முடிவுகட்டி எனது மக்களைக் காப்பாற்றியதற்காக ஜனாதிபதி மகிந்த ராஜபக்ஸவுக்கு நான் நன்றிக்கடன் பட்டுள்ளேன்

(நோயல் நடேசன்)

சுதந்திரம் பெற்ற காலம் முதற்கொண்டே தமிழ் அரசியல்வாதிகள் முன்யோசனையின்றி அதீத ஆர்வத்துடன் ஒரு நெருக்கடியிலிருந்து மற்றொரு நெருக்கடிக்குள் தலையை நுழைத்து தமிழ் சமூகத்தை பாரிய விலை கொடுக்கவேண்டிய நிலைக்குத் தள்ளிவிட்டுள்ளார்கள். நான் ஒருபோதும் சந்தித்திராத மோசமான சூதாட்டக்காரர்கள் இவர்கள்தான். இந்துமத இதிகாசமான மகாபாரதத்தில்கூட, தருமர் தனது மனைவி திரௌபதியை மட்டும்தான் பணயம் வைத்து சூதாடினார், ஆனால்  எங்களின் இந்த அரசியல்வாதிகளோ ஒவ்வொரு தமிழனின் உயிரையும்  பணயம் வைத்து சூதாடுகிறார்கள். அவர்களின் தவறான அரசியல் நிகழ்ச்சித் திட்டங்கள் வடக்கு மற்றும் கிழக்கை 1920ம் காலகட்டத்துக்கு பின்தள்ளியுள்ளது. எங்கள் அரசியல்வாதிகளை மகிழ்வடையச் செய்ய முயன்று தமிழ்மக்கள் பட்ட அவலங்கள் போதாதா? பாராளுமன்ற அங்கத்தவர்களாகவும்,அமைச்சர்களாகவும்,மற்றும் பல்வேறு சிறிய நிருவாகங்களிலும் இருந்துகொண்டு அவர்கள் கொழுத்த காசோலைகளைப் பெற்றுக்கொண்டு அரசாங்கத்தால் வழங்கப்படும் நலன்களை எமது மக்கள் பெறும் அதே வாய்ப்பை வழங்காமல் தங்களை விடுதலை வீரர்கள் எனப்பாசாங்கு செய்துகொண்டு நாளுக்குநாள் அவைகளை கண்டனம் செய்து வருகிறார்கள்.தமிழ்மக்களின் விடுதலையாளர் எனப் பறைசாற்றிக்கொண்டு பிரபாகரன் செய்ததையே சரியாக இவர்களும் செய்கிறார்கள்.(மேலும்...)

ஆவணி 20, 2011

New Delhi conference aims at forging unified political stance among Sri Lankan Tamil parties

Ten Sri Lankan Tamil political parties may seek solace from agony for two days on August 23rd & 24th in the Indian capital of New Delhi. 10 Tamil parties are invited to attend a conference named “Agony & Solace” to be held at New Delhi’s prestigious Constitutional club of India.This move is expected to influence Indian policy makers leading to a possible shift in New Delhi’s approach towards the Lankan Tamil issue. 2 representatives from each Tamil party at leadership level (President&secretary or their nominees) have been invited by PFHRGD to New Delhi.Though ten Tamil parties have been invited it is not clear as to whether all those invited will participate in the New Delhi conference. (more...)

ஆவணி 20, 2011

டான் டிவியின் நேருக்குநேர் நிகழ்ச்சியில் வரதராஜப்பெருமாள்

கொழும்பிலிருந்து ஒளிபரப்பாகும் டான் தொலைக்காட்சியின் நேருக்கு நேர் நிகழ்ச்சியில் முன்னாள் வடக்கு கிழக்கு மாகாண முதலமைச்சர் அ.வரதராஜப் பெருமாள் அவர்கள் கலந்துகொள்கிறார். இந்நிகழ்ச்சி 21.08.2011 ஞாயிற்றுக்கிழமை இரவு 10.00 (இலங்கை நேரம்) மணிக்கு ஒளிபரப்பாகும்.

நேரடி ஒளிபரப்பை இணையத்தளம் ஊடாக பார்பதற்கு:  http://www.dantv.tv/

ஆவணி 20, 2011

தமிழ்க் கட்சித் தலைவர்களை பேச்சுவார்த்தைக்கு அழைத்துள்ளது இந்தியா?

இந்திய அரசாங்கத்தின் பின்புல ஆதரவுடன் புதுடெல்லியில் அடுத்த வாரம் நடைபெறவள்ள கருத்தரங்கிற்கு 10 தமிழ் அரசியல்கட்சிகளுக்கு அழைப்பு விடுக்கப்பட்டுள்ளன. ஆனால் வடக்கு அரசியல் நடவடிக்கைகளில் தீவிரமாக ஈடுபட்டுள்ள ஈபிடிபிக்கு இந்தக் கருத்தரங்கில் பங்கேற்க அழைப்பு விடுக்கப்படவில்லை என்று தகவலறிந்த வட்டாரங்கள் கூறியுள்ளன. எதிர்வரும் 23,24ம் நாட்களில் புதுடெல்லியில் நடைபெறவுள்ள இந்தக் கருத்தரங்கை உலக அபிவிருத்திக்கும், மனிதஉரிமைகளுக்குமான நாடாளுமன்ற உறுப்பினர்கள் அமைப்பு ஏற்பாடு செய்துள்ளது. தமிழரசுக் கட்சி சார்பில் மாவை சேனாதிராசாவும், ஈபிஆர்எல்எவ் சார்பில் சுரேஸ் பிறேமச்சந்திரனும், தமிழர் விடுதலைக் கூட்டணி சார்பில் ஆனந்தசங்கரியும், ரெலோ சார்பில் செல்வம் அடைக்கலநாதனும், புளொட் சார்பில் சித்தார்த்தனும், பத்மநாபா ஈபிஆர்எல்எவ் சார்பில் வரதராஜப்பெருமாள் மற்றும் சிறிதரன் ஆகியோரும், ஈஎன்டிஎல்எவ் சார்பில் பரந்தன் ராஜனும் இந்தக் கருதரங்கில் பங்கேற்க அழைக்கப்பட்டுள்ளனர்.

ஆவணி 20, 2011

இலங்கையின் வட, கிழக்குக்குள் மட்டுப்படுத்தப்பட்டுவரும் இந்தியா

இலங்கையின் வட,கிழக்குப் பகுதியை மட்டுமே இந்தியாவின் பார்வை மட்டுப்படுத்தப்பட்டுக் கொண்டிருக்கின்றது.இப்போதும் இந்தியா மயிரிழையில் பற்றிப் பிடித்துக் கொண்டிருப்பது 1987 இல் கைச்சாத்திடப்பட்ட இந்திய இலங்கை உடன்படிக்கையின் ஒரு சரத்தே ஆகும். இலங்கையிலுள்ள திருகோணமலையோ அல்லது எந்தவொரு துறைமுகமோ எந்தவொரு நாட்டிற்கும் இராணுவ ரீதியான பயன்பாட்டுக்கு உபயோகப்படுத்த அனுமதிக்கக்கூடாது. இந்தியாவின் நலன்கள் தொடர்பாக தப்பபிப்பிராயத்தை ஏற்படுத்தும் தன்மையைக் கொண்டதாக எந்தவொரு நாட்டுக்கும் இலங்கைத் துறைமுகங்கள் பயன்படுத்தப்படக்கூடாது என்பதுவே அந்த உடன்படிக்கையின் சரத்து என்று இலங்கையில் இந்திய அமைதி காக்கும் படையின் முன்னாள் தளபதி அசோக் மேத்தா குறிப்பிட்டுள்ளார். (மேலும்...)

ஆவணி 20, 2011

பள்ளிவாயலுக்குள் படையினர் புகுந்து தாக்குதல் நடத்தியதற்கு கண்டனம்

கிண்ணியா மத்திய பள்ளிவாயலுக்குள் திங்கட்கிழமை அதிகாலை புகுந்த படையினர் அங்கு தொழுகையில் ஈடுபட்டிருந்தோர் மீது தாக்குதல் நடத்தியதோடு பள்ளிவாயலுக்கு சேதம் விளைவித்தமை குறித்து பொதுமக்கள் கடும் விசனமும் கண்டனமும் தெரிவித்துள்ளனர். புனித ரமழான் மாதமாக இது இருப்பதால் அதிகமானோர் பள்ளிவாயலுக்கு வந்தே தஹஜ்ஜத் தொழுகையில் ஈடுபடுவது வழக்கமாகும். சம்பவ தினமும் தொழுகையில் ஈடுபட்டோரே தாக்கப்பட்டுள்ளனர். அத்தோடு பள்ளிவாயல் பணிகளில் ஈடுபட்ட முஅத்தினும் தாக்கப்பட்டுள்ளார். பள்ளிவாயல் தொழுகை என்பன பற்றி எவ்வளவு எடுத்துக் கூறியும் தாக்குதல் நடத்தியவர்கள் அதைக் காதில் வாங்கவில்லையெனப் பாதிக்கப்பட்ட ஒருவர் கூறினார்.அது மட்டுமல்லாது புனிதமான பள்ளிவாயலுக்குள் சப்பாத்துகளுடன் நுழைந்த படையினர் சில குர்ஆன் பிரதிகளை காலால் மிதித்துள்ளதாகவும் கூறப்படுகின்றது.யன்னல் மற்றும் பள்ளிவாயலுக்குள் இருந்த சில பொருட்களும் சேதப்படுத்தப்பட்டுள்ளதோடு பள்ளிவாயல் எல்லைக்குள் இரண்டு வெற்றுத் தோட்டாக்களும் காணப்பட்டதாக நிர்வாக சபையினர் தெரிவிக்கின்றனர். இது குறித்து பொதுமக்கள் விசனமும் கண்டனமும் தெரிவித்து வருகின்றனர்.

ஆவணி 20, 2011

ஜெயலலிதா என்கிற ஆச்சரியக்குறி!

(புருஜோத்தமன்)

யாருக்கும் வளைந்து கொடுக்காத மனநிலையுடனேயே சந்திரிகா தன்னுடைய ஆட்சிக்காலம் முழுவதும் செயற்பட்டார். லஷ்மன் கதிர்காமரை இலண்டனிலிருந்து அழைத்துவந்து வெளிநாட்டு அமைச்சராக்கியதன் மூலம் சர்வதேச ரீதியிலும் விடுதலைப் புலிகளைத் தோற்கடித்த பெருமையை சந்திரிகா கொண்டிருக்கிறார். அவருடைய ஆட்சிக்காலத்தில் மக்கள் மீதான வன்முறையும்- தாக்குதல்களும்கூட குறைவின்றி நடைபெற்றன. ஆனாலும், அவரின் அண்மைக்கால மனநிலை மாற்றங்கள் சிந்திக்க வைப்பதற்குப் பதில் சிரிக்க வைக்கின்றன. அதிகாரத்திலிருந்து வெளியேற்றப்பட்டவுடன், தமிழர்கள் மீதான பழைய பாசம் பற்றிக் கொண்டிருக்கிறது. அதுபோலவே, ராஜிவ் காந்தியின் கொலையுடன் விடுதலைப் புலிகள் மற்றும் ஈழத் தமிழர்களுக்கு எதிராக முடிவுகளை எந்தவித சமரசமுமின்றி எடுத்து வந்தவர் ஜெயலலிதா. ‘முள்ளிவாய்க்கால் இறுதிக்கணம் வரை' ஈழத் தமிழர்களின் மீது அக்கறையின்றியிருந்த ஜெயலலிதாவுக்கு எப்படி, 2009 மே 19க்குப் பின்னர் அப்படியொரு பாசமும்- அக்கறையும் ஒட்டிக்கொண்டது. விடுதலைப் புலிகளை அவர் எதிர்த்தமை தொடர்பில் எனக்கு பெரிய கருத்துக்கள் எதுவுமில்லை. ஆனால், ஈழத்தமிழர்களை ஜெயலலிதா ஓரக்கண்ணால்கூட பார்க்கத் தயாராக இருக்கவில்லை. அது என்றைக்குமே உறுத்தலான விடயம். (மேலும்...)

ஆவணி 20, 2011

முல்லைத்தீவு

கரைதுறைப்பற்று, கோம்பாவில் மீள்குடியேற்றம்

முல்லைத்தீவு, கரைதுறைப்பற்று பிரதேச செயலகத்துக்குட்பட்ட கருநாட்டுக்கேணி பகுதியில் இன்னும் 10 தினங்களில் மக்கள் சொந்த காணிகளில் குடியமர்த்தப்படவுள்ளதாக பிரதேச செயலாளர் தயானந்தா நேற்று தெரிவித்தார். கருநாட்டுக்கேணி பகுதியில் மிதிவெடிகள் கண்ணிவெடிகள் அகற்றும் பணிகள் பூர்த்தி செய்யப்பட்டுள்ளமைக்கான சான்றிதழ்கள் கிடைத்துள்ளதாகவும் அவர் தெரிவித்தார். மீள்குடியேற்றத்துக்காக அழைத்துச் செல்லப்பட்டு ஐந்து மாதங்களாகிவிட்டபோதிலும் தமது சொந்தக் காணிகளுக்கு இன்னும் தங்களை அனுப்பிவைப்பதற்கு அதிகாரிகள் நடவடிக்கை எடுக்கவில்லை என கருவாட்டுக்கேணி மக்கள் கவலை தெரிவித்திருந்தனர். (மேலும்...)

ஆவணி 20, 2011

நெருக்கடியில் சிக்காத வெனிசுலா

ஐரோப்பிய நாடுகள் முழுவதும் பொருளாதார நெருக்கடியால் கடுமை யாகப் பாதிக்கப்பட் டுள்ளன. அதே வேளையில் வெனிசுலாவின் பொருளா தாரம் நிலையாக இருப்ப தோடு, ஒவ்வொரு நாளும் பலப்பட்டு வருகிறது. இரண்டு நாட்களுக்கு முன் பாக சர்வதேச ஊடகங் களில் ஒரு செய்தி வெளி யானது. உலகம் முழுவதும் பங்குச்சந்தைகள் சரிவடைந் துள்ளன. அந்த சரிவில் வெனி சுலாவின் பங்குச்சந்தை மட்டுமே பாதிக்கப்பட வில்லை என்பதுதான் அந் தச் செய்தியாகும். ஐரோப்பிய நாடுகளில் உள்ள நிலைமைக்கு மாறாக சர்வதேச நிதிநிறுவனங் களின் பிடியில் சிக்காமல் சுயேச்சைத்தன்மையோடு வெனிசுலா இயங்கிக் கொண் டிருக்கிறது. இப்போது நெருக்கடியில் சிக்கியுள்ள ஸ்பெயின் மற்றும் கிரீஸ் போன்றவை சர்வதேச நிதி நிறுவனங்களின் வசம் சிக் கிக் கொண்டுள்ளன. நெருக் கடியிலிருந்து அமெரிக்கா தப்பித்துக்கொள்ள முடி யாது. (மேலும்...)

ஆவணி 20, 2011

மன்னார் வளைகுடாவில்

எண்ணெய் வளம் உறுதிப்படுத்தப்பட்டால் இலங்கை பொருளாதாரத்தில் தன்னிறைவு

மன்னார் வளைகுடாவில் எண்ணெய் வள ஆய்வுப்பணிகள் ஆரம்பிக்கப்பட்டுள்ள நிலையில், அங்கு எண்ணெய் வள இருப்புத் தொடர்பான உண்மையான, முழுமையான தகவல்களை 2012 ஆம் ஆண்டிலேயே வெளிபடுத்த முடியும் என்று அகழ்வுப்பணியில் ஈடுபட்டுள்ள கெய்ன் லங்கா நிறுவனம் தெரிவித்துள்ளது  எண்ணெய் வளத்தை அறிந்துகொள்வத ற்கான அகழ்வுப் பணிகள் கடந்த வாரம் ஆரம்பிக்கப்பட்டன. இந்த அகழ்வுப் பணிகளுக்காக சீனாவின் தயாரிப்பான அதிநவீன அகழ்வுக் கப்பல் பயன்படுத்தப்படுகிறது. ‘சிக்கு’ என்ற பெயருடைய சகல வசதிகளையும் கொண்ட இந்த அதிநவீன கப்பல் ஆழ்கடலில் நங்கூரமிட்டு அகழ்வுப் பணிகளை வெற்றிகரமான முறையில் முன்னெடுத்து வருவதாக இந்தியாவிலிரு ந்து இலங்கை வந்த இந்த நிறுவனத்தின் உயரதிகாரியொருவர் பிரத்தியேக பேட்டியில் குறிப்பிட்டார். (மேலும்...)

ஆவணி 20, 2011

ஆப்கானிஸ்தான்  அமெரிக்க ராணுவமுகாம் தரைமட்டம்

ஆப்கானிஸ்தான் பாக் டியா மாகாணத்தின் தலை நகரான கார்டெஸ் நகரில் உள்ள அமெரிக்க ராணுவ முகாம் மீது நடத்தப்பட்ட வெடிகுண்டு தாக்குதலில் 27 அமெரிக்க ராணுவத்தினர் கொல்லப்பட்டனர். அமெரிக்க ஏகாதிபத் தியத்தின் ஆக்கிரமிப்பு வெறிக்கு அந்நாட்டின் ராணுவத்தினர் பலியாவது தொடர்ந்து கொண்டிருக் கிறது. கார்டெஸ் முகாமிற் குள் ஏராளமான வெடி குண் டுகள் வைக்கப்பட்டிருந்த வாகனம் ஒன்றை அனுப்பி இந்தத் தாக்குதல் நடத்தப் பட்டுள்ளது. பெரும் அள வில் குண்டுகள் வெடித்த தால் முகாமில் இருந்த 27 ராணுவத்தினர் அதற்குப் பலியானார்கள். மேலும் 34 பேர் காயமடைந்து, மருத் துவமனைகளில் அனுமதிக் கப்பட்டுள்ளனர். (மேலும்...)

ஆவணி 20, 2011

வடஇலங்கையின் பொருளாதாரம் வளர்ச்சியடைந்து வருகிறது

வடபகுதியின் பொருளாதாரத்தை வளர்ச்சியடையச் செய்ய வேண்டுமா யின், தென்னிலங்கையை வட இலங்கையுடன் இணைக்கும் பாரிய வீதிகளை திருத்தி அமைத்தல் அவசியம் என்பதனால், இன்று வட பகுதிக்கான பிரதான வீதிகள் மட்டுமல்ல, கிராமங்களை இணைக் கும் சிறிய வீதிகளும் வேகமாக புனரமைக்கப்பட்டு வருகின்றன. அத்துடன், வடபகுதியிலுள்ள சகல கிராமங்களுக்கும் மின்சார இணை ப்பை பெற்றுக் கொடுப்பதுடன், தரைக்கண்ணிவெடிகளை முற்றாக அகற்றி விளைச்சல் நிலங்களில் மீண்டும் விவசாயத்தை ஆரம்பிப் பதற்கான உரப்பசளை, உழவு இயந்திரங்கள் மற்றும் நீர்ப்பாசன வசதிகளையும் அரசாங்கம் இப்போது துரித கதியில் பெற்றுக் கொடுத்து வருகிறது. (மேலும்...)

ஆவணி 20, 2011

அன்னா ஹசாரே முக்கிய கோரிக்கையை  எதிர்க்கட்சிகள் நிராகரித்தன

ஊழலுக்கு எதிராக உண் ணாவிரதப் போராட்டம் மேற்கொண்ட அன்னா ஹசாரேவை கைது செய்த மத்திய அரசு 12 மணி நேரத் தில் அவரை விடுதலை செய்ய வேண்டிய நெருக்கடிக்கு ஆளானது. அன்னா ஹசாரே எதிர்ப்பு விவகாரத்தில் அரசு தவறுதலாக நடந்து கொண் டது. ஹசாரேவின் எதிர்ப் பை ஆதரித்த பாஜக உள் ளிட்ட கட்சிகள், அவரது முக் கிய கோரிக்கையான தங்க ளது ஜன்லோக் பால் மசோதா வரைவை சட்டமாக்க வேண் டும் என்ற கோரிக்கையை நிராகரித்தன. (மேலும்...)

ஆவணி 20, 2011

நேபாளத்தில் பிரதமர் பதவிக்கு போட்டி

நேபாளத்தில் பிரதமர் பதவி தங்கள் கட்சிக்குதான் வேண்டும் என மாவோயிஸ்டுகளும் நேபாள காங்கிரஸும் முரண்டு பிடித்துவருவதால் சிக்கல் நீடித்து வருகிறது. நேபாளத்தில் 2008ல் நடைபெற்ற அரசியல் நிர்ணய சபைத் தேர்தலில் எந்தக் கட்சிக்கும் பெரும்பான்மை கிடைக்கவில்லை. மாவோயிஸ்டுகள் 238 இடங்களையும் நேபாள காங்கிரஸ் 114 இடங்களையும் பெற்றன.  இதனால் அதன் பிறகு நிலையான அரசு அமையவில்லை. இந்நிலையில் ஆகஸ்ட் 21ம் திகதிக்குள் புதிய பிரதமர் பதவி ஏற்க வேண்டும் என அதிபர் ராம் பரண் யாதவ் கெடு விதித்துள்ளார். இதையடுத்து, இரு கட்சிகளின் தலைவர்களும் வியாழக்கிழமை சந்தித்துப் பேசினர். அரசுக்கு தங்கள் கட்சியைச் சேர்ந்தவர்தான் தலைமை வகிக்க வேண்டும் என இரு கட்சித் தலைவர்களும் வலியுறுத்தியதால் சுமுகத் தீர்வு எட்டப்படவில்லை. இதனிடையே மற்ற கட்சிகளின் தலைவர்களையும் இரு கட்சித் தலைவர்கள் சந்தித்து ஆதரவு திரட்டி வருகின்றனர்.

ஆவணி 20, 2011

லிபியாவில் கடாபி தலைமறைவானார் புரட்சிப்படை திரிபோலியை நெருங்குகிறது

லிபியாவில் புரட்சிப்படை திரிபோலிக்கு கிழக்கேயும், மேற்கேயும் கடாபி ஆதரவுப் படைகளுடன் மோதி வருகின்றன. எண்ணெய் கிணறுகளை தங்கள் கட்டுப்பாடுக்குள் கொண்டு வருவதற்காக புரட்சிப்படைகள் இராணுவத்துடன் சண்டை செய்து வருகின்றன. லிபியாவை கண்காணிப்பதற்காக ஆள் இல்லாத கண்காணிப்பு விமானங்களை அமெரிக்கா புரட்சிப்படைக்கு அனுப்பி உள்ளது. அந்த விமானங்கள் நேற்று முன்தினம் லிபியாவுக்கு வந்து சேர்ந்தன. பிரேகா நகரில் புரட்சிப் படை நடத்திய தாக்குதலில் இராணுவ வீரர் 18 பேர் பலியானார்கள். 35 பேர் காயம் அடைந்தனர். 69 வயதான ஜனாதிபதி கடாபி எங்கே இருக்கிறார் என்பதே தெரியவில்லை. அவர் தலைமறைவாகி விட்டார். மேற்கு தெற்கு, கிழக்கு ஆகிய 3 திசைகளில் இருந்தும் திரிபோலியை நோக்கி புரட்சிப் படை முன்னேறி வருகிறது. விரைவில் திரிபோலி புரட்சிப்படைகளிடம் வீழ்ந்து விடும் என்று கூறப்படுகுறது.

ஆவணி 19, 2011

வாழும் மனிதம் - 2

காலம்:    ஆகஸ்ட் 27, 2011 – சனிக்கிழமை

                    பிற்பகல் 3 மணி – 6 மணி வரை

இடம்:     ஸ்காபரோ சிவிக்சென்ரர் மண்டபம் (கனடா)

             (மக்கோவன் - எல்ஸ்மெயர்)

சிறப்புரை:

பிரித்தானியாவிலிருந்து வருகை தரும் மூத்த எழுத்தாளரும், சமூக செயற்பாட்டாளருமான இராஜேஸ்வரி பாலசுப்பிரமணியம் அவர்கள்

'போருக்குப் பின்னரான சமூக மாற்றமும் முற்போக்குவாதிகளின் பங்களிப்பும்'

என்ற தலைப்பில் சிறப்புரை ஆற்றுவார்.

நிகழ்ச்சி ஒருங்கிணைப்பு: தேவன்

ஆர்வலர்கள் அனைவரையும் கலந்து சிறப்பிக்குமாறு அன்புடன் அழைக்கின்றோம்.

நிகழ்ச்சி ஏற்பாட்டுக்குழு

தொடர்புகளுக்கு: manitham1@hotmail.ca

ஆவணி 19, 2011

ஐ.நா.வின் பின்னணியில் புலம்பெயர் தமிழர்கள்

இலங்கைக்கு எதிராக ஐ.நா. போர்க்குற்ற அறிக்கை தயாரித்தமை; அதனை ஜெனிவா மனித உரிமைகள் பேரவையில் கையளித்துள்ளமை ஆகிய நடவடிக்கைகள் அரசியல் உள் நோக்கம் கொண்டவையாகும். இதன் பின்னணியில் புலம்பெயர் தமிழர்களேயுள்ளனர் என்று வெளிவிவகார அமைச்சர் பேராசிரியர் ஜீ.எல். பீரிஸ் தெரிவித்தார். நாட்டின் பொருளாதாரம், அரசியல் மற்றும் பாதுகாப்பு என்பவற்றை சீர்குலைக்கும் நோக்கில் புலம் பெயர் தமிழர்கள் உலக நாடுகளில் தமது செயற்பாட்டை ஆரம்பித்துள்ளனர். இதனால் இலங்கைக்கு புதிய சவால்களை எதிர்கொள்ள வேண்டியுள்ளது என்றும் அவர் சுட்டிக் காட்டினார். (மேலும்...)

ஆவணி 19, 2011

மூன்று மாணவர்கள் மருத்துவமனையில் அனுமதி  போராட்டம் தொடரும் என சிலி மாணவர்கள் அறிவிப்பு

கல்வியை வியாபார மாக்க வேண்டாம் என்ற கோரிக்கையுடன் காலவரை யற்ற உண்ணாவிரதம் இருக் கும் சிலி மாணவர்களில் மூன்று பேர் மருத்துவ மனையில் சேர்க்கப்பட்டுள் ளனர். ஒரு மாதத்திற்கு முன்ன தாக எட்டு மாணவர்கள் காலவரையற்ற உண்ணா விரதத்தைத் துவக்கினர். மாணவர்கள் மத்தியில் பெரும் வரவேற்பைப் பெற்ற இந்த உண்ணாவிரதத்தில் பங்கேற்றவர்களின் எண் ணிக்கை தற்போது 30 ஆக உயர்ந்துவிட்டது. இதில் மூன்று மாணவர்களின் உடல் நிலை மோசமான தால் மருத்துவமனைக்கு அழைத்துச் செல்லப்பட் டனர். அங்கும் அவர்கள் உணவருந்த மறுத்தனர். பின்னர், மாணவர்களின் வலியுறுத்தலால் ஒரு லிட் டர் நீரை மட்டும் மூவரும் பகிர்ந்து கொள்ள ஒப்புக் கொண்டனர்.(மேலும்...)

ஆவணி 19, 2011

மர்ம மனிதர்களின் அச்சுறுத்தலைக் கண்டித்து வவுணதீவிலும் மக்கள் ஆர்ப்பாட்டம்

மர்ம மனிதர்களின் அச்சுறுத்தலைக் கண்டித்து வவுணதீவு பொதுமக்கள் நேற்று வவுணதீவு பொலிஸ் நிலையம் முன்பாக ஒன்று திரண்டு பாரிய கண்டன ஆர்ப்பாட்டத்தில் ஈடுபட்டனர். ஆயிரத்துக்கும் மேற்பட்ட பொதுமக்கள் இந்த ஆர்ப்பாட்டத்தில் ஈடுபட்டனர். வவுணதீவு பிரதேசத்தில் மர்ம மனிதர்களின் அச்சுறுத்தல் இருப்பதாகவும் அதேபோன்று மர்மமனிதர்கள் எனும் சந்தேக நபர்கள் சிலர் நேற்று முன்தினமிரவு அங்கு நடமாடியதாகவும் தெரிவித்த பொதுமக்கள் இவ்வார்ப்பாட்டத்தில் ஈடுபட்டனர். (மேலும்...)

ஆவணி 19, 2011

அமெரிக்காவில் பெண்னைக் கடித்து இரத்தம் குடிக்க முயன்ற இளைஞன் கைது

அமெரிக்க டெக்ஸாஸ் மாகாணத்தில் பெண்களின் கழுத்தைக் கடித்து அவர்களின் இரத்தத்தைக் குடிக்கும் இளைஞன் ஒருவனை பொலிஸார் கைது செய்துள்ளனர். 19 வயதான குறித்த இளைஞன் அங்குள்ள தொடர்மாடி மனையொன்றிற்குள் புகுந்து அங்கிருந்த பெண்ணின் கழுத்தைக் கடித்து இரத்தத்தை குடிக்க முற்பட்ட வேளையிலேயே கைது செய்யப்பட்டுள்ளான். தற்போது அந்நபர் சிறையில் அடைக்கப்பட்டுள்ளதுடன் மனநல சிகிச்சைகளுக்கு உட்படுத்தப்பட்டுள்ளதாக தெரிவிக்கப்படுகின்றது. தான் 500 வருடங்கள் பழமையான 'வெம்பயர்' என அந்நபர் கைது செய்யப்பட்டபோது தெரிவித்ததாக அம் மாகாண பொலிஸார் குறிப்பிட்டுள்ளனர். அமெரிக்காவில் தற்போது இத்தகைய சம்பவங்கள் அடிக்கடி நிகழ்வதாக ஆய்வாளர்கள் தெரிவித்துள்ளனர். அமெரிக்க இளைஞர் கலாசாரத்தில் வெம்பயர் தொடர்பான புத்தகங்கள் மற்றும் திரைப்படங்கள் ஆகியவை அதிகமாக கலந்துள்ளமையே இதற்கான காரணமெனவும் ஆய்வாளர்கள் சுட்டிக்காட்டியுள்ளனர்.

ஆவணி 19, 2011

மதவாச்சியிலிருந்து திருமலை வரை புதிய ரயில் பாதை அமைக்கத் திட்டம்

மதவாச்சியிலிருந்து திருகோணமலை வரையில் புதிய ரயில் பாதையொன்றை அமைப்பதற்கு அரசாங்கம் திட்டமிட்டுள்ளது. சுமார் 90 கிலோ மீற்றர் நீளத்தில் இப்புதிய பாதையை அமைப்பதற்கான சாத்தியக் கூறு ஆய்வுகளை நடத்த அமைச்சரவை அங்கீகாரம் வழங்கியுள்ளது. இதற்கான ஆய்வுகளை கொழும்பு பல்கலைக்கழகத்தின் மனித வள பிரிவு மேற்கொள்ளவுள்ளது. போக்குவரத்து அமைச்சர் குமாரவெல்கமவின் ஆலோசனைக்கு அமைச்சரவை அங்கீகாரம் வழங்கியிருக்கிறது என அமைச்சரவையின் பேச்சாளர் அமைச்சர் கெஹெலிய ரம்புக்வெல்ல தெரிவித்தார்.

ஆவணி 19, 2011

சிங்கப்பூரில் வேலை செய்வோருக்கு கடுமையான விதி அமுல்

சிங்கப்பூரில் வெளிநாட்டவர்கள் வேலைவாய்ப்புப் பெறுவதற்கான விதிகளை அந்நாட்டு அரசு மேலும் கடுமையாக்கியுள்ளது. இதனால் நடுத்தர மற்றும் அடித்தள வேலைவாய்ப்புகள் பிற நாட்டவருக்குக் கிடைப்பது இனி சிரமமாக இருக்கும். சிங்கப்பூரில் தற்போது 35 சதவீதம் வெளிநாட்டவர்கள் வசித்து வருகின்றனர். அந்நாட்டு சட்டப்படி, அங்குள்ள வெளிநாட்டவர் தற்போது, மாதம் குறைந்தபட்சம் 2,800 சிங்கப்பூர் டொலர் சம்பாதித்தால் தான், அங்கு பணிபுரிவதற்கான அனுமதியைப் பெறலாம். இந்த விதி திருத்தப்பட்டு, மாதம் 3,000 சிங்கப்பூர் டொலர் சம்பாதிக்க வேண்டும் என்ற புதிய விதி, 2012ம் ஆண்டு முதல் அமுலுக்கு வருகிறது. இந்நிலையில், சமீப காலமாக அங்கு வேலைக்காக வரும் வெளிநாட்டவர்களின் வருகை அதிகரித்து வருவதால், குறைந்த சம்பளம் உள்ள வேலை கூட உள்நாட்டவர்களுக்குக் கிடைக்கவில்லை என்ற புகார்கள் அதிகரித்து வந்தன.

ஆவணி 19, 2011

நெருக்கடி நேரத்தில் ஆடம்பரச் செலவா?  ஸ்பெயினில் ஆயிரக்கணக்கானோர் ஆர்ப்பாட்டம்

போப் வருகையை யொட்டி ஆடம்பரமான அளவில் செலவுகள் செய்து ஏற்பாடு கள் நடந்து கொண்டிருப் பதைக் கண்டித்து ஆயிரக் கணக்கானோர் ஸ்பெயி னின் மாட்ரிட் நகரில் ஆர்ப் பாட்டம் நடத்தியுள்ளனர். கடுமையான பொருளா தார நெருக்கடியை சந்தித் துக் கொண்டிருக்கும் ஸ்பெ யினில், நடுத்தர மற்றும் சாதா ரண மக்கள் மீதுதான் அந்த சுமை ஏற்றப்பட்டுக் கொண் டிருக்கிறது. இந்நிலையில் நான்கு நாள் பயணமாக ஸ்பெயினுக்கு வரும் போப் புக்கு வரவேற்பு தருவதற் காக ஏராளமாக செலவு செய்யப்படுகிறது. எம்-15 உள்ளிட்ட பல்வேறு அமைப் புகள் இத்தகைய செலவு களைக் கடுமையாக விமர் சனம் செய்துள்ளன.(மேலும்...)

ஆவணி 19, 2011

ஹசாரே போராட்டத்தின் பின்னணியில் அமெரிக்கா?

அன்னா ஹசாரே போராட்டத்தின் பின்னணியில் அமெரிக்கா இருப்பதாக காங்கிரஸ் கட்சி சந்தேகிக்கிறது. சுதந்திரத்துக்குப் பிறகு இந்தியாவில் நடக்கும் ஒரு போராட்டத்துக்கு ஆதரவாக அமெரிக்கா ஏன் பேச வேண்டும் எனக் கேட்டுள்ள காங்கிரஸ் கட்சி இந்த போராட்டங்களின் பின்னணியில் அமெரிக்கா இருக்கலாம் என்று சூசகமாகத் தெரிவித்துள்ளது. இந்தியாவை சீர்குலைய வைக்க மறைமுகமாக முயற்சிக்கும் சக்தி குறித்து விசாரணை நடத்தப்பட வேண்டும் என காங்கிரஸ் கட்சி மத்திய அரசை வலியுறுத்தியுள்ளது. நாடாளுமன்றத்தில் வரைவு லோக்பால் மசோதாவை திணிப்பதன் மூலம் அன்னா ஹசாரே குழுவினர் மிரட்டுகின்றனர் என காங்கிரஸ் குற்றம் சாட்டியுள்ளது. (மேலும்...)

ஆவணி 19, 2011

காதை உறுத்தும் இரைச்சல்

இரைச்சல் 130 டெசிபலை எட்டினால் நமது காதுகள் தாங்காது. பொத்திக்கொண்டு விடுவோம். டெசிபல் என்பது சத்தத்தின் அளவை அளவிடப் பயன்படும் ஓர் அலகு. சப்த அலைகளின் பலத்தைக் குறிப்பது அது. காற்றில் இருக்கும் இலட்சக் கணக்கான மூலக்கூறுகள் ஒன்றோடு ஒன்று உரசி மோதிக்கொள்வதால் சப்தம் எழுகிறது. தொலைபேசியை கண்டுபிடித்த அலெக்சாண்டர் கிரஹம்பெல்லை பெருமைப்படுத்துவதற்காக விஞ்ஞானிகள் உருவாக்கிய வார்த்தை தான் டெசிபல் என்பது. சப்த அலைகளில் கிரஹம்பெல் கொண்ட ஆர்வம்தான் அவர் தொலைபேசியை கண்டுபிடிக்கக் காரணமானது. நம் அன்றாட வாழ்வில் நிகழும் சில நிகழ்வுகளின் டெசிபல் அளவு எவ்வளவு தெரியுமா? மரத்தின் இலைகள் காற்றில் இலே சாய் அசைந்து ஒருவித சப்தத்தை உண்டாக்குகின்றன அல்லவா? அதன் அளவு 10 டெசிபல்கள். சில அடிகளுக்கு அப்பாலிருந்து ஒருவர் இரகசியக் குரலில் பேசினால் அது 20 டெசிபல். தொலைக்காட்சிப் பெட்டியை போட்டுவிட்டு ஒரு வீட்டின் சப்த அலைகளைக் கணக்கிட்டால் அது 50 டெசிபல். ஒரு கார் தொழிற்சாலையின் இரைச்சல் 95 டெசிபல். ஒரு நிமிடத்துக்கு 16 ஆயிரம் தடவைகள் சுழலும் விமானத்தின் ‘புரொப்பெல்லர்கள்’ ஏற்படுத்தும் ஓசை 120 டெசிபல்கள்.

ஆவணி 19, 2011

ஊழல் குற்றச்சாட்டு

பிரேசிலின் நான்காவது அமைச்சர் ராஜினாமா

ஊழல் குற்றச்சாட்டு காரணமாக பிரேஸின் நான்காவது அமைச்சரும் தமது பதவியை ராஜினாமா செய்துள்ளார். பிரேஸில் விவசாயத்துறை அமைச்சர் வொக்னர் ரொஸ்ஸி நேற்று தனது பதவியை ராஜினாமாச் செய்தார். வொக்னர் ரொஸ்ஸி ஊழலில் ஈடுபட்டதாகவும், விவசாய நிறுவனங்கள் மூலம் இலவசமாக விமானப் பயணங்களில் ஈடுபட்டதாகவும் ஊடகங்கள் செய்தி வெளியிட்டதைத் தொடர்ந்தே அவர் தமது பதவியை ராஜினாமா செய்தார். எனினும் அவர் ஊழலில் ஈடுபட்டதற்கான எந்த ஆதாரமும் இல்லை என ஜனாதிபதி பில்மா ரொஸ்ஸேப் தெரிவித்துள்ளார். கடந்த ஜனவரி மாதம் பதவியேற்ற ரொஸ்ஸேப்பின் ஆட்சியில் பதவி விலகும் 4 ஆவது அமைச்சர் இவராவார். இதற்கு முன்னர் பிரேஸில் பாதுகாப்பு அமைச்சர் நெல்சன் ஜொபின், போக்குவரத்து அமைச்சர் அல்பெர்டோ நசிமென்டோ, அமைச்சரவையின் பிரதானி அன்டோனியோ பெலொசி ஆகியோர் ஊழல் குற்றச்சாட்டு காரணமாக தமது பதவியை ராஜினாமா செய்தனர் என்பது குறிப்பிடத் தக்கது. இந்தியாவும் பிரேசிலை முன்மாதிரியாகக் கொண்டு செயற்படுமா என அரசியல் ஆர்வலர்கள் கேட்கின்றனர்.

ஆவணி 19, 2011

 

காந்தியின் வழியை பின்பற்றும் ஹசாரே?

தேசத் தந்தை மகாத்மா காந்தியின் வழியை, சமூக ஆர்வலர் அன்னா ஹசாரே பின்பற்றுவதாக, காந்தியின் பேரன் துஷார் காந்தி தெரிவித்துள்ளார். இது தொடர்பாக, செய்தி நிறுவனத்திற்கு அவர் அளித்துள்ள பேட்டியில் தெரிவித்துள்ளதாவது, காந்தியின் வழியை பின்பற்றும் ஹசாரேவுக்கு, அவருக்கு கிடைத்த வெற்றியைப் போல, இவருக்கும் நிச்சயம் மகத்தான வெற்றி கிடைக்கும் காந்தியின் போராட்டம், நண்பகர்களுக்காக பகைவர்களை எதிர்த்து போராடினார். ஹசாரேவின் போராட்டம், எதிரிகளிடமிருந்து (ஊழல் பெருச்சாளிகளிடமிருந்து) நாட்டை காப்பாற்றுவதாக அமைந்துள்ளது என்று அவர் கூறினார்

ஆவணி 18, 2011

இலங்கையில் கிறிஸ் பூதமும், பதட்டமும்

(அ. விஜயன்)

இலங்கையில் போர் எனும் பூதம் ஓய்ந்து மக்கள் நிம்மதியாக வாழ தொடங்கிய நேரம் இந்த பூதம் புறப்பட்டுள்ளது. போரில் ஈடுபட்ட பூதங்கள் மத்தியில் மக்கள் சின்னாபின்னமாக்கப்பட்டு சீரழிந்து தற்போது இயல்பாக வாழத் தொடங்கிய போது இந்த பூதத்தின் பின்னணி யார் இதை ஏன் செய்கிறார்கள் என்ற உண்மை யாருக்கும் இதுவரை தெரியவில்லை. கிழக்கு மாகாண மக்களிடம் கேட்டால், பூதத்தின் கதையை சொல்லி கதிகலங்குகிறார்கள். யார் இதை செய்கிறார்கள் எனக்கேட்டால் வழக்கம் போல் இலங்கைப் படைகளை குற்றம் சொல்கிறார்கள். மக்கள் துரத்தினால் அந்த பூதம் நேராக படை முகாம்களுக்குள் நுழைவது அதற்குச் சான்றாக அமைகிறது. (மேலும்.....)

ஆவணி 18, 2011

ரொராண்டோ கொண்டாட்டங்களும் நட்சத்திர திருவிழாக்களும் 

(தமிழன்)

கனடா ரொராண்டோவில் தமிழர் மத்தியில் நடை பெறுகின்ற கொண்டாட்டங்களும் நட்சத்திர திருவிழாக்களும்  தமிழ்  மக்களிடம் பணத்தை சுரண்ட நடாத்தும் கூத்துக்களில் இதுவும் ஒன்று சில ஆண்டுகளுக்கு முன் இப்படி பல கொண்டாட்டங்கள், திருவிழாக்கள் என்று நடாத்தி மக்கள் பணத்தை வசூலித்தவர்கள் 2009ஆம் ஆண்டு காலபகுதியில் அதை  நிறுத்தி தற்போது  மீண்டும் மக்கள் மத்தியில் அரங்கேற்றியுள்ளனர். இங்கு வாழும் இவ் மக்கள் மீண்டும் இவ்வாறான கொண்டாட்டங்களும் திருவிழாக்களும் சென்று தங்கள் பணத்தை வாரி வாழங்குவர்களா?  மக்களை முட்டாள்கள்  ஆக்கும் கூட்டம் உள்ளவரை முட்டாள்ளாகும் மக்களும் இருப்பார்களா? அதில் சந்தேகம் இல்லை. (மேலும்.....)

ஆவணி 18, 2011

கிறீஸ்' மனிதர்களின் மர்ம உலா,  இலங்கையில் என்ன நடக்கிறது?

(எம்.ரிஷான் ஷெரீப்)

'எல்லாள மன்னனைப் போரில் வென்ற துட்டகைமுனு மன்னனுக்குச் சொந்தமான போர்வாளைக் கண்டுபிடித்துத் தன்னகத்தே வைத்திருக்கும் அரசனின் ஆட்சி நீடிக்கும்' என்ற ஆதி நம்பிக்கைக்கிணங்கி, ஜனாதிபதி ஒவ்வொரு ஊருக்கும் இராணுவத்தினரை இரவில் அனுப்பி அவ் வாளைத் தேடுகிறார் என்பது பாமர மக்களின் கருத்து. எவ்வாறாயினும் எல்லோரையும் பீதியில் ஆழ்த்தியிருக்கும் இம் மர்ம மனிதர்கள் அரசைச் சார்ந்தவர்கள் என்பது மட்டும் எல்லோரதும் ஒருமித்த ஏக கருத்தாக இருக்கிறது. அவ்வாறில்லையெனில் அதனை நிரூபிக்க வேண்டியதுவும், சம்பந்தப்பட்ட மர்ம மனிதர்கள் யாரெனக் கண்டுபிடிப்பதுவும் அரசின் அத்தியாவசியமான கடமையாக உள்ளது. (மேலும்....)

ஆவணி 18, 2011

அமெரிக்க அரசுக் கடன் நெருக்கடி

(இ.எம்.ஜோசப்)

தர நிர்ணய வரலாற்றில் முதல்முறை யாக அமெரிக்க அரசாங்கத்தின் கடன் மிக உயர்ந்த AAA நிலையிலிருந்து AA+ என ஒரு படி கீழிறக்கப்பட்டிருக்கிறது. ஸ்டாண்டர்ட் அண்ட் புவர் என்ற தர நிர்ணய நிறுவனம் இதைச் செய்திருக்கிறது. (அமெரிக்கா வில் 2008ல் திவாலான பல கம்பெனி களுக்கு, அதற்கு சில நாட்களுக்கு முன்பு வரை உயர்நிலை தரச்சான்று வழங்கி, அதனால் சந்திசிரித்த நிறுவனமே இது என்பது தனிக்கதை) அமெரிக்க அரசின் கடன் அளவு 14.3 டிரில்லியன் (இலட்சம் கோடி) டாலர் அளவினைத் தாண்டிய நிலையில், ஆளும் ஜனநாயகக் கட்சிக் கும், எதிர்க்கட்சியான குடியரசுக்கட்சிக் கும் இடையில் சட்டப்பூர்வமான கடன் உச்சவரம்பினை உயர்த்துவது குறித்த சர்ச்சை நடந்துகொண்டிருக்கும் நிலை யில்தான் இந்தக் கீழிறக்கம் நடை பெற்றிருக்கிறது. இதையடுத்து, அமெரிக் காவில் மட்டுமல்லாது இந்தியா உட்பட உலக முழுவதுமுள்ள பங்குச்சந்தைகள் சரிந்து வருகின்றன. முதலில் அமெரிக்கக் கதையினைப் பார்ப்போம். (மேலும்....)

ஆவணி 18, 2011

கிண்ணியா பகுதியில் படையினர் குவிப்பு

கிண்ணியா பகுதியில் மர்ம மனிதனின் ஊடுருவலையடுத்து ஏற்பட்ட கலகத்தினால் உருவான பதற்றம் தணிந்துள்ள நிலையில் நேற்று அதிகாலை முதல் இப்பகுதிகளில் படையினர் பெருமளவில் பாதுகாப்புக்கென நிறுத்தப்பட்டுள்ளனர். இதனால் மக்கள் அச்சமும் பீதியும் அடைந்துள்ளனர். வீதியால் செல்லும் வாகனங்களையும் மக்களையும் படையினர் சோதனை செய்து வருகின்றனர். கிணியாவின் முக்கிய சந்திகளில் 8 தொடக்கம் 10 வரையான படை வீரர்கள் ஒன்றாகச் சேர்ந்து பாதுகாப்புக் கடமையில் ஈடுபட்டு வருகின்றனர். அத்துடன் வீதிகளில் 100 மீற்றருக்கு ஒருவர் என்ற அடிப்படையில் படையினர் நிறுத்தப்பட்டுள்ளனர். மர்ம மனிதன் ஓடி ஒளிந்த இடத்திலிருந்து குட்டிக்கராச்சி சந்தி வரைக்கும் இப்படையினர் நிறுத்தப்பட்டுள்ளனர். அடையாள அட்டைகளைப் பரிசீலிப்பதோடு, ஊர், பெயர் என்பனவற்றையும் கேட்டு அறிவதில் படையினர் ஈடுபட்டு வருகின்றனர். (மேலும்....)

ஆவணி 18, 2011

‘உகண்டா பாலா’ சி.ஐ.டி.யினரால் கைது

சட்டவிரோதமாக ஆட்களை வெளிநாட்டுக்கு அனுப்பி பணம் மோசடி நடவடிக்கையில் ஈடுபட்டு வந்த பாலா அல்லது ‘உகண்டா பாலா’ என்று அழைக்கப்படும் திருநாவுக்கரசு பாலச்சந்திரன் சி.ஐ.டி.யினரால் கைதுசெய்யப்பட்டுள்ளார். மலேசியாவிலிருந்து வருகைதந்த சந்தேகநபரை கட்டுநாயக்க சர்வதேச விமான நிலையத்தில் வைத்து சி.ஐ.டி.யினர் மடக்கிப்பிடித்துள்ளனர். முல்லைத்தீவின் தெற்கு பிரதேசத்திலுள்ள மூளாய் பிரதேசத்தைச் சேர்ந்த இவர் பயங்கரவாத செயற்பாடுகளுக்கு உதவியமை, வெளிநாடுகளுக்கு ஆட்களை கடத்தல், பணமோசடி போன்ற பல்வேறு குற்றச் சம்பவங்கள் தொடர்பில் தேடப்பட்டவர் என்று இரகசிய பொலிஸ் திணைக்களம் தெரிவிக்கின்றது.  (மேலும்....)

ஆவணி 18, 2011

அரசின் பதில் கிடைத்தாலே அடுத்த கட்ட நடவடிக்கை - தமிழ்க்கூட்டமைப்பு

அரசாங்கத் தரப்பிடமிருந்து பதில் வழங்கப்பட்ட பின்னரே அடுத்தகட்ட நடவடிக்கை பற்றித் தீர்மானிக்கப்படும் எனத் தமிழ்த் தேசியக் கூட்டமைப்பின் பாராளுமன்ற உறுப்பினர் எம்.ஏ.சுமந்திரன் தெரிவித்தார். அரசாங்கப் பிரதிநிதிகளுக்கும், தமிழ்த் தேசியக் கூட்டமைப்புக்கும் இடையில் 10 சுற்றுப் பேச்சுவார்த்தைகள் நடைபெற்றிருக்கும் நிலையில், அடுத்த கட்ட பேச்சுவார்த்தைக்கான திகதியைத் தீர்மானிப்பதாயின் அரசாங்கத்தின் நிலைப்பாடு அறிவிக்கப்பட வேண்டும் எனத் தமிழ்த் தேசியக் கூட்டமைப்பு அறிவித்திருந்தது. இரண்டு கிழமைகளுக்குள் அரசாங்கத்தின் நிலைப்பாடு அறிவிக்கப்பட்டால் அடுத்தகட்ட நடவடிக்கை பற்றித் தீர்மானிக்கமுடியும் எனக் கூட்டமைப்பு அறிவித்திருந்தது. இந்த நிலையில் இதுவரை அரசாங்கம் எந்தவிதமான அறிவிப்பையும் வெளியிடவில்லையெனத் தமிழ்த் தேசியக் கூட்டமைப்பின் பாராளுமன்ற உறுப்பினர் எம்.ஏ.சுமந்திரன் தெரிவித்தார். அரசாங்கத்தின் நிலைப்பாடு தெளிவுபடுத்தப்பட்டாலே அடுத்தகட்ட நடவடிக்கை பற்றித் தீர்மானிக்க முடியும் என்றும் அவர் மேலும் கூறினார்.

ஆவணி 18, 2011

தமிழக முகாம்களிலுள்ள இலங்கைத் தமிழர்களுக்கு ஜெயலலிதாவினால் உதவிப் பொருட்கள்

முகாம்களில் உள்ள இலங்கை தமிழர்களுக்கு நலத்திட்ட உதவிகளை முதல் அமைச்சர் ஜெயலலிதா வழங்கினார். முதல் அமைச்சர் ஜெயலலிதா நேற்று முன்தினம் தலைமைச் செயலகத்தில், தமிழக மக்களுக்கு வழங்கப்பட்டு வரும் நலத் திட்டங்கள் அனைத்தும் முகாம் வாழ் இலங்கை தமிழ் மக்களுக்கும் விரிவுபடுத்தப்படும் என்ற அறிவிப்பிற்கிணங்க பல்வேறு திட்டங்களின் கீழ் 17 இலங்கை தமிழ் பயனாளிகளுக்கு நலத் திட்ட உதவிகளை வழங்கினார். (மேலும்....)

ஆவணி 17, 2011

யார் இந்த மர்ம மனிதர்கள்?

(சாகரன்)

ஆரம்பத்தில் மலையகத்தில் இந்த மர்ம மனித விவகாரம் உருவெடுத்தது. இலங்கையின் தேசியவருமானத்தில் பெரும் பங்கை வகிக்கின்ற ஆனால் கடைநிலை வாழ்க்கைத் தரத்தை உடைய மக்களுக்கு ஏற்பட்ட இந்த விவகாரத்தை அரசு சீரிய முறையில் அணுகி அன்று முற்று புள்ளி வைத்திருந்தால் இன்றைய நிலமைகள் ஏற்பட்டிருக்க வாய்புக்கள் மிகக் குறைவாக இருந்திருக்கும். இதில் அரசைத் தவிர ஏனைய அரசியல் கட்சிகளும் தமது அரசியல் இலாபங்களுக்காக இவ்விடயத்தைக் கையாண்ட கையாளுகின்ற முறமையும் இன்னொரு காரணமாக அமைகின்றது. பத்திரிகை போன்ற ஊடகத் துறைகளும் உண்மை நிலையை கண்டறிந்து செய்திகளை வெளியிட்டு மக்களை விழிப்படையச் செய்வதற்கு பதிலாக தங்கள் பத்திரிகை வியாபாரத்திற்காக 'பரபரப்பு' செய்திகள் வெளியிடுவதில் மர்ம மனிதன் செய்தியை பயன்படுத்திக் கொண்டனர். இவைகளே 'மர்ம மனிதன்' விடயம் இன்று பூதாகார நிலையை அடைந்ததற்கு காரணங்கள் ஆகின்றன. (மேலும்.....)

ஆவணி 17, 2011

ராஜீவ் கொலையாளிகளுக்கு தூக்கு `கவர்னரின் உத்தரவுக்காக காத்திருக்கிறோம்'

ராஜீவ் கொலையாளிகளை தூக்கில் போட, கவர்னரின் உத்தரவுக்காக காத்திருக்கிறோம் என்று சிறைத்துறை இயக்குனர் கூடுதல் போலீஸ் டி.ஜி.பி. டோக்ரா தெரிவித்தார். முன்னாள் பிரதமர் ராஜீவ்காந்தி கொலை செய்யப்பட்ட வழக்கில் தூக்கு தண்டனை பெற்ற விடுதலைப்புலிகள் முருகன், சாந்தன் மற்றும் பேரறிவாளன் ஆகியோரின் கருணை மனுக்களை ஜனாதிபதி பிரதீபா பட்டீல் ஏற்க மறுத்து தள்ளுபடி செய்து விட்டார். இதனால் அவர்கள் 3 பேரும் தூக்கில் போடப்படுவது உறுதியாகி விட்டது. இதற்கிடையில் தூக்கு தண்டனையை ரத்து செய்ய மீண்டும் கோர்ட்டுக்கு போவோம் என்று வக்கீல் புகழேந்தி அறிவித்துள்ளார். இந்த நிலையில் இவர்களுக்கு தூக்கு தண்டனை எப்போது நிறைவேற்றப்படும் என்பது குறித்து சிறைத்துறை இயக்குனர் கூடுதல் டி.ஜி.பி டோக்ரா அளித்த பேட்டி ஒன்றில் கூறி இருப்பதாவது:- ராஜீவ் கொலையாளிகளின் கருணை மனுக்களை ஜனாதிபதி நிராகரித்து விட்டதாக தகவல்கள் வெளியாகி உள்ளது. ஆனால் இது தொடர்பாக அதிகாரபூர்வ உத்தரவு கவர்னரிடம் இருந்து வர வேண்டும். அதற்காக நாங்கள் காத்திருக்கிறோம். கவர்னரின் உத்தரவு வந்த 7-வது நாள் தூக்கு தண்டனை வேலூர் ஜெயிலில் வைத்து நிறைவேற்றப்படும். இவ்வாறு அவர் தெரிவித்தார்.

ஆவணி 17, 2011

ஐக்கிய தேசிய கட்சியின் புதிய தலைவர் யார்?

• ரணில் இராஜினாமா செய்யாவிட்டால் இன்று சத்தியாக்கிரகம் - சஜித்

• செயற்குழுவை குழப்ப முயற்சிப்பது சூழ்ச்சி - ரணில்

• ரணிலை துரத்தும் மக்கள் போராட்டம் ஆரம்பம் - சஜித்

• மகாராஜாவால் கட்சியைக் கட்டுப்படுத்த முடியாது - ரணில்

(மேலும்.....)

ஆவணி 17, 2011

குகநாதன் மீதான தாக்குதலின் பின்னணியில் பிரபல சட்டத்தரணி

உதயன் பத்திரிகையின் செய்தியாசிரியர் ஞா. குகநாதன் தாக்கப்பட்ட சம்பவத்துடன் தொடர்புடைய மேலும் மூன்று பேரிடமிருந்து பொலிஸார் வாக்கு மூலங்களைப் பதிவுசெய்துள்ளனர். களுபோவில வைத்தியசாலையில் அனுமதிக்கப்பட்டுள்ள பாதாள உலக நபர் வழங்கிய தகவலின்படி பிரதான சூத்திரதாரி குடாநாட்டின் பிரபல சட்டத்தரணி என்பதும் ஆரம்பகட்ட விசாரணைகளிலிருந்து தெரியவந்திருப்பதாக பொலிஸார் தெரிவித்தனர். 56 பலதரப்பட்ட குற்றச்செயல்களுடன் தொடர்புடையவரும், பல வழக்குகளில் தேடப்படும் நபருமான நல்லூரைச் சேர்ந்த இரத்தினசிங்கம் சந்திரகுமார் என்பவரை பிணையில் விடுதலை செய்வதற்கு தானே முன்வந்து, கட்டணமின்றி ஆஜரான சட்டத்தரணி ஒருவரே குகநாதனைத் தாக்குமாறு கூறியதாக சந்தேகநபர் பொலிஸாருக்கு வாக்குமூலம் அளித்துள்ளார். (மேலும்.....)

ஆவணி 17, 2011

இராணுவத் தலையீட்டினால் பூநகரி மக்கள் பய பீதியில் - ஆனந்தசங்கரி

இந்த நாட்டிலுள்ள பூநகரிப் பகுதியில் வாழும் இந்த மக்கள் இராணுவத்தினரின் தலையீட்டால் பயத்துடனும் பீதியுடனும் வாழுகின்றனர். இவ்வாறு இராணுவத்தின் உதவியைக் கோரியுள்ள அரசியல் கட்சியானது ஒவ்வொரு ப.நோ.கூ. சங்கத்தினிடமிருந்தும் ரூபா பத்து இலட்சம் ரொக்கமாகப் பெற்றுள்ளது. இத்தகைய சம்பவங்களை ஐ.நா.சபை மட்டத்திலோ அல்லது வேறு நாடுகளுக்கோ முறையிட முடியாது. தயவு செய்து தாங்கள் இதில் தலையிட்டு கூட்டுறவு உதவி ஆணையாளர் மூலமாக இந்த முறைகேடுகள் சம்பந்தமாக ஒரு விசாரணை நடத்தி நடந்த தேர்தலை இரத்துச் செய்து புதிதாக தேர்தலை நடத்தும்படி கேட்டுக் கொள்கின்றேன். (மேலும்.....)

ஆவணி 17, 2011

யாழில் கலாசார சீர்கேடு உண்மையா? ஐந்து மாதங்களில் 211 பேர் இளவயது கர்ப்பம்

யாழ்.மாவட்டத்தில் இளவயது கர்ப்பந்தரித்தல் தொடர்ச்சியாக அதிகரித்து வருவதாக அந்த மாவட்டத்தின் சுகாதாரப் பணிமனை தெரிவிக்கிறது. யாழ். குடாநாட்டில் 2011 ஆம் ஆண்டு ஜனவரி மாதம் முதல் மே மாதம் வரையிலான ஐந்து மாத காலப்பகுதியில் 211 இள வயதினரும்; திருமணமாகாத பெண்கள் 69 பேரும் கர்ப்பம் தரித்துள்ளதாக புள்ளிவிபரங்கள் தெரிவிக்கின்றன. இதேவேளை, இந்த ஐந்து மாத காலப்பகுதியில் சிறுவர் துஷ்பிரயோகம் தொடர்பாக 242 முறைப்பாடுகள் பதிவாகியுள்ளன. இத்தகவலை வீரகேசரி இணையத்தள செய்திப்பிரிவினருக்கு உறுதிப்படுத்திய யாழ். மாவட்ட சுகாதார பணிமனையின் தாய்சேய் நல வைத்திய அதிகாரி திருமதி.தி.சிவசங்கர், கலாசார சீர்கேடுகள் குறித்து தமது கவலையையும் வெளியிட்டார்.

ஆவணி 17, 2011

கிரீஸ் மனிதன் என்ற மாயை தோற்றுவித்து அரசியல் இலாபம் - கிழக்கு முதல்வர்

தற்போது நாட்டின் பல பாகங்களிலும் கிரீஸ் மனிதன், மர்ம மனிதன் என்கின்ற ஒரு மாயை தோற்றுவிக்கப்பட்டு குறித்த சில பிரதேசங்களில் இயல்பு நிலை பாதிக்கப்பட்டு வருகின்றது. இவ்வாறான சூழலை சில அரசியல்வாதிகள் தங்களுக்குச் சாதகமாக்கி மக்களை மீண்டும் பீதியில் உறையச் செய்து வருகிறார்கள் என கிழக்கு மாகாண முதலமைச்சர் சிவநேசதுரை சந்திரகாந்தன் தெரிவித்துள்ளார். (மேலும்.....)

ஆவணி 16, 2011

புளொட்டிலிருந்து தீப்பொறி வரையான எனது அனுபவப் பகிர்வுகள் (பாகம் 15)

(நேசன்)

பாண்டி வெலிக்கடைச் சிறையில் நீண்டகாலமாக குட்டிமணி, தங்கத்துரை போன்றோருடன் இருந்தவர். 1983 வெலிக்கடைச் சிறைப்படுகொலையின் பின் மட்டக்களப்புச் சிறைக்கு மாற்றப்பட்ட பாண்டி மட்டக்களப்புச் சிறையுடைப்பின் போது தப்பிவந்தவர்களில் ஒருவர். மட்டக்களப்புச் சிறையுடைப்பில் இருந்து தப்பிவந்த பின்பும் கூட, புளொட்டினுடைய படகை இந்தியாவுக்கும் இலங்கைக்கும் இடையில் செலுத்திவந்த தன்னலமற்ற, ஒரு துணிச்சல்மிக்க போராளி. மட்டக்களப்பு சிறையுடைப்பில் இருந்து தப்பி வந்தவர்கள் எல்லோரும் சொந்த மக்களிடமிருந்து அன்னியப்பட்டு இந்தியா சென்று பாதுகாப்பாக இருந்த வேளையில் ( இதில் பரந்தன் ராஜன், அற்புதன் விதிவிலக்கானவர்கள், இருவரும் நடக்கமுடியாத அளவுக்கு காயமடைந்தவர்களாக இருந்தனர்) பாண்டியோ இலங்கை அரசபடைகளால் தேடப்பட்ட நிலையிலும் கூட விடுதலைப் போராட்டத்துக்காக தனது உயிரைப் பணயம் வைத்து செயற்பட்ட ஒருவர். 1985ம் ஆண்டு பிற்பகுதியில் படகில் இந்தியாவிலிருந்து இலங்கை நோக்கி வந்துகொண்டிருந்தபோது கடற்படையினருடன் ஏற்பட்ட சமரில் பாண்டி, சின்னமலை உட்பட பலர் உயிரிழந்தனர். (மேலும்.....)

ஆவணி 16, 2011

மர்ம மனிதர்கள்

மறைந்திருந்து தாக்கும் மர்மம் என்ன?

"அச்சமில்லை அச்சமில்லை அச்சமென்பதில்லையே உச்சிமீது வானிடிந்து வீழுகின்ற போதிலும் அச்சமில்லை அச்சமில்லை அச்சமென்பதில்லையே''
மகாகவி பாரதியாரின் கவிவரிகள் முணுமுணுக்கப்பட்ட காலம் மாறிப்போய் சூரிய அஸ்தமனத்திற்கு முன்னதாகவே வீடுகளுக்குள் அடங்கி, அன்றாட கடமைகளைக் கூட மறந்து ஏக்கம், பயம், பதற்றம், சந்தேகம் மட்டுமன்றி ஒருவகையான மனப்பிராந்தியில் வாழவேண்டிய நிலையே நாட்டின் சில பாகங்களில் நிலவுகின்றது. யுத்தத்திற்கு முற்றுப்புள்ளிவைக்கப்பட்டுள்ள நிலையில் மக்கள் நிம்மதிப்பெருமூச்சுவிட்டு சுறுசுறுப்பான வாழ்க்கையை ஆரம்பித்து அதில் பயணித்துக்கொண்டிருக்கின்றார்கள். இந்நிலையில் "மர்ம மனிதன்' "கிறீஸ் மனிதன்" எனும் அச்சத்தினால் பல்வேறு பகுதிகளில் அறிவிக்கப்படாத ஊரடங்குச் சட்டம் அமுல்படுத்தப்படுகின்றது. (மேலும்.....)

ஆவணி 16, 2011

குகநாதனை தாக்கிய முக்கிய சந்தேகநபர் கொழும்பில் கைது

உதயன் பத்திரிகையின் செய்தி ஆசிரியர் ஞானசுந்தரம் குகநாதன் மீது தாக்குதல் நடத்திய சம்பவத்துடன் தொடர்புடைய பிரதான சந்தேக நபரை நேற்று பொலிஸார் கைது செய்துள்ளனர். யாழ்ப்பாணத்தில் இருந்து கொழும்பு வந்த விசேட பொலிஸ் குழுவினரே களுபோவில ஆஸ்பத்திரியில் வைத்து சந்தேக நபரை கைது செய்துள்ளனர். யாழ்ப்பாணத்தைச் சேர்ந்த சின்னவன் என்று அழைக்கப்படும் ரத்ணசிங்கம் சந்திரகுமார் 40 வயதுடைய ஒருவரே இவ்வாறு சந்தேகத்தின் பேரில் கைது செய்யப்பட்டுள்ளதாக வட மாகாணத்திற்கு பொறுப்பான சிரேஷ்ட பிரதிப் பொலிஸ்மா அதிபர் காமினி சில்வா தெரிவித்தார். கைது செய்யப்பட்டவர் ஏற்கனவே பல்வேறு குற்றச் செயல்களுடன் தொடர்புடையவர் என்றும் பாதாள உலகத்தைச் சேர்ந்த முக்கிய நபர் எனவும் அவர் தெரிவித்தார். (மேலும்.....)

ஆவணி 16, 2011

ஜீவாவும் டொமினிக் ஜீவாவும்

(என்.மருத்துவமணி)

கணேஷ் அவர்களைச் சந்தித்ததற்குப் பின்னால் அதே வீட்டில் அதே இடத்தில் இன்னொருவரையும் சந்திக்க முடிந்தது. அந்தச் சந்திப்பு என் வாழ்க் கையை - ஏன் என்னுடைய பெய ரையே மாற்றி அமைத்துவிடும் என அப்பொழுது நான் நினைக்க வில்லை. கற்பனை கூடப் பண்ணிப் பார்க்கவில்லை. தோழர் கார்த்திகேசன் தான் அவரை எனக்கு அறிமுகப்படுத்தி வைத்தார். பக்கத்தே என்னை இலக் கியத் துறைக்கு அறிமுகப்படுத்திய ராஜகோபாலன் மாஸ்டரும் உடனி ருந்தார். இன்னும் சிலரும் இருந்தனர். பெரீய்.... ய மீசை.... ஸ்டாலின் மீசையைப் படங்களில் பார்த்திருப் பீர்கள் அல்லவா, அப்படிப்பட்ட மீசை. குறும்புத்தன்மை மிளிரும் கண்கள். புன்முறுவல் பூத்த உதடுகள். கதர் பைஜாமா. கதர்ச் சட்டை தோளில் ஒரு துண்டு. சிவப்புத் துண்டு. எளிமை என்றால், மகா எளிமை! (மேலும்.....)

ஆவணி 16, 2011

மர்ம மனிதன் பற்றிய கதை

பகலில் தூங்கி இரவில் விழிக்கும் மக்கள்

அம்பாறை, மட்டு. மாவட்டங்களில் கடந்த நான்கு தினங்களாக பொது மக்கள் பகலில் தூங்கி இரவில் விழிக்கும் போக்கைக் கடைப்பிடிக்கின்றனர். தொழிலுக்குச் செல்வோர் இரு வேளையும் விழித்திருக்க வேண்டிய நிலையில் சிறுவர்கள் பலமான பீதியிலும் மன அழுத்தத்துக்கும் உள்ளாகி வருவதாக தெரிகிறது. பெண்கள் தமது ஆண் துணைகளை வலுக்கட்டாயப்படுத்தி வீட்டுக்குள் முடக்குகின்றனர். நோன்பு காலமாகையால் பள்ளிக்கு தொழுகைக்கு செல்ல முடியாத துர்ப்பாக்கிய நிலையும் எழுந்துள்ளது. 3 வருடங்கள் படித்த உயர் தர மாணவர்கள் திருப்தியாக பரீட்சை எழுத முடியாத நிலையில் உள்ளனர். எங்கு பார்த்தாலும் மர்ம மனிதன் பற்றிய கதையே நடக்கிறது. மக்களின் மன நிலை வெகுவாக பாதிக்கப்பட்டு வருகிறது. எதனையும் நிம்மதியாக செய்ய முடியாமல் மனிதன் திண்டாடுகிறான். தினமும் புதுப்புதுச் செய்திகள் உண்மையாகவோ, வதந்தியாகவோ குவிகின்றன. பலர் கேட்டுக் கேட்டு, அலுத்துப் போயுள்ளனர். எனினும் பயம் பீதி மக்களை இரவானால் ஆட்கொள்கிறது.

ஆவணி 16, 2011

நேபாள பிரதமர் ராஜினாமா

நேபாள பிரதமர் ஜலால் நாத் கனால் தனது பதவியை ராஜினாமா செய்தார். இதனால் அந்நாட்டில் அரசியல் நிச்சயமற்ற தன்மை ஏற்பட்டுள்ளது. ஆளும் கட்சியின் முக்கிய கூட்டணியான நேபாள மாவோயிஸ்டுகள் கட்சி, முக்கிய எதிர்க்கட்சியான நேபாள காங்கிரஸ் கட்சி ஆகியவற்றின் நெருக்கடி கார ணமாகவே கனால் ராஜினாமா செய்துள்ளதாகத் தெரிகிறது. ஜனாதிபதி ராம் பரன் யாதவிடம் அவர் ராஜினாமா கடிதத்தை அளித் தார். அடுத்த பிரதமரை தேர்வு செய்யும் வரை பொறுப்பில் தொடருமாறு ஜனாதிபதி கேட்டுக் கொண் டுள்ளார். முன்னதாக நேபாள கம்யூனிஸ்ட் கட்சி (ஒருங்கிணைந்த மார்க்சிஸ்ட் லெனினிஸ்ட்) கூட்டத்தில் பிரதமர் கனால் பங்கேற்றார். அப்போது தனது தனிப்பட்ட விடயம் காரணமாக பதவியில் தொடர முடியவில்லை என்று அவர் தெரிவித்தார். ஆறு மாதங்களுக்கு முன்புதான் அவர் பிரதமராகப் பொறுப் பேற்றார். இம்மாத இறுதியில் நேபாள நாடாளு மன்றத்தின் பதவிக் காலம் முடிவுக்கு வருகிறது. இதற்கு முன் அரசியல் சாசன சட்டத்தையும் இறுதி செய்ய வேண்டும். இந்த நிலையில் பிரதமர் பதவி விலகி யிருப்பது அந்நாட்டில் அரசியல் நெருக் கடியை அதிகரித்துள்ளது.

ஆவணி 16, 2011

நோர்வே துப்பாக்கிச் சூடு இடம்பெற்ற தீவுக்கு சந்தேக நபர் பயணம்

நோர்வே குண்டு தாக்குதல், துப்பாக்கிச் சூடு சந்தேக நபர் அன்டர்ஸ் பிரவிக்கை துப்பாக்கிச் சூடு இடம் பெற்ற தீவுப் பகுதிக்கு பொலிஸார் அழைத்துச் சென்றுள்ளனர். துப்பாக்கிச் சூட்டுச் சம்பவம் குறித்த மேலதிக விசாரணைக்காகவே அவர் அங்கு அழைத்துச் செல்லப்பட்டதாக நோர்வே பொலிஸார் தெரிவித்துள்ளனர். நேற்று முன்தினம் மேற்படி தீவுக்கு அழைத்துச் செல்லப்பட்ட பிரவிக் துப்பாக்கிச் சூட்டுடன் தொடர்புடைய அங்குள்ள பல இடங்களையும் சுற்றிக் காண்பித்துள்ளார். எனினும் இந்த சம்பவம் குறித்து அவர் எந்த கவலையையும் வெளிக்காட்டவில்லை என பொலிஸார் தெரிவித்துள்ளனர். கடந்த ஜுலை 22 ஆம் திகதி நோர்வே தலைநகர் ஒஸ்லோவில் இடம்பெற்ற குண்டுத் தாக்குதலில் 8 பேர் கொல்லப்பட்டனர். இதனைத் தொடர்ந்து அங்குள்ள தீவுப்பகுதியில் இடம்பெற்ற துப்பாக்கிச் சூட்டில் 69 பேர் கொல்லப்பட்டனர்.

ஆவணி 15, 2011

தமிழ் தேசியக் கூட்டமைப்பு கூறுகின்றது

பாராளுமன்ற தெரிவுக் குழு அமைப்பதற்கு முன்பு எம்முடன் பேச வேண்டும்

பாராளுமன்றத் தெரிவுக்குழு அமைக்கும் அரசாங்கத்தின் தீர்மானத்துக்கு தமிழ்த் தேசியக் கூட்டமைப்பு இன்றுவரை எந்தவிதமான எதிர்ப்பையும் தெரிவிக்கவில்லையெனத் தெரிவித்திருக்கும் கூட்டமைப்பின் பாராளுமன்ற உறுப்பினர் எம். ஏ. சுமந்திரன், ஆனால் தெரிவுக்குழு தொடர்பில் விளக்கமளித்து எம்முடன் கலந்துரையாடுவது அவசியமானது எனக் கூறியுள்ளார். பாராளுமன்றத் தெரிவுக் குழுவின் காலம், அதில் ஆராயப்படவிருக்கும் விடயங்கள், இத னூடாக அரசாங்கம் வடக்கு, கிழக்கிற்கு என்ன செய்யவுள்ளது போன்ற விடயங்கள் குறித்து அரசாங்கம் எம்முடன் கலந்துரையாடல்களை நடத்த வேண்டுமென்றே தாம் கோருவதாக அவர் தெரிவித்தார். (மேலும்...)

ஆவணி 15, 2011

மக்களோடு மக்களாய்

திருமலையில் கண் மருத்துவ சிகிச்சை முகாம்

பத்மநாபா ஈழமக்கள் புரட்சிகர விடுதலை முன்னணி திருகோணமலை மாவட்ட தோழர்களால் இன்று (14.08.2011) காலை திருகோணமலை கும்புறுபிட்டி மெதடிஸ்ட் மிஷன் தமிழ் கலவன் பாடசாலையிலும் மதியம் திருகோணமலை 6ம் கட்டை மெதடிஸ்ட் மிஷன் சிறுவர் பாடசாலையிலும் இலவச கண் மருத்துவ சிகிச்சை முகாம் மற்றும் இலவச கண்ணாடி வழங்கல் நிகழ்ச்சி நடைபெற்றது. தோழர் சக்தி தலைமையில் நடைபெற்ற இந்நிகழ்ச்சியில் முன்னாள் வடக்கு கிழக்கு மாகாண முதலமைச்சர் அவர்கள் சிறப்பு விருந்தினராக கலந்து கொண்டு சிறப்புரையாற்றி ஆரம்பித்து வைத்தார் இந்நிகழ்ச்சியில் ஏராளமான பொதுமக்கள் கலந்துகொண்டு பயனடைந்தனர். இணைந்த வடக்கு கிழக்கு மாகாண சபையின் செயற்பாட்டுக் காலத்து நினைவுகளை கலந்து கொண்ட மக்கள் தமக்குள் பகிர்ந்து கொண்டனர்.

ஆவணி 15, 2011

பின்லேடன் கொலை

சிதைவடைந்த அமெரிக்க விமானத்தினை பார்வையிட சீனாவிற்கு அனுமதியளித்த பாகிஸ்தான்?

பாகிஸ்தானில் வைத்து ஒசாமா பின்லேடன் சுட்டுக் கொல்லப்பட்ட சம்பவத்தின் போது, சேதமடைந்த அமெரிக்க ஹெலிகொப்டரை பரிசோதிக்க சீன பொறியியலாளருக்கு பாகிஸ்தான் அனுமதியளித்ததாக தகவல்கள் கசிந்துள்ளன. கடந்த மே மாதம் 2ஆம் திகதி, பாகிஸ்தானின் அபோதாபாத்தில் மறைந்திருந்த ஒசாமா பின்லேடனைப் பிடிப்பதற்கு அமெரிக்க நேவி சீல் படை அங்கு பயணம் செய்திருந்தது. ராடார்களின் கண்களில் சிக்காமல் பாகிஸ்தானில் வந்திறங்கிய அவர்கள் 'ஸ்டீல்த்' தொழிநுட்பத்துடன் கூடிய ஹெலிகொப்டர்களைப் பயன் படுத்தியமை அதன் போது பெரும் பரபரப்பை ஏற்படுத்தியிருந்தன. (மேலும்...)

ஆவணி 15, 2011

கலவரம் அல்ல, எழுச்சி!

லண்டன் மாநகரம் பற்றி எரியும் என்று வெளிநாட்டு மோகிகள் யாரும் எதிர்பார்த்திருக்க மாட்டார்கள். உலகக் கடன் தர வரிசையில் முதல்முறையாக அமெரிக்காவின் தரம் ஒருபடி கீழே இறங்கியதைப் போலவே பிரிட்டிஷ் ஆட்சியாளர்களின் தலையில் இடியாய் இறங்கியது லண்டன் ‘கலவரம்.’ பர்மிங்ஹாம், மான்செஸ்டர் உள்பட பிரிட்டனின் அனைத்து நகரங் களுக்கும் அடுத் தடுத்த நாட்களில் வேகமாக பரவிய இந்தக் ‘கலவரத்தை’ ஒடுக்க வீதிகள் தோறும் ஆயுதம் ஏந்திய போலீஸ் படையை குவித்திருக்கிறது பழமை வாத கூட்டணியின் பிரதமர் டேவிட் கேமரூனின் ஆட்சி. கடந்த 6ம்தேதி சனிக்கிழமை லண்டனின் ஒரு பகு தியான டொட்டன்ஹாமில் போலீஸ் நடத்திய துப்பாக்கிச் சூட்டில் 29 வயது இளைஞர் மார்க் துக்கான் என்பவர் கொல்லப்பட்டார். ஏற்கனவே கனன்று கொண்டிருந்த இளைஞர்களின் குமுறல், காவல் துறை நிகழ்த்திய இந் தப் படுகொலையை தொடர்ந்து வெடித்தெழுந்தது. (மேலும்...)

ஆவணி 15, 2011

அதிக கடன் பெற்றுள்ள நாடுகளில் இந்தியா 5வது இடம்

அதிக கடன் பெற்றுள்ள வளரும் நாடுகளின் பட்டியலில் இந்தியா 5வது இடத்தில் உள்ளது. எனினும் இந்தியாவின் கடன் தீர்க்கக் கூடியதே என்று மத்திய நிதி அமைச்சர் பிரணாப் முகர்ஜீ கூறியுள்ளார். நேற்று முன்தினம் நாடாளுமன்றத்தில் நடந்த கேள்வி நேரத்தின் போது, மத்திய நிதியமைச்சர் பிரணாப் முகர்ஜி கூறுகையில், உலகில் அதிக கடனுள்ள வளரும் நாடுகளின் பட்டியலை, உலக வங்கி வெளியிட்டுள்ளது. 2009ம் ஆண்டு கணக்குப்படி கடனுள்ள 20 நாடுகளில், இந்தியா 5வது இடத்தில் உள்ளது. சீனா, ரஷ்யா, பிரேசில், துருக்கி ஆகிய நாடுகள் இந்தியாவிற்கு முன் உள்ளன. இந்தியா பெற்றுள்ள கடன் தொகை திரும்ப செலுத்தும் வகையில் கட்டுக்குள் உள்ளது. எனவே இது குறித்து கவலைப்படத் தேவையில்லை எனவும் அவர் குறிப்பிட்டுள்ளார்.

ஆவணி 15, 2011

சந்தேகத்தின் பேரில் 200 பேர் கைது

மர்ம மனிதர்கள் எனும் போர்வையில் போலி நாடகமாடிய 200 பேர் இதுவரையில் நாடளாவிய ரீதியில் கைதுசெய்யப்பட்டு விளக்கமறியலில் வைக்கப்பட்டிருப்பதாக பொலிஸ்மா அதிபர் என்.கே. இளங்கக்கோன் தெரிவித்தார். கைது செய்யப்பட்டிருக்கும் அனைவரும் ஆண்கள். உண்மையில் இவர்கள் பேயோ, பூதமோ அல்லது மர்ம மனிதர்களோ இல்லை. திருடர்களும், கொள்ளையர்களும், வெண்சந்தன மரக் கடத்தல்காரர்களுமே, நாட்டு மக்களால் சித்தரிக்கப்பட்டிருக்கும் மர்ம மனிதன் எனும் நாமத்தை சாதகமாகப் பயன்படுத்தி நாளுக்கு நாள் தமது அட்டூழியங்களை அதிகரித்து வருகின்றனர். கஞ்சா போதைப்பொருள் பாவனையாளர்களும், காமவெறியர்களும் இதனை சாதகமாகக் கொண்டு பெண்களுடனான சேஷ்டைகளை அதிகரித்துள்ளனர். இவ்வாறானவர்களையே நாம் கைதுசெய்து தடுத்துவைத்துள்ளோம். தற்போது பரவலாகப் பேசப்பட்டுவரும் இந்த மர்ம மனிதர்களை முற்றாக ஒழிக்கவேண்டுமாயின் முதலில் எமது மக்களின் மனோநிலையில் மாற்றத்தை ஏற்படுத்த வேண்டும். மர்ம மனிதர்களோ, பூதங்களோ அல்லது பேய்களோ இங்கு நடமாடவில்லை என்பதை அவர்கள் மனப்பூர்வமாக நம்ப வேண்டும். இதற்காக நாம் நாடளாவிய ரீதியில் விழிப்புணர்வு நிகழ்ச்சிகளை நடாத்திவருகின்றோம்.

ஆவணி 15, 2011

தமிழர்களை அவமதித்த அமெரிக்க துணை தூதர் மன்னிப்பு கேட்க வேண்டும்

முதல் அமைச்சர் ஜெயலலிதா சென்னையில் உள்ள அமெரிக்க தூதரக அதிகாரி ஜெனிபர் மெக்இன்டைருக்கு ஒரு கடிதம் எழுதி உள்ளார். அமெரிக்க துணை தூதர் மவுரீன் சாவ், எஸ். ஆர். எம். பல்கலைக்கழகத்தில் நடைபெற்ற ஒரு நிகழ்ச்சியில் பேசியது, பத்திரிகைகளில் வெளியாகி உள்ளது. அதில், நான் டெல்லியில் இருந்து ஒரிசாவுக்கு ரெயிலில் சென்றேன். இந்த பயண நேரம் 24 மணி நேரம்தான். ஆனால் 72 மணி நேரம் ஆகியும், அந்த ரெயில் ஒரிசா போய்ச் சேரவில்லை. அதனால், எனது சருமம், தமிழர்களைப் போல அழுக்காகவும், கறுப்பாகவும், ஆகிவிட்டது என்று மவுரீன் சாவ் பேசியுள்ளார். இன வெறி கொண்ட இந்த பேச்சு, மிகவும் கண்டனத்துக்கு உரியது. இந்த கருத்து ஓட்டுமொத்த தமிழர்களையும் அவமதிக்கக் கூடியது என்று தங்களுக்கே தெரியும். எனவே, இந்த கருத்துகளை வாபஸ் பெற்றுக்கொண்டு, தமிழர்களைப் பற்றி இத்தகைய கருத்து தெரிவித்தற்காக மன்னிப்பு கேட்குமாறு மவுரீன் சாவை தாங்கள் வற்புறுத்த வேண்டும் என்று கேட்டுக்கொள்கிறேன் என்றார்.

ஆவணி 15, 2011

ரணிலின் தலைமைக்கு எதிராக ஆர்ப்பாட்டம், சத்தியாக்கிரகம்

ஐக்கிய தேசியக் கட்சியின் தலைவர் ரணில் விக்கிரமசிங்கவுக்கு எதிராக கட்சியின் ஆயிரக்கணக்கான ஆதரவாளர்களை திரட்டி எதிர்ப்பு ஆர்ப்பாட்டமொன்றை நடாத்துவதற்கு சஜித் பிரேமதாச அணியினர் நடவடிக்கை எடுத்து வருவதாகத் தெரியவருகின்றது. இந்த எதிர்ப்பு ஆர்ப்பாட்டம் நாளை மறுதினம் 17ம் திகதி ஐ. தே. கட்சியின் சிறிகொத்தா தலைமையகத்திற்கு அருகில் நடாத்தப்படவிருப்பதாகவும் தெரிவிக்கப் படுகின்றது. ஐ.தே.க.வின் விஷேட செயற்குழுக் கூட்டம் 17ம் திகதி சிறிகொத்தாவில் நடைபெறவுள்ளது. இக்கூட்டத்தில் பாரிய நெருக்கடிகளுக்கு உள்ளாகி இருக் கும் கட்சி தலைமைத்துவம் தொடர்பாக ரணில் விக்கிரமசிங்க சரியான தீர்வைப் பெற்றுத் தரத் தவறுவாராயின் அதற்கு எதிராக சாகும் வரையும் உண்ணாவிரதப் போராட்டத்தை ஆரம்பிக்க விருப்பதாக அக்கட்சியின் பிரதித் தலைவர் சஜித் பிரேமதாச கூறினார். கட்சி தலைவர் பதவியிலிருந்து ரணில் விக்கிரமசிங்க வெளியேறும் வரையும் இந்த உண்ணாவிரதப் போராட்டம் முன்னெடுக்கப்படும் எனவும் அவர் குறிப்பிட்டார்.

ஆவணி 15, 2011

லண்டன் கலவரம்

அமெரிக்காவிடம் ஆலோசனை கேட்டதற்கு பிரிட்டிஷ் பொலிஸ் அதிருப்தி

பிரிட்டனில் 5 நாட்கள் நீடித்த வன்முறை பிரச்சினைகளை ஒடுக்குவது தொடர்பாக பிரதமர் அமெரிக்காவின் முன்னாள் பொலிஸ் தலைவர் உதவியை எதிர்பார்த்தார். நியூயோர்க்கின் முன்னாள் பொலிஸ் தலைவரை ஆலோசனைக்கு அழைத்து இருப்பது பிரிட்டன் பொலிஸ் அதிகாரிகளுக்கு எரிச்சலை ஏற்படுத்தி உள்ளது. இது குறித்து பொலிஸ் அதிகாரிகளின் சங்க தலைவரான சர் ஹியூ ஓர்டே கூறுகையில், “400 நபர்களை கொண்ட படைப்புரிவு வலிமைமிக்காத இருக்கும் என கருத முடியாது. அவர்களிடம் நாம் ஆலோசனை பெற வேண்டும் என நாங்கள் எதிர்பார்க்கவில்லை” என அவர் தனது அதிருப்தியை வெளிப்படுத்தினார். அமெரிக்கா வன்முறைக்கும், பிரிட்டன் வன்முறைக்கும் வேறுபாடு உள்ளது. இந்த நிலையில் அமெரிக்க முன்னாள் பொலிஸ் அதிகாரியை அழைப்பது சரியல்ல என்றும் அவர் தெரிவித்தார். பிரிட்டன் பொலிஸாரின் அணுகுமுறை மிகச்சிறந்ததாக கருதுகிறோம். நாம் ஐரோப்பிய நடைமுறையை பின்பற்ற வேண்டும். அமெரிக்க நடைமுறையை பார்க்க கூடாது என்றும் பிரிட்டன் உள்துறை அமைச்சர் கவனத்திற்கு தெரிவிக்க விரும்புகிறோம் என்றும் அவர் தெரிவித்தார்.

ஆவணி 15, 2011

எமது இணைபிரியா நட்பு நாடாக சீனா இருந்து வருகிறது

எமது நாட்டிற்கு ஏற்படும் துன்பத்திலும், இன்பத்திலும் எந்நேர மும் ஒன்றிணைந்து உறுதுணை புரிவதற்கு இரண்டு நட்புநாடு கள் இருக்கின்றன. அவற்றில் ஒன்று இந்தியா, மற்றது சீனா. இந்தியாவுடன் நாம் கலாசார பாரம்பரியங்களின் ஊடாக பல்லாண்டு காலம் நெருங்கிய தொடர்பினையும், நட்புறவையும் கொண்டுள் ளோம். அது போன்றே, சீனாவும், இலங்கையும் பல்லாண்டு கால நட்பு நாடாக இருந்து எங்களுக்கு பலவிதத்திலும் உறுதுணை புரிந்து வருகின்றது. சுமார் நூறாண்டுகளுக்கு முன்னர் நாம் பிரிட்டிஷ் ஆட்சியின் கீழ் இருந்தாலும், இந்தியர்களுக்கும் சீனர்களுக்கும் இடையில் இருந்து வந்த உறவு வலுவாக இருந்தது. அன்று, நாட்டின் எந்த நகரத்திலும் இந்தியர்களின் புடவைக் கடைகளை நாம் பார்க்கலாம். இந்திய வர்த்தகர்களை விட மிஞ்சிவிடக் கூடியளவுக்கு சீன வர்த்தகர்களின் கடைகள் நாடெங்கிலும் இருந்தன. சீனர்களும், அன்று பெரும் பாலும் புடவை விற்பனையையே செய்து வந்தார்கள். (மேலும்...)

ஆவணி 15, 2011

மிகவும் பலவீனமான நிலையில் பொருளாதாரம்

உலக பொருளாதாரத்தில் காணப்படும் ஸ்திரத்தன்மையற்ற போக்கால் பல ஆபத்தான கட்டங்களை எதிர்நோக்கும் அபாயம் இருப்பதாக உலக வங்கித் தலைவர் இராபர்ட் ஸோயலிக் எச்சரித்துள்ளார். அமெரிக்காவின் பொருளாதாரத்தின் தரத்தை கடந்த வாரம் “ஸ்டாண்டர்ட் அன்ட் புவர்” நிறுவனம் குறைத்து அறிவித்தது. இதன் எதிரொலியால் சர்வதேச பங்கு சந்தைகளில் நிலையற்ற தன்மை காணப்படுகிறது. போதாக்குறைக்கு ஐரோப்பிய யூனியனில் அங்கம் வகிக்கும் நாடுகளின் பொருளாதார நிலையிலும் சரிவு ஏற்படும் அபாயம் இருக்கிறது. இதனால் அடுத்த பொருளாதார சரிவை உலக நாடுகள் எதிர்நோக்கியுள்ளன. இந்த நிலையில் உலக வங்கியின் தலைவர் ரொபர்ட் ஸோயலிக் அவுஸ்திரேலியாவின் பிரபல பத்திரிகையான வீக்கண்டுக்கு சிறப்பு பேட்டி அளித்தார். அப்போது அவர் கூறியதாவது. தற்போது நாம் புதிய பொருளாதார சரிவின் ஆரம்ப கட்டத்தில் இருக்கிறோம். ஆனால் இது கடந்த 2008ம் ஆண்டு ஏற்பட்ட பொருளாதார சரிவு போன்று இருக்காது. கடந்த சில வாரங்களாக அவுஸ்திரேலியா உள்ளிட்ட வளரும் நாடுகளின் பொருளாதாரம் ஓரளவுக்கு வளர்ச்சி பாதைக்கு திரும்பியுள்ளன. ஆனால் வளர்ந்த நாடுகளின் பொருளாதாரம் தொடர்ந்து ஆபத்தான கட்டத்தை எதிர்நோக்கியுள்ளன. வளர்ந்த நாடுகள் பொருளாதார கொள்கைகளை சீர்படுத்தினால் மீண்டும் வளர்ச்சி பாதைக்கு திரும்ப முடியும் என்றார்.

ஆவணி 14, 2011

புளொட்டிலிருந்து தீப்பொறி வரையான எனது அனுபவப் பகிர்வுகள் (பாகம் 14)

(நேசன்)

யாழ்ப்பாண மாவட்டத்தில் அமைப்பாளர்கள் எதிர்நோக்கும் பிரச்சனைகள் பற்றிப் பேசும் பொருட்டும், அமைப்பு செயற்பாடுகளை முன்னோக்கிக் கொண்டு செல்லும் பொருட்டும் யாழ்ப்பாண மாவட்ட அமைப்பாளர் கூட்டத்தை கூட்டவேண்டியிருந்தது. திருநெல்வேலியில் இதற்கான இடத்தை விபுல் மூலம் ஒழுங்கு செய்து அங்கு யாழ்மாவட்ட குழு கூடியது. இதுவே புளொட்டின் யாழ் மாவட்டத்திலுள்ள அனைத்து உதவி அரசாங்க அதிபர் பிரிவு அமைப்பாளர்களையும் ஒன்றுசேர்த்துக் கூட்டப்பட்ட முதலாவது குழுக் கூட்டமாக அமைந்தது.(மேலும்......)

ஆவணி 14, 2011

யாழ். குடாநாட்டில் வீதிச் சோதனை நடவடிக்கைகள் அதிகரிப்பு _

யாழ். குடாநாட்டில் கடந்த சில தினங்களாகப் படையினரின் வீதிச் சோதனை நடவடிக்கைகள் அதிகரித்துக் காணப்படுகின்றன. குறிப்பாக, யாழ். நகரை அண்டிய பகுதிகளிலேயே இவ்வாறான சோதனை நடவடிக்கைகள் மேற்கொள்ளப்பட்டு வருகின்றன. இரவு வேளைகளில் பயணம் செய்யும் சகல வாகனங்களும் வழிமறிக்கப்பட்டு அடையாள அட்டைகள் பரிசோதிக்கப்பட்ட பின்னர் வாகன இலக்கங்கள் பதி வு செய்யப்பட்டு உரிமையாளர்களிடம் கையொப்பம் பெற்ற பின்னரே பயணம் செய்ய அனுமதிக்கப்படுகின்றனர். மாலை வேளைகளில் மேற்கொள்ளப்படும் இந்த சோதனை நடவடிக்கைகள் நள்ளிரவு வேளைகளையும் தாண்டி இடம்பெற்று வருகின்றது. குறிப்பாக யாழ். பல்கலைக் கழகத்தை அண்டிய இராம நாதன் வீதியில் மட்டும் மூன்று வீதிச் சோதனைகள் இடம்பெறுகின்றன. இந்தச் சோதனைகளால் இரவில் பயணத்தினை மேற் கொள்ளும் பொதுமக்கள் பெரும் சிரமங்களை எதிர்நோக்க நேரிட்டுள்ளது எனவும் தெரிவிக்கப்படுகிறது.

ஆவணி 14, 2011

நவம்பர் 5, பேஸ்புக்கின் இறுதித் தினமா?

பேஸ்புக் சமூக வலையமைப்பானது கடந்த மார்ச் மாதம் முதல் நிறுத்தப்படுமென ஜனவரி மாதமளவில் செய்தி வெளியாகியிருந்ததுடன் பெரும் பரபரப்பையும் ஏற்படுத்தியிருந்தது. தற்போது பேஸ்புக் சேவையை 'யுழெலெஅழரள' என்ற பிரபலமான ஹெக்கர்களின் குழு தாக்கவுள்ளதாக தகவல்கள் வெளியாகியுள்ளன. இதன்படி எதிர்வரும் நவம்பர் மாதம் 05 ஆம் திகதியுடன் பேஸ்புக் சேவை நிறைவிற்கு வருமெனத் தெரிவிக்கப்படுகின்றது. இது தொடர்பிலான அறிவிப்பு அடங்கிய காணொளியானது கடந்த ஜூலை மாதம் 16 ஆம் திகதி வெளியாகியிருந்தது. எனினும் தற்போதே அது தொடர்பில் தகவல்கள் வெளியுலகிற்கு கசிய ஆரம்பித்துள்ளன.

ஆவணி 14, 2011

இந்திய

சுதந்திர தினநாளில் தீவிரவாதிகள் தாக்குதல் நடத்த திட்டம்

சுதந்திர தினத்தன்று தீவிரவாதிகள் தாக்குதல் நடத்தலாம் என மாநில அரசுகளுக்கு மத்திய அரசு எச்சரிக்கை விடுத்துள்ளது. நாடு முழுவதும் 64வது சுதந்திர தினத்தைக் கொண்டாட மக்கள் தயாராகி வருகின்றனர். இதையொட்டி நாடு முழுவதும் பல்வேறு ஏற்பாடுகள் களைகட்டியுள்ளன. இந்நிலையில் புதுடெல்லியில் செய்தியாளர்களிடம் பேசிய மத்திய உள்துறை அமைச்சர் ப. சிதம்பரம் ஒரு சில பயங்கரவாத இயக்கங்கள் தாக்குதல் நடத்த வாய்ப்புள்ளதாக கூறினார். இது பொதுவான எச்சரிக்கை தான். பயங்கரவாத அச்சுறுத்தல் உள்ளது. 15ஆம் திகதி நாடு முழுவதும் சுதந்திர தினம் கொண்டாடப்படுகிறது. ஆனால் வடகிழக்கு மாநிலங்களில் உள்ள சில இயக்கங்கள் ஆகஸ்ட் 14ஆம் திகதியை வேறு மாதிரி அனுசரிக்க திட்டமிட்டுள்ளன. ஒட்டு மொத்த இந்தியாவும் சுதந்திர தினத்தை கொண்டாட தயாராகி வரும் நிலையில் ஒரு சில இயக்கங்கள் அதை சீரழிக்க திட்டமிட்டுள்ளதாக தெரிகிறது. இதையடுத்து முந்தைய ஆண்டுகளைப் போன்று அனைத்து மாநிலங்கள் மற்றும் யூனியன் பிரதேசங்களுக்கு பொது எச்சரிக்கை விடுக்கப்பட்டுள்ளது. இதையொட்டி நாடு முழுவதும் பாதுகாப்பு ஏற்பாடுகள் பலப்படுத்தப்பட்டுள்ளதாக ப.சிதம்பரம் தெரிவித்தார்.

ஆவணி 14, 2011

It turns out LTTE leader Prabhakaran is not even a true Tamil. He's half Malayali.!

As the world awaits the news of capture of LTTE supremo Veluppillai Prabhakaran, 76-year-old Janaki Amma in Kerala`s Kollam district is praying for him. Born to Naniyamma, the youngest of Prabhakaran`s father Veluppillai`s two sisters, Janaki Amma swears that the leader of the Tamil Tigers bear a striking resemblance to her uncle. Velupillai, who was born into Najaravila House in Kannanallur village in Kollam district, was the eldest of six brothers. At 22, he sailed from the Kanyakumari coast for Sri Lanka (then Ceylon) where he set up a provision store in Jaffna.
Janaki Amma remembers her uncle coming to their family home occasionally. Velupillai wrote to her husband Prameswaran Pillai regularly. `This was sent by my uncle,` she says waving a postcard written in chaste Tamil. 244, Japanam Street, Ceylon was the postal address at which they used to correspond with Velupillai.During one such visit Velupillai let the family know that he had married a girl from Sri Lanka. On another occasion, Velupillai brought good news of the birth of a son. He told them that he had named the boy Prabhakaran. Living with her husband in Poonthalathazham in Kollam, Janaki Amma recalls Veluppillai sending money for her mother. But the money orders stopped after Naniyamma`s death. Though Velupillai also took one of his brothers to Lanka, he returned after a few years. Janaki Amma, who used to work in a cashew processing unit, says she came to know that Prabhakaran was the leader of LTTE from policemen and intelligence officers who came calling at her home after the assassination of Rajiv Gandhi.There is a tinge of sadness in her voice as the septuagenarian says she has never seen Prabhakaran. Janaki Amma, however, assures that the man, most-wanted by the Sri Lankan government, will surely have a place in her house if he came. `After all he is my blood.`
http://www.youtube.com/watch?v=srZRTGmBNLw
 

ஆவணி 14, 2011

பாலியல் வல்லுறவு சம்பவங்கள் வன்னி மாவட்டத்தில் அதிகரிப்பு

வன்னியில் இறுதி யுத்தக் காலப் பகுதியிலும் அதைத் தொடர்ந்தும் பெண்கள் மீது கட்டவிழ்த்து விடப்பட்டுள்ள பாலியல் வன்முறைகள் மோசமானதோர் சூழலைத் தோற்றுவித்து வருவதாக எச்சரிக்கப்படுகின்றது. இடைத்தங்கல் முகாம்களிலும், தடுப்பு முகாம்களிலிருந்தும் குறிப்பிடத்தக்க அளவில் பெண்கள் வெளியேறியுள்ளனர். அவர்கள் இப்போது சொந்த இடங்களில் தமது குடும்பத்துடன் குடியமர்ந்தும் வருகின்றனர். அறிந்த வகையில் அண்மை நாட்களில் கிளிநொச்சியில் மட்டும் பன்னிரெண்டு குழந் தைகள் முறை தவறிப் பிறந்துள்ளன. அவற்றை பிரசவித்தவர்களுள் மூவர் காணாமல் போயுள்ள முன்னாள் போராளிகளது மனை வியர் என்கிறார் மூத்த ஊடகவியலாளரொ ருவர். ஆனால் நடக்கும் விடயங்கள் சமூகத் துக்கு அபாயமானவை. உண்மை கடண்டறி யப்பட்டு பொருத்தமான நடவடிக்கைகள் எடுக்கப்பட வேண்டுமென்கிறார் அவர். (மேலும்......)

ஆவணி 14, 2011

லிபியாவில் நேட்டோவின் போர்க்குற்ற ஆதாரங்களை வெளிப்படுத்தும் ஊடகவியலாளர்கள்

பொய்யான தகவலகளையும், பிழையான எண்ணங்களையும் முன்னிலைப்படுத்தும் மேற்குலக ஊடகங்களிற்கு சவால் விடுவதற்காகவே, குறிப்பிட்ட ஊடகவியலாளர்கள், ஆய்வாளர்கள் மற்றும் படப்பிடிப்புக் கலைஞர்களை கொண்ட குழுவொன்றினால் திரிப்போலி பகுதியில் தயாரித்து நெறிப்படுத்தப்பட்ட வீடியோ காட்சியே இது. நேட்டோவின் கட்டளைகளிற்கிணங்க, லிபிய மக்களின்மீது நடாத்தப்பட்டுவரும் மனிதக் கொலைகளையும், அங்கு அவர்கள் துன்புறுத்தப்படுவதையும், இக் குற்றச்செயல்களில் நேட்டோவின் ஈடுபாட்டினையும், அதே நேரம் அவற்றில் மேற்குலக ஊடகங்களின் ஈடுபாட்டையும் இவ் வீடியோ வெளிக்கொணர்கின்றது. சர்வதேச யுத்த குற்றங்களிற்கான சட்டத்தில் இந்த யுத்த ஏற்பாட்டாளர்கள் அடையாளப்படுத்தப்படல் வேண்டும். (மேலும்......) (காணொளியை பார்பதற்கு.....)

ஆவணி 14, 2011

இலங்கை பாதுகாப்பு செயலாளரை கண்டித்து சபையில் அ.தி.மு.க. கோஷம்

தமிழக சட்டசபையில் இயற்றப்பட்ட தீர்மானத்தையும், முதல்வரையும் அவமதிக்கும் வகையில் பேசிய இலங்கையின் பாதுகாப்புச் செயலாளர் கோத்தபாய ராஜபக்ஷவை கண்டித்து, பாராளுமன்றத்தில் எதிர்ப்பு கோஷங்கள் எழுப்பப்பட்டன. இலங்கை மீது பொருளாதார தடை விதிக்க வலியுறுத்தியும், போர்க் குற்றங்கள் குறித்து விசாரணை நடத்த வேண்டுமென்றும், தமிழக சட்டசபையில் தீர்மானம் நிறை வேற்றப்பட்டது. இந்தத் தீர்மானத்தை கேலிசெய்யும் வகையிலும், தமிழக முதல்வர் ஜெயலலிதாவை அவமதிக்கும் வகையிலும், இலங்கை பாதுகாப்பு செயலர் கோத்தபாய ராஜபக்ஷ சமீபத்தில் பேட்டியளித்து இருந்தார். இலங்கையின் பாதுகாப்பு செயலாளர் கோத்தபாய ராஜபக்ஷ வுக்கு மத்திய அரசு கண்டனம் தெரிவிக்க வேண்டும் என்றும், அவர்கள் வலியுறுத் தினர். அ.தி.மு.க. எம்.பி.க்கள் எழுப்பிய கோஷங்களால் சிறிது நேரம் பரபரப்படைந்த சபையில் பின்னர் “அமைதி திரும்பியது.

ஆவணி 14, 2011

நமக்கு நாமே போட்டுக்கொண்ட சூடு: ஒபாமா வேதனை

“கடன்களை திருப்பி செலுத்த அமெரிக்காவுக்கு உள்ள திறனுக்கான மதிப் பீட்டை, தரச்சான்றிதழ் வழங்கும் நிறுவனம் ஒரு புள்ளி குறைத்து விட்டது. ‘ஏஏஏ’ என்ற தர மதிப்பீட் டில் இருந்து ‘ஏஏ பிளஸ்’ என்ற மதிப்பீட்டை கொடுத் துள்ளது. இது நமக்கு நாமே போட்டுக்கொண்ட சூடு ஆகும்” என அமெரிக்க ஜனாதிபதி பாரக் ஒபாமா கூறினார். அமெரிக்காவில் விரை வில் அடுத்த ஜனாதிபதி தேர்தல் நடைபெறவுள்ளது. 2012-ம் ஆண்டு நடக்க இருக்கும் ஜனாதிபதி தேர் தலில் மீண்டும் போட்டி யிட இருக்கும் ஒபாமா அதற்கான பிரச்சாரத்தில் இறங்கிவிட்டார். மிக்சிகன் நகரில் நடை பெற்ற பிரச்சாரக் கூட்டத் தில் பேசியபோது, அவர் மேற்கண்டவாறு கூறினார். (மேலும்......)

ஆவணி 14, 2011

குலுங்கியது ஏமன்!   லட்சக்கணக்கான மக்கள் பேரணி

ஜனநாயக உரிமைகள் கோரி ஏமன் நாட்டில் நடைபெற்ற பேரணிகளில் லட்சக்கணக்கான மக்கள் பங்கேற்றுள்ளனர். ஜனாதிபதியாக இருக்கும் அலி அப்துல்லா சலே, தற்போது சவூதி அரேபியாவில் சிகிச்சை பெற்று வருகிறார். அவர் நாடு திரும்ப மாட்டார் என்று தகவல்கள் தெரிவிக்கின்றன. இந்நிலையில் எதிரிக்கட்சிகள் மற்றும் மாற்றத்திற்காகப் போராடி வரும் இளைஞர்கள் அமைப்பு ஆகியவற்றை ஒருங்கிணைத்து ஒரு தேசிய கவுன்சிலை உருவாக்க வேண்டும் என்று போராடி வரும் அமைப்புகளிடமிருந்து கோரிக்கை எழுந்து வருகிறது. (மேலும்......)

ஆவணி 13, 2011

2000 குற்றவாளிகளை பிடிக்க வெளிநாட்டில் வலை விரிப்பு

கொலை, கற்பழிப்பு, கொள்ளை, போதைவஸ்து கடத்தல் போன்ற பலதரப்பட்ட படுபயங்கரமான குற்றச் செயல்களை செய்து பொலிசாரின் கண்களில் மண்ணை தூவி விட்டு தலைமறைவாகிய 2000ற்கும் மேற்பட்டவர்கள் நாட்டைவிட்டு, சட்டவிரோதமாக தப்பியோடி விட்டதாக பொலிஸ் உயர் அதிகாரி ஒருவர் அறிவித்தார். இந்த குற்றவாளிகள் போலிக் கடவுச்சீட்டுக்களைப் பயன்படுத்தியும், மீன்பிடி படகுகளின் உதவியுடனும் வெளிநாடுகளுக்கு தப்பிச் சென்றிருப்பதாக பொலிசார் கூறுகிறார்கள். இந்த குற்றவாளிகள் உள்ளூரில் செல்வாக்கு மிக்க கொள்ளை கோஷ்டிகளின் தலைவர்களாக அல்லது முக்கியஸ்தர்களாக இருந்து தேர்தல் காலத்தில் பல அரசியல்வாதிகளுக்கு பண உதவி செய்தும் தங்கள் குண்டர்கள் மூலம் வன்முறைகளுக்கு உதவி செய்தும் இருந்திருப்பதாகவும், அதனால் அவர்கள் சில அரசியல்வாதிகளின் உதவியுடன் வெளிநாடுகளுக்குத் தப்பிச் சென்றிருக்கலாம் என்றும் பொலிசார் கூறுகிறார்கள். இந்த குற்றவாளிகளில் சிலர் இப்போது வெளிநாடுகளில் இன்ரபோல் பொலிசாரின் உதவியுடன் கைது செய்யப்பட்டிருப்பதாகவும், அவர்கள் விரைவில் இங்கு அழைத்துவரப்படுவார்கள் என்றும் பொலிசார் கூறுகிறார்கள். இவர்களின் பலர் பாதாள உலகைச் சேர்ந்த படு பயங்கரமான கொலையாளிகள் என்றும் பொலிசார் தெரிவித்தனர்.

ஆவணி 13, 2011

152 முன்னாள் புலி உறுப்பினர்கள் சமூகத்தில் இணைப்பு

மனிதாபிமான இராணுவ நடவடிக்கையின் இறுதிக் கட்ட யுத்தத்தின் போது பாதுகாப்பு படையினரிடம் சரண் அடைந்து கடந்த இரண்டு ஆண்டுகளுக்கு மேலாக புனர்வாழ்வு பெற்ற 152 முன்னாள் போராளிகள் நேற்று வெள்ளிக்கிழமை வவுனியா நகர சபை கலாசார மண்டபத்தில் நடைபெற்ற வைபவத்தில் சமூகத்துடன் இணைக்கப்பட்டார்கள். புனர்வாழ்வு ஆணையாளர் நாயகம் மேஜர் ஜெனரல் சுதந்த ரணசிங்க தலைமையில் நடைபெற்ற இந்த வைபவத்தில் புனர்வாழ்வு நிலையங்களுக்கு பொறுப்பான இராணுவ உயர் அதிகாரிகளும் கலந்து கொண்டனர். சரணடைந்தவர்களை கட்டம் கட்டமாக விடுவிக்கும் அரசாங்கத்தின் நிகழ்ச்சி திட்டத்தின் கீழ் இந்த நிகழ்வு நடைபெற்றது.

ஆவணி 13, 2011

அம்பாறை மாவட்டத்தில் பல இடங்களில் ஒரே இரவில் மர்ம மனிதர்கள் ஊடுருவல்

அம்பாறை மாவட்டத்தில் தமிழ், முஸ்லிம் மக்கள் செறிந்து வாழும் ஆறுக்கு மேற்பட்ட இடங்களில் ஒரே இரவில் பல்வேறு கோணங்களில் கிறீஸ் மனிதர்கள் (மர்ம மனிதர்கள்) ஊடுருவியமையினால் மக்கள் மத்தியில் பீதியும் பதற்றமும் ஏற்பட்டுள்ளது. நேற்று முன்தினம் வியாழக்கிழமை இரவு 7 மணி முதல் 11 மணிக்கு இடைப்பட்ட நேரத்திற்குள் சம்மாந்துறை, காரைதீவு, கல்முனை, மருதமுனை, பெரிய நீலாவணை, பொத்துவில் உள்ளிட்ட இடங்களில் கிறீஸ் மனிதன் ஊடுருவியதாக செய்தி பரவியமையை அடுத்தே மேற்படி நிலைமை தோன்றியுள்ளது. (மேலும்......)

ஆவணி 13, 2011

வவுனியா நகர சபை உறுப்பினர்கள் அடையாள உண்ணாவிரதப் போராட்டம்

வவுனியா நகரசபை எல்லைக்குட்பட்ட பட்டாணிச்சி புளியங்குளம் மையவாடிக்குச் சொந்தமான காணியில் கடைகள் கட்டப்படுவதை உடன் நிறுத்தக் கோரியும், நகரசபைத் தலைவர் மற்றும் உபதலைவர் ஆகியோருக்கு அச்சுறுத்தல் விடுக்கப்பட்டதைக் கண்டித்தும் நேற்று வவுனியா நகரசபை முன்றலில் அடையாள உண்ணாவிரதப் போராட்டமொன்று நடத்தப்பட்டது. முஸ்லிம் மையவாடிக்குச் சொந்தமான காணிக்குள் கடைகள் கட்டப்படுவதற்கு நகரசபை எதிர்ப்புத் தெரிவித்திருந்த நிலையில், அண்மையில் கடைகள் கட்டுவதற்கான முயற்சிகள் முன்னெடுக்கப்பட்டி ருப்பதாகவும், இச்சம்பவம் தொடர்பில் நகரசபைத் தலைவர் மற்றும் உபதலைவருக்கு சில தரப்பினர் அச்சுறுத்தல் விடுத்திருப்பதாகவும் வவுனியா நகரசபை வட்டாரங்கள் தெரிவித்தன.

ஆவணி 13, 2011

பொத்துவிலில் குழப்பம்

பொத்துவில் நகரில் நேற்று இடம்பெற்ற சம்பவத்தில் ஒருவர் கொல்லப்பட்டுள்ளார். மற்றுமொருவர் காயமடைந்துள்ளார். பொத்துவில் பொலிஸாருக்கு எதிராக நேற்று ஆர்ப்பாட்டங்கள் நடைபெற்றன. கண்ணீர் புகைக்குண்டுகள் வீசி கூட்டத்தை கலைக்க பொலிஸார் முற்பட்டனர். இதேவேளை கூட்டத்தைக் கலைக்க துப்பாக்கி பிரயோகமும் மேற்கொள்ளப்பட்டது. இந்த குழப்ப நிலை காரணமாக ஒருவர் காயமடைந்துள்ளார். மேலும் நேற்று பிற்பகல் பொத்துவில் நகரில் மீண்டும் ஏற்பட்ட குழப்பத்தில் மற்றுமொருவர் உயிரிழந்துள்ளார். கிழக்கு மாகாண சபை உறுப்பினர் மாஜீட்டின் இல்லத்தருகே இச்சம்பவம் இடம்பெற்றுள்ளது. திருக்கோயில் பொலிஸ் நிலையத்துக்கு முன்னாலும் இதேபோன்று ஆர்ப்பாட்டம் இடம்பெற்றது. இதில் இடம்பெற்ற வன்முறைகளில் இருவர் காயமடைந்து ள்ளனர். திருக்கோயில் விநாயகபுரம் பகுதியில் பிடிக்கப்பட்ட இரண்டு கிaஸ் மனிதர்களை தம்மிடம் ஒப்படைக்குமாறு கோரியே இவர்கள் ஆர்ப்பாட்டத்தில் ஈடுபட்டுள்ளனர்.

ஆவணி 13, 2011

 

கடாபியின் தூதர்கள் உடனடியாக நாட்டை விட்டு வெளியேற வேண்டும் - பிரித்தானிய அரசு உத்தரவு

பிரிட்டனில் உள்ள லிபிய ஜனாதிபதி கடாபியின் தூதர்கள் நாட்டை விட்டு வெளியேற உத்தரவிடப்பட்டுள்ளது. இதனால் அவர்கள் தங்களது கார் மற்றும் சொத்துக்களை உடனடியாக விற்பதற்கு தீவிரம் காட்டி வருகின்றனர். லிபியாவில் கர்னல் கடாபி இராணுவத்தினர் பொதுமக்களுக்கு எதிரான தாக்குதலை தீவிரப்படுத்தி உள்ளனர். தொடர்ந்து லண்டனில் உள்ள கடாபி தூதர்கள் நாட்டைவிட்டு வெளியேற பிரிட்டன் அரசு உத்தரவிட்டது. நாட்டைவிட்டு துரத்தப்படுவதற்கு முன்னர் அந்தத் தூதர்கள் சொத்துக்களை விரைவாக விற்று வருகிறார்கள். லிபியாவில் பணத்தட்டுப்பாடு வந்துவிடக்கூடாது என கடாபி தூதர்கள் தங்கள் சொத்துக்களை வந்த விலைக்கு விற்று வருகிறார்கள். இதனை பிரிட்டன் மூத்த அதிகாரி ஒருவர் தெரிவித்தார். லிபியாவில் தனது இராணுவத்திற்கு தேவையான எரிபொருள் பெறுவதிலும் கடாபிக்கு பிரச்சினை ஏற்பட்டுள்ளது என அந்த அதிகாரி தெரிவித்தார். கடாபிக்கு எதிரான போராட்டக்காரர்களின் தேசிய மாற்ற கவுன்சிலை பிரிட்டன் கடந்த மாதம் அங்கீகரித்தது. இந்தக் கவுன்ஸிலில் லிபிய அரசு உரிமை உள்ளது என பிரிட்டன் தெரிவித்துள்ளது. லிபியாவில் கடாபி இராணுவத்தை ஒடுக்க மார்ச் மாதம் முதல் நேட்டோ படைகள் முகாமிட்டுள்ளன.

ஆவணி 13, 2011

ஒருங்கிணைந்த செயற்பாடுகளின் மூலமே மக்களுக்கு நன்மைகளை செய்ய முடியும்

ஒரு பக்கத்தில் அவசர காலச் சட்டத்தை நீக்குவதைப் பற்றிப் பேசப்படுகிறது. மறுபக்கத்திலே அவர்களே அவசர காலச் சட்டத்தை நீடிப்பதற்கான காரணங்களை உருவாக்கி கொண்டிருக்கின்றனர். ஈழ மக்கள் ஜனநாயகக் கட்சி யினராகிய நாம், அவசரகாலச் சட் டத்தை அடிப்படையில் எதிர்க்கின்றோம் என்பதை இந்த அவையிலே தொடர்ந்து வலியுறுத்தி வருகின்றேன். அவசரகாலச் சட்டத்தை நடைமுறை ரீதியாக நீக்குவதற்காகவே நாங்கள் பாடுபடுகின்றோம். நாட்டிலே நிரந்தர அமைதியும் முழுமையான இயல்புச் சூழலும் உருவாகும்போது இந்த மாதிரியான நெருக்கடிகள் தானாகவே தீர்ந்துவிடும். ஆனால், நாட்டிலே அமைதி நிலை உருவாகுவதைச் சிலர் விரும்புவதில்லை. அவர்கள் எப்போதும் இன முரணை வளர்த்து, பிரச்சினைகளை உருவாக்கி, அதிலேயே பிழைப்பு நடத்த விரும்புகின்றனர். (மேலும்......)

ஆவணி 12, 2011

புளொட்டிலிருந்து தீப்பொறி வரையான எனது அனுபவப் பகிர்வுகள் (பாகம் 13)

(நேசன்)

1984 தைமாதம் ஒன்பதாம் திகதி, இனக் கலவரத்துள் அகப்பட்டு பாதிக்கப்பட்டதனால் இடம் பெயர்ந்த தமிழ் பல்கலைக்கழக மாணவர்களின் சாகும்வரை உண்ணாவிரத போராட்டம் யாழ் பல்கலைக்கழக வளாகத்தில் ஆரம்பமானது. இப் போராளிகளுள் மதிவதனியும் ஒருவர். பல்கலைக்கழக மாணவர்களின் அகிம்சை வழியான போராட்டத்தை வெற்றிகரமான வெகுஜன போராட்டடமாக மாற்றுவதற்கு, அனைத்து பல்கலைக்கழக மாணவர்களும் செயற்பட்டுக் கொண்டிருந்தனர். அவர்களில் கேதீஸ்வரனும் ஒருவராக இருந்தார். ஆனால் மக்கள் போராட்டத்திலோ, மக்கள் அரசியலிலோ நம்பிக்கை அற்ற, வெறுமனே ஆயுதங்களை மட்டுமே நம்பியிருந்த, மன நோயாளிகளான தமிழீழ விடுதலைப் புலிகளோ மாணவர் போராட்டத்தில் ஈடுபட்ட, சாகும்வரை உண்ணாவிரத போராட்டத்தில் இருந்தோரை ஆயுத முனையில் கடத்தி செல்வதற்கு திட்டமிட்டிருந்தது, பல்கலைக்கழக மாணவர்கள் மத்தியில் கசிந்திருந்தது.(மேலும்......)

ஆவணி 12, 2011

Indian

Parliament to debate Sri Lankan situation

Parliament would have a short duration discussion on August 16 on the steps taken by the Indian government for ‘relief and resettlement of Tamils in Sri Lanka and other measures to promote their welfare.' It would be taken up simultaneously in both Houses. Several members are eager for an opportunity to express their views on the situation of Tamils in the post-conflict situation in the island nation and the need for an early political solution to address the grievances of Tamils and other minorities in Sri Lanka.The discussion was originally slated for an earlier date but due to various factors, including disruptions, the matter could not be taken up. Floor leaders of various parties and the government representatives have assured concerned members that the discussion would take place at the earliest possible time next week. (more....)

ஆவணி 12, 2011

ராஜீவ் காந்தி கொலைக் குற்றவாளிகளின் கருணை மனுக்கள் நிராகரிப்பு

முன்னாள் பிரதமர் ராஜீவ்காந்தி படுகொலைசெய்யப் பட்ட வழக்கில் மரண தண்டனை விதிக்கப்பட்ட 3 பேரின் கருணை மனுக்களை குடியரசுத் தலைவர் பிரதிபா பாட்டீல் நிராகரித்துவிட்டார். முன்னாள் பிரதமர் ராஜீவ்காந்தி 1991-ம் ஆண்டு மே மாதம் 21-ம் தேதி ஸ்ரீபெரும்புதூரில் மனிதவெடிகுண்டு தாக்குதலில் கொல்லப்பட்டார். இந்த படுகொலை வழக்கில் எல்டிடிஇ இயக்கத்தைச் சேர்ந்த முருகன், சாந்தன், பேரறிவாளன் மற்றும் நளினி ஆகியோருக்கு 1999-ல் மரண தண்டனை விதிக்கப்பட்டது. இந்த மரண தண்டனையை உச்சநீதிமன்றமும் 2000-ம் ஆண்டில் உறுதிசெய்தது. எனினும் நளினியின் மரண தண் டனை ஆயுள் தண்டனையாக மாற்றப்பட்டது. உச்சநீதி மன்றம் மரணதண்டனையை உறுதிசெய்த தைத் தொடர்ந்து 3 பேரும் குடியரசுத் தலைவரிடம் கருணை மனுக்கள் தாக்கல் செய்தனர். 3 பேரும் தாக்கல் செய்த கருணை மனுக்களை குடிய ரசுத் தலைவர் பிரதிபா பாட் டீல் கடந்த வாரம் நிராகரித்துவிட்டதாக குடியரசுத் தலை வர் மாளிகை செய்தித்தொடர்பாளர் தெரிவித்தார்.

ஆவணி 12, 2011

கொலைகளத்தி​ன் கண் கண்டசாட்சி​: புதிய காணொ​ளி
 

புதுடில்லியைத் தளமாகக் கொண்டு இயங்கும் ஹெட்லைன் ருடே என்ற தொலைக்காட்சி இலங்கையின் போர்க் குற்றங்கள் தொடர்பிலான இரண்டு மணி நேர புதிய ஆவணப்படம் ஒன்றை நேற்று செவ்வாய்கிழமை இரவு 7.30 தெராடக்கம் 9.30 வரை ஒளிபரப்பியது. பிரித்தானிய சனல் 4 தொலைக்காட்சி வெளியிட்ட 'இலங்கையின் கொலைக்களங்கள்' என்ற ஆவணப் படத்தை 3 நாட்கள் தொடர்ச்சியாக ஒளிபரப்பியதும் இந்த ஹெட்லைன் ருடே தொலைக்காட்சியே ஆகும். இந்த நிலையில் இன்றிரவு இனப்படுகொலையின் கண்கண்ட சாட்சி- இலங்கையில் நடந்த கொலைக்களங்கள் (I witnessed Genocide: Inside Lanka's Killing Fields) என்ற ஆவணப்படத்தை இத்தொலைக்காட்சி ஒளிபரப்பியது. இத் தொலைக்காட்சியின் நிருபர் ஒருவர் நேரடியாக கிளிநொச்சி சென்று பொதுமக்களைச் சந்தித்துள்ளார். மிகவும் இரகசியமாக எடுக்கப்பட்டுள்ள சில காணொளி ஆதாரங்கள் இப் பதிவில் இடம்பெற்றுள்ளன. கீழ் காணும் தொடர்பை அழுத்தி காணொளியை பார்வையிடவும்.

இலங்கைத் தமிழர்களுக்கு சம அந்தஸ்து கிடைக்கும் வரை  போராட்டம் ஓயாது- ஜெயலலிதா

இலங்கையில் இனப்படு கொலையை நடத்தியவர் களை போர்க் குற்றவாளி கள் என அறிவிக்க மத்திய அரசு, ஐக்கிய நாடுகள் சபையை வற்புறுத்த வேண் டும் என்றும், இது மட்டு மல்லாமல், முகாம்களில் தங்க வைக்கப்பட்டுள்ள இலங்கைத் தமிழர்களுக்கு மறுவாழ்வு மற்றும் முழு சம உரிமை கிடைக்கும் வரை அந்நாட்டின் மீது, பொருளாதாரத் தடை விதிக் கப்பட வேண்டும் என்றும் தமிழ்நாடு சட்டமன்றப் பேரவையில் 8.6.2011 அன்று தீர்மானம் நிறைவேற்றப்பட் டது. தமிழ்நாடு சட்டமன் றப் பேரவையில் நிறைவேற் றப்பட்ட தீர்மானத்திற்கு களங்கம் கற்பிக்கும் வகை யில் அதனை விமர்சித்து இலங்கை அரசின் பாதுகாப் புச் செயலாளர் கோத்தபய ராஜபக்ஷே ஹெட் லைன்ஸ் டுடே தொலைக் காட்சிக்கு பேட்டி அளித்து இருப்பது, இலங்கை அரசு தான் செய்த தவறை நியா யப்படுத்துவது போல் அமைந்துள்ளது. இந்தத் தீர் மானத்தை நான் அரசியல் ஆதாயத்திற்காக கொண்டு வந்து நிறைவேற்றியதாக கோத்தபய ராஜபக்ஷே கூறி யிருக்கிறார். இது வன்மை யாகக் கண்டிக்கத்தக்கது. (மேலும்......)

ஆவணி 12, 2011

Humanitarian Operation – Factual Analysis: July 2007- May 2009

On August 1st, 2011, the Ministry of Defence / Sri Lanka released its report ″Humanitarian Operation – Factual Analysis: July 2007- May 2009″, which gives the factual background and operational context at the Humanitarian operation undertaken by the Government of Sri Lanka between July 2006 and May 2009 to free the country from Liberation Tigers of Tamil Eelam (LTTE). The report serve as a response to allegation made against the Government of Sri Lanka in the aftermath of the defeat of the LTTE.

ஆவணி 12, 2011

யாழ்., கிளிநொச்சி மாவட்டங்கள்

வாக்காளர் இடாப்புகளில் அனைவரும் பதிவு செய்ய வேண்டும்

யாழ்ப்பாணம் மற்றும் கிளிநொச்சி மாவட்டங்களில் வாழும் சகல வாக்காளர்களும் தவறாது தங்களது வாக்காளர் விண்ணப்பப் படிவங்களை நிரப்ப வேண்டும் என்று பெப்ரல் அமைப்பு வேண்டுகோள் விடுத்துள்ளது. இவ்விரு மாவட்டங்களையும் சேர்ந்த வாக்காளர்கள் தங்கள் வாக்காளர் விண்ணப்பப் படிவங்களை தவறாது நிரப்புவதற்கு அங்கு செயற்படும் அரசியல் கட்சிகளின் பிரதிநிதிகள் நடவடிக்கை எடுக்க வேண்டும் என்றும் அந்த அமைப்பு கோரியுள்ளது. சுமார் பத்தாயிரம் வாக்காளர்களின் எண்ணிக்கை 2011 ஆம் ஆண்டு வாக்காளர் இடாப்பில் அதிகரிக்கும் போது யாழ் குடா நாட்டுக்கான எம்.பி.க்களின் எண்ணிக்கை ஒன்றால் அதிகரிக்கும். யாழ். குடாநாட்டில் 2010 ஆம் ஆண்டு வாக்காளர் இடாப்பில் பதிவாகியுள்ள வாக்காளர்களின் எண்ணிக்கை குறைந்ததால் எம்.பிக்களின் எண்ணிக்கையும் குறைவடைந்துள்ளது. இந்நிலைமையைக் கருத்தில் கொண்டு செயற்படுமாறும் அவர் வாக்காளர்களைக் கேட்டுக்கொண்டுள்ளார்.

ஆவணி 12, 2011

Amnesty International: Channel 4's Sri Lanka's Killing Fields

One happened to be a woman Vany Kumar who was exposed to have had three different aliases to suit her strategy.  She was also called Damilvany Kumar, Vany Kumar and Damilvany Gnanakumar.   She was exposed as a military trained Tamil Tigress  who operated from  the UK where she lived under the LTTE front Tamil Youth Organization (TYO) and had entered Sri Lanka in 2008 on orders from terrorist Castro and wore the terrorist graduation loyalty symbol of a cyanide capsule around her neck.  She was no witness of Sri Lankan Govenment atrocities in the Wanni more than my dog Mookey who lives with us in Ottawa.This woman was exposed as a blatant liar by the Tamil Doctor who she had accused on camera that he did amputations on Tamils with a kitchen knife without any anesthetics. The Doctor exposed this Vany Kumar as a liar as there was no such butchery done by him and he couldn’t keep his smirk off his face talking about her lie. (more...)

ஆவணி 12, 2011

கொழும்பு முகத்துவாரத்தில் ரூ. 60 இலட்சம் கொள்ளை

நகைக் கடை யொன்றுக்கு கொள்வனவு செய்யப்பட்ட 60 இலட்சம் ரூபா பெறுமதியான தங்கம் கொழும்பு முகத்துவாரம் புளுமெண்டல் வீதியில் வைத்து கொள்ளையிடப்பட்டுள்ளது. இந்த சம்பவம் நேற்று முன்தினம் இரவு 8.00 மணியளவில் இடம்பெற்றதாக பொலிஸ் ஊடகப் பேச்சாளர் பிரசாந்த ஜெயகொடி தெரிவித்தார். புளுமெண்டல் வீதியிலுள்ள நகை கடையொன்றில் பணிபுரியும் ஊழியர் ஒருவர் கடைக்குத் தேவையான தங்கத்தை செட்டியார் தெருவில் இருந்து வாங்கிக் கொண்டு செல்கையிலேயே அவை கொள்ளையிடப்பட்டுள்ளன. இவர் செட்டியார் தெருவில் உள்ள நான்கு கடைகளில் இருந்து சுமார் 946 கிராம் எடை யுள்ள தங்கத்தை வாங்கி தனி த்னியாக பார்சலிட்டு தனது மோட்டார் சைக்கிளில் எடுத்து வந்துள்ளார். புலுமெண்டல் வீதியில் வைத்து மோட்டார் சைக்கிளில் வந்த இருவர் இவரை வழிமறித்து தங்கப் பொதிகளை பறித்துக் கொண்டு தலைமறை வாகியுள்ளனர். இவரின் அடையாள அட்டை கையடக்கத் தொலைபேசி என்பனவும் கொள்ளையிட ப்பட்டுள்ளதாக பொலிஸில் முறையிடப் பட்டுள்ளது. 60 இலட்சத்து 18 ஆயிரம் ரூபா பெறுமதியான தங்கம் கொள்ளை யிடப்பட்டுள்ளது. சம்பவம் தொடர்பாக புளுமெண்டல் பொலிஸார் விசாரணை நடத்துகின்றனர்.

ஆவணி 12, 2011

"News & Views" High Commission Newsletter. (News LetterJuly 2011

(more....)

ஆவணி 11, 2011

இனப்பிரச்சினைக்கான தீர்வை அரசு காலம் கடத்தவில்லை

பாராளுமன்ற தெரிவுக்குழுவின் அறிக்கை ஆறு மாத காலத்திற்குள் கையளிப்பு
 

இனப்பிரச்சினைக்கு தீர்வு காண்பதற்கான பாராளுமன்ற தெரிவுக்குழு தன்னுடைய அறிக்கையை 6 மாதங்களுக்குள் சபாநாயகரின் ஊடாக ஜனாதிபதி மஹிந்த ராஜபக்ஷவிடம் கையளிக்குமென்று பொருளாதார அபிவிருத்தித் துறை அமைச்சர் பசில் ராஜபக்ஷ தெரிவித்தார். தமிழ் பத்திரிகைகளின் பிரதம ஆசிரியர்களை கொழும்பில் நேற்று சந்தித்து உரையாடிய அவர் இவ்வாறு கூறினார்.அரசாங்கம் இனப்பிரச்சினைக்கு தீர்வு காண்பதை காலதாமதப்படுத்துவதற்காகவே பாராளுமன்ற தெரிவுக்குழுவுக்கு அதனை அனுப்புவதாக அறிவித்து ள்ளதென்ற எதிர்க்கட்சியின் குற்றச்சாட்டு இதன் மூலம் ஆதாரமற்றது என்பது நிரூபணமாகுமென்றும் அவர் சொன்னார். இலங்கையின் அரசியல் சாசனம் சகல உரிமைகளையும் இந்நாட்டு மக்களுக்கு பெற்றுக் கொடுக்கும் சகல அதிகாரங்களையும் கொண்டிருக்கிறதென்று தெரிவித்த அமைச்சர், அதிலுள்ள முக்கிய அம்சங்களை அமுலாக்குவதில் சில காலதாமதங்கள் ஏற்படுவது ஏதோ உண்மைதான் என்று சொன்னார். (மேலும்....)

ஆவணி 11, 2011

கருணாநிதியின் பல ஆயிரம் கோடி சொத்து விபரத்தால் பரபரப்பு

முன்னாள் முதல்வர் கருணாநிதி மற்றும் அவரது குடும்பத்தினருக்கு சொந்தமான சொத்துக்கள் என 60-க்கும் மேற்பட்ட, பல ஆயிரம் கோடி மதிப்புள்ள சொத்துக்களின் பட்டியலை டெல்லியிலிருந்து வெளியாகும் "தி அதர் சைட் பத்திரிகை" வெளியிட்டுள்ளது. இந்தப் பத்திரிகையின் ஆசிரியர் ஜோர்ஜ் பெர்ணான்டஸ். கருணாநிதியின் நீண்ட கால நண்பரும் கூட. இந்தப் பத்திரிகையில் வெளியாகியுள்ள விவரங்களைப் பார்த்து பிரதமர் உள்ளிட்ட டெல்லி தலைவர்கள் ஆடிப் போய்விட்டதாக பரபரப்பாக பேசிக் கொள்கிறார்கள். (மேலும்....)

ஆவணி 11, 2011

இங்கிலாந்தில் வன்முறை பரவும் முறைகள் தரும் திடுக்கிடும் தகவல்

இங்கிலாந்தில் வன்முறைகள் இடம்பெற்று வரும் நிலையில் அங்கு வன்முறையாளர்கள் தங்கள் தகவல் பரிமாற்றத்திற்கு பிளக்பெரி மெசஞ்சர் சேவை மற்றும் பேஸ்புக், டுவிட்டர் வலையமைப்புகளை பாவிப்பதாக தகவல்கள் வெளியாகியுள்ளன. கடந்த ஞாயிறு முதல் அங்கு இடம்பெற்று வரும் வன்முறைகளில் ஈடுபட்டுள்ளோர் தங்களிடையே தகவல்களைப் பரிமாற்றுவதற்கு இவ்வசதிகள் பெரும் பங்களிப்பு செய்வதாக தெரிவிக்கப்படுகின்றது. இவற்றின் ஊடாகவே எங்கு அடுத்து வன்முறை நிகழப்போகின்றது? எங்கே ஒன்று கூடுவது, எவற்றைத் தாக்குவது மற்றும் கொள்ளையடிப்பது தொடர்பில் தகவல்கள் பரிமாற்றப்படுவது கண்டுபிடிக்கப்பட்டுள்ளது. (மேலும்....)

ஆவணி 11, 2011

மர்ம மனிதர்களினால் மலையகத்தில் இயல்பு வாழ்க்கை பெரிதும் பாதிப்பு

மலையக பெருந்தோட்டப் பகுதிகளை பெரிதும் அச்சத்துக்குள்ளாக்கிவரும் மர்ம மனிதர்களினால் பெருந்தோட்ட மக்களின் இயல்பு வாழ்க்கை முற்றாகப் பாதிக்கப்பட்டுள்ளதுடன் மாணவர்களின் கல்வியும் பாதிப்பை சந்தித்துள்ளது. கடந்த சில நாட்களாக இரத்தினபுரி, காவத்தை, பதுளை, மாத்தளை போன்ற பெருந்தோட்டப் பகுதிகளில் மர்ம மனிதனின் செயற்பாடுகள் இடம்பெற்று வந்தன. தற்போது மலையகம் முழுவதிலும் பல்வேறு சம்பவங்கள் இடம்பெற்று வருவதனால் பெரும் அச்சுறுத்தலான சூழல் அங்கு ஏற்பட்டுள்ளது. (மேலும்....)

ஆவணி 11, 2011

இராஜரத்தினத்திற்கு அதிகபட்ச சிறை தண்டனை அளிக்க வேண்டும்

இராஜ் இராஜரத்தினத்தின் பரவலான குற்ற நடவடிக்கைகளுக்காக அதிகபட்ச சிறைத்தண்டனையான 24 வருடம் 6மாத சிறைத்தண்டனை அளிக் கப்பட வேண்டும் என்று அரசு தரப்பு வழக் கறிஞர்கள் பரிந்துரைத்துள்ளனர். நிதிநிறுவன மேலாளரான இராஜ் ராஜரத்தினத்தின் வழக்கறிஞர்கள், நீண்ட காலம் சிறைத்தண்டனை விதிக்கப்படுமா னால் அவரது உடல் நலம் பாதிக்கப்படும். ஒரு வேளை அது மரண தண்டனையாகக் கூட மாறிவிடும் என்று தெரிவித்துள் ளனர். இராஜ் இராஜரத்தினம் பல்வேறு வகை யான நோய்களினால் பாதிக்கப்பட்டுள் ளார் என அவரது வழக்கறிஞர்கள் குறிப் பிட்டனர். இலங்கையில் பிறந்தவரான இராஜ் ராஜரத்தினம் உள்நாட்டில் சட்டவிரோ தமான வர்த்தகத்தின் நவீன முகமாவார். இதுவரை பிடிபட்டவர்களுள் இராஜ் ராஜரத்தினத்தைப் போல சட்டத்தை மீறி யவர்கள் கிடையாது என்று அமெரிக்க அரசு வழக்கறிஞர்கள் தெரிவித்தனர்.

ஆவணி 11, 2011

இங்கிலாந்தில் கலவரம் பரவுகிறது-லண்டனில் 16 ஆயிரம் போலீஸ் குவிப்பு

தலைநகர் லண்டனில் 16 ஆயிரம் போலீசார் குவிக்கப் பட்டதைத் தொடர்ந்து அமைதி திரும்பியது. ஆனால், பிரிட்டனின் இதர நகரங்களில் வன்முறை தீவிரமாக பரவியது. துப் பாக்கிச் சூட்டில் 2வது இளை ஞர் பலியானார். வடக்கு லண்டன் டாட் டன் ஹாம் பகுதியில் கடந்த வியாழக்கிழமையன்று 29 வயது ஆப்ரிக்க - கரீபியன் இளைஞர் மார்க் துக்கன் போலீசார் துப்பாக்கிச் சூட் டில் மரணம் அடைந்தார். அதனைத் தொடர்ந்து வார இறுதியில் அமைதியான முறையில் எதிர்ப்பு போராட்டம் நடந்தது. இந்தப் போராட்டம் திடீ ரென வன்முறையாக உரு வெடுத்தது. அதனைத் தொடர்ந்து கடந்த 4 நாட் களாக லண்டன் பதட்டத் தில் உள்ளது. (மேலும்....)

ஆவணி 11, 2011

கூட்டணி கட்சிகளுடனான அதிருப்தியினால் இடதுசாரிகளுடன் கைகோர்க்க பிரதமர் விருப்பம்
 

பிரதமர் மன்மோகன் சிங் தலைமையில் கடந்த 2006ம் ஆண்டு காங்கிரஸ் கூட்டணி அரசு பதவி ஏற்ற போது அதில் இடதுசாரிகள் முக்கிய பங்கு வகித்தனர். அமைச்சரவையில் பங்கேற்காவிட்டாலும், சபாநாயகர் பதவியை ஏற்றார் மார்க்சிஸ்ட் மூத்த தலைவர் சோம்நாத் சட்டர்ஜி. கடந்த 2008ம் ஆண்டு இந்தியா - அமெரிக்கா அணு ஒப்பந்தம் தொடர்பாக காங்கிரசுடன் கருத்து வேறுபாடு ஏற்பட்டதால் மத்திய அரசுக்கு தந்த ஆதரவை இடதுசாரிகள் மீளப் பெற்றனர். கடந்த நாடாளுமன்றத் தேர்தலில் இடதுசாரிகள் பெரும் தோல்வியைத் தழுவ காங்கிரஸ் மீண்டும் மத்தியில் ஆட்சிக்கு வந்தது. தொடர்ந்து நடந்த கேரளா, மேற்கு வங்க சட்டமன்றத் தேர்தல்களிலும் கம்யூனிஸ்டுகளுக்கு தோல்வியே ஏற்பட்டது. இந் நிலையில் மார்க்சிஸ்ட் முத்த தலைவரும் பொலிட் பீரோ உறுப்பினரும் சீதாராம் யெச்சூரியும், கேரள மாநிலத்தைச் சேர்ந்த 5 மார்க்சிஸ்ட் எம். பிக்களும் நேற்று முன்தினம் பிரதமர் மன்மோகன் சிங்கை சந்தித்துப் பேசினர். கேரள மாநில திட்டங்கள் குறித்துப் பேசவே அவர்கள் சென்றனர். (மேலும்....)

ஆவணி 11, 2011

இலங்கைக்கு எதிரான சர்வதேச அழுத்தங்கள் எடுபடப்போவதில்லை

மனிதாபிமான முறையில் பிரச்சினைகளையும், நெருக்கடிகளை யும் தீர்த்து வைக்கும் ஒரு புதிய நடைமுறையை ஜனாதிபதி மஹிந்த ராஜபக்ஷ உலகிற்கு எடுத்துக்காட்டிய சாதனையாள ராக திகழ்ந்து வருகிறார். மேற்கத்தேய நாடுகள் பிரச்சினைகளை தீர்ப்பதற்கு கையாண்ட தீர்வுகள் படுதோல்வி அடைந்த காரணத்தி னால், சில வருடங்களுக்கு முன்னர் உலகில் அல்கய்தா பயங்கர வாதம் வலுப்பெற்று உலகின் வல்லரசு நாடு என்று மார்பு தட்டிக் கொண்டிருந்த அமெரிக்காவின் இரட்டைக் கோபுரங்களை தகர்த்து அமெரிக்காவை மட்டுமன்றி முழு உலகையே பதற்றமடையச் செய்தது. (மேலும்....)

ஆவணி 10, 2011

புளொட்டிலிருந்து தீப்பொறி வரையான எனது அனுபவப் பகிர்வுகள் (பாகம் 12)

(நேசன்)

கொக்குவில் சுற்றிவளைப்பின் பின்னான சந்திப்புக்கள், யாழ் பல்கலைக்கழகத்தை அண்மித்த பகுதிகளுக்கு மாறியது. ஏனைய மாவட்டங்களிலிருந்து இளைஞர்கள் யாழ்ப்பாணம் வந்தவண்ணமிருந்தனர். இவர்களை இந்தியாவுக்கு அனுப்புவதில் மட்டுமல்லாது, இவர்களை பாதுகாப்பாக தங்க வைப்பதிலுமே நிறையவே பிரச்சனைகளை முகம் கொடுக்கவேண்டிய நிலை ஏற்பட்டது. கொக்குவில் சுற்றிவளைப்பின் பின்னான நிலமை இதுவாக இருந்தது. 1983 யூலைக்குப்பின் விடுதலை இயக்கங்களின் வளர்ச்சியால், அரசபடைகளுக்கெதிரான தாக்குதல் சம்பவங்கள் அதிகரித்திருந்தன. விடுதலை இயக்கங்களின் தாக்குதல்களுக்குப் பதிலாக, அரசபடையினர் வர்த்தக நிலையங்களை தீயிட்டுக் கொளுத்துதல், அப்பாவி மக்கள் மீது கண்மூடித்தனமாக துப்பாக்கிப் பிரயோகம் செய்தல், ஊரடங்கு உத்தரவு பிறப்பித்தல் போன்றவற்றை மேற்கொண்டு வந்தனர். (மேலும்....)

ஆவணி 10, 2011

No ethnic solution without including Muslims - Sri Lanka minister

The Sri Lankan Minister of Justice Rauff Hakeem said non inclusion of the Muslim Community in seeking solutions to the ethnic problem would result in failure.He expressed these views when he met a group of British diplomats including David Burton the chief of Political affairs of the British High Commission at his residence. Explaining further the Rauff said at a time when a 30-year war had ended it was most opportune to provide a solution acceptable to all communities. The Tamil National Alliance represents the aspirations of the majority of the Tamil people; similarly the Muslim Congress Party represents the interests of the Muslim community. (more....)

ஆவணி 10, 2011

சமச்சீர் கல்வியே   வருக! வருக!!

தமிழகத்தில் சமச்சீர் கல்வியின் ஒரு பகுதி யான பொதுப்பாடத்திட்டத்தை நடைமுறைப் படுத்துமாறு உச்சநீதிமன்றம் அறிவித்துள்ளது வரவேற்கத்தக்கது. உச்சநீதிமன்றத்தின் தீர்ப்பை ஏற்று நடப்பாண்டே பொதுப்பாடத்திட்டம் தமிழ கத்தில் நடைமுறைக்கு வரும் என்று சட்டப் பேரவையில் தமிழக முதல்வர் ஜெயலலிதா அறிவித்துள்ளதும் வரவேற்கத்தக்கது. இதன் மூலம் கடந்த சில மாதங்களாக தமிழக கல்வி உலகில் நிலவி வந்த குழப்பம் முடிவுக்கு வந் துள்ளது. பொதுப்பாடத்திட்டத்தின் அடிப்படையில் தயாரிக்கப்பட்ட பாடப்புத்தகங்களை இன்னும் 10 நாட்களுக்குள் மாணவர்களுக்கு விநியோ கிக்க வேண்டும் என்றும் உச்சநீதிமன்றம் கூறி யுள்ளது. பொதுப்பாடத்திட்டத்தின் அடிப்படை யில் ஏற்கனவே புத்தகங்கள் தயாரிக்கப்பட்டு, அச்சடிக்கப்பட்டு தயார் நிலையில் உள்ளதால், புத்தகங்களை உடனடியாக விநியோகிப்பதில் எந்தவிதமான இடர்ப்பாடும் இருக்கப்போவ தில்லை.(மேலும்....)

ஆவணி 10, 2011

அவசரகால சட்டத்தை முழுமையாக நீக்க அரசாங்கம் முடிவு

தற்போது அமுலிலுள்ள அவசரகாலச்சட்டத்தை முழுமையாக நீக்குவதற்கு அரசாங்கம் நடவடிக்கை எடுத்துவருவதுடன் மிகவிரைவில் இதற்கான பிரேரணையை பாராளுமன்றத்தில் சமர்ப்பிக்கவுள்ளதாக பிரதமர் டி. எம். ஜயரட்ண நேற்று பாராளுமன்றத்தில் தெரிவித்தார். புலிகள் இயக்கம் இலங்கையில் இப்போது இல்லாதபோதும் புலிகளை மீண்டும் தலைதூக்குவதற்கு வெளிநாட்டு சக்திகள் முயன்று வருகின்றன. இலங்கையை இக்கட்டான சூழ்நிலைக்குத் தள்ளுவதற்கும் சில வெளிநாட்டு சக்திகள் முயற்சிக்கின்றன. எஸ். ஜே. எமானுவல், ஜீ. ரி. எல். வீ. ருத்ரகுமாரன், பிரிட்டிஷ் தமிழ் போரம், தமிழ் நஷனல் கவுன்சில் போன்ற வெளிநாட்டு சக்திகள் இலங்கையில் அமைதியின்மையையும், அவப்பெயரையும் ஏற்படுத்த முயற்சிக்கின்றன. (மேலும்....)

ஆவணி 10, 2011

பற்றி எரியும் லண்டன், மற்ற நகரங்களுக்கும் பரவுகிறது

பொதுமக்கள் மீது பிரிட்டன் காவல்துறை துப்பாக்கிச்சூடு நடத்தியதில் இரண்டு பேர் கொல்லப்பட்டதால் ஆத்திரமடைந்த மக்களுக்கும், காவல்துறையினருக்கும் இடையில் மோதல் அதிகரித்திருக்கிறது. லண்டன் மாநகர் தெருக்கள் போர்க்களமாகக் காட்சியளிக்கும் வகையில் இருக்கிறது. ஏராளமான வாகனங்கள் எரிக்கப்பட்டுள்ளன. காவல்துறை அடக்குமுறையை ஏவிவிட்டு மக்களின் கோபத்தைக் கட்டுப்படுத்த முயற்சி செய்து வருகிறது. கடந்த சில மாதங்களாகவே ஐரோப்பிய நாடுகளில் மக்கள் மீதான தாக்குதல்கள் அதிகரித்து வருகின்றன. பெரும் பொருளாதார நெருக்கடியை சமாளிப்பதற்காக மக்கள் மீது சுமையை ஏற்றும் அரசுகளுக்கு எதிராக ஏராளமான போராட்டங்கள் நடைபெற்று வருகின்றன. தங்களின் நடவடிக்கை களை மீறி பொருளாதார நெருக்கடி கை மீறிப்போய்க் கொண்டிருப்பதால் மக்களின் போராட்டங்களை ஒடுக்கும் வேலையை பல ஐரோப்பிய அரசுகள் செய்து வருகின்றன. (மேலும்....)

ஆவணி 10, 2011

இலங்கையை சூழவுள்ள கடற்படுக்கையில் 9 பில்லியன் கலன் எரிபொருள்

இலங்கையை சூழ உள்ள கடற்படுக் கையில் 9 பில்லியன் கலன் எரிபொருள் இருப்பதாக ஆய்வுகள் தெரிவிக்கின்றன. மன்னாரில் இருந்து உனவடுன வரையான கடற்பகுதியில் எரிபொருள் இருப்பதாக கண்டுபிடிக்கப்பட்டு அதற்கான அகழ்வுகள் தற்பொழுது முன்னெடுக்கப்படுகின்றன. மன்னார் கடற்படுகையில் எரிபொருள் மற்றும் மற்றும் எரிவாயு இருப்பதாக கணிப்பிடப்பட்டுள்ளது. 8 கட்டங்களாக பிரித்து 3 கட்டங்களில் தற்பொழுது அகழ்வுகள் செய்யப்படுகின் றன. ஒரு கட்டத்தில் இந்திய கேன் கம்பனி அகழ்வாராய்ச்சிகளை செய்கிறது என அமைச்சர் சம்பிக ரணவக்க தெரிவித்தார். அமைச்சில் நேற்று நடைபெற்ற ஊடகவியலாளர் மாநாட்டில் எழுப்பப்பட்ட கேள்வியொன்றுக்குப் பதிலளித்த போதே அவர் இவ்வாறு கூறினார்.

ஆவணி 10, 2011

ஐ.தே.க. தலைவராக கரு

ஐக்கிய தேசியக் கட்சியின் பாராளுமன்ற குழுக் கூட்டத்தில் கட்சியின் தலைவராக கரு ஜயசூரியவை நியமிக்க வேண்டுமென்று ஹம்பாந்தோட்டை பாராளுமன்ற உறுப்பினர் சஜித் பிரேமதாஸ முன்மொழிந்த யோசனை ஏற்றுக் கொள்ளப்பட்டுள்ளது. ஆயினும் இது பற்றி இறுதித் தீர்மானம் எடுக்கும் பொறுப்பு சிரேஷ்ட உறுப்பினர்களுக்கும் கட்சியின் செயற்குழுவுக்கும் கொடுக்கப்படுமென்று அறிவிக்கப்படுகிறது. மூன்று மணித்தியாலங்கள் நடைபெற்ற இந்தக் கூட்டத்தில் சில அங்கத்தவர்கள் உணர்ச்சி பூர்வமாக பேசியதனால் அங்கு பதற்ற நிலை ஏற்பட்டதாக அரசியல் வட்டாரங்கள் தெரிவித்தன.  இந்த சந்தர்ப்பத்தில் ஐக்கிய தேசியக் கட்சியின் தலைவர் ரணில் விக்கிரமசிங்க எழுந்து, கட்சியின் பாராளுமன்ற குழுவுக்கு தலைவரை தெரிவு செய்யும் அதிகாரம் இல்லையென்றும், அதுபற்றி தீர்மானம் எடுக்கும் அதிகாரம் கட்சியின் செயற்குழுவுக்கே இருப்பதாகவும் தெரிவித்தார். எனினும் இதனை எதிர்த்து பலர் கூச்சமிட்டபோதும் அவர் அங்கிருந்து வெளியேற செய்த முயற்சியின் போது சிலர் அங்கு அமைதியை நிலைநாட்டியதாகவும் தெரிவித்தனர்.

ஆவணி 10, 2011

ரிசானாவை அனுப்பிய முகவர் கைதுசெய்யப்படுவார்

ரிசானாவின் வயதைக் குறைத்து சவுதி அரேபியாவுக்கு அனுப்பிய முகவர் கைதுசெய்ய ப்படவுள்ளார். தலைமறை வாகியிருந்த இவர்கள் நாட்டுக்குள் வந்துவிட்டனர். எனவே அவர்களை கைதுசெய்ய நடவடிக்கை எடுக்கப்படும் என நீதி அமைச்சர் ரவூப் ஹக்கீம் நேற்று பாராளுமன்றத்தில் தெரிவித்தார். ரிசானாவை மோசடி செய்து வெளிநாட்டுக்கு அனுப்பிய முகவர்கள் ஆறரை வருடங்களாகக் கைதுசெய்யப்படவில்லை. வயதைக் குறைத்து வெளிநாட்டுக்கு அனுப்பிய முகவர் நிலையமும் தடைசெய்யப்படவில்லை. அவரை மீட்பதற்கான நடவடிக்கை எதையும் அரசாங்கம் எடுக்கவில்லை. எதிர்க்கட்சி உறுப்பினர் ரஞ்சன் ராமநாயக்க நேற்று சபையில் கேள்வியெழுப்பினார். இதற்குப் பதிலளிக்கும்போதே அமைச்சர் ரவூப் ஹக்கீம் மேற்கண்டவாறு தெரிவித்தார். ரிசானாவின் தந்தை வரவழைக்கப்பட்டு ரகசியப் பொலிஸாரிடம் வாக்குமூலம் பெறப்பட்டுள்ளது. விரைவில் இவர்களுக்கு எதிராக வழக்குத் தாக்கல் செய்யப்படும் என்றும் அமைச்சர் ஹக்கீம் தெரிவித்தார்.

ஆவணி 10, 2011

மொராக்கோ  சமூகநீதி கோரி மக்கள் எழுச்சிப்போராட்டம்

சமூக நீதி மற்றும் மேம் பட்ட வாழ்நிலை கோரி மொராக்கோவில் மீண்டும் எழுச்சிகரமான ஆர்ப்பாட் டங்களை மக்கள் நடத்தி வருகிறார்கள். அரபு நாடுகளில் அதிக மான காலம் அரசர்களின் ஆட்சியின் கீழ் இருக்கும் நாடு மொராக்கோ ஆகும். அண்மையில் நடத்தப் பட்ட பொது வாக்கெடுப் பில் அரசரின் அதிகாரம் தொடர்பாக சில கட்டுப் பாடுகள் கொண்டு வரப்பட் டது. ஆனால் அந்த கட்டுப் பாடுகள் வெறும் மேற்பூச்சு வேலைகள்தான் என்று அந்நாட்டு மக்கள் மத்தியில் கருத்து நிலவுகிறது. (மேலும்....)

ஆவணி 10, 2011

பத்மநாப சுவாமி கோயிலில் தேவ பிரசன்னம் அவலட்சணங்கள் தென்பட்டதால் அதிர்ச்சி

பத்மநாப சுவாமி கோவிலில் தேவ பிரசன்னம் பார்க்கும் நிகழ்ச்சியில் ராசி பூஜையில் பல்வேறு அவலட்சணங்கள் தென்பட்டன. இதற்கு ஒன்பது கிரகங்களும் பாவ நிலைகளில் இருப்பதும் காரணமாகத் தெரிகிறது. இதற்கான பரிகார பூஜை குறித்து ஆராயப்பட்டு வருகிறது. அவலட்சணங்கள் தென்பட்டதால் பலரும் அதிர்ச்சி அடைந்துள்ளனர். இக்கோவில் பாதாள அறைகளில் உள்ள பொக்கிஷங்களை பார்வையிட்டு மதிப்பீடு செய்ய உயர் நீதிமன்றம் நியமித்த குழு அங்கு சென்றுள்ளது. அக்குழு, பாதாள அறைகளை திறந்து பார்ப்பதற்கு முன், தேவ பிரசன்னம் (சுவாமியின் கருத்து அறிதல்) நிகழ்ச்சி நடத்தப்பட வேண்டும் என, கோயிலை நிர்வகித்து வரும் திருவிதாங்கூர் மன்னர் குடும்பத்தினரும், அறக்கட்டளை உறுப்பினர்களும் குழுவினரிடம் கோரிக்கை வைத்தனர். அதை அக்குழு ஏற்றுக்கொண்டதை அடுத்து, கேர்வில் கிழக்கு வாசல் பகுதியில் உள்ள குலசேகர மண்டபத்தில் நாடக சாலையின் முகப்பு பகுதியில் நேற்று முன்தினம் பிற்பகல், அஷ்டமங்கல தேவ பிரசன்ன நிகழ்ச்சி தொடங்கியது. கோவில் பாதாள அறைகள் திறந்ததில் ஏதேனும் தெய்வக் குற்றம் இருக்குமோ என்பதை அறியவும், அதற்கு பரிகாரம் தேடவும் தான் நிகழ்ச்சியை திருவிதாங்கூர் மன்னர் குடும்பத்தினரும், அறக் கட்டளையினரும் செய்துள்ளனர்.

ஆவணி 10, 2011

பஞ்சத்தால் வாடும் சோமாலியாவுக்கு ஐ.நா. விமானம் மூலம் நிவாரண உதவி

பஞ்சத்தால் பாதிக்கப்பட்டுள்ள சோமாலி யாவுக்கு ஐ.நா. அகதிகளுக்கான முகவர் நிலையம் விமானம் மூலம் நிவாரண உதவிகளை கொண்டு சென்றுள்ளது. சோமாலிய தலைநகர் மொகடிஷ¤வுக்கு ஐ.நா. நிவாரண உதவியை தாங்கிய விமானம் நேற்று தரையிறங்கியது. அல்கொய்தா அமைப்பின் பிரிவினரான அல்-ஷபாப் ஆயுதக் குழுவின் கட்டுப் பாட்டில் இருந்த மொகடிஷ் நகருக்கு விமானம் ஒன்று தரையிறக்கப்பட்டது கடந்த 5 ஆண்டுகளில் இது முதல் முறையாகும். எனினும் மேற்படி ஆயுதக் குழு கடந்த சனிக்கிழமை மொகடிஷ் நகரில் இருந்து பின்வாங்கி யமை குறிப்பிடத்தக்கது. இதன்படி ஐ.நா.வி னால் 31 தொன் பெறுமதியான நிவாரண உதவிகள் சோமாலியாவுக்கு அனுப்பப்பட்டுள்ளன. இதில் தற்காலிக முகாம்களை அமைப்பதற்கான உபகரணங் களும் உள்ளடக்கப்பட்டுள்ளன. சோமாலியாவின் 5 பகுதிகள் பஞ்ச வலயமாக ஐ.நா. வினால் பிரகடனப்படுத்தப்பட்டுள்ளது. அங்கு முழு சனத்தொகையில் அரைவாசிப்பேர் உண்ண உணவி ன்றி வாடி வருகின்றனர். தலைநகர் மொகடிஷில் உணவு தேடி ஒரு லட்சத்திற்கு மேற்பட்டோர் குவிந்துள்ளனர். மொத்தமாக ஆபிரிக்காவில் ஏற்பட்டுள்ள கடும் வரட்சியால் 11 மில்லியன் மக்கள் பாதிக்கப்பட்டுள்ளதாக ஐ. நா. அறிவித் துள்ளமை குறிப்பிடத்தக்கது.

ஆவணி 10, 2011

வியட்நாம் யுத்தகால ஆட்லறி எறிகணை வெடிப்பில் 2 பேர் உயிரிழப்பு: இதுவரை 42,000 பேர் பலி

வியட்நாம் யுத்த காலப்பகுதியைச் சேர்ந்த ஆட்லறி எறிகணையொன்று வெடித்ததில் அந்நாட்டில் 2 பேர் கொல்லப்பட்டுள்ளனர். இதன்போது கொல்லப்பட்ட இருவரும் எறிகணையிலிருந்து இரும்பினை வெட்டி எடுக்க முயன்றதாலேயே இவ்விபரீதம் ஏற்பட்டுள்ளது. எறிகணை கண்டுபிடிக்கப்பட்ட இவ்விடமானது தற்போது தொழிற்பூங்காவாக உள்ளதெனவும் முன்னர் இப்பிரதேசத்தில் அமெரிக்க படைத்தளம் அமைந்திருந்ததாகவும் தெரிவிக்கப்படுகின்றது. மேற்படி இரு மரணங்களுடன் கடந்த 10 நாட்களுக்குள், யுத்தகால பொருட்களால் உயிரிழந்தவர்களின் எண்ணிக்கை 5 ஆக உயர்ந்துள்ளதென புள்ளி விபரங்கள் தெரிவிக்கின்றன. வியட்நாம் அரசாங்க தகவல்களின் படி அங்கு 1975 ஆம் ஆண்டிலிருந்து யுத்தத்தில் வெடிக்காத பொருட்களால் பின்னர் கொல்லப்பட்டோரின் எண்ணிக்கை 42,000 என குறிப்பிடப்பட்டுள்ளது. வியட்நாம் போர் 1955 முதல் 1975 வரை சுமார் 20 ஆண்டுகள் நடைபெற்றது. இப்போரில் மொத்தமாக 1.4 மில்லியன் இராணுவத்தினர் கொல்லப்பட்டனர். மேலும் 2 முதல் 5 மில்லியன் வரையான பொதுமக்களும் இதன் போது கொல்லப்பட்டமை குறிப்பிடத்தக்கது. ___

ஆவணி 09, 2011

வரதராரஜபெருமாள் போன்ற அனுபவமுள்ள தலைவர்களை பயன்படுத்த வேண்டும்

(அ. விஜயன்)

வடக்கு-கிழக்கு மாகாணத்தின் முன்னாள் முதல்வர், அனுபவமுள்ள அரசியல் சிந்தனையாளர். வடக்கு-கிழக்கு மாகாணத்தின் அரசியல் தீர்வு தொடர்பாக ஆழ்ந்த சிந்தனையுடன்   தொலை நோக்கு பார்வையுடன் பல விடயங்களை அவ்வப்போது வெளியிடுபவர். அவ்வகை சிந்தனையாளரின் கருத்துக்களும் உள்வாங்கப்பட வேண்டும் என்ற எண்ணம் பலரிடம் உள்ளது. அதனை தமிழ் பேசும் மக்கள் பயன்படுத்திக் கொள்ள வேண்டும். நேற்று(7.8.11) அன்று தமிழ் தலைவர்களான ஆனந்தசங்கரி, வரதர், சித்தார்த்தன் ஆகி யோர் இடதுசாரிகட்சியின்தலைவர்களும், அமைச்சர்களுமான, வாசுதேவநாணயக்கார, டியூ குணசேகர, திஸ்சவிதாரன ஆகியோரிடையான சந்திப்பும், கலந்துரையாடலும் தமிழ் தேசிய கூட்டமைப்பின் தமிழ் இனவாத கருத்துக்களும், ஏக பிரதிநிதித்துவம்  எனும் இறுமாப்பில் உள்ளவர்களை  சிந்திக்க வைத்தே இருக்கும். (மேலும்....)

ஆவணி 09, 2011

லண்டன் கலவரத்துடன் தொடர்புடைய 100 பேர் கைது

பிரிட்டன் தலைநகர் லண்டனில் கடந்த இரண்டு நாட்களாக ஏற்பட்ட கலவரம் கட்டுப்பாட்டுக்குள் கொண்டுவரப்பட்டுள்ளது. இச்சம்பவத்துடன் தொடர்புடைய 100 பேர் லண்டன் பொலிஸாரினால் கைது செய்யப்பட்டுள்ளனர். லண்டனின் டோட்டன் ஹேம் பகுதியில் கடந்த 4ம் திகதி மார்க் டக்கன், 29 என்பவர் பொலிஸாரால் சுட்டுக்கொல்லப்பட்டார். இவர் அப்பகுதியில் உள்ள பாதாள கும்பலைச் சேர்ந்தவர் என்பதால், ஏற்கனவே பொலிஸாரின் கண்காணிப்பில் இருந்து வந்தார். “டக்கனின் சாவு அநியாயமானது” எனக் கூறி கடந்த இரண்டு நாட்களாக நூற்றுக்கணக்கா னோர் டோட்டன் ஹேம் பகுதியில் ஆர்ப்பாட்டத்தில் ஈடுபட்டனர். ஒரு கட்டத்தில் பொலிஸாருக்கும், ஆர்ப்பாட்டக்காரர்களுக்கும் இடையே ஏற்பட்ட மோதலால் கலவரம் மூண்டது. இதில் சில கட்டடங்களும், வாகனங்களும் தீக்கிரையாக்கப்பட்டன. 12 மணி நேரப் போராட்டத்திற்குப் பின் தீ அணைக்கப்பட்டது. வீடுகள், ஏ.டி.எம். இயந்திரங்கள், கடைகள் சூறையாடப்பட்டன. 35 பொலிஸார் காயமடைந்தனர். இச்சம்பவத்தில் ஈடுபட்ட 100 பேரை பொலிஸார் கைது செய்துள்ளனர். தற்போது அங்கு நிலைமை கட்டுக்குள் இருப்பதாகவும் கூறியுள்ளனர்.

ஆவணி 09, 2011

ஜனாதிபதி இன்று சீனா விஜயம்

மக்கள் சீன குடியரசின் ஜனாதி பதி ஹு ஜிந்தாவோ வின் அழைப்பை ஏற்று ஜனாதிபதி மஹிந்த ராஜபக்ஷ அவர்கள் இன்று சீனாவுக்கு விஜயம் செய்கிறார். ஜூன் மாதம் ரஷ்யாவின் புனித பீற்றஸ்பேர்க் நகரில் நடைபெற்ற பொருளாதார மகாநாட்டின் போது இடம்பெற்ற இருதரப்பு சந்திப்பின் போது மக்கள் சீனக் குடியரசின் ஜனாதிபதி ஹு ஜிந்தாவோ ஜனாதிபதி ராஜபக்ஷ அவர்களை சீனாவிற்கான விஜயத்தை மேற்கொள்ளும்படி அழைப்பு விடுத்திருந்தார். பீஜிங் சென்சென் நகரங்களுக்கு மேற்கொள்ளும் நான்கு நாள் விஜயத்தின் போது ஜனாதிபதி மஹிந்த ராஜபக்ஷ சீன ஜனாதிபதி ஹு ஜிந்தாவோ, பிரதம அமைச்சர் வென் ஜியபாவோ ஆகியோரை சந்திப்பதோடு சென்சென் நகரில் யுனிவர்சியேட் அங்குரார்ப்பண வைபவத்திலும் கலந்து கொள்வார்.

ஆவணி 09, 2011

பிரச்சினைக்கு உடனடியாக தீர்வுகாண வேண்டும் - முன்னாள் பிரதமர் ரட்ணசிறி _

தமிழ்த் தேசியக்கூட்டமைப்புடன் இணைந்து செயற்படுவதற்கு தயார், பிரச்சினைக்கு உடனடியாக தீர்வு காணப்படல்வேண்டும் என்பதில் எவ்விதமான கருத்துவேறுபாடுகளும் இல்லை. எனினும் 24 மணிநேரத்திற்குள் தீர்வை வழங்கமுடியாது என்று சிரேஷ்ட அமைச்சர் ரட்ணசிறி விக்ரமநாயக்க தெரிவித்துள்ளார்.  இதுதொடர்பில் அவர் மேலும் தெரிவித்துள்ளதாவது, தெற்கிற்கு விற்பனை செய்யக் கூடிய ஓர் தீர்வுத் திட்டமே தமிழ்த் தேசிய கூட்டமைப்பினருக்கு முன்வைக்க வேண்டும் பிரச்சினைக்குத் தீர்வுகாண வேண்டுமாயின் அனைத்து தரப்பினரும் இணைந்து பேச்சுவார்த்தை நடத்த வேண்டும். பிரச்சினைக்கு உடனடியாக தீர்வு காணப்பட வேண்டும் இதனை காலம் தாழ்த்த முடியாது. எனினும் 24 மணித்தியாலத்தில் இந்தப் பிரச்சினைக்கு உடனடித் தீர்வுகளை வழங்க முடியாது. தெற்கு மக்களுக்கு விற்பனை செய்யக் கூடியதும், வடக்கு, கிழக்கு மக்களினால் ஏற்றுக் கொள்ளக் கூடியதுமான ஓர் தீர்வுத் திட்டமே முன்வைக்கப்பட வேண்டும். சர்வதேச ரீதியில் பாதிப்புக்களை ஏற்படுத்தக் கூடிய தேசிய பிரச்சினையாக இதனை நோக்க வேண்டும். பொறுமையுடன் அனைத்து தரப்பினரும் செயற்படுவதன் மூலம் பிரச்சினைக்கு நிரந்தரத்தீர்வினை எட்ட முடியும் என்றார்.

ஆவணி 09, 2011 ___

அடக்குமுறைக்கு எதிராக ஐரோப்பாவில் கிளர்ச்சி

அரசுகளின் கொள்கை களுக்கு எதிரான மக்கள் போராட்டங்களை ஒடுக்க ஐரோப்பிய அரசுகள் மேற் கொள்ளும் அடக்கு முறை நடவடிக்கைகளுக்கு எதி ராக மக்கள் திரண்டு வரு கிறார்கள். பல ஐரோப்பிய நாடு களில் கண்டன முழக்கங் களுடன் மக்கள் பேரணி நடத்தியுள்ளனர். குறிப்பாக ஸ்பெயின் நாட்டின் பல நகரங்களில் ஆயிரக்கணக் கான மக்கள் பங்கேற்ற பேர ணிகள் நடந்தன. இதற்கு முன்பு நடந்த ஆர்ப்பாட்ட மென்றைக் கலைக்க கடும் வன்முறையை காவல் துறை அதிகாரிகள் கடைப்பிடித் தனர். மாட்ரிட் நகரின் பியூர்டா டெல் சோல் சதுக் கத்தை இழுத்து மூடியதைக் கண்டித்து உள்துறை அமைச் சகத்தின் முன்பாக இந்த ஆர்ப்பாட்டம் நடந்தது. (மேலும்....)

ஆவணி 09, 2011

மகிந்த பார்வையில் புலம்பெயர் தமிழர்களும் சுனாமியும்

(தேவகி)

(2004 ஆம் ஆண்டில் இயற்கை அனர்த்தங்களினால் அதிகளவான செலவீனத்தை ஆழிப்பேரலைகளினால் ஏற்பட்ட அனர்த்தங்கள் கொண்டுள்ளதாக கணிப்பிடப்பட்டுள்ளது. இக்கட்டுரை நோர்வேயிலிருந்து வாரம் ஒருமுறை வெளிவரும் 'காலை இதழ்' ( Morgen Bladet) எனும் பத்திரிகையின் வெளிவந்த மூலக்கட்டுரையின் உள்ளடக்கத்தை பிரதானமாகப் பிரதிபலிக்கிறது.)

நோர்வே கொடையாளி போல அள்ளிக் கொடுத்த பணமானது தனியே அரசிற்குச் சொந்தமானதல்லவே, இங்கு வசிக்கும் சகல மக்களும் ( உள்நாட்டு, வெளிநாட்டு மக்கள்) செலுத்திய வரிப்பணத்தின் ஒரு பகுதியும் என்பதையும் கருத்தில் கொள்ள வேண்டும். வெளிநாட்டிலிருந்து கொண்டு இலங்கைக்கு வழங்கப்படும் நிதியுதவி பற்றி வெளிநாட்டில் வசிக்கும் தமிழர் ஏன் கவலைப்பட வேண்டும், கணக்கு கேட்க வேண்டும் என பலர் அங்கலாய்த்துக் கொள்ளலாம், இங்கிருக்கும் நாங்கள் எங்கள் உழைப்பை விற்பதோடு, இலங்கை நாட்டிற்கு பெருமையையும், (சிறுமையையும் கூட ) வழங்குபவர்களாக இருக்கிறோம், நோர்வேயில் உயர்கல்வியில் இலங்கையர் உயர்ந்த இடத்தை வகிக்கின்றனர், இந்தப் புள்ளிவிபரங்களில் இலங்கையின் பெரும்பான்மை மற்றும் சிறுபான்மையின மக்களும் அடங்குகின்றனர், தமிழ் பேசத் தெரியாத (ராஜபக்சவின் கருத்துப்படி ) இலங்கைத் தமிழர்கள்தான் உலக வரைப்படத்தில் இலங்கையின் இருப்பிடத்தை உலகத்திற்கு தெரியப்படுத்தியவர் என்ற உண்மையையும் இதை செவ்வனே செய்தவர்களில் பெரும்பான்மையானவர்கள் தமிழர்கள் என்பதையும் ராஜபக்ச புரிந்து கொள்ள வேண்டும், நாம் இலங்கைக்கு எமது குடும்பங்களுக்குஅனுப்பி வைக்கும் பணத்தின் அந்நியசெலவாணிகள் இலங்கை அரசுக்கு மிகுந்த இலாபத்தை வழங்குகின்றன என்பதோடு இலங்கையில் நிகழ்பவை தொடர்பாக கேள்வி எழுப்பும் உரிமையை புலம்பெயர்ந்த மக்களும் சர்வதேச சமூகமும் கொண்டுள்ளன என்பதையும் ராஜபக்ச அரசு புரிந்து கொள்ள வேண்டும். (மேலும்....)

ஆவணி 09, 2011

ஜி-7 நாடுகள் அவசர பேச்சுவார்த்தை  அமெ. நிதி நெருக்கடி பற்றி விவாதம்

பகாசுர வடிவில் எழுந் துள்ள அமெரிக்க மற்றும் ஐரோப்பியப் பொருளாதார நெருக்கடி பற்றி ஜி -7 நாடு களின் நிதியமைச்சர் தொலை பேசி வழியாக அவசரமாக விவாதித்துள்ளார். அமெரிக்காவின் பொரு ளாதாரம் மற்றும் கடன் வாங்கும் சக்தி போன்றவை பற்றி பல்வேறு தரக்குறி யீட்டு நிறுவனங்கள் தங்க ளின் கணிப்பை வெளியிட் டுள்ளன. தங்கள் மதிப்பீட் டில் அமெரிக்கா சரிவைக் கண்டுள்ளது என்று இந்த நிறுவனங்கள் கூறியுள்ள தால் சர்வதேச அளவில் மீண்டும் அதிர்வுகள் ஏற் பட்டுள்ளன. ஏற்கனவே எழுந்துள்ள அமெரிக்கப் பொருளாதார நெருக்கடி தீராத நிலையில், நெருக்கடி முந்தைய நெருக்கடியை விட கடுமையானதாக இருக் கப்போகிறது என்கிறார்கள் பொருளாதார நிபுணர்கள். (மேலும்....)

ஆவணி 09, 2011

கொரியாவில் 15,000 பேருக்கு வேலைவாய்ப்பு

விண்ணப்பங்களை பெற்றுக்கொள்ள ஆயிரக்கணக்கானோர் முண்டியடிப்பு

2012ஆம் ஆண்டு 15,000 இலங்கை இளைஞர் யுவதிகளை தென்கொரியாவுக்கு வேலைவாய்ப்புகளுக்காக அனுப்புவதற்கான கோட்டா இம்முறை கிடைத்துள்ளது. ஜனாதிபதி மஹிந்த ராஜபக்ஷ அவர்களுக்கு தென்கொரிய அரசு உறுதிமொழியளித்துள்ளது. இதன்படி கொரிய மொழி பரீட்சைகளையும் நடத்த இலங்கை வெளிநாட்டு வேலைவாய்ப்பு பணியகம் நடவடிக்கை எடுத்துள்ளது. கடந்த வருடமும் 15 ஆயிரம் பேரை கொரியாவுக்கு அனுப்பும் கோட்டா இலங்கைக்கு கிடைத்திருந்தது. எனினும், பெரும் எண்ணிக்கையானவர்கள் கொரிய மொழி பரீட்சையில் சித்தியடையாததால் பலர் செல்லமுடியாது போனது. எனவே, அடுத்த வருடம் செல்லவிருப்போருக்கு மொழிப் பயிற்சிகளை முழு அளவில் வழங்க வெளிநாட்டு வேலைவாய்ப்புப் பணியகம் நடவடிக்கை எடுத்துள்ளது. (மேலும்....)

ஆவணி 09, 2011

ராகுல்காந்தி அடுத்த பிரதமர்

அடுத்த பிரதமராக யார் வரவேண்டும் என்ற கேள்விக்கு 19 சதவீதம் பேர் ராகுல்காந்தியை தேர்வு செய்துள்ளனர். இந்திய அரசியலில் புகழ் பெற்றவர்கள் என்ற தலைப்பில் சி.என்.என். ஐ.பி.என். மற்றும் சின்பிசி - டி.வி. 18 ஆகிய தொலைக்காட்சி சனல்கள் ஒருங்கிணைந்து கருத்துக் கணிப்பு நடத்தப்பட்டது. 19 மாநிலங்களில் சுமார் 39 ஆயிரம் பேரிடம் பல்வேறு கேள்விகள் கேட்கப்பட்டு தகவல்கள் திரட்டப்பட்டன. அந்த கருத்துக்கணிப்பு முடிவுகள் தற்போது வெளியிடப்பட்டுள்ளன. கடந்த 2009ம் ஆண்டு வெறும் 6சதவீத ஆதரவையே பெற்றிருந்த ராகுல்காந்தி தற்போது பிரதமர் பதவி தேர்வில் முதல் இடத்துக்கு வந்துள்ளார். அவருக்கு அடுத்தபடியாக மன்மோகன்சிங், சோனியாகாந்தி இருவருக்கும் தலா 10 சதவீதம் பேர் ஆதரவு தெரிவித்துள்ளனர். இவர்கள் இருவரது செல்வாக்கும் மக்களிடம் மிகவும் வீழ்ச்சி அடைந்துள்ளது. 1999ம் ஆண்டு முதல் 2008 வரை சோனியா காந்தி தான் பிரதமர் பதவிக்கு வரவேண்டும் என்ற எண்ணம் மக்கள் மனதில் இருந்தது. (மேலும்....)

ஆவணி 09, 2011

வடக்கு லண்டனில் கலவரம்: கட்டடங்கள், வாகனங்கள் தீ வைப்பு

வட லண்டனிலுள்ள ரொட்டென்ஹாம் பிரதேசத்தில் சனிக்கிழமை இரவு இடம் பெற்ற கலவரத்தால் பெரும் பரபரப்பு ஏற்பட்டது. இதன்போது ஆர்ப்பாட்டக்காரர்கள் பொலிஸ் உத்தியோகத்தர்கள் மீது பெற்றோல் குண்டுகளை வீசி தாக்குதல் நடத்தியதுடன், கட்டடங்களுக்கும் வாகனங்களுக்கும் தீ வைத்தனர். இதன்போது காயமடைந்த 8 பொலிஸ் உத்தியோகத்தர்கள் மருத்துவமனையில் அனு மதிக்கப்பட்டுள்ளனர். அவர்களில் ஒருவருக்கு தலையில் கடும் காயம் ஏற்பட்டுள்ளது. கடந்த வியாழக்கிழமை 4 வயது பிள்ளைக்கு தந்தையான மார்க் டக்கன் என்ற 29 வயது இளைஞர், கடந்த வியாழக்கிழமை மெட்றோ பொலிட்டன் பொலிஸின் சிஒ 19 பிரிவினரால் சுட்டுக் கொல்லப்பட்டதையொட்டியே மேற்படி கலவரம் இடம்பெற்றுள்ளது. மார்க் டக்கன் பயணம் செய்த வாகனத்தை வியாழக்கிழமை பொலிஸார் தடுத்து நிறுத்தியபோது, அவர் துப்பாக்கிப் பிரயோகம் செய்ததாகவும் இதற்கு பதிலாக பொலிஸார் நடத்திய துப்பாக்கிச் சூட்டில் அவர் பலியானதாகவும் கூறப்படுகிறது. இந்நிலையில் மார்க் டக்கன் ஆயுத குழுவொன்றின் உறுப்பினர் என பொலிஸார் குற்றஞ்சாட்டுகின்றனர்.

ஆவணி 09, 2011

“ஆட்டத்தை நிறுத்திக் கொள்ளுங்கள்”  அமெரிக்காவுக்கு சீனா அறிவுரை

பெரிய பொருளாதார நாடு என்று வலம் வந்த அந்தக்காலம் போய்விட்டது என்று அமெரிக்காவை சீனா எச்சரித்துள்ளது. அமெரிக்காவின் நெருக்கடி பற்றி சீனாவின் அதிகாரப்பூர்வ செய்தி நிறுவனமான சின்குவா விரிவான விமர்சனம் வெளியிடப்பட்டிருக்கிறது. ஸ்டாண்டர்டு அண்டு புவர்ஸ் தரக்குறியீட்டு நிறுவனத்தின் புதிய தரப்பட்டியலை வைத்தே இந்த விமர்சனத்தை வைத்துள்ளனர். அந்நாட்டின் கடுமையான பற்றாக்குறை மற்றும் தொடர்ந்து ஏறி வரும் கடன் சுமை ஆகியவற்றைக் கணக்கில் கொண்டு ஏஏஏ என்றிருந்த தரக்குறியீடு, ஒரு படி இறக்கப்பட்டு ஏஏ-பிளஸ் என்றாகியுள்ளது. இந்த நிலைமைக்கு, அமெரிக்காவைத் தவிர வேறு யாரையும் குறை சொல்ல முடியாது. ஒரு புதிய, நிலையான சர்வதேச நாணயத்தை உருவாக்க வேண்டிய அவசியம் உள்ளது என்றும் அந்த விமர்சனத்தில் வைக்கப்பட்டுள்ளது. (மேலும்....)

ஆவணி 08, 2011

அமைச்சர்கள் வாசு, திஸ்ஸ, டியு ஆகியோருக்கும் தமிழ் தலைவர்களுக்குமிடையில் சந்திப்பு

இலங்கை அரசாங்கத்தில் சிரேஸ்ட அமைச்சர்களாக இருக்கும் இடதுசாரிக் கட்சிகளின் தலைவர்களான தோழர் டியு குணசேகர (கம்யூனிஸ்ட் கட்சி) பேராசிரியர் திஸ்ஸ விதாரண (சமசமாஜ கட்சி) மற்றும் தோழர் வாசுதேவ நாணயக்கார (நவசமசமாஜ கட்சி) ஆகியோர் தமிழர் ஐக்கிய விடுதலை முன்னணியின் தலைவர் திரு. ஆனந்தசங்கரி, முன்னாள் வடக்கு கிழக்கு மாகாண முதலமைச்சர் திரு வரதராஜப்பெருமாள் மற்றும் தமிழீழ மக்கள் விடுதலை கழகத் தலைவர் திரு. சித்தார்த்தன் ஆகியோருடன் ஒரு கலந்துரையாடல் சந்திப்பை மேற்கொண்டனர். (மேலும்...)

ஆவணி 08, 2011

பிரதேச செயலகங்களையும் உள்ளுராட்சி சபைகளையும் உருவாக்க தமிழ் அமைச்சர்கள் நடவடிக்கை எடுக்கவேண்டும் - இரா.துரைரெட்ணம்(பத்மநாபா ஈ.பி.ஆர்.எல்.எப்).

மட்டக்களப்பு மாவட்டத்தில் உள்ள கிரான் பிரதேச செயலகத்திற்கு உட்பட்ட பகுதிகளுக்கு உள்ளுராட்சி சபையை உருவாக்குதல் தொடர்பாகவும், அம்பாறை மாவட்டத்தில் உள்ள கல்முனை தமிழ் பிரிவு உப பிரதேச செயலகத்தை முழு அதிகாரமுள்ள பிரதேச செயலகமாகவும் அதற்கான உள்ளுராட்சி சபையையும் உருவாக்குதல் தொடர்பாகவும் பல காலமாக பல முயற்சிகள் மேற்கொண்டும் பயனளிக்கவில்லை. இவ்வாறான நிலையில் அரசுடன் சேர்ந்த தமிழ் அமைச்சர்கள் அபிவிருத்தியோடு எமது உரிமையையும் கருத்தில் கொண்டு செயல்படவேண்டும் என பிரதேச செயலகங்களையும் உள்ளுராட்சி சபைகளையும் உருவாக்க தமிழ் அமைச்சர்கள் நடவடிக்கை எடுக்கவேண்டும் என்ற தலைப்பில் மீள் குடியெற்ற பிரதி அமைச்சருக்கு கிழக்கு மாகாண சபை உறுப்பினர் இரா.துரைரெட்ணம் அனுப்பிவைத்துள்ள கடிதத்தில் தெரிவித்துள்ளார். (மேலும்...)

ஆவணி 08, 2011

செனல் 4 விவரணப் படங்கள் அப்பட்டமான பொய்: தமிழ்ச் செல்வன் மனைவி்,   சூசையின் மனைவி்,  தயாமாஸ்டர் தெரிவிப்பு

செனல்-4 அலைவரிசை வெளியிட்டுள்ள விவரணப்படங்கள் அப்பட்டமான பொய் என்பதை புலிகள் இயக்கத் தலைவர்களின் மனைவிமார்களதும், அவ்வியக்கத்தின் முன்னாள் ஊடகப் பிரிவு பொறுப்பாளரதும் கூற்றுகளும் உறுதிப்படுத்தியுள்ளன. வன்னி மக்களின் மனித உரிமைகளைப் பறித்ததுடன் அவர்களை தம்மிஷ்டப்படி பயன்படுத்தியதும் புலிகளேயன்றி இராணுவத்தினர் அல்லர் என்றும் அவர்கள் குறிப்பிட்டுள்ளனர். "இராணுவத்தினர் எம்மை சிறந்த முறையில் பராமரிக்கின்றனர். எமது குறைநிறைகளைக் கேட்டறிந்து எமக்கு எல்லா வசதிகளையும் செய்து கொடுக்கின்றனர். எங்களை எந்தவொரு சந்தர்ப்பத்திலுமே துன்புறுத்திக் கொடுமைப்படுத்தியதும் கிடையாது என்றும் அவர்கள் திட்டவட்டமாக அறிவித்துள்ளார்கள்.(மேலும்...)

ஆவணி 08, 2011

தமிழ் கூட்டமைப்பு அரசுக்கு காலக்கெடு விதிக்கவில்லை

நழுவல் போக்கை கடைப்பிடிக்கும் அவசியம் எமக்கில்லை சுமந்திரன் எம்.பி

அரசாங்கப் பிரதிநிதிகளுடன் நடைபெற்ற பேச்சுவார்த் தைகளில் எந்தவிதமான நிபந்தனைகளையோ அல்லது காலக்கெடு வையோ விதிக்கவில்லை யென தமிழ்த் தேசியக் கூட்டமைப்பு தெரிவித்துள்ளது. அரசாங்க பிரதிநிதிகளுடனான பேச்சுவார்த்தைகளில் நாம் முன்வைத்தவிடயங்கள் குறித்த அரசாங்கத்தின் நிலைப்பாட்டை தெளிவுபடுத்துமாறே கோரியுள்ளோம் என தமிழ்த் தேசியக் கூட்டமைப்பின் பாராளுமன்ற உறுப்பினர் எம்.ஏ.சுமந்திரன் தெரிவித்தார். (மேலும்...)

ஆவணி 08, 2011

ஜூலை 26- க்யூபாவின் புரட்சி, தார்மீக நெறியும் உறுதியும்

(ரான் ரைடெனோர்)

மேற்கோள், “இந்த ஜூலை 26ம் நாள் கொண்டாட்டத்தின்போது, தமிழ் மக்களுக்கு சரியான ஒன்றை செய்வதன் மூலம் க்யூபா அரசாங்கத்திற்கும், அல்பா கூட்டணி நாடுகளுக்கும் (க்யூபா, வெனிசுவேலா பொலிவியா, பிரேஸில்) ஃபிடல் காஸ்ட்ரோ மற்றும் சே குவேராவால் தெரிவிக்கப்பட்ட தார்மீக நெறிமுறைகளுக்கு திரும்புமாறு நான் வேண்டுகோள் விடுக்கிறோன். இலங்கை அரசாங்கம் செய்த போர்க்குற்றங்கள் பற்றி நடுநிலையான சர்வதேச விசாரணை நடத்தவும் மற்றும் இந்த மக்களுக்கு எதிரான இனப்படுகொலையை முடிவுக்கு கொண்டுவரவும் நீங்கள் உங்களது நெறி முறைகள், உங்களது புரட்சி வரலாற்றை பயன்படுத்துமாறு வேண்டுகோள் விடுக்கிறேன்.” (மேலும்...)

வவுனியா நகர சபை உப தலைவர் நாளை உண்ணாவிரதம்

ஆவணி 08, 2011

வவுனியா நகர சபையின் உப தலைவர் எம். முகுந்தரதன் நாளை செவ்வாய்க்கிழமை ஒரு நாள் அடையாள உண்ணாவிரதம் இருக்கப் போவதாக அறிவித்துள்ளார். நகர சபை தலைவருக்கு விடுக்கப்பட்டுள்ள கொலை அச்சுறுத்தல் உள்ளிட்ட மூன்று விடயங்களை கண்டித்து உப தலைவர் நடத்தவுள்ள உண்ணாவிரதத்திற்கு பல அமைப்புகள் ஆதரவு வழங்க முன்வந்துள்ளன. தமிழரசு கட்சியின் நகர சபை உறுப்பினர்களும் உண்ணாவிரதத்தில் கலந்துகொள்ள இணக்கம் தெரிவித்துள்ளனர். வடக்கு, கிழக்கில் தமிழ்த் தேசிய கூட்டமைப்பின் ஆளுமையின் கீழ் உள்ள சகல உள்ளூராட்சி மன்றங்களுக்கும் உண்ணாவிரதம் பற்றி அறிவிக்கப்பட்டுள்ளது.

ஆவணி 08, 2011

மன்னாரில் எண்ணெய் அகழ்வு திட்டமிட்டபடி ஆரம்பம்

மன்னார் வளைகுடா பிரதேசத்தில் எண்ணெய் அகழும் பணி ஆரம்பிக்கப் பட்டுள்ளது. இப்பணிகள் எவ்வித ஆரவாரமுமின்றி ஆரம்பிக்கப்பட்டி ருப்பதாகத் தெரிவித்திருக்கும் பொருளாதார அபிவிருத்தி அமைச்சர் பசில் ராஜபக்ஷ இது நாட்டுக்குப் பாரிய பொருளாதார நன்மையைக் கொண்டு வரும் எனக் கூறினார். மன்னார் வளைகுடாவின் வடமேல் பகுதியில் எண்ணெய் வளம் இருப்பதற்கான சாத்தியக்கூறுகள் காணப்படுகின்றன. இத்திட்டம் வெற்றியளித்தால், இலங்கை எரிபொருள் இறக்குமதிக்கு ஏனைய நாடுகளில் தங்கியிருக்க வேண்டிய நிலை ஏற்படாது என அமைச்சர் தெரிவித்துள்ளார். மன்னார் பிரதேசத்தில் எண்ணெய் வளம் உள்ளதா என ஆராய்ந்து எண்ணெய் அகழ்வதற்கு இந்தியாவைச் சேர்ந்த “கெய்ரென்” நிறுவனத்துக்கு வழங்கப்பட்டுள்ளது. எண்ணெய் அகழ்வுப் பணிகள் ஆகஸ்ட் மாதம் ஆரம்பிக்கப்படுமென இந்நிறுவனம் ஏற்கனவே அறிவித்திருந்தது. இந்த நிலையில் திட்டமிட்டபடி அகழ்வுப் பணி ஆரம்பிக்கப்பட்டிருப்பதாக பொருளாதார அமைச்சர் தெரிவித்துள்ளார்.

ஆவணி 08, 2011

ஆப்கானில் தலிபான் தாக்குதல், 31 அமெரிக்க வீரர்கள் பலி

ஆப்கானிஸ்தானில் ஹெலிகொப்டா விழுந்து நோறுங்கியதில் அமெரிக்க சிறப்புப்படை வீரர்கள் 31 பேர் இறந்தனர். தலிபான் அமைப்புக்கு எதிராக நடக்கும் போரில் நேச நாட்டுப் படை வீரர்கள் ஒரே நாளில் இவ்வளவு அதிக அளவில் இறந்திருப்பது இதுதான் முதல் தடவை. ஆப்கானிஸ்தான் தலைநகர் காபூலுக்கு தென்மேற்கு பகுதியில் உள்ள சயீத் அபட் மாவட்டத்தில் கடந்த வெள்ளிக்கிழமை இரவு இச்சம்பவம் நடந்துள்ளது. தலிபான்களுக்கு எதிராக தேடுதல் வேட்டையில் கூட்டுப்படைகள் ஈடுபட்டிருந்தன. அப்போது கூட்டுப்படை ஹெலிகொப்டரை நோக்கி தலிபான்கள் சரமாரியாக துப்பாக்கியால் சுட்டுள்ளனர். இதையடுத்து படை வீரர்கள் திருப்பிச் சுட்டனர். அப்போது யாரும் எதிர்பாராத வகையில் கூட்டுப்படை வீரர்கள் சென்ற ஹெலிகொப்டர் திடீரென கீழே விழுந்து நொறுங்கியது. அதில் இருந்த அமெரிக்க சிறப்புப்படை வீரர்கள் 31 பேரும், ஆப்கானிஸ்தான் படை வீரர்கள் 7 பேரும் இறந்தனர். இச்சம்பவத்தில் மொத்தம் 38 பேர் இறந்துவிட்டனர். இதன்போது கொல்லப்பட்ட அமெரிக்க சிறப்புப்படையின் பெரும்பாலான வீரர்கள் "நேவி சீல்ட்" பிரிவைச் சேர்ந்தோராவர். இந்தப் பிரிவைச் சேர்ந்த வீரர்களே அல்கொய்தா அமைப்பின் தலைவர் ஒசாமா பின்லேடன் மீதான தாக்குதலை நடத்தினர் என்பது குறிப்பிடத்தக்கது. இந்நிலையில் தலிபான்கள் நடத்திய தாக்குதலிலேயே இந்த ஹெலிகொப்டர் வீழ்த்தப்பட்டதாக செய்தி வெளியாகி யுள்ளது.

ஆவணி 08, 2011

வாழ்க்கைச் செலவை குறைக்க கோரி இஸ்ரேலில் பிரமாண்ட ஆர்ப்பாட்டம்

இஸ்ரேலில் வாழ்க்கைச் செலவு அதிகரிப்பதற்கு எதிர்ப்பு தெரிவித்து 3 லட்சத்திற்கும் மேற்பட்ட மக்கள் ஒன்று திரண்டு ஆர்ப்பாட்டம் நடத்தியுள்ளனர். கடந்த 10 ஆண்டுகளில் இஸ்ரேலில் இடம்பெற்ற மிகப் பெரிய மக்கள் போராட்டமாக இது பதிவாகியுள்ளது. இஸ்ரேலின் டெல் அவிவ் நகரில் நேற்று முன்தினம் இரண்டு இலட்சத்திற்கும் மேற் பட்டோர் ஆர்ப்பாட்டத்தில் ஈடுபட்டுள்ளதோடு ஜெரூசலத்தில் 30 ஆயிரம் பேரளவில் இந்த ஆர்ப்பாட்டத்தில் ஈடுபட்டுள்ளனர். இதன்போது அதிகரித்துவரும் வாழ்க்கைச் செலவை குறைக்குமாறு இஸ்ரேல் அரசுக்கு மக்கள் கோரிக்கை விடுத்துள்ளனர்.

ஆவணி 08, 2011

இலங்கைத் தமிழர் இன்னல் தீர்க்க இயக்கம் காணுகின்றோம்  இனியொரு தாமதம் என்றுமில்லை, எழுச்சியுடன் வாரீர்!

(இரா.ஜோதிராம்)

இலங்கைத் தமிழர் பிரச்சனைக்கு தீர்வு காண வேண்டியது ராஜபக்ஷே அரசின் முதற்பெரும் கடமை என்பதில் இரண்டு கருத்துக்கு இடமில்லை. ஆனால், அதை வசதியாக மறந்துவிட்ட நிலையிலிருக்கும் ராஜபக்ஷேவுக்கு அதை நினைவுபடுத்த வேண்டிய கடமையும், கட்டாயமும் இந்திய அரசுக்கு உண்டு. ஏனெனில் அங்கே அல்லலுறும், அவதிப் படும் தமிழர்கள் இங்குள்ள தமிழர்களின் தொப்புள்கொடி உறவுகள், வம்சாவழிகள், வாழையடி வாழைகள். எனவேதான் இந்திய அரசினுடைய கவனத்தை இதில் ஈர்ப்பதற்காகவும், நடந்த போர்க்குற்றங்களுக்கு நியாயம் கிடைக்க வலியுறுத்தியும், இனியாவது தன் நாட்டு குடிமக்களுக்கு ஆற்ற வேண்டிய கடமையை பாரபட்சமின்றி ஆற்ற வேண்டுமென்பதை ராஜபக்ஷேவுக்கு எடுத்துக்காட்டும் விதத் தில் மார்க்சிஸ்ட் கம்யூனிஸ்ட் கட்சி ஆகஸ்ட் 9ம்தேதி தமிழகம் முழுவதும் லட்சக்கணக் கானோரை திரட்டி பெருந்திரள் கண்டன ஆர்ப்பாட்டங்களை நடத்தவிருக்கிறது. (மேலும்...)

ஆவணி 08, 2011

சாவேஸ் மீண்டும் கியூபா சென்றார்  புற்றுநோய் சிகிச்சை தொடர்கிறது

வெனிசுலா ஜனாதிபதி ஹியூகோ சாவேஸ் கீமோ தெரபி சிகிச்சைக்காக மீண் டும் கியூபாவிற்கு சனிக் கிழமை சென்றார். புற்றுநோய் சிகிச்சை யான கீமோ தெரபி மேற் கொள்ள ஹியூகோ சாவேஸ் 5 நாள் பயணமாக சனிக் கிழமை சென்றார். அவர், கியூபா செல்ல வெனிசுலா நாடாளுமன்ற 10 நிமிடத் திற்குள் ஏகமனதாக ஒப்பு தல் அளித்தது. தேசிய சட்டமன்ற தலை வரான பெர்னான்டோ சோடோ ரோஜஸ் இது குறித்து கூறுகையில், ஜனா திபதியின் அயல்நாட்டு பயண வேண்டுகோளில் உரிமை உள்ளது. மனிதநேய சட்ட உரிமைப்படி அவர் கியூபா செல்ல ஒப்புதல் அளித்துள்ளோம் என்றார். வெனிசுலா கம்யூனிஸ்ட் கட்சியின் உறுப்பினர் எட் கர் லுசெனா கூறுகையில் ஜனாதிபதியின் தேவைக் கான அனைத்து பயணத் திற்கும் நிபந்தனை இல்லா மல் எங்களது குழு ஆதரவு அளிக்கிறது என்றார். (மேலும்...)

ஆவணி 07, 2011

இலங்கையின் பிரச்சனை பயங்கரவாதமே – கிருஸ்ணா

தமிழ் மக்களுக்குத் தீர்வு தேவையில்லை – கோதாபய

மூன்று தசாப்தங்களாக இலங்கையின் அடிப்படைப் பிரச்சனை பயங்கரவாதமே என இந்திய வெளிவிவகார அமைச்சர் கிருஸ்ணா தெரிவித்துள்ளார். இலங்கையின் இன்றைய பிரச்சனை யுத்தாதல் பாதிப்படைந்து இடம்பெயர்ந்தவர்கள் குறித்ததே எனத் தெரிவித்துள்ளார். இதேவேளை கே.பி இந்திய ஊடகம் ஒன்றிற்கான நேர்காணலிலும் இவ்வாறே தெரிவித்துள்ளார். இதே வேளை இலங்கை அரசைப் பொறுத்த வரைக்கும் இனிமேல் தீர்வு அதிகாரப் பகிர்வு என்பன குறித்துப் பேசிக்கொண்டிருக்க வேண்டிய அவசியமில்லை ஏனென்றால் நாங்கள் பயங்கரவாதத்தை முறியடித்து ஜனநாயகத்தை நிறுவிவிட்டோம் என கோதாபய ராஜபக்ச தெரிவித்துள்ளார். ஹெட்லைன்ஸ் ருடே என்ற தொலைக் காட்சிக்கு வழங்கிய நேர்காணல் ஒன்றிலேயே அவர் இவ்வாறு தெரிவித்தார். கோதாபயவின் கூற்றுக்கள் தமிழ் மக்களைப் போராடக் கோருகிறது. இந்திய இலங்கை அரசுகள் ஒரே குரலில் பேசுகின்றன. இலங்கை மற்றும் புலம்பெயர் நாடுகளைச் சேர்ந்த அரச ஆதரவாளர்களும் இதே கருத்துக்களையே முன்வைக்கின்றனர்.

ஆவணி 07, 2011

இலங்கை யாத்திரிகர்கள் மீது தாக்குதல் நடத்திய மூன்று பேர் பொலிஸாரால் கைது

இந்தியாவுக்கு யாத்திரிகர்களாக சென்ற இலங்கையர்கள் மூவர் சென்னையில் தாக்கப்பட்ட சம்பவம் தொடர்பில் நாம் தமிழர் கட்சியைச் சேர்ந்த மூவர் கைது செய்யப்பட்டுள்ளதாக தெரிவிக்கப்படுகின்றது. இந்தச் சம்பவம் தொடர்பில் சந்தேகத்தின்பேரில் நாம் தமிழர் கட்சியைச் சேர்ந்த ராஜ்குமார், மகேந்திரன் மற்றும் கார்த்திகேயன் ஆகியோரே கைதுசெய்யப்பட்டுள்ளதாக இந்திய ஊடகங்கள் செய்தி வெளியிட்டுள்ளன. (மேலும்....)

ஆவணி 07, 2011

தர வரிசையில் பின்னுக்குச் சென்றது  அமெ. பொருளாதாரம் சரிவு

சர்வதேச வர்த்தக கடன் தர வரிசையில் முதலிடத்தில் இருந்து வந்த அமெரிக்கா முதல் முறை யாக பெரும் சறுக்கலை சந்தித் துள்ளது. இதனால் அமெரிக்கப் பொருளாதாரத்தின் மீது உலகம் முழுவதிலுமுள்ள முதலீட்டாளர் கள் நம்பிக்கை இழந்துள்ளனர். இது அந்நாட்டின் பொருளாதா ரத்தை மேலும் ஆழமான நெருக் கடிக்கு தள்ளும் என்ற நிலை ஏற்பட்டுள்ளது. இதன் தாக்கம் இந்தியாவிலும் கடுமையாக எதிரொலிக்கும் என்று மார்க்சிஸ்ட் கம்யூனிஸ்ட் கட்சி எச்சரித்துள்ளது. இது உண் மையே என்று ஒப்புக்கொள்ளும் விதமாக மத்திய நிதியமைச்சர் பிரணாப் முகர்ஜியும், அமெ ரிக்காவில் ஏற்பட்டுள்ள சூழல் மிகவும் மோசமானதே என்று கூறியுள்ளார். (மேலும்....)

ஆவணி 07, 2011

தமிழ்த் தேசியக் (புலி)கூட்டமைப்பின் அடுத்தகட்ட நடவடிக்கை என்ன?

வடமாகாணத்தில் உள்ளூராட்சி சபைகள் பலவற்றைக் கைப்பற்றியுள்ள தமிழ்த் தேசியக் (புலி)கூட்டமைப்பின் அடுத்தகட்ட நடவடிக்கை என்னவாக இருக்கப்போகிறது என் பதே பலரதும் எதிர்பார்ப்பாக உள்ளது. இறுதி யுத்தத்தில் ஏற்பட்ட அவலங்களை அனுதாபமாக்கிப் பிரசாரம் செய்து தமிழ் மக்களது மனங்களை வெற்றிகொண்டதன் விளைவாக தமிழ்க்கூட்டமைப்பினரால் உள்ளூராட்சி சபைகளைக் கைப்பற்ற முடிந்தது. தற்போது தமிழ்க் (புலி)கூட்டமைப்பு தான் கைப்பற்றியுள்ள சபைகளில் மக்களுக்கான பணியா ற்ற நடவடிக்கையெடுக்க வேண்டும். அதற்கு அரசாங்கத்தின் ஆதரவு நிச்சயம் தேவை ப்படும். அரசுடன் கூட்டமைப்பு நல்லுறவைக் கொண்டிருப்பது அவசியமாகிறது. இவ்வி டயத்தில் தமிழ்க்கூட்டமைப்பின் நிலைப்பாடு என்னவாக இருக்கப்போகிறது என்பது மக் கள் முன் கேள்விக்குறியாகவே உள்ளது. (மேலும்....)

ஆவணி 07, 2011

அமெரிக்காவை மிரள வைக்கும் சமூக வலைத்தளம்

மண்ணைத் தின்று வாயில் உலகைக் காட்டிய கண்ணனின் கதையாக, இன்று ஒவ்வொரு கணினியும் தனது திரைக்குள் இந்த பூவுலகைக் காட்டிக் கொண்டிருக்கிறது. வலைத்தளம் என்ற இன்டர்நெட் புரட்சி இதைச் சாத்தியமாக்கியுள்ளது. வலைத்தளத்தின் அடுத்தக்கட்ட வளர்ச்சியாக முன்னுக்கு வந்திருப்பது தான் சமூக வலைதளப் பக்கங்கள். முகநூல் எனப்படும் பேஸ்புக், டுவிட்டர், யூ டியூப் என பல சமூக வலைத்தளங்கள் தற்போது உலகளாவிய அளவில் கருத்துப் பரிமாற்றம் செய்து கொள்வதற்கும், அதை உடனடியாக தங்கள் நண்பர்களுக்கு பரப்புவதற்கும் வாய்ப்பைத் தந்துள்ளன. (மேலும்....)

ஆவணி 06, 2011

புளொட்டிலிருந்து தீப்பொறி வரையான எனது அனுபவப் பகிர்வுகள் (பாகம் 11)

(நேசன்)

இராணுவத்தின் சுற்றிவளைப்பில் இருந்து தப்பிக் கொள்வதற்காக ஒவ்வொருவரும் எமக்கு தெரிந்த திசைகளில் ஓடினோம். ஆனால் இராணுவம் மேற்கொண்ட மிகப் பெரியளவிலான சுற்றிவளைப்பில் ஓரளவு வெற்றி பெற்றது என்றே சொல்ல வேண்டும். யாழ் மாவட்ட பொறுப்பாளராக செயற்பட்ட சத்தியமூர்த்தியும், பார்த்தனுடன் இராணுவப் பிரிவில் செயற்பட்டு வந்த கொக்குவில் சிவாவும் இவர்களுடன் கூட பல அப்பாவி இளைஞர்களும் கைது செய்யப்பட்டனர். இந்த சுற்றிவளைப்பில் இருந்து நான் (நேசன்)உட்பட பார்த்தன், கொக்குவில் ஆனந்தன் ஆகிய மூவர் மட்டுமே தப்பி வெளியேற முடிந்தது. தளத்தில் செயற்பட்ட மத்தியகுழு உறுப்பினரான குமரன் (பொன்னுத்துரை) இந்தக் கூட்டத்தில் கலந்து கொள்ளாததாலும், பெரிய முரளி, கண்ணாடி சந்திரன் ஆகியோர் சென்னைக்கு புளட்டினால் கொள்ளையிடப்பட்டிருந்த கிளிநொச்சி வங்கி நகைகளின் ஒரு பகுதியை உமாமகேஸ்வரனிடம் ஒப்படைக்க சென்றிருந்ததாலும் இந்த இராணுவ சுற்றிவளைப்பில் இருந்து தப்பித்து கொண்டனர். (மேலும்....)

ஆவணி 06, 2011

344 கோடி ரூபா பெறுமதியான புலிகளின் ஆயுதங்கள் மீட்பு

344 கோடி ரூபா பெறுமதியான தமிழீழ விடுதலைப் புலிகளின் ஆயுதங்கள் மீட்கப்பட்டுள்ளதாக பாதுகாப்பு அமைச்சு அறிவித்துள்ளது. ஆயுதங்கள், இராணுவத் தளவாடங்கள் மற்றும் வெடிபொருட்கள் பாரியளவில் மீட்கப்பட்டுள்ளன. பாதுகாப்புப் படையினரும், காவல்துறையினரும் நடத்திய தேடுதல்களின் போது இந்த ஆயுதங்கள் மீட்கப்பட்டுள்ளன. விமானத் தாக்குதல்களுக்கான ஏவுகணைகள், பீரங்கிக் குண்டுகள், தர்மோபெரிக், மோட்டார்குண்டு, ஆர்.பி.ஜீ, நிலக்கண்ணி வெடிகள், கிளைமோர் குண்டுகள், தற்கொலை அங்கிகள், குண்டுகள், அதி நவீன ராடார்கள், பல ரக துப்பாக்கி ரவைகள் உள்ளிட்ட பல்வேறு ஆயுதங்கள் கைப்பற்றப்பட்டுள்ளதாக பாதுகாப்பு அமைச்சு அறிவித்துள்ளது.

ஆவணி 06, 2011

(குறும் காணொளியை பார்வையிட......)

ஆவணி 06, 2011

புலிகளை போன்றே தமிழ் தேசிய கூட்டமைப்பும் செயற்படுகின்றது - அரசாங்கம்

கூட்டமைப்பின் அவசர கோரிக்கைகள் தொடர்பில் தற்போது பரிசீலிப்பது சாத்தியமற்ற விடயமாகவே உள்ளது. அக்கோரிக்கைகள் தேசிய மட்ட அபிலாஷைகளுக்கு பொருத்தமானவையாக இல்லை.  புலிகள் எதிர்பார்த்ததைப் போன்ற தீர்வு ஒன்றை பெற முடியாது. அனைத்து தரப்பினரும் ஏற்றுக்கொள்ளக்கூடிய தீர்வை உருவாக்குவதற்காக மக்களின் இணக்கப்பாட்டை ஏற்படுத்துவதில் இவ்வாறான கோரிக்கைகள் தடைகளை ஏற்படுத்தும். இத்தகைய நிபந்தனைகளை கூட்டமைப்பு விதிக்கும் என்று நாம் எதிர்பார்த்திருக்கவில்லை. இது புலிகளின் செயற்பாடுகளை ஒத்ததாகவுள்ளது. (மேலும்....)

ஆவணி 06, 2011

ஜூலையின் ஞாபகங்கள்

(ப்ரியந்த லியனகே)

ஜூலையின் இரண்டாவது ஞாபகமானது 1983 கறுப்பு ஜூலை. தமிழ் சகோதரர்களை அழித்த அம் மோசமான கறுப்பு ஜூலையின் ஞாபகங்களிடையே சிறுவயதில் எங்களுக்கு மருத்துவம் பார்த்த வைத்தியர் கணபதிப் பிள்ளையின் வீடு பற்றியெரிந்ததை நேரில் கண்டமை எனது இதயத்தை நொறுங்கச் செய்த சம்பவமொன்றாகும். எல்லாப் பிள்ளைகளுக்கும் தந்தையொருவரைப் போல ஆதரவளித்த வைத்தியர் கணபதிப் பிள்ளையை, அன்று நல்லிதயம் கொண்ட சில சிங்கள மக்கள் தங்களது உயிரைப் பணயம் வைத்துக் காப்பாற்றினார்கள். எனினும் அன்று இந் நாட்டை விட்டுப் போன வைத்தியர் திரும்பவும் இலங்கைக்கு வரவே இல்லை. (மேலும்....)

ஆவணி 06, 2011

Let us caress ‘Kattankudy’

(by Malinda Seneviratne)

‘Today is the 21st anniversary of the massacre of 147 people who were praying in mosques in Kattankudy’, the text message read.   We forget and I am not sure if that’s good or bad, honestly.  On the other hand, if we do remember or are reminded, we must in the very least caress for gripping tight only hurts gripper and gripped.  These are therefore caressing thoughts of a time that could hardly be identified with things soft and tender.  Or so I would like to think. I am a regular recipient of hate mail.  I respond to each and every person, named, bogus-named and otherwise anonymous.  I am asked to feel ashamed about July 1983 and the suffering that Tami people were subjected to.  My remorse, as I have mentioned many times, is that the citizens of this country, especially the Sinhalese could not save all the Tamils attacked by marauding mobs, instigated by ruling party thugs and given a free hand upon the directives of those in power.  I do not ask, by the same token, that Tamil people apologize to me for the horrendous crimes committed by the Liberation Tigers of Tamil Eelam (LTTE) against people like me in the name of Tamil Nationalism. (more...) 

ஆவணி 06, 2011

அழகிய இடைக்காடு

யாழ்ப்பாணற் ரவுணிலிருந்து அச்சுவேலிக்கூடாக பருத்தித்துறைக்கு 751ம் நம்பர் ஊவுடீ பஸ் ஒரு காலத்தில் ஒடியது. அந்த றூட்டில் அச்சுவேலி ரவுண் தாண்டினால்,அடுத்த முக்கியமான (ஓஹோ அப்படியா?) சந்தி தம்பாலைச் சந்தி. அதுக்கு அடுத்த பெரிய சந்தி தொண்டமானாற்றில். இந்த இரண்டு 'பெரிய' சந்திகளுக்குமிடையில் உள்ள றோட்டுக்கு மேற்குபக்கமாக உள்ளது எங்களூர். றோட்டுக்குக் கிழக்குப் பக்கமும் இடைக்காடுதான். ஆனால் கொஞ்ச வீடுகள்தான் உள்ளது. அந்தக் கொஞ்ச வீடுகளைத் தாண்டினால், பத்தைக்காடு. பிறகு தொண்டமானாறு கடல் நீரேரி, பிறகு வல்லை வெளி. (மேலும்....)

ஆவணி 06, 2011

DON’T USE SRI LANKA FOR OWN POLITICAL GAINS

We the members of Friends of Sri Lanka (Canada) condemn the statement made by New Democratic Party of Canada (NDP) on Sri Lanka, on August 3rd 2011. We are saddened by the fact that NDP is trying to make use of Sri Lanka, for own political gains rather than helping Sri Lanka to recover from 30 years of terrorism. We also urge NDP not to trap into Tamil Tiger slogans and not to jeopardise not only Sri Lanka’s reconciliation process, but also community harmony in Canada by making false statements. Sri Lanka is a sovereign nation and there are well established laws and judicial system in the country to punish any crime. (more...)

ஆவணி 06, 2011

இனப்பிரச்சினைக்கான தீர்வு தொடர்பில் அரசும் கூட்டமைப்பும் நாடகமாடுகின்றன -  ஜே.வி.பி.

தேசிய இனப் பிரச்சினைக்கான தீர்வு தொடர்பில் அரசும் கூட்ட மைப்பும் சேர்ந்து நாடகமாடுகின்றன. எனவே, தமிழ் மக்கள்,சுயமாக போராடியே சுதந்திரத்தையும் அரசியல் உரிமைகளையும் வென்றெடுக்க வேண்டிய நிர்ப்பந்தத்திற்குள் மீண்டும் தள்ளப்பட்டுள்ளார்கள். என்று ஜே.வி.பி.யின் பொதுச் செயலாளர் டில்வின் சில்வா தெரிவித்தார். தமிழர்களின் அரசியல் பிரச்சினைக்கான தீர்வாக அதிகாரப் பகிர்வை வழங்க அரசாங்கம் இந்தியாவிற்கும் ஏனைய சர்வதேச நாடுகளுக்கும் ஏற்கனவே உறுதிமொழி அளித்துவிட்டது. ஆனால் அதனை நிறைவேற்றாது ஒட்டுமொத்த உலகத்தையும் அரசாங்கம் ஏமாற்றி வருகின்றது என்றும் அவர் குறிப்பிட்டார். (மேலும்....)

ஆவணி 06, 2011

செவ்வாய் கிரகத்தில் தண்ணீர்- நாசா விஞ்ஞானிகள்

செவ்வாய்க்‍ கிரகத்தில் நீரோட்டம் இருப்பதற்கான ஆதாரங்களை நாசா விஞ்ஞானிகள் கண்டுபிடித்துள்ளனர். கடந்த 10 ஆண்டுக்‍கு முன்பே சூரிய குடும்பத்தில் நான்காவது கிரகமாக கருதப்படும் செவ்வாய்க்‍ கிரகத்தில், தண்ணீர் இருப்பதை விஞ்ஞானிகள் கண்டுபிடித்துவிட்டனர்.  இருந்த போதிலும், அது உறைந்து இருப்பதாகவே இதுவரை தெரிவித்து வந்தனர்.இந்நிலையில், செயற்கைக்‍கோள் மூலம் மார்ட்டியன் எரிமலை பகுதியில் நடத்தப்பட்ட ஆராய்ச்சியில், செவ்வாய் கிரகத்தில் நீரோட்டம் இருப்பதற்கான ஆதாரத்தை தற்போது அமெரிக்‍காவின் நாசா விஞ்ஞானிகள் கண்டுபிடித்துள்ளனர். நிலத்துக்‍கடியில் இருந்த நீரோட்டம் இருப்பதற்கான படிமங்கள் தங்களுக்‍கு கிடைத்துள்ளதாக நாசா விஞ்ஞானிகள் கூறியுள்ளனர். பனிகட்டிகளாக உறைந்து கிடக்‍கும் படுகைகள், பின்னர் வெப்ப காலத்தில் உருகி தண்ணீராக ஒடுவதையும் நாசா விஞ்ஞானிகள் கண்டறிந்துள்ளனர். தற்போதுள்ள இந்த படுகைகள் உருகி தண்ணீராக மாறினால், அது செவ்வாய் கிரகம் முழுவதையும் ஆக்கிரமித்து கடல்போன்று இருக்‍குமென்று நாசா விஞ்ஞானிகள் கூறியுள்ளனர். இத்தகவல்கள் விஞ்ஞான ஆராயச்சி குறித்த இதழ்களில் வெளியிடப்பட்டுள்ளன.

ஆவணி 06, 2011

க.பொ.த. உயர்தரம்

302 முன்னாள் புலி உறுப்பினர்கள் பரீட்சைக்கு தோற்றவுள்ளனர்

வவுனியாவில் ஆறு புனர்வாழ்வு முகாம்களில் புனர்வாழ்வு பெற்ற விடுதலைப் புலி சந்தேக நபர்களான 302 பேர் திங்கட்கிழமை (08) ஆரம்பமாகும் க. பொ. த. (உ.த) பரீட்சைக்குத் தோற்றவுள்ளதாக புனர்வாழ்வு மற்றும் சிறைச்சாலைகள் மறுசீரமைப்பு அமைச்சின் செயலாளர் ஏ. திசாநாயக்க தெரிவித்தார். வவுனியா தமிழ் மகா வித்தியாலயத்தில் அவர்கள் உயர்தரப் பரீட்சைக்குத் தோற்ற உள்ளதாகவும், அவர்களில் 230 பேர் கலைப் பிரிவிலும், 7 பேர் வர்த்தகப் பிரிவிலும், 12 பேர் உயிரியல் விஞ்ஞானப் பிரிவிலும் 12 பேர் கணிதப் பிரிவிலும் 03 பேர் கணிதப் பிரிவிலும் பரீட்சைக்குத் தோற்ற உள்ளதாகவும் அவர் மேலும் கூறினார். பரீட்சைக்குத் தோற்றும் மாணவர்களின் கல்வி நடவடிக்கைகளுக்குத் தேவை யான அனைத்து வசதிகளையும் நீதிமன்றத்தினூடாக பெற்றுக் கொடுக்கப்பட்டதாகக் கூறிய செயலாளர் திசாநாயக்க அவர்கள் சிறந்த மனநிலையில் காணப்படுவதாகவும் சுட்டிக்காட்டினார். கடந்த ஆண்டிலும் இதேபோன்று புனர்வாழ்வு முகாம்களில் புனர்வாழ்வு பெற்றுவந்த 371 எல். ரி. ரி. ஈ. இயக்கத்தைச் சேர்ந்த பிள்ளைகள் க. பொ. த. (உ.த) பரீட்சைக்குத் தோற்றியதாகவும், அதில் 222 பேர் பரீட்சையில் சித்தியடைந்ததாகக் கூறிய அவர் அதில் 50 பேர் பல்கலைக்கழக அனுமதியினைப் பெற்றுக் கொண்டதாகவும் கூறினார்.

ஆவணி 06, 2011

மும்பை குண்டுவெடிப்பு உள்நாட்டு சதி

கடந்த ஜூலை 13ல் மும்பையில் நிகழ்த்தப்பட்ட தொடர் குண்டுவெடிப்பில் உள்நாட்டு பயங்கரவாதிகளுக்கு தொடர்பிருக்கிறது என்று மத்திய உள்துறை அமைச்சர் ப. சிதம்பரம் கூறினார். மாநிலங்களவையில் எதிர்க்கட்சிகளின் கேள்விக்கு வியாழக்கிழமை பதிலளித்த அவர் நாட்டில் வலதுசாரி பயங்கர வாதமும் வளர்ந்து வருவதாகக் கவலை தெரிவித்தார். அண்மையில் மும்பை, புணே நகரங்க ளில் நிகழ்த்தப்பட்ட குண்டுவெடிப்புகளில் இதுவரை இறுதி முடிவு எடுக்கப்பட வில்லை. எனினும், இப்போது கிடைத் துள்ள தகவல்களின் அடிப்படையில் உள்நாட்டு பயங்கரவாதிகளே இந்தச் சம்பவங்களின் பின்னணியில் இருப்பதாகத் தெரிகிறது என்று ப. சிதம்பரம் தெரிவித்தார்.

ஆவணி 06, 2011

துருவங்கள் ஒரே மாதிரியானவையா?

நம்மில் பலர், தென் துருவமான அண் டார்டிக்கும், வட துருவமான ஆர்ட்டிக்கும் ஒன்று போல இருக்கும் என்று எண்ணிக் கொண்டிருக்கிறோம். ஆனால் உண்மை நிலை என்ன தெரியுமா? தென் துருவம், அண்டார்டிகா என்ற நிலப்பகுதியால் ஆனது. வடதுருவப் பகு தியோ ஆர்ட்டிக் பெருங்கடலால் ஆன நீர்ப்பகுதி. இப் பெருங்கடலை வட அமெரிக்கா, ஐரோப்பா, ஆசியா கண்டங்களின் முனைப் பகுதிகள் சூழ்ந்திருக்கின்றன. தென் துருவம் நிலம். வடதுருவம் நீர். வட துருவப் பகுதியில் மனிதர்கள், விலங்குகள், சில தாவரங்கள் அப்பகுதியின் சூழ்நிலைக்கு ஏற்பத் தங்களை மாற்றிக் கொண்டு வாழும் நிலை இருக்கிறது. தென்துருவப் பகுதியிலோ, நிலப் பகுதி விலங்குகள் எதுவுமே கிடையாது. அங்கேயே வாழும் மனிதர்களும் இல்லை. செடி, கொடிகள் என்றால் சில வகைப் புற்கள், பாசிகள் மட்டும் தான். ஆனால் இப் பகுதியில் பெங்குவின் பறவைகள் மட்டும் மகிழ்ச்சியாய் வாழ்ந்து கொண்டி ருக்கின்றன. காரணம் அங்கு அவற்றுக்கு நிலத்தில் காணப்படும் எதிரிகள் கிடையாது. தட்பவெப்ப நிலை? தென் துருவத்தில் கடுங்கோடையிலும் வெப்பம் மிகக் குறை ந்து குளிர் வாட்டி எடுக்கும். மழைக் காலத் திலோ கடும் பனிப்புயல் வீசிக் கொண்டே யிருக்கும்.  வட துருவத்திலோ, கடற் பகுதியில் இருந்து காற்றலைகள் எழும்பி தட்பவெப்பத்தைச் சற்று மிதப்படுத்துகின்றன. தென் துருவத்தில் கடுங்கோடையிலும் தம்பவெப்பம் 0 பாகை அல்லது அதற்கும் கீழே தான். எப்போதாவது அபூர்வமாய் 30 முதல் 40 பாகை வரை ஏறுவதுண்டு. மழைக் காலத்தில் கேட்கவே வேண்டாம். வெப்ப நிலை மறை 30 முதல் 40 பாகைக்கு கீழே தான்.

ஆவணி 05, 2011

மூன்று கோரிக்கைகளை முன்வைத்து அரசுக்கு த.தே.கூ. இருவார கால அவகாசம்

அரசாங்கத்துடனான பேச்சுவார்த்தைகள் அர்த்தமற்றதாகி வருவதாகச் சுட்டிக்காட்டியுள்ள தமிழ்த் தேசியக்கூட்டமைப்பு, இருதரப்புக்கும் இடையிலான பேச்சுவார்த்தை தொடர்ந்தும் முன்னெடுக்கப்படவேண்டுமாயின் ஆட்சி அதிகார முறைமை, மத்திய மாநில அரசுகளுக்கிடையிலான விடயதானங்கள், செயற்பாடுகள் மற்றும் வரி, நிதி அதிகாரங்கள் ஆகிய மூன்று விடயங்கள் தொடர்பில் இரண்டு வார காலத்துக்குள் உரிய பதிலை அளிக்கவேண்டும் என அரசாங்கத்திற்கு காலஅவகாசம் வழங்கியுள்ளது. தம்மால் விதிக்கப்பட்டுள்ள இரண்டு வாரகால அவகாசத்திற்குள் அரசிடமிருந்து உரிய பதில் கிடைக்காவிடின் அரசாங்கத்துடனான பேச்சுவார்த்தையை நீடிப்பதா இல்லையா என்பது தொடர்பில் தீர்மானிக்கவிருப்பதாகவும் கூட்டமைப்பு சுட்டிக்காட்டியுள்ளது.  (மேலும்...)

ஆவணி 05, 2011

நோட்டோ படையினரின் தாக்குதலில் கடாபியின் 7ஆவது மகன் காமீஸ் பலி _

நேட்டோ படைகள் நடத்திய விமானத்தாக்குதலில் லிபிய இராணுவப் படைத் தளபதிகளில் ஒருவரான கடாபியின் 7ஆவது மகன் காமிஸ் உட்பட 32 பேர் பலியாகியுள்ளதாக போராளிகளின் செய்தித் தொடர்பாளர் ஒருவர் தெரிவித்துள்ளார். சில்டானில் உள்ள கடாபி படைகளின் நிலையொன்றின் மீது நேட்டோ படைகள் தாக்குதல் நடத்தியுள்ளன. இதன்போதே அந்நிலையத்தில் இருந்த காமீஸ் கடாபி கொல்லப்பட்டுள்ளதாகத் தெரிவிக்கப்படுகின்றது. இது தொடர்பாக திரிபோலி அரசு எந்தக் கருத்தும் தெரிவிக்கவில்லை. ஆனால் காமிஸ் கடாபி இறந்துவிட்டதை மட்டும் உறுதிப்படுத்தியுள்ளது. கடாபியின் 7ஆவது மகன் காமிஸ் லிபிய இராணுவத்தின் 32ஆவது பிரிவின் தலைவராக செயற்பட்டு வந்தார். சில்டன் நகரில் கடாபியின் படைகளை வழிநடத்தும் பொறுப்பு இவரிடமே இருந்துவந்த நிலையில் இவரது மரணமானது அவரது படைக்கு பேரிழப்பாகுமென அதிகாரிகள் தெரிவித்திருந்தனர். கடந்த ஏப்ரல் 11ஆம் திகதி நேட்டோ படை நடத்திய தாக்குதலில் கடாபியின் இன்னொரு மகன் சைப் அல் அராப் மற்றும் 3 பேரக்குழந்தைகள் கொல்லப்பட்டமை குறிப்பிடத்தக்கது.

ஆவணி 05, 2011

குற்றவாளிகள் தண்டிக்கப்படாமல் பாதுகாக்கப்படுகின்ற நிலைவரம்

இவ்வருட இறுதியளவில் அவசரகால சட்ட ஆட்சியினை அகற்ற அரசாங்கம் திட்டமிட்டு வருவதாக அரசாங்கம் பேச்சாளரும் ஊடகத்துறை அமைச்சருமான கெஹலிய ரம்புக்வெல அறிவித்துள்ளார். கடந்த நான்கு தசாப்தங்களில் பெரும்பாலான காலப்பகுதி நாடு அவசரகால சட்டவிதிகளுக்கு உட்படுத்தப்பட்டே ஆளப்பட்டிருந்தது. இதனால் நாட்டு மக்கள் அரச படையினருடன் தொடர்புபட்டு செயற்பட வேண்டியபோது, அவர்கள் அளவுக்கு மீறிய பலத்துடன் மக்கள் பெரிதும் பாதிப்புக்குள்ளாகும் வகையில் நடந்துகொள்ள இடமளிக்கப்பட்டிருந்தது. சர்வதேச தரங்களில் மனித உரிமைகள் பேணப்படுவதில் காணப்படும் பல்வேறு குறைபாடுகள் காரணமாக அரசாங்கத்தின் மீது ஏற்படும் சர்வதேச அழுத்தங்களால் இப்போது அரசாங்கம் அவசரகால சட்டத்தை நீக்கப்படுவது போன்ற சனநாயக உரிமைகள் பற்றி சிந்தித்து செயற்பட முன்வந்துள்ளது.  (மேலும்...)

ஆவணி 05, 2011

இலங்கை அகதிகளுக்கு அதிக உதவி புரிந்தது ஜெயலலிதாவா, நானா?

தமிழக முகாம்களில் தங்கியிருக்கும் இலங்கை தமிழர்களுக்கு மாதந்தோறும் ஆயிரம் ரூபாய் ஓய்வூதியம் வழங்கப்படும் என்று முதல் அமைச்சர் ஜெயலலிதா அறிவித்திருப்பது தொடர்பாக தி.மு.க. தலைவர் கலைஞர் வெளியிட்டுள்ள அறிக்கையில், இது வரவேற்கப்பட வேண்டிய திட்டம்தான். இதனால் மாதம் ஒன்றுக்கு 55 இலட்சத்து 44 ஆயிரம் ரூபாய்தான் செலவாகும் என்று கூறியுள்ளார். அ.தி.மு.க அரசு அறிவித்துள்ள ஆயிரம் ரூபாய் ஓய்வூதியத்தையும், தி.மு.க ஆட்சியில் செய்யப்பட்ட சாதனைகளையும் ஒப்பிட்டு பார்த்து இலங்கை தமிழர்களுக்கு அதிக உதவி செய்தது எந்த ஆட்சி என்பதை முடிவு செய்யலாம். இவ்வாறு கருணாநிதி கூறியுள்ளார்.

ஆவணி 05, 2011

 

அத்திவாரம் இல்லாத வீடு

ஒரு கட்டடம் கட்ட வேண்டுமானால் முதலில் அஸ்திவாரம் அமைப்பது வழக்கமான நடைமுறை. அஸ்திவாரம் அமைக்காமலே கட்டிடம் கட்டும் முறை ஒன்று இருப்பது உங்களுக்குத் தெரியுமா? யூரி விளாசவ் என்பவர் கண்டுபிடித்த இந்த முறை மண்ணை அழுத்துதல் என்று கூறப்படுகிறது. 1968ம் ஆண்டு, நோவாசி பிர்ஸ்க் என்ற இடத்தில் குடியிருப்புகள் கட்ட ஆரம்பித்தனர். அந்த இடம் களிமண்ணும், மணலும் கொண்ட பரப்பு உடையது. எனவே அங்கு 16 மீற்றர் ஆழத்துக்கு அஸ்திவாரம் தோண்டினால்தான் கட்டிடம் உறுதியாக இருக்கும் என்று தீர்மானித்தனர். ஆனால் 11 மீற்றர் அளவுக்குத் தோண்டும் போதே அதற்கு மேல் முன்னேற முடியவி ல்லை. அதற்குக் கீழே கடும் பாறையாக இருந்ததுதான் காரணம். உடனே மண் ணைப் பற்றி ஆராயத் தொடங்கினர். அந்தச் சமயத்தில்தான், 16 மீற்றர் ஆழத்துக்குத் தோண்டாமல் மண்ணை அழுத்திக் கடினமாக்கி, அதன் மூலம் கட்டடம் அதனை அழுத்தும்போது மண் மிக உறுதியாக இருந்து கட்டடத்தைத் தாங்கும் என்று விளாசவ் கண்டுபிடித்து உதவினார். அது நல்ல பலனைத் தந்தது. (மேலும்...)

ஆவணி 05, 2011

TNA sets out conditions for continuation of talks

The TNA said yesterday that they would not agree to set a date for the next round of talks with the government and that their willingness to continue participation in discussions with the government would be conditional, UPFA MP Sajin Vas De Gunawardane said in a statement. After a meeting between the TNA delegation and the government delegation last night Mr. Gunawardane, who is the Secretary of this Committee, said that the TNA had put forward three conditions and insisted that, within a period of 10 days, the government delegation should inform the TNA in writing of its position on the following matters: (1). The structure of governance, (2). The subjects and functions allocated to the central government and the provincial councils and (3). Issues pertaining to fiscal and financial devolution. (more...)

ஆவணி 04, 2011

மத்திய அரசாங்கத்தின் சரிபாதி அதிகாரங்கள் தமிழருக்கு வழங்க வேண்டும் - திஸ்ஸ விதாரண

மத்திய அரசாங்கத்தின் சரிபாதி அதிகாரங்கள் தமிழ் மக்களுக்கும் வழங்கப்பட வேண்டும். இலங்கை வாழ் தமிழர்களின் நியாயபூர்வமான அரசியல் கோரிக்கைகளுக்கு மதிப்பளித்து, கூடிய அதிகாரப் பகிர்வை மேற்கொண்டு தேசிய இனப்பிரச்சினைக்கு தீர்வு காண வேண்டியது அவசியமாகும் என்று அமைச்சரும் சர்வகட்சி குழுக்களின் தலைவருமான பேராசிரியர் திஸ்ஸ விதாரண வலியுறுத்தினார். நல்லாட்சியையும் அரசியல் தீர்வையும் உறுதிப்படுத்தாமல் இலங்கையால் ஒரு போதும் பொருளாதார அபிவிருத்தி இலக்குகளை அடைய முடியாது. எனவே தேசிய இலக்குகளில் சிறுபான்மை இன மக்கள் உள்வாங்கப்பட வேண்டுமாயின் அவர்களின் சுயகௌரவம் மற்றும் உரிமைகள் உறுதிப்படுத்தப்பட வேண்டும் என்றும் அவர் குறிப்பிட்டார். (மேலும்...)

ஆவணி 04, 2011

புளொட்டிலிருந்து தீப்பொறி வரையான எனது அனுபவப் பகிர்வுகள் (பாகம் 10)

(நேசன்)

புளொட்டுக்குள் தோன்றியிருந்த தவறான போக்குகள் குறித்து ஆரம்ப காலங்களிலேயே பல்வேறு மட்டங்களிலும், புளொட்டுக்குள்ளேயே விமர்சனங்கள் முன்வைக்கப்பட்டபோதும் கூட, அவற்றிற்கு சரியான முறையில் தீர்வு காணப்படவில்லை - மத்தியகுழு என்று சொல்லப்பட்ட குழுவிலும் கூட. இதற்கு முக்கிய காரணம் என்னவெனில் புளொட் தலைமையில் இருந்த பெரும்பான்மையானோர் தாம் தமிழீழ விடுதலைப் புலிகளிலிருந்து வித்தியாசமான போக்கை கொண்டவர்களென்றும், மார்க்சிய சிந்தனையாளர்கள் என்றும், எமது போராட்டத்தினூடாக "அனைத்து அடக்குமுறைகளையும் உடைத்தெறிந்து" சமத்துவ சமுதாயம் படைப்போம் என்றும் கூறிக் கொண்டனரே தவிர, அதற்கான தத்துவார்த்த வழிகாட்டலையே, அரசியல் அறிவையோ கொண்டிருக்கவில்லை என்பது ஒரு கசப்பான உண்மையாகும். (மேலும்...)

ஆவணி 04, 2011

அமெரிக்கா

பொருளாதார நெருக்கடி ஆனால் போர் முஸ்தீபுக்களுக்கு குறைவில்லை

அமெரிக்கா பாரிய நிதி நெருக்கடிக்கு முகங்கொடுத்துள்ள வேளையிலும் சுமார் 23 பில்லியன் அமெரிக்க டொலர்களை நவீன ரக ஆளில்லா உளவு விமானங்களுக்கென ஒதுக்கியுள்ளது. இதன் படி 'குளோபல் ஹோக்' என்றழைக்கபடும் நவீன ரக உளவு விமானங்கள் 52 ஐ அமெரிக்க நிர்மாணிக்கவுள்ளது. இவ்விமானமொன்றின் உற்பத்திச் செலவு 218 மில்லியன் அமெரிக்க டொலர்களாகும். அமெரிக்கா தற்போது யூ-2 உளவு விமானங்களையே உபயோகித்து வருகின்றது. தற்போது 'குளோபல் ஹோக்' இன் மூலம் இவற்றின் பாவனை நிறுத்தப்படுமென தெரிவிக்கப்படுகின்றது. அமெரிக்கா இக்காலப் பகுதியில் பாரிய நிதி நெருக்கடிக்கு முகங்கொடுத்துள்ளது. இதேவேளை கடன் உச்ச வரம்பை அதிகரிப்பது தொடர்பான சட்டமூலம் அந்நாட்டு பாராளுமன்ற பிரதிநிதிகள் சபையில் நிறைவேற்றப்பட்டுள்ளது. இதன்படி கடன் உச்ச வரம்பு 14.3 டிரில்லியன் டொலரிலிருந்து 2.4 டிரில்லியன் டொலரால் அதிகரிக்கப்பட்டுள்ள இந் நிலையில் பெரும் தொகையினை உளவு விமான நிர்மாணத்திற்கு ஒதுக்கியுள்ளமையானது பலரினது விமர்சனத்திற்கும் உள்ளாகியுள்ளமை குறிப்பிடத்தக்கது.

ஆவணி 04, 2011

புலிகள் இயக்கத்துடன் தொடர்புடையவர் கைது

புலிகள் இயக்கத்துடன் தொடர்புடையவராகக் கருதப்படும் இலங்கை நபரொருவர் இராமேஸ்வரம் பொலிஸாரால் கைது செய்யப்பட்டுள்ளார். இலங்கை யாழ்ப்பாணத்தை சேர்ந்தவர் தீபன் (பிரதீபன்). 34 வயதான இவர், 2005 இல் விமானம் மூலம், தமிழகம் வந்து அகதிகள் முகாமில் தங்கி, பெயின்டராக வேலை செய்தார். அப்போது புலிகள் இயக்கத்துக்கு தேவையான பொருட்களை, இலங்கைக்கு அனுப்பும் வேலையிலும் இவர் ஈடுபட்டதாக தெரிவிக்கப்படுகிறது. கடந்த 2007இல் புலிகளுக்கு கொண்டு செல்வதற்காக, திருச்சியிலிருந்து பால்ரஸ் குண்டுகளை கடத்த முயன்ற போது, "கியூ' பிரிவு பொலிஸாரால் கைது செய்ய ப் பட்டு, செங்கல்பட்டு சிறப்பு முகாமில் அடைக்கப்பட்டார். 2010 இல் சிறப்பு முகாமிற்குள் நடந்த கலவரத்தில் ஈடுபட்டதற்காக, இவர் மீது வழக்கு பதிவானது. (மேலும்...)

ஆவணி 04, 2011

போராட்டங்களில் இடதுசாரிகளின் முக்கியத்துவம்

(எம்.ஏ.பேபி)

ரஷ்யப் புரட்சி-கிட்டத்தட்ட 72 முழு ஆண்டுகள் வெற்றிகரமாக நடந்த ஒரு சோஷலிச ஆட்சி, தற்போது என்னவா யிற்று? அதற்காக ரஷ்யப்புரட்சியே தவறு என்று கூறிவிட முடியுமா? அநீதிக்கு எதிராக போராடுபவர்களுக்குரஷ்யப்புரட்சிஏராளமான விஷயங்களை தந்துள்ளது. சமத்துவ சமுதா யத்தினை நிர்மாணிக்கப் போராடுபவர்களுக்கு ரஷ்யப்புரட்சியும், இது போன்ற ஒவ்வொரு புரட்சியும் பாடமாக அமைந்துள்ளன. (மேலும்...)

ஆவணி 04, 2011

உப்புமா பத்துமா?

தமிழ் வீடுகளில் முன் அறிவித்தலின்றி ஒரு விருந்தினர் வந்துவிட்டால் இல்லத்தரசி அசந்து போவதில்லை. அந்தப் பெண்ணுக்கு வீட்டில் இருக்கும் ரவை உதவுகின்றது. வீட்டுக்கு வந்த விருந்தினர்களை உபசரித்து அவர்களின் தாகத்தை ஆற்றுவதற்கு மோர், குளிர்பானம் அல்லது சுடச்சுட தேனீரை கொடுத்துவிட்டு தனது பிள்ளைகள் அல்லது கணவர் அவர்களுடன் இன்முகத்துடன் உரையாடிக்கொண்டிருக்கும் அரை மணித்தியாலத்திற்குள் அந்தப் பெண் சுடசுட ஆவிப் பறக்கும் உப்புமாவை தயாரித்து விருந்தினர்களுக்கு உபசரிப்பார். உப்புமாவை பலவிதமாக தயாரிக்கலாம். இனிப்புப் போட்ட உப்புமா கேசரியாக மாறி சிறு பிள்ளைகளின் ஆசையைத் தீர்த்து வைக்கின்றன. அது போன்று காய்கறிகளை கலந்து செய்யப்படும் உப்புமா கிச்சடியாகின்றது. (மேலும்...)

ஆவணி 04, 2011

ஐ.தே.க நெருக்கடி,  கருவுக்கு ரணில் அழுத்தம்

ஐக்கிய தேசியக் கட்சியின் தலைமைத்துவ நெருக்கடி சூடுபிடித்துள்ள நிலையில் நேற்று ஐக்கிய தேசியக் கட்சித் தலைவர் ரணில் விக்கிரமசிங்க பிரதித் தலைவர் கரு ஜயசூரியவை அழைத்து தாம் ஐ. தே. க தலைமைத்துவத்தைப் பொறுப்பேற்கத் தயாரென கூறியதை ஊடகவியலாளர் மாநாடு ஒன்றினை நடாத்தி மறுதலிக்குமாறு கூறியதாக ஐ.தே.க வட்டாரங்கள் தெரிவிக்கின்றன. எனினும், தாம் கூறிய கூற்றினை மறுதலிக்க கருஜயசூரிய மறுத்து விட்டதாகவும், இதையடுத்து இருவரும் முறுகல் நிலையில் அங்கிருந்து பிரிந்து சென்றதாகவும் மேலும் தெரியவருகின்றது. ரணில் விக்கிரமசிங்க தமக்கு சார்பாக பாராளுமன்ற உறுப்பினர்களை ஐவர், ஐவராக அழைத்து தமக்கு ஆதரவு தெரிவிக்குமாறு கூறிவருவதாகவும், அதற்கு அவர்கள் சஜித் - கரு ஆகிய இருவரையும் அழைத்து முதலில் சுமுக நிலைக்கு வருமாறும் அதன் பின்னர் தாம் ஆதரவு வழங்குவது தொடர்பாக சிந்திப்பதாகவும் கூறியுள்ளதாக ஐக்கிய தேசியக் கட்சி வட்டாரங்களிலிருந்து மேலும் தெரியவருகிறது.

ஆவணி 04, 2011

நல்லை கந்தன் இன்று கொடியேற்றம்

யாழ். குடாநாட்டில் வரலாற்றுப் புகழ்மிக்க நல்லூர் கந்தசாமி கோவிலின் வருடாந்த உற்சவம் கொடியேற்றத் திருவிழாவுடன் இன்று ஆரம்பமாக வுள்ளது. 29ஆம் திகதி வரை 25 நாட்கள் திருவிழாக்கள் நடைபெறும். எதிர்வரும் 27 ஆம் திகதி தேர்த் திருவிழாவும், 29 ஆம் திகதி தீர்த்தத் திருவிழாவும் நடைபெறவுள்ளது. இதனைவிட 13 ஆம் திகதி மஞ்சத் திருவிழாவும், 21 ஆம் திகதி கார்த்திகைத் திருவிழாவும், 23 ஆம் திகதி மஞ்சத் திருவிழாவும், 24 ஆம் திகதி வேல் விமானத் திருவிழா மற்றும் கஜவல்லி, மஹாவல்லி உற்சவமும் நடைபெறவுள்ளன. இன்று காலை 10 மணிக்கு கொடியேற்றத் திருவிழா நடைபெறவுள்ளது. நல்லூர் திருவிழாவில் பல்லாயிரக்கணக்கான மக்கள் கலந்துகொள்வார்கள் என ஆலய பரிபாலசபை எதிர்பார்த்துள்ளது. திருவிழாவுக்கான ஏற்பாடுகள் யாவற்றையும் ஆலய பரிபாலசபை மேற்கொண்டிருக்கும் அதேவேளை, ஆலயத்தின் வெளிச்சூழலில் மேற்கொண்ட அனைத்து வேலைகளையும் தாம் மேற்கொண்டிருப்பதாக யாழ் மாநகர சபையின் ஆணையாளர் மு. செ. சரவணபவ தெரிவித்தார்.

ஆவணி 04, 2011

அமெரிக்கா உலக பொருளாதாரத்தின் புல்லுருவி - ரஷ்ய

 

கடுமையான பொருளாதார நெருக்கடியில் அமெரிக்கா உள்ளது. இதனால், கடன் உச்ச வரம்பை அதிகரிக்கும் முயற்சியில் ஒபாமா ஈடுபட்டுள்ளார். அமெரிக்காவின் பாதிப்பு உலகம் முழுவதும் எதிரொலிப்பதற்கு ரஷ்ய பிரதமர் விளாடிமிர் புடின் கடும் கண்டனம் தெரிவித்துள்ளார். இது குறித்து பேட்டியளித்த புடின், “அமெரிக்கா தன்னுடைய உண்மையான தகுதிக்கு அப்பாற்பட்டு வாழ்கிறது. அவர்களுடைய பிரச்சினைகளின் சுமையை உலக பொருளாதாரத்தில் சுமத்துகின்றனர். சர்வதேச அளவில் அவர்களுடைய டொலர் ஏகபோக ஆதிக்கம் செலுத்துவதால், சர்வதேச பொருளாதாரத்தை சீர் குலைக்கும் புல்லுருவிகள் போல அவர்கள் உள்ளனர்” என்றார்.

ஆவணி 04, 2011

தயாநிதியிடம் சி.பி.ஐ. விரைவில் விசாரணை: வழக்கு பதிவுக்கு ஏற்பாடுகள் தயார்?

மலேசியாவைச் சேர்ந்த மேக்சிஸ் நிறுவனத்துக்கு ஏர்செல் நிறுவனத்தின் பங்குகளை விற்கும்படி அதன் முன்னாள் தலைவர் சிவசங்கரனை கட்டாயப்படுத்தியது தொடர்பான விவகாரத்தில் முன்னாள் மத்திய அமைச்சர் தயாநிதியிடம் சி.பி.ஐ. விரைவில் விசாரணை நடத்தும் என தகவல் வெளியாகியுள்ளது. இவரது பதவிக் காலத்தில் நடந்த ஒதுக்கீடுகள் குறித்து, அருண் ஷோரி, சி.பி.ஐ அதிகாரிகள் முன் ஆஜராகி வாக்குமூலம் அளித்தார். இருந்தாலும் இவர் மீது தவறு இருப்பதாக சி.பி.ஐ. சார்பில் தகவல் எதுவும் வெளியிடப்படவில்லை. அடுத்தபடியாக, தயாநிதியிடம் விசாரணை நடத்துவதற்கான நடவடிக்கைகளை சி.பி.ஐ. அதிகாரிகள் தொடங்கியுள்ளனர். (மேலும்...)

ஆவணி 04, 2011  

நாகரிகம் வளர்ச்சியடைகின்ற போதிலும் பாரம்பரியத்தை கைவிட ஆதிவாசிகள் தயாரில்லை

(நேற்றைய தொடர்)

ஆயினும் காலப் போக்கில் காடுகளின் அளவு நாகரீகம் என்ற பெயரில் குறைவடைய ஆரம்பித்தை அடுத்து வேடுவ சமூகத்தினர் கிராமத்து மக்களைப் போன்று தங்கள் வாழ்க்கையை மாற்றி அமைத்துக் கொண்டார்கள். அவர்கள் மரங்களையும், மரக்குற்றிகளையும், பலகைகள், களிமண் போன்றவற்றைப் பயன்படுத்தி சிறு வீடுகளை அமைத்துக் கொண்டார்கள். இலுக் மற்றும் மனா என்ற புல் இனத்தைப் பயன்படுத்தி இவர்கள் அந்த வீடுகளின் கூரைகளை அமைத்தார்கள். இவர்கள் முதலில் ஒரு துண்டு வீட்டில் இருந்து வீட்டின் அளவை இரட்டிப்பு செய்தார்கள். (மேலும்...)

ஆவணி 03, 2011

சங்கிலிய மன்னனின் புணருத்தாரனம் செய்யப்பட்ட சிலை திறந்து வைப்பு

யாழ்ப்பாணம் மாநகரசபையினால் யாழ்ப்பாண இராச்சியத்தின் இறுதி மன்னனான சங்கிலிய மன்னனின் புணருத்தாரனம் செய்யப்பட்ட சிலை திறப்பு விழா இன்று காலை 7.15 மணியளவில் நடைபெற்றது. யாழ்ப்பாணம் மாநகர சபை முதல்வர் யோகேஸ்வரி பற்குணராசா தலைமையில் இடம்பெற்றது. இந்நிகழ்வில் பிரதம விருந்தினராகக் கலந்து கொண்ட பாரம்பரிய கைத்தொழில்; மற்றும் சிறுகைத் தொழில்கள் அமைச்சர் டக்ளஸ்தேவானந்தா சங்கிலியனின் சிலையைத் திறந்து வைத்ததுடன் நினைவுக் கல்லையும் திறந்து வைத்தார். பிரதம விருந்தினர் உட்பட ஏனைய பிரமுகர்களும் பருத்தித்துறை வீதியில் உள்ள குமார வீதிச்சந்தியில் இருந்து மேளவாத்தியத்துடன் ஊர்வலமாக விழா மண்டபத்திற்கு அழைத்து வரப்பட்டார்கள். தொடர்ந்து சமயத் தலைவர்களின் ஆசியுரைகள் இடம்பெற்றன. யாழ். மாவட்ட நாடாளுமன்ற உறுப்பினர்கள் பலரும்; யாழ். மாவட்ட அரசாங்க அதிபர் இமெல்டா சுகுமார், யாழ். பல்கலைக்கழக துணைவேந்தர் பேராசிரியர் வசந்தி அரசரெட்ணம் மற்றும் யாழ்ப்பாணம் மாநகர சபையின் ஆளும் கட்சி உறுப்பினர்கள் இலங்கை தமிழரசுக்கட்சியின் உறுப்பினர் றெமேடியஸ் உட்பட பாடசாலை மாணவாகள், அதிபர்கள் யாழ். செயலக அதிகாரிகள் மற்றும் பொது மக்கள் எனப் பலரும் கலந்து கொண்டார்கள்.

ஆவணி 03, 2011

காத்தான்குடி பள்ளிவாயில்களில் புலிகளினால் கொல்லப்பட்ட முஸ்லிம்களின் 21வது நினைவு தினத்தை யொட்டி துக்கதினம்!

காத்தான்குடி பள்ளிவாயில்களில் புலிகளினால் கொல்லப்பட்ட முஸ்லிம்களின் 21வது நினைவு தினத்தை யொட்டி துக்கதினம்! கடந்த 1990ம் ஆண்டு ஆகஸ்ட் மாதம் 03ம் திகதி காத்தான்குடியிலுள்ள இரு பள்ளிவாயில்களில் இரவு நேரத்தொழுகையில் ஈடுபட்டிருந்த போது புலிகளினால் கொல்லப்பட்ட 103 முஸ்லிம்களின் 21வது நினைவு தினம் இன்று சமய நிகழ்வுகளுடன் அனுஸ்டிக்கப்பட்டதுடன் துக்கதினமும் இடம் பெற்றது. காத்தான்குடி மீரா ஜ-ம்ஆ பள்ளிவாயில் மற்றும் ஹ-ஸைனியா பள்ளிவாயில் என்பவற்றில் இரவு நேரத்தொழுகையில் ஈடுபட்டிருந்த 103பேர் புலி ஆயுததாரிகளால் படுகொலை செய்யப்பட்டதுடன் 268பேர் படுகாயமடைந்தனர். 21வது நினைவு நினைவு தினத்தையொட்டி பள்ளிவாயில்களில் விஸேட துஆப்பிராத்தனை அன்னதானம் வழங்கல் பாடசாலை மாணவர்களுக்கு சீருடைவழங்கல் உட்பட பல்வேறு நிகழ்வுகள் இடம்பெற்றன. நகரமெங்கும் வெள்ளைக்கொடிகள் தொங்கவிடப்பட்டிருந்தன.

ஆவணி 03, 2011

இலங்கையுடனான(பொருளாதார தடை)பொருளாதார உறவுகளை துண்டிக்க முடியாது இந்திய பிரதமர் மன்மோகன் சிங் தெரிவித்துள்ளார்!

 மறுமலர்ச்சி திராவிட முன்னேற்றக் கழகத்தின் பொது செயலாளர் வை.கோபாலசாமி, நேற்றைய தினம் இந்திய பிரதமர் மன்மோகன்சிங்கை சந்தித்துள்ளார். இதன் போது இலங்கை தமிழர் பிரச்சினையை தீர்ப்பது தொடர்பில் இந்திய மத்திய அரசாங்கம் உரிய நடவடிக்கைகளை மேற்கொள்ள வேண்டும் என வலியுறுத்தியுள்ளார். இந்தியா தொடர்ந்தும் இது குறித்து மௌனம் காக்க கூடாது எனவும் அவர் கோரிக்கை விடுத்துள்ளதாக தமிழக செய்திகள் தெரிவிக்கின்றன. இதன்போது கருத்து வெளியிட்ட பிரதமர் மன்மோகன் சிங், தமிழக அரசியல் தலைவர்களின் செயற்பாடுகளை கொண்டு, இலங்கை மீது பொருளாதாரத் தடையை உடனடியாக ஏற்படுத்த முடியாது என குறி;ப்பிட்டுள்ளார். பொருளாதார உறவுகளை கட்டுப்படுத்த இயலாது எனவும் அவர் தெரிவித்துள்ளார். பிராந்திய பொருளாதார நட்பு நாடு என்ற வகையில் இலங்கையை கட்டுப்படுத்தும் பட்சத்தில் இந்தியா பாதிக்கப்படும் எனவும் அவர் சுட்டிக்காட்டியுள்ளார். இந்தியா உறவுகளை துண்டித்தால், சீனா அதன் மூலம் கூடுதல் நன்மை அடையும் என அச்சம் வெளியிடப்பட்டுள்ளது. அரசியல், பொருளாதார மற்றும் இராணுவ ரீதியில் இலங்கைக்கு சீனா பாரியளவில் ஆதரவுகளை வழங்கி வருவதாகக் குறிப்பிட்டுள்ளார்:

ஆவணி 03, 2011

கொழும்பில் செனல் -4க்கு எதிராக ஊடகவியலாளர்கள் ஆர்ப்பாட்டம்

இலங்கை மீது திட்டமிட்டு பொய்ப்பிரசாரங்களை மேற்கொண்டு வரும் சனல்- 4 தொலைக்காட்சிக்கு எதிராக இலங்கை ஊடகவியலாளர்கள் நேற்று கொழும்பில் ஆர்ப்பாட்டத்தில் ஈடுபட்டனர். கொழும்பு, கோட்டை ரயில் நிலையத்துக்கு முன்னால் நேற்று நண்பகல் நடந்த இந்த மாபெரும் ஆர்ப்பாட்டத்தில் பெருந்தொகையான ஊடகவியலாளர்கள் கலந்து கொண்டனர். சுதந்திர வெகுசன ஊடகவியலாளர் சங்கம் இந்த ஆர்ப்பாட்டத்தை ஒழுங்கு செய்திருந்தது. (மேலும்...)

ஆவணி 03, 2011

சட்டவிரோதமாக அவுஸ்திரேலியா வந்தோரை மலேஷியா அனுப்ப முடிவு

அவுஸ்திரேலியாவுக்கு சட்ட விரோதமாக குடியேறி வந்த ஒரு தொகுதியினர் விரை வில் மலேஷியா அனுப்பப்படவுள்ளதாக அந்நாட்டின் குடிவரவு அமைச்சர் நேற்று செவ்வாய்க்கிழமை தெரிவித்தார். சட்டவிரோதமாக அவுஸ்திரேலியாவுக்குள் நுழைவோரை மலேஷியாவுக்கு அனுப்புவது தொடர்பான உடன்படிக்கை அண்மையில் இரு நாடுகளுக்கு மிடையே கைச்சாத்தி டப்பட்டது. பணம் சம்பாதிக்கும் நோக்குடன் சில முகவர்கள் இவ்வாறு மக்களை சட்ட விரோத குடியேற்றத்துக்கு அழைத்து வருகின்றனர். போதிய வசதிகள் செய்யப்படாத தோணிகள் படகுகள் என்பவற்றில் இவர்கள் கொண்டுவரப்படு வதால் பாரிய உயிர்ச் சேதங்களும் ஏற்படுகின்றன (மேலும்...).

ஆவணி 03, 2011

Sri Lanka counters Channel 4 (Full Video)

(காணொளியை பார்பதற்கு.....)

ஆவணி 03, 2011

இலங்கைத் தமிழருக்கு தமிழகத்தில் ஓய்வூதியம்

தமிழகத்திலுள்ள இலங்கைத் தமிழர்களுக்கும் ஓய்வூதியம் பெற்றுக்கொடு க்கும் திட்டமொன்றை தமிழக முதல்வர் செல்வி ஜெயலலிதா அறிமுகம் செய்துள்ளார். தமிழ் நாட்டில் செயற்படுத்தப்படும் அனைத்து நலத்திட்டங்களும் முகாம்களில் தங்கியுள்ள இலங்கைத் தமிழர்களுக்கும் நீடிக்கப்படும் என்று ஆளுநர் உரையில் அறிவிக்கப்பட்டதற்கமைய இலங்கைத் தமிழர்களுக்கும் ஓய்வூதியம் வழங்க தமிழ்நாட்டு அரசு முடிவு செய்துள்ளார். இத்திட்டத்தின் மூலம் தமிழகத்தி லுள்ள முகாம்களில் வசிக்கும் சுமார் 5445 இலங்கைத் தமிழர்கள் மாதந் தோறும் 1000 ரூபாவை ஓய்வூதிய மாகப் பெறுவார்கள். இதனை செயற்படுத்தும் வகை யில் தமிழக சமூக நலத்துறையால் செயற்படுத்தப்படும் முதியோர் ஓய் வூதியத்திட்டம் ஆதரவற்ற விதவை கள் ஓய்வூதியத்திட்டம், பெண்கள் ஓய்வூதியத்திட்டம் மாற்றுத் திறனா ளிகள் ஓய்வூதியத்திட்டம் ஆகிய திட் டங்களை தமிழக முகாம்களில் வசி த்துவரும் இலங்கை தமிழர்களுக்கும் கிடைக்கும் வகையில் விரிவுபடுத்து மாறு முதலமைச்சர் செல்வி ஜெய லலிதா உத்தரவிட்டுள்ளார்.

ஆவணி 03, 2011

 

அணுசக்தி பேச்சுவார்த்தைக்கு வடகொரியா விருப்பம்

அணுசக்தி, தொடர்பான ஆறு நாடுகளின் பேச்சு விரைவில் தொடங்குவதற்கு, வடகொரியா விருப்பம் தெரிவித்துள்ளது. வடகொரியா, தென்கொரியா, சீனா, ஜப்பான், ரஷ்யா மற்றும் அமெரிக்கா ஆகிய ஆறு நாடுகளிடையே, அணுசக்தி தொடர்பான பேச்சு, கடந்த 2009ல் நடந்த போது, அதிலிருந்து வடகொரியா வெளியேறியது. இதையடுத்து, பல்வேறு பொருளாதாரத் தடைகளை வடகொரியா மீது அமெரிக்கா விதித்தது. இந்நிலையில் கடந்த மாதம், இந்தோனேசியாவின் பாலிதீவில், இரு கொரிய நாடுகளிடையே அணுசக்தி பேச்சு நடந்தது. தொடர்ந்து கடந்த வாரம், அமெரிக்கா மற்றும் வடகொரியா இடையே, நியூயோர்க்கில் பேச்சு நடந்தது. இதையடுத்து வடகொரிய வெளியுறவு அமைச்சக செய்தித் தொடர்பாளர் விடுத்த அறிக்கையில், “2005ல் போடப்பட்ட “கொரிய மண்டலத்தில் அணு ஆயுத ஒழிப்பு ஒப்பந்தம்’ தொடர்பாக, மீண்டும் ஆறு நாடுகளின், பேச்சுவார்த்தையை விரைவில் ஆரம்பிக்க வடகொரியா விரும்புகிறது” என்று கூறியுள்ளார்.

ஆவணி 03, 2011

பத்மநாப சுவாமி கோவில்

பொக்கிஷங்களை மதிப்பீடு செய்யும் பணி ஆரம்பம்

பத்மநாப சுவாமி கோவில் பொக்கிஷங்களை உயர் நீதிமன்றம் நியமித்த ஐந்து பேர் கொண்ட குழு, நேற்று முன்தினம் காலை முதல் மதிப்பீடு செய்யும் பணியைத் தொடங்கியது. ஆனால் நேற்று முன்தினம் நடந்த பணியின் போது, பொக்கிஷங்கள் மற்றும் மதிப்பீடு செய்யும் பணி ஆகியவற்றை காணொளியில் பதிவு செய்யவில்லை. கேரள மாநில தலைநகர் திருவனந்தபுரத்தில், உலக பிரசித்தி பெற்ற பத்மநாப சுவாமி கோயில் உள்ளது. இக்கோயிலில் பல நூற்றாண்டுகள் பழமை வாய்ந்த தங்கம், வெள்ளி, வைர நகைகள் பொருட்கள் என, ஒன்றரை இலட்சம் கோடி ரூபாவுக்கும் அதிகமான மதிப்பில் பல்வேறு பொக்கிஷங்கள் இருப்பதாக தெரிய வந்துள்ளது. இதற்காக ஏற்கனவே உயர் நீதிமன்றம் நியமித்த ஏழு பேர் கொண்ட குழு, கோயிலில் உள்ள ஆறு பாதாள அறைகளில் ஐந்து அறைகளைத் திறந்து பார்த்து ஆய்வு செய்தது. ஆனால் ஆறாவது அறை (பி அறை) யை மட்டும் திறக்கவில்லை. (மேலும்...)

ஆவணி 03, 2011

ஆதிவாசிகளின் பாரம்பரியங்களை பேணிப் பாதுகாப்பதில் அரசு உறுதி

ஆதிவாசிகளின் உரிமை களையும் அவர்களுக்கு பூரண பாதுகாப்பையும் பெற்றுக் கொடுக்க அரசாங்கம் சகல நடவடிக்கை எடுக்குமென ஜனாதிபதி மஹிந்த ராஜபக்ஷ அவர்கள் அண்மையில் வாகரையில் நடைபெற்ற உலக ஆதிவாசிகள் தினத்தில் தெரிவித்தார். சுமார் 57 வேடுவ கிராமங்கள் ஒன்றிணைந்து வாகரை பனிச்சங்கேணி, சல்லித்தீவில் உலக ஆதிவாசிகள் தினம் கொண்டாடப்பட்டது. ஆதிவாசிகளின் தலைவர் ஊறுவரிகே வன்னிலா எத்தோ, வேடுவ சமூகத் தலைவர்கள், அரச அதிகாரிகள் மற்றும் அவுஸ்திரேலிய ஆதிவாசி இனத்தைச் சேர்ந்த ஒருவரும் கலந்து கொண்டனர். (மேலும்...)

ஆவணி 03, 2011

பாகிஸ்தானில் தொடரும் அமெரிக்காவின் சட்டவிரோதத் தாக்குதல்

பாகிஸ்தானின் எல் லைக்குள் எந்தவித அனுமதி யும் இல்லாமல் அமெரிக்கா நடத்தும் தாக்குதல்கள் தொடர்ந்து கொண்டிருக் கின்றன. ஆளில்லா விமானங்க ளைக் கொண்டு தீவிரவாதி களைத் தாக்குகிறோம் என்ற பெயரில் அமெரிக்காவின் மத்திய புலனாய்வுக்குழு தொடர்ந்து தாக்குதல் நடத்தி வருகிறது. இதுவரை யிலும் ஆயிரத்திற்கும் மேற் பட்டவர்கள் இந்தத் தாக்கு தல்களுக்குப் பலியாகியுள்ள னர். ஜார்ஜ் புஷ் அதிபராக இருந்த காலத்தில் துவங்கிய இந்தத் தாக்குதல்கள் ஒபா மாவின் தலைமையில் அதி கரித்துள்ளன. (மேலும்...)

ஆவணி 03, 2011

நாடும், இடதுசாரிகளும்

(எம்.ஏ.பேபி)

இன்றைய காலகட்டத்தில் மார்க்சியம் பொருந்துமா என்ற கேள்வியும், இடதுசாரிக ளின் எதிர்காலம் என்ன என்ற கேள்வியும் ஒன்றுக்கொன்று தொடர்புள்ளது என்றே நான் கருதுகிறேன்.  இடது என்பதற்கு தத்துவார்த்த அடிப்ப டையிலான அர்த்தம் வேறு, பொதுவான வழக்கு மொழி அடிப்படையிலான அர்த்தம் வேறு. தத்துவார்த்த அடிப்படையிலான அர்த்தம் என்று எடுத்துக் கொள்ளும் போது, யாரெல்லாம் சுரண்டலுக்கு எதிராக, சுரண்டும் வர்க்கத்திற்கு எதிராக, முதலாளித்துவத்திற்கு எதிராக அணிதிரள்கிறார்களோ, அவர்கள் எல்லாம் இடதுசாரிகள். இன்றைய மொழியில் கூறுவதானால், தாராள சந்தைப் பொருளா தாரத்தை எதிர்த்து, எல்பிஜி எனப்படும் உலக மயமாக்கல், தனியார்மயமாக்கல், தாராளமய மாக்கல் கொள்கைகளை எதிர்த்து நிற்பவர் கள் இடதுசாரிச் சிந்தனை உடையவர்கள். இதற்கு மாறாக, இந்த கொள்கைகளை ஆதரிக் கக்கூடிய, சுரண்டும் வர்க்கத்திற்கு ஆதர வான சிந்தனை உடையவர்கள் வலதுசாரி சிந்தனாவாதிகள். எனவே, இடதுசாரி சிந்த னாவாதிகள் அல்லது இடதுசாரி தத்துவத்தி னை கடைப்பிடிப்பவர்கள், சுரண்டும் வர்க்கத்தை மாற்றியமைக்க, முதலாளித்துவ அமைப் பினை மாற்றியமைக்க முனைபவர்களே. (மேலும்...)

ஆவணி 02, 2011

வடக்கு மக்களுக்கு தம்மைத் தாமே ஆளும் சுயநிர்ணய உரிமை வழங்க வேண்டும் - வாசுதேவ

வடபகுதி மக்களின் அபிலாஷைகளை புரிந்து கொண்டு அதற்கேற்ற வகையில் 13 ஆவது திருத்தத்திற்கு அப்பால் சென்று சுயநிர்ணய உரிமையுடன் கூடிய அரசியல் தீர்வினை அரசாங்கம் வழங்கவேண்டும் என்று ஐக்கிய மக்கள் சுதந்திர முன்னணி அரசின் பங்காளிக் கட்சியான ஜனநாயக இடதுசாரி முன்னணியின் தலைவரும் அமைச்சருமான வாசுதேவ நாணயக்கார தெரிவித்தார். அரசாங்கத்தில் அங்கம் வகிக்கும் சில அரசியல் கட்சிகள் எதிர்த்தாலும் நிறைவேற்று அதிகாரம் கொண்ட ஜனாதிபதி மஹிந்த ராஜபக்ஷவினால் இதனை வழங்க முடியுமென்றும் அமைச்சர் சுட்டிக்காட்டினார். (மேலும்......)

ஆவணி 02, 2011

புளொட்டிலிருந்து தீப்பொறி வரையான எனது அனுபவப் பகிர்வுகள் (பாகம் 9)

(நேசன்)

சந்ததியார் அமைப்புக்குள் கொள்கை கட்டுப்பாடு என்பவற்றை தொடர்ந்து வலியுறுத்தி வந்த ஒருவர். சுந்தரம் படைப்பிரிவினரின் தவறான போக்குகளுக்கு எதிராக சந்ததியார் நேரடியாகவும் வெளிப்படையாகவும் நடவடிக்கைகளை எடுத்து வந்தவர். இதனால் சந்ததியார் மீது வெறுப்புணர்வும் காழ்ப்புணர்ச்சியும் கூட இவர்களிடத்தில் வெளிப்படையாகக் காணப்பட்டது. சந்ததியார் சுந்தரம் படைப்பிரிவினரின் தவறான போக்குகள் மேல் காட்டிய "கடும்" போக்கும், அதேவேளை உமாமகேஸ்வரன் அவர்கள் மேல் காட்டிய "மென்" போக்கும் சுந்தரம் படைப்பிரிவினரிடையே சந்ததியார் மீதான வெறுப்புணர்வை வளர்ப்பதற்கு காரணமாக இருந்தது மட்டுமல்லாது அவர்களை உமாமகேஸ்வரனை நோக்கி அணிதிரளவும் வைத்தது. இதுவே அமைப்புக்குள்ளே குழுவாதம் தோன்றி வளர்வதற்கும் காரணமாக அமைந்தது. (மேலும்......)

ஆவணி 02, 2011

புலிகளின் தளபதிகள் சரணடைவது தொடர்பில் யாரும் தொடர்புகொள்ளவில்லை - கோத்தபாய

யுத்தத்தின் இறுதிக் காலப் பகுதியில் புலிகளின் தளபதிகள் சரணடைவது தொடர்பில் என்னுடன் யாரும் தொடர்பு கொள்ள வில்லை. இயற்கைக்கு ஒவ்வாத வகையில் போலிக் குற்றச்சாட்டுக்களை முன் வைத்தும் அடிப்படை தன்மையற்ற நிழல் சாட்சியங்களை முன்வைத்தும் "சனல் 4' தொலைக் காட்சியும் சர்வதேசமும் இலங்கைக்கு எதிராக செயற்படுகின்றன என்று பாதுகாப்பு அமைச்சின் செயலாளர் கோத்தபாய ராஜபக்ஷ குற்றம் சுமத்தினார். இந்தியா, கனடா, அவுஸ்திரேலியா போன்ற நாடுகளில் உள்ள முகாம்களில் புலி உறுப்பினர்கள் தஞ்சமடை ந்துள்ளனர். ஆனால், அந்த நாடுகள் அவர்களின் பெயர் விபரங்களை தரமறுக்கின்றன. இதனால், புலம்பெயர்ந்து தமிழர்களுடன் இணைந்து புலிகளின் சர்வதேச வலையமைப்பு இலங்கைக்கு எதிராக போலி பிரசாரங்களை மேற்கொள்வதற்கு சந்தர்ப்பம் கிடைக்கின்றது என்று அவர் குறிப்பிட்டார். (மேலும்......)

ஆவணி 02, 2011

போர்க் குற்றவாளிகளுக்கு சிவப்புக் கம்பள வரவேற்பு - ராமதாஸ்

இலங்கைத் தமிழ்ப் பாராளுமன்ற உறுப்பினர்கள் சிலர் தமிழகத்திற்கு முன்னர் வந்தபோது விமான நிலையத்தில் வைத்தே தடுக்கப்பட்டு திருப்பியனுப்பப்பட்டனர். ஆனால், சிங்களப் பாராளுமன்ற உறுப்பினர்களை மட்டும் இந்திய அரசு வரவேற்று உபசரிப்பது தமிழகத்திலுள்ள 7 கோடி தமிழர்களின் உணர்வுகளை புண்படுத்துவதாக இருக்கின்றது என்று தெரிவித்துள்ள பா.ம.க. நிறுவனர் ராமதாஸ், போர்க் குற்றவாளிகளுக்கு சிவப்புக் கம்பள வரவேற்பா என கண்டனம் தெரிவித்துள்ளார். (மேலும்......)

ஆவணி 02, 2011

அப்பாவி தமிழர்கள் பலியானது உண்மைதான்  முதல்முறையாக இலங்கை அரசு ஒப்புக்கொண்டது

இலங்கையில் ராணுவத்திற்கும் எல்டிடிஇ அமைப்பிற்கும் இடையே நடந்த இறுதிக்கட்ட யுத்தத்தில் அப் பாவி தமிழ்மக்கள் பலியானது உண்மை தான் என்று முதல்முறையாக இலங்கை அரசு ஒப்புக்கொண்டுள்ளது. மேலும், ராணுவ தாக்குதல் நடக்கும்போது அப்பாவிகள் பலியாவது “தவிர்க்க முடியாதது” என்றும் இலங்கை அரசு கூறியுள்ளது. இலங்கைப்போரில் அப்பாவி மக்கள் கொல்லப்பட்டார்கள் என்று சில மாதங்களுக்கு முன்பு வெளியிடப் பட்ட ஐக்கிய நாடுகள் சபையின் அறிக் கையைத் தொடர்ந்து மறுத்துவந்த இலங்கை அரசு, தற்போது பாதுகாப்புத் துறை செயலாளர் கோதபாய ராஜ பக்சே வெளியிட்ட அறிக்கையின் மூலம் அந்த தகவலை ஒப்புக்கொண்டுள்ளது. (மேலும்......)

ஆவணி 02, 2011

வவுனியாவில் ஆடைத் தொழிற்சாலை

வவுனியாவில் முதல்முறையாக அமைக்கப்படும் ஆடைத் தொழிற்சாலைக்கான நிர்மாணப்பணிகள் அடுத்த மாதங்களுக்குள் பூர்த்தியடையும் எனத் தெரிவிக்கப்படுகிறது. இதற்கான நடவடிக்கைகளை இத்தாலியின் ஆடைத்தொழிற்சாலை நிறுவனமொன்று ஆரம்பித்துள்ளது. ஆடைத்தொழிற்சாலைக்கான அடிக்கல் அண்மையில் நாட்டப்பட்டது. இதன் நிர்மாணப்பணிகள் அடுத்த 11 மாதங்களுக்குள் நிறைவுசெய்யப்படவுள்ளதாகத் தெரிவிக்கப்பட்டுள்ளது. தொழிற்சலை நிர்மாணிக்கப்படுவதன் மூலம் சுமார் 2000 இளைஞர் யுவதிகளுக்கு வேலைவாய்ப்பு கிடைக்கும் என வவுனியா மாவட்ட அரச அதிபர் பீ. எம். எஸ். சார்ள்ஸ் தெரிவித்தார். _

ஆவணி 02, 2011

அமெரிக்க கடன் உச்சவரம்பு பிரச்சினைக்கு தீர்வு

அமெரிக்காவின் கடன் பெறும் உச்சவரம்பை உயர்த்தும் விடயத்துக்கு தீர்வு கிடைத்துள்ளது. இதனால் உலகையே மீண்டும் பொருளாதார நெருக்கடியில் தள்ளிவிடும் அபாயகரமான நிலையில் இருந்து இறுதி நேரத்தில் தப்பியுள்ளது அமெரிக்கா. அமெரிக்காவின் கடன் அளவு எவ்வளவு இருக்கலாம் என்பது குறித்து நிர்ணயிக்க அந் நாட்டு நாடாளுமன்றம் கடந்த 1971ம் ஆண்டில் ஒரு விதியை வகுத்தது. அதன்படிஇ இந்தக் கடன் அளவு குறித்து நாடாளுமன்றத்தில் (US congress) அந் நாட்டு அரசு ஒப்புதல் பெற வேண்டும். இப்போது அமெரிக்காவின் கடன் சுமை 14.3 டிரில்லியன் டொலர் வரை இருக்கலாம் என்று நிர்ணயிக்கப்பட்டுள்ளது. (இது அமெரிக்காவின் மொத்த உற்பத்தியில் (GDP) 95 சதவீதமாகும்.) நாளை (ஆகஸ்ட் 2ம் திகதி செவ்வாய்க்கிழமை) இந்த அளவை அமெரிக்கா தொட உள்ளது. (மேலும்......)

ஆவணி 02, 2011

White men don’t kill, period

 (by Malinda Seneviratne )

A few weeks ago, the world hadn’t heard of a man called Anders Behring Breivik.  Today he’s a name on the street. A little over a week ago he was blood on the streets, bricks all over, smoke and bereavement, tears and fear. Today, when I think of Anders Behring Breivik, I remember a man called Timothy McVeigh, another of those blood-brick-body-part-fear-tear gentlemen who also happened to be a white, blond-haired, blue-eyed individuals who were egged on by the most fundamentalist and extremist interpretations of Christianity but who never earned the terrorist tag.  Today, thinking of both these terrorists (should we call them Christian Terrorists, as per the style of the mainstream Western media and the big name leaders of that part of the globe?) my thoughts went to Ron Shelton’s 1992 film ‘White men can’t jump’, starring Wesley Snipes and Woody Harrelson.  It is about streetball hustlers and not gun-toting thugs spraying bullets in the name of Jesus Christ, and  I remembered the movie on account of the title, because reading about Breivik, it seemed that there’s a strong conviction among those who write to the mainstream media that white men don’t terrorize. (more....) 

ஆவணி 02, 2011

மெக்சிகோ போதை பொருள் கும்பல் தலைவன் கைது

மெக்ஸிகோவில் 1500 க்கும் மேற்பட் டோரை கொலை செய்த குற்றச்சாட்டில் தேடப்பட்டு வந்த போதைப் பொருள் கும்பல் தலைவன் கைது செய்யப்பட் டுள்ளான். மெக்ஸிகோ நாட்டின் ஜுவாரஸ் நகர போதை பொருள் கும்பல் தலைவன் ஜோஸ் ஆன்டனியோ அகோஸ்டா ஹொனாண்டஸ் (வயது 33) பற்றிய தகவல் தருபவர்களுக்கு 12,75,000 டொலர் பரிசளிக்கப்படும் என அறிவிக்கப்பட்டிருந்தது. இந்த நிலையில் கடந்த வெள்ளிக்கிழமை அவன் கைது செய்யப்பட்டான். ஜோஸ் ஆன்டனியோ கடந்த 2010 ஆம் ஆண்டு அமெரிக்க தூதரக பெண் அதிகாரி யான லெஸ்லி என்ரிகியூஸ், அவரது கணவர் ஆர்தர் மற்றொரு அதிகாரியின் கணவர் சல்சிடோ ஆகியோரை சுட்டு கொன்ற வழக்கில் தேடப்பட்டு வந்தான். மேலும் வடக்கு ஷிஹ¤வாஹ¤வா மாகாணத்தில் மட்டும் இதுவரை 1,500 பேரை கொலை செய்ய உத்தரவிட்டுள்ளான். மெக்ஸிகோ நாட்டின் கலவரம் மிகுந்த ஜுவாரஸ் நகரத்தில் கடந்த 2010ம் ஆண்டில் மட்டும் 3,000 பேர் படுகொலை செய்யப்பட்டுள்ளனர் என்பது குறிப்பிடத்தக்கது.

ஆவணி 02, 2011

கனடாவில் இருந்து வந்தவர் சடலமாக சாவகச்சேரியில் மீட்பு

கனடாவில் இருந்து பிள்ளைகளைப் பார்பதற்காக வந்தவர் யாழ்.சாவகச்சேரி பகுதியிலுள்ள தனது வீட்டில் தூக்கில் தொங்கிய நிலையில் சடலமாக இன்று மீட்கப்பட்டள்ளதாக சாவகச்சேரிப் பொலிஸார் தெரிவித்தள்ளனர். இவர் ரன்னிங் சோட்ஸ் நூலியியே தூக்கு போட்டுள்ளதாகவும் அவரது இருகால்களும் நிலத்தில் முட்டும் படியாக காணப்படுவதாகவும் இவரது மரணத்தில் தமக்கு சந்தேகம் ஏற்பட்டள்ளதாக யாழ்.சாவகச்சேரி பொலிஸார் தெரிவித்துள்ளனர். சாவகச்சேரி டச்சு வீதியைச் சேர்ந்த இரத்தினம் சிவகுமார் வயது 32 இரண்டு பிள்ளைகளின் தந்தை என பொலிஸ் முறைப்பட்டில் தெரிவிக்கப்பட்டுள்ளது. மரணமானவரது சடலம் மருத்துவப் பரிசோதணைக்காக யாழ்.போதனா வைத்தியசாலையில் சாவகச்சேரி பொலிஸாரினால் ஒப்படைக்கப்பட்டுள்ளது. மரணம் குறித்து சாவகச்சேரி பொலிஸார் விசாரணைகளை மேற்கொண்டு வருகின்றனர்.

 ஆவணி 02, 2011

2020ல் நாடு வல்லரசாகும் கனவு மட்டும் போதாது

2020 ஆம் ஆண்டு இந்தியா வல்லரசு நாடாக அறிவிக்க வேண்டும் என்கிற கனவு மட்டும் இருந்தால் போதாது. அதற்கு நாம் எவ்வளவு தகுதி பெற்றிருக்கிறோம் என்பது சிந்தித்து பார்க்க வேண்டும். அனைத்து துறைகளிலும் தற்போது இருப்பதைவிட பல மடங்கு வளர்ச்சியடைந்திருக்க வேண்டும் என கல்லூரி விழாவில் முன்னாள் ஜனாதிபதி அப்துல் கலாம் பேசினார். (மேலும்......)

ஆவணி 02, 2011

10 health-boosting spices

Forget diamonds, spices are a girl's real best friend. Not only will adding them to most of your meals help stave off disease, they can also prevent aging (the wrinkles, weight gain!) and age-related conditions. Of all the spices out there, here are 10 you should add to your diet immediately. (more...)

 

ஆவணி 01, 2011

ஒரே குடைநிழலில் இருசிறுபான்மை இனங்கள் ஒன்று திரள வேண்டும்

- கலாநிதி அமீர் அலி

தமிழ் மொழி முதலும் அதன் பின்னர் முஸ்லிம்களும் இலங்கையிற் காலடி எடுத்துவைத்த காலந்தொட்டு இற்றைவரை அம்மொழியை முழு இலங்கையிலும் பேசியும் எழுதியும் வருபவர்கள் முஸ்லிம்களே. நாட்டின் கிழக்கிலும், வடக்கிலும் தமிழர்கள் தமிழை வளர்க்க தெற்கிலும், மேற்கிலும், மத்தியிலும் அதனை முன்நின்று வளர்ப்பவர்கள் பெரும்பாலும் முஸ்லிம்களே. ஒரு தனிச் சிங்களக் கிராமத்தில் தமிழ்ப் பத்திரிகையொன்றை ஒருவர் குரல் ஒலிக்க வாசிப்பாரானால் அவர் பெரும்பாலும் ஒரு முஸ்லிமாகத்தானிருக்கும் என்பதைப் பெருமையுடன் கூறிக்கொள்ள ஆசைப்படுகிறேன். (மேலும்....)

ஆவணி 01, 2011

இலங்கைப் பிரச்சினை குறித்துபாராளுமன்றத்தில் விவாதிக்கப்படும்: ஜெயலலிதா

அ.தி.மு.க. எம்.பி.க்கள் இலங்கைப் பிரச்சினையை பாராளுமன்ற இரு அவைகளிலும் வலியுறுத்துவார்கள். இலங்கைத் தமிழர்களைக் கொன்று குவித்தவர்களை சர்வதேச நீதிமன்றத்தில் குற்றவாளிகளாக நிறுத்த வேண்டும் என்றும், கச்சதீவை மீட்கும் வழக்கில் தமிழக வருவாய்த் துறையை இணைத்தும் சட்டசபையில் தீர்மானம் நிறைவேற்றப்பட்டது. இந்தப் பிரச்சினைகளை பாராளுமன்றத்திலும் வலியுறுத்துவோம் என தமிழக முதலமைச்சர் ஜெயலலிதா தெரிவித்துள்ளார். இலங்கை மீது பொருளாதார தடை விதிப்பது குறித்து மத்திய அரசு ஏதாவது உறுதி அளித்துள்ளதா? என்ற கேள்விக்கு ஜெயலலிதா பதிலளிக்கையில் மத்திய அரசு எந்த உறுதியும் அளிக்கவில்லை. அமெரிக்க வெளியுறவுத் துறை அமைச்சர் ஹிலாரியிடம் இருந்து தான் நல்ல ஆதரவு கிடைத்தது. அமெரிக்க காங்கிரஸ் கமிட்டியும் இலங்கை மீது பொருளாதார தடை விதித்து தீர்மானம் நிறைவேற்றியுள்ளது என்றார்.

ஆவணி 01, 2011___

இராணுவத்தினரின் தாக்குதலில் சிரியாவில் 140 பேர் படுகொலை

சிரியாவில் ஆட்சிக்கு எதிராக கிளர்ச்சியில் ஈடுபட்ட மக்கள் மீது இராணுவத்தினர் மேற்கொண்ட தாக்குதலில் இதுவரை சுமார் 140 பேர் பலியாகியுள்ளதாக தெரிவிக்கப்படுகின்றது. சிரியாவில் அதிபர் பஷர் ஆட்சிக்கு எதிரான ஜனநாயக ஆதரவு போராட்டம் நடைபெற்று வருகிறது. கடந்த மார்ச் மாதம் ஜனநாயக சீர் திருத்தங்களை அறிவிக்ககோரி பொது மக்கள் பிரமாண்ட போராட் டத்தை நடத்தினர். அதன் பிறகு இந்த போராட்டம் தொடர்ந்து நடைபெற்று வருகிறது. இதனிடையே ஹமா உள்ளிட்ட நகரங்களில் போராட்டம் தீவிரம் அடைந்துள்ளது. இதனை கட்டுப்படுத்த அரசு தீவிர நடவடிக்கை எடுத்து வருகிறது. ஹமாவில் போராட்டக்காரர்களை அடக்க ராணுவம் அழைக்கப்பட்டது. அப்போது இராணுவம் போராட்டக்காரர்களை நோக்கி சுட்டதில் 100 பேர் பலியானார்கள். மற்ற இடங்களில் 40 பேர் பலியானார்கள். இந்த படுகொலை சம்பவம் உலகை அதிர்ச்சியில் ஆழ்த்தி உள்ளது. சிரியா வரலாற்றில் இது ஒரு கறுப்பு தினம் என்று மனித உரிமை ஆர்வலர்கள் வர்ணித்துள்ளனர். ஜெர்மனி, பிரான்ஸ், இத்தாலி, பிரிட்டன் உள்ளிட்ட நாடுகள் ராணுவ நடவடிக்கையை கடுமையாக கண்டித்துள்ளனர்.

ஆவணி 01, 2011

யுத்த குற்றவாளி இளந்தரி தேவஹே குலத்துங்க கனடாவில் இல்லை

கனடாவில் தலைமறைவாகியுள்ள 30 யுத்த குற்றவாளிகளுள் பெயர் குறிப்பிடப்பட்ட இலங்கை குத்துச் சண்டை வீரர் கனாடாவில் இல்லை என கனேடிய எல்லை பாதுகாப்பு சேவை முகவர் அமைப்பு தெரிவித்துள்ளது. கனடா விக்டோரியா பகுதியில் 1994ம் ஆண்டு நடைபெற்ற பொதுநலவாய விளையாட்டுப் போட்டியின் குத்துச் சண்டை வீரர்களுக்கான போட்டியில் கலந்துகொள்ளச் சென்ற இளந்தரிதேவஹே குலத்துங்க அவரது முதல் போட்டியிலேயே தோல்வியுற்று தொடர் போட்டிகளில் பங்கு கொள்ளும் வாய்ப்பினை இழந்தார். இதனை அடுத்து அவர் கனடாவிலேயே தலைமறைவாகிவிட்டார். இதேவேளை இலங்கையில் இடம்பெற்ற மனித உரிமை மீறல்கள் தொடர்பாக தேடப்படும் குற்றவாளியாக கனேடிய குடிவரவு மற்றும் அகதிகள் சபையினால் இவரது பெயர் அறிவிக்கப்பட்டது. இந்நிலையில் இளந்தரிதேவஹே குலத்துங்க கனடாவில் இல்லை என கனேடிய எல்லை பாதுகாப்பு சேவை முகவர் அமைப்பின் இணையத்தளத்தில் நேற்றைய தினம் குறிப்பிடப்பட்டுள்ளது. கடந்த ஜூலை 21ம் திகதி 30 யுத்த குற்றவாளிகள் கனடாவில் மறைந்திருப்பதாக கனேடிய எல்லை பாதுகாப்பு சேவை முகவர் அமைப்பு அறிக்கை விடுத்திருந்தமை குறிப்பிடத்தக்கது.

ஆவணி 01, 2011

ஸ்ரீ.மு.கா. சிறுபான்மை கட்சியாகவே கருதப்படுகின்றது- ஹக்கீம்

ஸ்ரீலங்கா முஸ்லிம் காங்கிரஸ் இந்த நாட்டில்; சிறுபான்மை கச்சியாகவே கருதப்படுகிறது. மலையகத்திலும் வட கிழக்கிலும் இன்னும் பல சிறுபான்மை கட்சிகள் இருக்கின்றன. அவை தனது பிரதேச எல்லைக்கு வெளியே சென்று தேர்தலில் போட்டியிடுவதில்லை. ஆனால் முஸ்லிம் காங்கிரஸ் தனது அதிகார பிரதேசத்திற்கு வெளியே நாடு முழுதும் சென்று போட்டியிட்டு தனது சக்தியை காண்பித்துள்ளது என்று ஸ்ரீலங்கா முஸ்லிம் காங்கிரஸின் தலைவரும் நீதி அமைச்சருமான ரவுப் ஹக்கீம் தெரிவித்தார். அவர் மேலும் தெரிவித்ததாலது, தெற்கே வெலிகமையிலிருந்து வடக்கே பூநகரி வரைக்கும், மேற்கே கல்பிட்டியில் இருந்து கிழக்கில் காரைத்தீவு வரைக்கும் நாங்கள் போட்டியிட்டுள்ளோம். ஏனைய சிறுபான்மைக் கட்சிகளைப் போல் ஒரு பிரதேசத்திற்கு மட்டுமே மட்டுப்படுத்தப்படாது தனது அதிகார எல்லையான அம்பாறைக்கு அப்பாலும் சென்று வெற்றி ஈட்டி சாதனை படைத்துள்ளது. வட கிழக்கு மாகாணங்களில் அரசு தனது ஆட்சி அதிகாரத்தைப் பயன்படுத்தி தேர்தலை முன்னெடுப்பதாக எழுந்த குற்றச் சாட்டுக்களை முடிவடைந்த தேர்தல் முடிவுகள் பொய்யாக்கியுள்ளன. முஸ்லிம் காங்கிரஸ் தனது நன்றியை ஜனாதிபதி அவர்களுககுத் தெரிவிக்க வேண்டியுள்ளது. ஏனெனில் அவர் அதிகாரத்திலுள்ள தனது கட்சியுடன் இணையாது தனித்துப் போட்டியிட அவர் எமக்கு அனுமதி வழங்கினார் என தெரிவித்தார்.

ஆவணி 01, 2011

வல்வெட்டித்துறை ந.ச. தலைவர் பதவியை ஏற்பதில் சிக்கல் இருக்காது

வல்வெட்டித்துறை நகரசபையின் தலைவர் பதவியை தான் பொறுப்பேற்பதில் எவ்வித பிரச்சினையும் ஏற்படாதென தான் நம்புவதாக சிவாஜி லிங்கம் தெரிவித்தார். “ஊடகங்களில் தெரிவிப்பது போல் தமிழ் தேசியக் கூட்ட மைப்பினருக்கும் எனக்கும் எவ்வித முறுகல் நிலையும் இல்லை. அது முற்றிலும் தவ றான கருத்து” எனவும் அவர் தெரிவித்தார். “பதவியேற்பு தொடர்பாக என் னுடைய தனிப் பட்ட சில பிரச் சினைகளை தமிழ்தேசியக் கூட்டமைப்பின் தலைமைப் பதவியிலுள்ளவர்களுக்கு விளக்கி கூறியுள்ளேன். அதனை அவர்கள் தீர்த்து வைப்பார்க ளென்பதில் நான் உறுதியாக விருக்கும் அதேசமயம், கூட்டமைப்பினர் குறிக்கும் தினங்களில் சுமுகமான முறையில் பதவி யேற்பு நடைபெறும்” எனவும் சிவாஜி லிங்கம் தெரிவித்தார். (மேலும்...)

ஆவணி 01, 2011

இது தெரிந்தது

(மோகன்)

அப்பாடா ஒருமாதிரி உள்ளுராட்சி தேர்தலும் முடிஞ்சாச்சு, மக்களும் வழமை போல தங்கள் வரலாற்று சாதனையை செய்து முடித்திருக்கிறார்கள், அவர்கள் இம்முறை இதை தெரிஞ்சு செய்தார்களோ, தெரியாமல் செய்தார்களோ அவர்களுக்கு இதை விட்டால் வேறு வழியில்லை என்பதே இன்றைய காலகட்டத்தின் எதார்த்தம். இத்தனை போர்க்குற்றச்சாட்டுக்களை சுமந்து கொண்டிருக்கையிலும் தமிழ் பேசும் மக்களுக்கு தரப்படவேண்டிய அதிகாரங்களில் எவ்வளவுக்கெவ்வளவு கம்மி பண்ணலாம் என்பதிலேயே கண்ணாயிருக்கும் மகிந்த அரசுடன் கூட்டமைத்து போட்டியிட்ட தமிழ் கட்சிகளுக்கு மக்கள் பெரியளவில் வாக்கு போடாததில் பெரிய தவறையும் காணமுடியாது. (மேலும்...)

ஆவணி 01, 2011

உதயன்’ செய்தி ஆசிரியர் மீதான தாக்குதல்:

உடன் விசாரணை நடத்தி அறிக்கை சமர்ப்பிக்க ஜனாதிபதி உத்தரவு

உதயன் பத்திரிகையின் செய்தியாசிரியர் ஞானசுந்தரம் குகநாதன் மீதான தாக்குதல் சம்பவம் குறித்து துரிதமாக விசாரணை நடாத்தி தமக்கு அறிக்கை சமர்ப்பிக்குமாறு ஜனாதிபதி மஹிந்த ராஜபக்ஷ அவர்கள் பொலிஸ் மா அதிபருக்கு நேற்று அறிவுறுத்தல் வழங்கியுள்ளார். ஜனாதிபதி மஹிந்த ராஜபக்ஷ அவர்கள் பொலிஸ் மா அதிபருக்கு நேற்றுக் காலையில் வழங்கியதாக ஜனாதிபதியின் ஊடகப் பணிப்பாளர் நாயகம் பந்துல ஜயசேகர தெரிவித்தார். செய்தியாசிரியர் குகநாதன் கடந்த வெள்ளியன்று மாலை வேளையில் தமது அலுவலகக் கடமைகளை முடித்துக் கொண்டு வீடும் திரும்பும் போது இனம் தெரியாதோரின் தாக்குதலுக்கு இலக்காகி யாழ். போதனா ஆஸ்பத் திரியில் தீவிர கண்காணிப்பு சிகிச்சை பிரிவில் சிகிச்சை பெற்று வருவது தெரிந்ததே. (மேலும்...)

ஆவணி 01, 2011

ஐ. தே. க. நெருக்கடி

கரு’வை தலைவராக்கும் பிரேரணை
 

ஐக்கிய தேசியக் கட்சிக்குள் ஏற்பட்டுள்ள தலைமைத்துவப் போராட்டம் மேலும் உத்வேகமடைந்துள்ளது. கட்சித் தலைவராக கரு ஜயசூரியவை நியமிக்க வேண்டுமென சஜித் பிரேமதாச தலை மையிலான பிரிவினர் வலியுறுத்துகின்றனர். எதிர்க்கட்சித் தலைவர் ரணில் விக்கிரமசிங்க நாட்டில் இல்லாத சமயத்தில் சஜித் பிரிவினர் கட்சிக் குள் இவ்வாறான குமுறலை ஏற்படுத்தியிருப்பது கட்சி ஆதரவாளரிடையே பெரும் அதிருப்தியை உருவாக்கியுள்ளது. கட்சியின் தலைமைப் பதவிக்கு பிரதித் தலைவர் கரு ஜயசூரியவை நியமிப்பதற்கான பிரேரணையை எதிர்வரும் 9ம் திகதி நடைபெறும் பாராளுமன்றக் குழுவுக்கு முன்வைக்க சஜித் பிரேமதாச தரப்பினர் முடிவு செய்துள்ளனர். அதேநேரம், ஐக்கிய தேசியக் கட்சியின் விசேட செயற்குழுவுக்கு அதனை கொண்டு செல்வதற்கு தீர்மானிக்கப் பட்டுள்ளதாகவும் கட்சி வட்டாரங்கள் கூறுகின்றன. கட்சியின் பாராளுமன்ற உறுப்பினர்கள் குழுவில் பெரும்பாலானோர் கரு ஜய சூரியவை கட்சித் தலைவராக நியமிப்பதற்கு இணங்கியுள்ளதாகவும் செயற்குழுவில் பெரும்பான்மையானோர் கட்சியின் தலைமைத்துவம் மாற்றப்பட வேண்டும் என்று கூறுவதாகவும் அந்த வட்டாரங்கள் மேலும் குறிப்பிடுகின்றன.

ஆவணி 01, 2011

பொருளாதார பின்னடைவு

ஒபாமாவின் செல்வாக்கு 40 சதவீதம் சரிவு

அமெரிக்க பொருளாதார வளர்ச்சியில் பின்னடைவு ஏற்பட்டுள்ளதால், ஜனாதிபதி ஒபாமாவின் செல்வாக்கு சரிந்து வருவதாக கருத்து கணிப்பு தெரிவிக்கிறது. ஒபாமாவின் பதவிக் காலம் அடுத்த ஆண்டு முடிவடைய உள்ளதால், 2012 நவம்பரில் ஜனாதிபதி தேரர்தல் நடைபெற உள்ளது. அதில் ஜனநாயக கட்சி சார்பில் இரண்டாவது முறையாக ஒபாமா போட்டியிட உள்ளார். இந்நிலையில், சந்தை ஆய்வு நிறுவனமான திகொலப் அமைப்பு ஒபாமாவின் செல்வாக்கு பற்றி அமெரிக்காவில் கருத்து கணிப்பு நடத்தியது. கடந்த 2009ம் ஆண்டு ஜனவரியில் அமெரிக்க ஜனாதிபதியாக ஒபாமா பதவியேற்றார். அப்போது அவருக்கு பொதுமக்கள் மத்தியில் 50 சதவீதத்துக்கு மேல் ஆதரவு இருந்தது. இடையில் சரிந்த போதிலும் கடந்த ஜூன் மாதத்திலும் 50 சதவீதமாக இருந்தது. மே மாதத்தில் அமெரிக்காவுக்கு பெரும் அச்சுறுத்தலாக இருந்த ஒசாமா பின்லேடன் அமெரிக்க படையால் கொல்லப்பட்டது குறிப் பிடத்தக்கது. இந்நிலையில் ஜூலை மாத நிலவரப்படி, 41 சதவீதம்பேர் மட்டுமே ஒபாமாவுக்கு ஆதரவு தெரிவித்துள்ளனர்.

ஆவணி 01, 2011

மனநோயாளி அல்ல, மதவெறியன்

உலக வரலாற்றில் தனிநபர் ஒருவர் நடத்திய மிகக் கொடூரமான படுகொலை இது. தனிப்பட்ட முறையில் மன வெறுப்புக்குள்ளாகி, மனநிலை பிறழ்ந்து இப்படிப்பட்ட கொடுங் காரியத்தை செய்துவிட்டான் ஆண்டர்ஸ் என்று லண்டனில் துவங்கி பாரீஸ் வரையிலும் ஐரோப் பிய நாடுகளில் இயங்கும் தீவிர வலதுசாரி பிற் போக்கு சக்திகள் இடைவிடாமல் கூறி வருகின் றன. உண்மையில், உலகையே குலுக்கிய இந்த படுகொலையை நிகழ்த்திய ஆண்டர்ஸ், ஒரு அப்பட்டமான கிறிஸ்தவ மத அடிப்படைவாத வெறியன் என்பதையும், இஸ்லாமியர்களுக்கும் கம்யூனிஸ்ட்டுகளுக்கும் மிகக் கொடிய தண்ட னைகள் தரப்பட வேண்டும் என்ற மனித குலத் திற்கே விரோதமான சிந்தனை கொண்ட, பாசிச எண்ணம் கொண்டவன் என்பதையும் ஐரோப் பிய நாடுகள் முழுவதிலும் உள்ள முதலாளித் துவ ஊடகங்கள் மூடி மறைத்து வருகின்றன.(மேலும்...)

ஆவணி 01, 2011

நேபாள அரசுக்கு ஆபத்து?

கடந்த ஐந்து மாத கால மாக ஆட்சிப் பொறுப்பில் இருக்கும் பிரதமர் ஜாலநாத் கமல் தலைமையிலான ஆட் சிக்கு ஆபத்து ஏற்படலாம் என்று அண்மையில் நடை பெற்று வரும் நிகழ்வுகள் காட்டுகின்றன. கடந்த வாரத்திலேயே மாவோயிஸ்டுகள் அமைப் பின் தலைவர் பிரச்சந்தா எச் சரிக்கை ஒன்றை விடுத்திருந் தார். தற்போதுள்ள அமைச் சரவையை மேலும் விரிவு படுத்த வேண்டும் என்று அவர் கோரிக்கை வைத்தார். தற்போது 24 மணிநேரம் மட்டுமே தர முடியும் என்று கூறியுள்ளார். தங்கள் அமைப்பு சார்பில் 24 பேரை அமைச்ச ரவையில் சேர்த்துக் கொள்ள வேண்டும் என்று பிரச்சந்தா வலியுறுத்தி வருகிறார். (மேலும்...)